牛大人台灣火鍋吃到飽 (瓊華中心) (已搬遷) 新店位置

牛大人台灣火鍋吃到飽 (瓊華中心)旺角彌敦道628號瓊華中心9樓呢兩日開始涼涼地有d秋意，最適合當然係打邊爐啦，朋友就建議試下近期好hit, 係網上人氣都幾高既<牛大人>,即管打去book位試下啦，點知已經勁full囉，得返5點鐘有位，好彩我地都早收工可以就到咋，如果下次黎一定要提早訂位啦入到黎餐廳既待應好有禮貌，好細心咁介紹meun, 我地最後揀左每位$258蚊既極上和牛套餐，至於湯底方面，有成10款選擇真係好難決擇，最後我地揀左秘方麻辣鍋，果然無令我地失望，離遠已經聞到陣陣麻辣既香味，而且仲可以自選唔同既辣度，岩晒鐘意食辣既朋友食物方面，主要既肉類都係用QR Code落單，真係好方便，我地係牛魔皇當然係不停點d靚牛啦，自己最鐘意就係澳洲和牛M5 牛肩肉，而朋友就比較鐘意手切封門柳，我地食左好多轉呀，肯定回晒本呀，哈哈除左肉類之外，仲有好多火鍋配料，好似丸類，蔬菜類等等，可以係外面自取，餐廳都整得好企理全部用有蓋的容器裝住，非常衛生，值得一讚食到尾聲仲會每人有一份甜品，可以揀Movenpick雪糕或者台灣仙草凍，我地太掛住台灣啦，當然係揀仙草凍啦，哈哈。。估唔到呢個

極上和牛吃到飽放題 星期六日公眾假期$268 （成人）$208 （長者/小童）講到近期最hit既台式火鍋吃到飽，大家一定會諗起牛大人🐂 最貴既套餐都只係$268食足120分鐘， 唔怪得長期咁難book啦😎黎得牛大人梗係食牛先啦‼️套餐包括澳洲M5 和牛肩卷、安格斯一口牛肉粒同打邊爐唔少得既手切封門柳😋 每人仲送兩粒澳洲和牛牛丸🥰 全部都勁有牛味又有咬口，牛魔王表示好滿足，可以一個禮拜都唔使再食其他牛肉😈 如果鍾意食肉又食得辣，不妨叫個麻辣湯底，兩者超夾👍海鮮方面樣樣都好新鮮，有海蝦、切到透光咁薄兼起雙飛既脆肉鯇同卜卜蜆😻 值得一提既係d蜆浸過酒，無曬腥味又帶出返海水味，咬落爆汁好juicy🤤食過牛大人都知佢既丸類特別多，仲要款款都好吸引，淨係貢丸都有幾款味你揀😂 講究d梗係要試墨魚滑同章魚滑，全部都係新鮮手打，仲有勁大粒墨魚肉係入面‼️食完呢個墨汁魚滑係唔會整黑個嘴，大家放心唔會出醜😏麵食方面，台式邊爐又點少得新竹米粉、王子麵同雞絲麵，全部台灣直送，無得去台灣唯有食多幾個麵解下鄉愁🥲飲品好多都係自家製，好貼心有得揀甜度❤️最欣賞既係有自家沖冷泡茶，解膩一流，其他放題火鍋店係無既🤓食到勁飽都要

牛大人台灣火鍋吃到飽 📍旺角前幾日同表妹行完旺角見都係五點幾就去咗食牛大人🥰 好彩唔係好多人 等一陣就食得澳洲M9和牛牛丸揀完湯底之後店員好快手送咗個跟餐送嘅和牛牛丸 每人兩粒😋 呢隻牛丸係我食過和牛味最濃郁嘅牛丸👍🏻澳洲和牛M5牛肩卷和牛油脂分布平均 幾大塊 唔會薄到透光 雪花好靚 食落入口即溶 回本之選😋 另外牛小排都唔錯 冇乜油花 唔會太肥膩😛海鮮方面比較推薦沙白同海蝦 沙白好大粒 一啲沙都冇🤣 另外仲食咗好多墨魚滑 推介八爪魚嗰款😛我地仲叫咗台式小食 有鹽酥雞、香腸、皮蛋豆腐等等😛 鹽酥雞熱辣辣 幾香口👍🏻皮蛋豆腐凍食都幾好味😋

牛大人火鍋🍲每一次食都唔會失望，湯底正，食物選擇亦多！啲滑好新鮮！好多種類，好有口感海鮮亦新鮮又大隻最後仲有台灣糖水送，有珍珠椰果仙草紅豆花生🥜非常豐富，好滿足！

之前d野食啊的確好，但係近幾次去d和牛就出唔到來啦。第一盤實有嘅，跟住就要一碟碟問服務員追，隔十幾分鐘先來幾片，唔追就一直唔會來嘎啦。不過，其他野都係即叫即到嘅。只要唔去食和牛，就very ok。但係如果去食牛嘅，我就唔會再去啦

🔆台式火鍋除左有別具​特色既湯底、多樣化靚肉類、地道風味台灣小食、各款冷泡茶等等之外，重多左個主題就系要食到你捧住肚😝🕞輪後時間🕤餐廳晚市主要分兩個時段 17:00 同 19:00兩場。但系各時段開始前半個鐘已經有好多粉絲來爭頭位，想食記得早d到👍🏻👍🏻​​🌟推介食品🌟​今次揀左最貴既套餐 - 極上和牛吃到飽 $298成個套餐有齊雞牛豬羊，可以用手機落單，應有盡有，重有自助區，多種配料飲品， 多到都唔知點開始，海鮮🦪🦐🐟都任叫😃😃好興奮1️⃣ 台灣鳳梨雞鍋 🍍​湯底酸甜，有苦瓜，一試就係純鮮味🤩醒神又開胃，有半隻雞，驚喜係飲落唔覺油，值得一讚👍🏻2️⃣ 澳洲M9和牛牛丸 $58​澳洲和牛丸爽口彈牙，牛肉味香濃，癲倒平時和牛軟既口感3️⃣ 18+ 冬瓜茶 $38荷李活​分店限定飲品😵‍💫18+，原來係威士忌與冬瓜茶混合，無左烈酒既嗆，多左個清新既茶香，頭兩啖唔系好慣，不過愈飲愈好飲牛大人台灣火鍋吃到飽 (荷李活商業中心) 地址：旺角彌敦道610號荷李活商業中心地庫​​好味 😋😋😋😋😋​賣相 👱🏻‍♀️👱🏻‍♀️👱🏻‍♀️👱🏻‍♀️👱🏻‍♀️​價錢 🏦🏦🏦🏦​​✨餐廳環境✨：打邊爐最怕就係大煙，食完成身味，餐廳

好野👏🏻又去咗食牛大人啦 識食一定係揀啱時間去 唔洗排隊唔洗等位 呢日我5點鐘就去到 仲安排到坐卡位tim😌今次揀咗"極上和牛吃到飽" 呢個set基本上係咩都食得(除咗指定收費項目啦☝🏻) 湯底就揀咗牛大人紅燒牛骨鍋🐂濃底足料好濃郁好想介紹比大家 佢哋有一款精釀手工啤酒🌸流水落花🍺帶有淡淡花香 我每次去都會叫而必食推介有👇🏻◽澳洲和牛M5牛肩卷肉質嫩滑🐮牛味濃郁 每次去食都一定encore好幾次◾安格斯牛小排◽美國PRIME極級肩里肌 呢兩款同樣都係較高質嘅牛類🥩比較有咬口 較為juicy◾私房鴨血香港火鍋店嘅鴨血真係唔係間間好食呢 呢度比較貼近台灣口味😋味道較香濃◽鬼馬老油條淥兩淥食得 仲脆脆哋🥢鐘意香口野嘅一定要叫◾台式蝦餃滿滿嘅饀料🦐蝦味濃郁除咗QR code點選火鍋料 亦都有自助區 有丸類/蔬菜同醬汁區 每一款都會有膠盒裝住 夠晒衛生 大家都食得更安心🤗

去唔同國家旅行都有個𝖯𝖺𝗍𝗍𝖾𝗋𝗇韓國要食炸雞🍗日本就食刺身🐡台灣就係食麻辣鍋鴨血，無得飛嘅我就會去牛大人度食秘方麻辣鍋然後瘋狂食鴨血，佢地嘅鴨血由台灣直送，咬落煙煙韌韌唔會一夾就散，正到爆！今次叫左「極上和牛吃到飽套餐」，套餐有安格斯特選牛板腱，手切封門柳美國PRIME極級肩里肌，澳洲和牛M5牛肩卷封門柳比較有牛味，𝖬5牛肩卷油脂肉香並重！牛大人火鍋配料出名多，食麻辣鍋一定要夾萵筍同埋寬粉，兩樣都係辣麻辣湯嘅好朋友，尤其寬粉吸哂湯底辣味🌶🔥至於丸類同埋滑類，兩種選擇都好多，今次叫墨魚滑同埋豬肉滑，連鎖店嚟講，呢類手打滑通常強差人意，不過牛大人呢兩種都好食，特推豬肉滑！打得好好👍🏻肉質彈牙，重有少少軟骨，配麻辣湯真係好好食😋如果講全店最高質嘅丸，就一定係澳洲和牛牛丸，雖然唔係爆漿丸，但咬落肉汁同埋牛油脂味喺口腔大爆發，而且肉味香濃，呢粒丸第一次食，😍😍絕對係一個驚喜😍😍每次嚟到我都會攞王子麵🤴🏻同埋蘋果西打，總係覺得呢兩樣呢好台灣，平時食哂一個公仔麵會覺得好邪惡，王子麵𝗌𝗂𝗓𝖾細啲啲，一個人食哂成個都唔驚！！另一樣好代表台灣嘅就一定係水蓮，我會碌到腍食，同行友人就碌30秒就食，到底𝗈𝖿

同老公睇完🌈friendswithyou☁️展覽😚超級肚餓仔，就衝左去旺角牛大人，無提前訂枱，諗住有排等啦，點知！前面張枱有客人no show, 可以直入唔洗等🤞🏻今次都係點了澳洲極上和牛🐄120分鐘吃到飽套餐😋🐽叫左鴛鴦湯底🥘左邊係阿嫲養生濃湯鍋，好香雞湯味，相對清淡點。右邊係牛大人紅燒牛骨鍋，濃濃牛骨湯好好味👍🏻是必點的湯底⭐️🐽這個餐會送和牛牛丸每人兩粒，牛丸彈牙又juicy⭐️🐽任點澳洲M5和牛，肥瘦適中，嫩口，不過一碟只有兩片，最好一次過點多幾碟⭐️🐽豬頸肉🐖又係好好味，好爽口⭐️🐽海鮮類🦐選擇不多但幾新鮮，我地都點了幾轉蝦同沙白，蝦鮮甜，沙白夠大隻啖啖肉，無沙⭐️🐽瓜仔雞水餃🥟特色台灣餃，值得一試再試💕🐽飲品方面，我地都覺得烏梅汁正常甜度係最好味，其他樽仔茶偏淡味一些⭐️

難得今次男朋友book好晒時間限時兩個鐘任食吃到飽所以我哋一早book定左5:00早啲食諗住4:50上去到一定冇咩人估唔到又真係好旺場去到原來已經有好多人喺門口等緊都係等緊安排入座但係好快5:00準時就已經有店員一台一台咁樣招呼我哋入去首先係揀咗湯底先，我哋揀選左鴛鴦鍋（養生湯/麻辣湯）外面有好多配菜係可以自己拿取，來不開都係一啲丸及蔬菜類，另外比較特別仲有一鍋滷牛肉，我是食咗兩舊都幾入味。主食就要用QR code落單，整體來講落單到出食物，效率都幾快另外仲有不少台灣小吃，鹽蘇雞、甜不辣⋯一個價錢多款享受。✅牛肩肉肉質好嫩滑，都幾薄身，但係任食有咩所謂。✅封門柳肉味就濃郁同Juicy，任食吾嬲，確實過癮，絕對係能夠值回票價。✅和牛牛丸連平時吾食丸既大少都大讚，牛味好濃又好香。可惜佢再加要另外收費，如果吾係一定會係咁食。✅鴨血大塊而且滑溜，吃落不會覺得有腥味。✅水蓮是台灣獨有既菜，外貌比一般蔬菜纖幼，口感非常之爽脆，掛湯力強。飲品亦是自助既，佢多咗好多自家製嘅冷泡茶包括桂花烏龍、菊花普洱、洛神花茶⋯⋯亦有不少汽水或者其他果汁

第一次去旺角瓊華店嘅牛大人，店鋪雖然冇尖沙咀面積咁大，勝在佈局非常清晰，飲品同自助區都分區非常明顯。近期仲有啤酒選擇，打邊爐就特別夾！逢星期三中午12點網站開放訂位，想去嘅記得要較鬧鐘啦~ 🔅去食當日記得加入會員，有鴛鴦鍋免費 or 9折優惠🔅太多嘢食其實出面嘅丸子等等可以略過🔅45分鐘前last order，甜品上得有d早————————————————————♣️湯底 👇🏻-牛夫人秘方麻辣鍋 (小辣≈譚仔四五小)-台灣鳳梨雞鍋 (鳳梨味唔重，幾清新)-嫲嫲養生濃湯鍋(有人參好滋補)♣️牛肉類 💯安格斯牛小排 (最肥美)✅澳洲和牛M5牛肩卷 (肉味脂肪平衡)✅美國SRF極黑和牛下肩胛 (肉味更濃)🆗封門柳 (偏硬)🆗豬大腸、牛肚♣️海鮮&漿 ✅蟹籽墨汁漿 ✅澎湖花枝/真味牛肉漿🆗台灣鯛魚片🆗脆肉鯇魚腩♣️台灣直送(火鍋料)💯私房鴨血 (好鐘意嗰種輕微拉扯感，索晒湯汁)✅水蓮 (平時好少食到的味道)✅鬼馬老油條✅炸魚皮♣️台式小食👇🏻✅梅甘酥脆薯 (甜甜地梅子味同番薯好夾)🆗鹽酥雞 🆗即炸牛餐肉 ♣️甜品 Movenpick or 仙草凍👇🏻✅仙草凍♣️飲品👇🏻✅白桃烏龍✅桂花烏龍✅洛神花茶🆗烏梅

朋友話想食牛大人，提早book定位帶佢去旺角店食，早少少放工過去食人少啲、價錢又平啲☺️120分鐘晚市放題（17:00-19:30）有3個選擇 $178 / $218 / $258我同朋友兩個吃貨揀左 $258 澳洲極上和牛吃到飽set，每人免費送2粒澳洲和牛牛丸。餐廳採用QR code落單，可選擇嘅食物種類繁多。🥘火鍋湯底有10款，我地揀左餐廳推介標誌嘅台灣鳳梨雞鍋，有兩大隻雞髀🍗苦瓜、牛𦟌、鳳梨、黃牙白、花甲、魚仔、大量蔬菜🥬、麵鼓，超足料，令花甲同雞好入味。🥩肉類✨澳洲和牛M5牛肩卷（必食推介）每碟有2大片，油花均勻細膩，和牛肉質幼嫩，近乎入口即溶，提提大家每次限叫4碟呀！✨澳洲和牛牛丸（超好味）真材實料，又彈牙又多汁，朋友話拍得住大埔振興嘅瀨尿牛丸🐟海鮮類✨脆肉鯇魚腩脆肉、鯇魚片兩款都超爽口彈牙，個人比較鍾意食鯇魚片✨鮮甜海蝦又大隻又新鮮，值得試下✨真台灣鯛魚片口感有少少似食緊sashimi其他火鍋配料✨澎湖花枝漿（推介）入面真係有新鮮墨魚粒值得一試：✨美人花膠✨水蓮✨山水滑豆腐✨手工大黑輪✨爽脆炸魚皮飲品🍻流水落花 $48啤酒花味好香，飲完個口仲留有陣陣香味🧃麥仔茶（任飲推介

唔知大家身邊係咪總有一個邊爐發燒友？我就有一個啦～每次約出街都要打邊爐🤣今次就一齊去咗牛大人食澳洲極上和牛套餐😍今次更送了它們家的啤酒-流水落花🍻，不會太苦，很易入口～湯底選擇了牛大人紅燒牛骨鍋，而餸則有超多款色～當中有澳洲和牛M5牛肩卷：肉質鮮榨，而且脂肪分佈均勻，入口超香口安格斯牛小排：脂肪較多，咬落去較軟身，唔會難咬私房鴨血：超好咬口，而且仲大大舊😍超正呀電子下單的menu還有很多不同食品及特色小食，款式多多！另外佢地設有火鍋自助區，入面有好多唔同丸、蔬菜，分類及擺放得乾淨有條理👍🏻最後不得不提佢地有台灣特式飲品：冬瓜茶，甜甜地又消暑熱，好味呀～

終於食到「牛大人」啦 ～放大假， 可以同女女去食早段火鍋放題（平日收工真係好多人🙈）牛大人係台灣特色火鍋放題。 食120分， 肉類，海鮮用QR 任點， 仲有唔少台灣直送火鍋料可以係自助區任取， 當然包埋任飲啦。牛大人最特別係佢有多個台灣特色既湯底。 我點既金鑽鳳梨雞鍋，聽個名已知係台野，湯底有成大舊雞， 仲有醃製過既鳳梨，椰菜， 魚仔， 比平時既雞湯味道更濃郁同豐富。肉類的質素都幾高， 最愛薄切，一燙即熟。 我今日食$258 個個餐，牛肉有澳洲A5和牛，仲有多款安格斯，封門柳，美國prime 肩里肌。除左牛外， 豬同羊都好食呀。 個澳洲羊卷肉超有羊味👍🏻呢個餐仲每人送2粒和牛丸， 超爆油， 勁濃牛味😋 任食區有好多台灣直送既丸， 每款都用個有蓋既盒裝住， 感覺衛生👍🏻 。仲有好多特色醬汁， 我最鐘意個洋蔥牛肉醬，酸酸甜甜架，用黎食肉可以減去油膩感，再食多幾塊肉🤪 飲品方面有個飲品櫃， 除左有大路野， 仲有唔少樽仔茶😍 用QR code 點仲有台灣特色飲品， 好似金桔椰果（阿女投訴太少椰果🤣）， 酸梅湯， 烏梅汁（呢個超正😘 ）。 呢度上菜既速度超快，無漏單。 而收碟既速度都超快，一清左

有得任食好興奮🤩牛大人價錢好合理，上網睇好多好評今日黎試一試先早少少黎再平啲，抵食呀！環境舒適、乾淨疫情期間枱同枱之間都保持到距離就算搭枱都有木板相隔私隱度高👍🏼麻辣鍋勁多香料愈食愈辣好過癮手機下單很方便而且上菜速度快外面的自助區的食物全部用有蓋膠盒分隔夠衛生雖然款式沒有超多，但都巳經很足夠～食材質素很不錯喔好喜歡羊肉和極級肩里肌還有墨汁漿賣相不討好但味道有驚喜鮮味又彈牙😍海鮮方面也挺新鮮🦐🐟但鴨血就令我有啲失望質感太軟好似大舊嘅豬紅仲要完全無味😕😕飲品方面可以叫即沖的也有自家冷泡茶最喜歡白桃烏龍清香解膩🌱最後每人送一款甜品老公食雪糕我就試仙草凍好彩無中伏😂除左仙草入面仲有珍珠、椰果、紅豆、花生多重口感用甜品做總結好滿足❤️