牛品台式火鍋

營業中

休息中

尖沙咀新開左間台式火鍋，性價比好高，特色湯底同火鍋配料全部都由係台灣直送，仲有十款湯底任君選擇，快啲去試下啦！60分鐘火鍋套餐 $88雖然60分鐘食火鍋的確係有啲短，不過就啱晒放lunch想過吓火鍋癮嘅你，依個價錢加上高質嘅湯底同食材真係冇得輸，十分抵食。湯底揀左元氣養生鍋，入面好足料有人蔘，紅棗，蟲草，杞子等藥材，天氣咁凍飲成個人即刻暖返晒☺️肉類方面，有三款係可以任食，包括精選美國牛胸腹，西班牙豬栗飼五花同埋花雕醉雞。飲品同火鍋配料爲自助形式，種類豐富，貢丸、牛丸、花枝丸、海膽包等應有盡有，全部都台灣直送，好有誠意。套餐仲包埋甜品雪糕，餐廳別具心思揀咗兩款別具台灣風味嘅奶茶同埋土鳳梨味，聽店長話雖然係一個香港牌子，但所有原材料都係來自台灣，個鳳梨雪糕真係食到鳳梨粒，絕對真材實料👍🏻

路過見到牛品台式火鍋做緊每人88蚊午市60分鐘火鍋吃到飽, 第一次見咁平嘅火鍋吃到飽, 等大食妹同大家睇一睇有啲乜嘢食先火鍋吃到飽要2人起計, 無限供應嘅肉類分別係精選美國牛胸腹、西班牙豬粟飼五花同花雕酒雞件, 種類有啲少, 但60分鐘都食唔到幾多精選美國牛胸腹同西班牙豬粟飼五花烚熟之後非常爽身, 點火鍋醬料都唔錯花雕酒雞件酒味唔算太濃, 肉質都幾嫩湯底有10款可以選擇, 如果要鴛鴦鍋要加50蚊, 略嫌有啲貴, 所以只嗌左一隻湯底酸菜白肉鍋味道酸酸鹹鹹, 比較清淡鍾意重口味嘅朋友可以揀麻辣鍋或者沙茶鍋大食妹覺得牛品88蚊午市60分鐘火鍋吃到飽最大嘅特色係丸類同菜類選擇極多, 特別係丸類, 有好多台灣直送喺外面食唔到嘅款式飽肚嘅主食類質素都唔錯, 試過佢個滷肉飯, 幾正宗飲品都算多, 有三個大雪櫃, 汽水同茶應有盡有

呢間嘢完全係抄襲牛大人，食物質素卻不及牛大人..食物質素極差。自助放題嘅牛肉極度難食，成世人第一次食到啲咁難食嘅牛肉..食物質素係零。同時店員嘅服務態度都極差，未加完湯，問都唔問就收走咗我壺湯，極度冇禮貌。夠鐘嗰陣仲特登過嚟撈我啲食物，用極度鄙視嘅眼神望住我，好似前世爭咗佢咁。著藍色衫嗰個店員真係不知所謂，完全冇教養同埋最基本嘅禮貌😡建議各位千萬唔好去食呢間A貨餐廳。👎🏻👎🏻👎🏻👎🏻👎🏻

最近實在太掛念台灣 同 台灣菜😋所以決定要去搵間台灣餐廳食先！係尖沙咀行下行下就見到呢間「牛品台式火鍋」！雖然呢間餐廳主打係食我最愛嘅火鍋，但望望自己嘅身軀日漸龐大，加上太太話「又打邊爐，你唔悶我都悶啦」！係咁嘅情況下，只能作出讓步，就照食呢間餐廳，但唔打邊爐食台灣嘢啦😂😂鹽酥雞扒便當 + 珍珠鮮奶茶$78鹽酥雞扒好香脆，熱辣辣卜卜脆！加埋個肉燥撈飯簡直絕配！😋珍珠奶茶啲珍珠好煙韌，好有口感，奶茶亦好有茶味😂牛品三絕刀削麵 + 檸檬蜜烏龍$95呢碗刀削麵嘅面質好粗又好煙韌，加上有牛三寶做配料！非常正！牛筋好爽，牛展好淋！湯底充滿牛味十分好味😋杯檸檬蜜烏龍非常清新！令人好想一飲再飲！🤤

見到有新開優惠所以訂左位去試～小食推薦麻辣牛展同埋滷三牛寶～麻辣牛展個汁好惹味 辣得來好過癮會再想叫黎食😛滷水牛三寶醃得入味牛筋好淋～因為有新開優惠所以我哋揀咗鴛鴦鍋，一邊麻辣一邊牛品湯 個人覺得牛品湯唔算太特別 入邊係牛湯再加啲藥材咁 麻辣湯就正常發揮超級推薦食墨魚滑！用麻辣湯煮熟咗勁好食我哋嗌左幾次🤣 牛肉質素正常最後甜品揀咗仙草但係覺得唔好食..仙草比較硬身唔係好軟滑果隻然後奶系死甜味 啲護院仲要有啲入面係硬嘅有一啲係煙靭有一啲係硬嘅😥其實佢係好似牛大人但係如果要比較任食台式火鍋的話 牛大人會出色好多 不論係牛嘅質素定係最後甜品質素職員嘅服務係加咗分 可能唔算太忙 職員都有keep住留意到我哋嘅需要同埋會自動幫手收起啲碟 整體分數：6

一班朋友來試間樂道新開嘅台灣火鍋店，我向來都鍾意台灣火鍋，所以都算有經驗可以評價分享下。一到你連咗Wi-Fi，點咗個M9和牛餐，自助落單之後來左D小食食住先，小食已經好好味😋品種又多，鹽酥雞，香腸，麻辣鴨血…..入肚太快，居然應唔到相🤣🤣🤣混左醬，見到有豬手同肉躁飯，各樣執咗少少試吓，都幾好，特別係肉躁，一D都唔肥。和牛來到，口感有驚喜，夠肥夠軟夠入味，正👍👍👍豬都好好食😋😋😋M9牛肉丸👍👍👍M9和牛打邊爐$400埋到單，完全可以接受👍

📍牛品台式火鍋真係越開越多，今次嚟到尖沙咀，發現到一間新既火鍋店🔍雖然晚市堂食冇左，不過呢度都有午市火鍋～打邊爐最緊要係咩？最緊要就係個湯底！呢度總共有10款台式湯底揀，今次揀咗一個鴛鴦鍋（元氣養生+酸菜白肉），另一個係養生素鍋。先講吓元氣養生鍋，有成堆蔘，紅棗同埋杞子，但係唔會有苦味，所以唔使驚係藥材鍋。然後酸菜白肉鍋，鍋入面有酸菜一路煲住，都夠酸味。最後養生素鍋就啱哂素食人士，鍋入面有海帶同埋冬菇，淡淡地幾清～肉類方面，除咗牛，今次推介大家可以試吓花雕酒雞件，有驚喜😳花雕酒入味，雞件亦都好滑😳另外大家可以出去自助區自己拎醬料同埋其他配料，醬料好多選擇。餐廳仲有一啲台灣直送嘅丸類，大家可以試吓香芋包心貢丸，我食左勁多粒🤪🤣

見到新開張，價錢又唔貴，材料都台灣直送，所以就去試咗！佢同牛大人好類似，以後多個選擇當日只叫咗中間價位$269 set，包括有澳洲M5和牛肩胛肉、安格斯牛板腱、西班牙豬梅肉、紐西蘭羊肉卷、花雕酒雞件、西班牙豬五花、牛舌片、美國牛胸腹、香辣青口、蝦卷etc…點咗個鴛鴦鍋要加$50，係牛品一品鍋+元氣養生鍋，湯底配料都好充足，牛品一品鍋入邊有好多牛筋、牛雜嘅材料，而元氣養生鍋入邊有人蔘、杞子、紅棗、蟲草等等出面醬料區、飲品區、配料區，都係自助取！飲品都有好多選擇，不過呢度全部都有糖，餐廳都有一個榨係無糖烏龍茶，拎杯去自助斟配料區都有好多選擇，好多都係台灣直送，例如蜂巢豆腐、百葉豆腐、玉米貢丸、黑椒牛丸我最鍾意食香芋包心貢丸、甜不辣條、炙燒芋泥堡，呢三樣丸好罕有！有好多蔬菜類可以選擇，尤其是有羽衣甘藍而且仲有台灣最出名嘅王子麵提供，點都要試返一包！重點就係澳洲M5和牛，係靚係大塊嘅，牛脂比例剛好，所以我點得最多都係佢！其他牛、豬都係一般般另外熟食都係重點，例如有鹽酥雞、鴨血、皮蛋豆腐、甜不辣、台灣香腸！我最喜歡係地瓜球，都係出邊好少食到嘅！香辣青口都幾好味幾香，但個蒜泥白肉有點咸，鴨血無咩味

嗰日去試咗兩個午市套餐:➀ //🍲午市火鍋定食(兩位起)//黑蒜黃金鍋 | 澳洲M5肩胛肉+西班牙粟飼豬梅肉 $198包括：自選湯底 + 定量肉類150g + (自助區) 火鍋配料及飲品首先要讚一讚火鍋湯底好出色👏🏻今次揀嘅湯底係黑蒜黃金鍋🧄✨ 有大量蒜頭、黑蒜，仲有好多蜆肉，成個湯味道清甜，忍唔住飲咗好多😆 平時好少食黑蒜，今次一試即刻愛上左🥰 等我特別講一下黑蒜嘅好處🖤🧄黑蒜經過發酵之後冇一般蒜頭辛辣嘅味道，反而味道甘甜☺️原來亦都對身體好多益處：例如抗衰老、降血壓、增強免疫力，預防感冒、預防腦退化症等等😳💪🏻💁🏻‍♀️繼續講返個火鍋： 🥩兩款肉類質素正常自助區嘅火鍋配料選擇算唔少，蔬菜幾新鮮🥦🥬， 醬料亦有十多款選擇；飲品除咗普通汽水之外，亦有提供自家製冷泡茶，例如白桃烏龍茶、洛神花茶🍵🍑🌺另外都有提供兩款台灣熱食，包括台式肉燥飯同南乳豬手。➁ // 🍜台灣紅燒牛肉麵 $118//麵係刀削麵🔪 口感彈牙，份量慷慨 ； 紅燒牛肉亦好軟腍入味，推介👍🏻整體覺得環境企理，店員都友善，會主動幫我哋加湯底聽店員講餐廳嚟緊好似會改menu，會推出【全日優惠套餐】同埋【下午茶套餐】，大家可以留意吓

天氣咁凍，最啱就係打邊爐，而台式火鍋一直都係我覺得最好味嘅火鍋，今次同朋友揀咗呢間喺尖沙咀新開嘅台式火鍋店，地方大坐得舒服，仲有好多特色台灣小食，而且服務態度好好👍🏻，亦都無漏單！用餐過程好愉快呢😊我地嗌左牛極品吃到飽套餐，揀左鴛鴦湯底：牛品秘製麻辣鍋：湯底辣得好爽！仲有啲鴨血食，好正！另一個就叫黑蒜黃金鍋：呢個係員工推薦，話可以帶出牛嘅鮮味！果然無介紹錯，湯底好鮮甜，仲有蜆肉食添😊出面飲品任攞，最得意係有一包叫麥仔茶啲紙包飲品，好似好淡嘅維他奶咁，又幾好味喎？而且出面仲有好多特色嘅丸類係台灣直送，確係幾特別！肉類其實選擇唔多但都好齊全，豬牛羊都有😙我哋叫咗澳洲M5肩胛肉，安格斯牛板腱，西班牙栗飼豬梅肉，西班牙栗餇豬五花，精選美國牛胸腹！最推介當然係澳洲M5啦，肉質鮮嫩又濃味😋台式小食好多都好好味值得推介，我哋叫咗鹽酥雞，台式甜不辣，原味番香腸 蒜泥白肉，椒鹽蝦同醉雞卷！咪講笑，每款都要叫，因為勁有台灣味道，而且係任食任叫，食得好鬼爽😎呢間台式火鍋係我近期至愛，下次再約朋友食過先😜

1月1日路過，見到間新開既餐廳就入左去食原來係台灣火鍋店，專食牛肉首先要入座前揀好要咩餐店員會同你講download程式，就可以有9折或者係送多一個湯底既優惠👍🏻我地嗌咗牛御品餐，120分鐘晚市吃到飽，有澳洲M9肩胛肉、美國封門柳、安格斯牛板腱、精選美國牛胸腹等等牛肉味濃，牛肉片唔會好薄，食落啱啱好沙茶海鮮鍋底好濃，配合肉類、蔬菜、丸類都好入味由於依間餐廳係台式火鍋，都有唔少特色台灣食物，例如百頁豆腐、宜蘭蔥餡餅、甜不辣、鹽酥雞、王子麵等等飲品、醬料都琳琅滿目，可以有好多選擇食完仲有甜品送，可以揀雪糕或者係仙草芋圓食完真係食到飽好滿足😋😋

行過i square 見到牛一已經無左，取而代之開左呢間新既台式火鍋放題，平時如果想食台式火鍋放題既話十居其九都係揀牛大人，今次就試下呢間新餐廳可唔可以取代到牛大人😊😊可能新開張既關係，所以都幾多吉枱，唔使等就可以入坐，今次揀左中價既餐 $269一位牛既質素都唔錯，但比較之下我覺得牛大人既肉係好少少，同埋配料選擇感覺上比牛大人都少佢可以係食唔到牛大人既一個backup美中不足係當日飲品選擇係無無糖茶/飲品，逼住要飲甜野但反應左意見，而餐廳亦都話好快無有冷泡茶提供希望佢可以越黎越進步，有機會我都會再試

尖沙咀新開台式火鍋店 — 牛品台式火鍋呢間位於尖沙咀嘅「牛品台式火鍋」正式登陸香港。餐廳由台灣師傅主理，湯料由台灣直送，提供多款特色口味，包括元氣養生鍋、酸菜白肉鍋、秘製麻辣鍋、剝皮辣椒、沙茶海鮮鍋等，之前喺聖誕節期間佢哋仲推出左期間限定嘅南投烏龍珍珠奶茶鍋添🤣真係夠晒特別！火鍋套餐有四款級別可以選擇，包括：「牛上品」$219一位「牛極品」$269一位「牛御品」$319一位「牛殿品」$499一位今次就試咗牛上品吃到飽套餐～👉肉類方面包括：精選美國牛胸腹牛舌片西班牙栗飼豬梅肉紐西蘭羊卷肉花雕洒雞件👉台式餃子方面🥟阿在伯高麗菜豬肉水餃阿在伯韭菜豬肉水餃燕餃蛋餃👉台式小食方面：皮蛋豆腐炸地瓜丸炸午餐肉台式小食台式餃子台式小食台式手搖飲鹽酥雞台式甜不辣麻辣鴨血原味香賜蒜泥白肉宜蘭蔥餡餅套餐仲包括有其他台式茶飲、台式梳打飲品及台式啤酒等；甜品更包括台式芋圓及 Movenpick 雪糕。火鍋湯底選咗麻辣鍋小辣，食落都幾辣～夠曬麻～特別講吓：甜不辣：醬汁甜甜地、質感煙靭蒜泥白肉：切到厚身，爽口唔鞋芋泥波：滿滿芋泥，食落去完全唔會覺得油膩牛舌：夠爽口牛品台式火鍋 地址：尖沙咀樂道32-34號

適逢新開張，註冊Storellet 用戶，點選M9 或以上級別放題可享9折優惠，當日7點前入座食M9 就可以$279價錢，絕對係超值。收銀姐姐服務態度唔錯，未人齊都提醒人齊先入座較化算。餐廳簡約裝修，飲品同自助區的選擇唔會好多，飲品都有台灣罐裝飲料，值的一提係珍珠奶茶等等手調飲料係要另外收費，自助區以蔬菜做主打，refill 速度相對唔係快。QR Code 落單，手機訊號收得較差，由於同一時間多人使用WI-FI 上網令WI-FI 速度都係慢，落單問題都有待改進。小食都多選擇而且味道唔錯較有驚喜，主打牛肉當然要食M9 牛肩肉同封門柳，肉質香濃，牛肉質素相對唔錯。甜品方面只能每人一款，相對難以滿足大胃王的胃口。

⁉️牛品台式火鍋 (尖沙咀)🍲台式火鍋依家越嚟越多，尖沙咀開左間新既台式火鍋店，就諗住趁天氣凍試吓，點知就中伏🥲。我地2個人去食，揀左個🐒御品吃到飽套餐💰$319👉🏻120分鐘鴛鴦鍋+$50✅湯底方面不過不失，都見到有少少料既，不過點都唔係可以當湯咁飲個啲，始終都係放題✅牛肉方面啲色水都係靚既，無話唔新鮮，但就係薄片❎小食好多都售罄🤔出面既選擇都唔多，又無明確標示番啲食物名稱，搞到有啲唔太清晰❎係大陸鴨血唔係台灣鴨血，口感真係有分別，仲要簿到咁，大大話話都俾左成3百幾蚊呀🥲❎飲品全部都係有糖既?!局我做肥仔😠😠好過分呀！。整體來講就係失望囉🙁不過可能因為新開張既關係啦