爆丼屋 (已搬遷) 新店位置

爆丼屋啲魚生丼成座山咁真係好有睇頭好吸引不過亦有好朋友話勁多人排隊同埋好睇唔好食我就揀咗 lunchtime 過嚟試下舖頭 1200 先開始 serve 午市我大約 1150 到，已經有六七個人等緊睇嚟夜晚一定更多 😂朋友點咗個 sushi set，無特別影相望落份量唔多，但佢話食落都夠飽而我嚟呢度就梗係食魚生丼啦！揀咗呢個魚蝦蟹都齊哂嘅 set兩隻蝦勁大隻，新鮮彈牙我連蝦頭都食埋，勁滿足～三文魚同魚子都好難會出錯兩條蟹柳好大條，味道 ok帶子都好食，不過就切得細咗少少整體都新鮮好食，可能我揀得啱啦 😂

爆丼！終於都潮聖一下。午市尾段去，都要等位。入座都係個個搭枱，有少少迫。中華沙律係暖既。海膽丼：包括有韓國、加拿大、北海道既海膽，加拿大海膽比較腥，韓國無咩味、北海道就最正啦，好creamy，好似食雪糕咁滑！可佔成碗飯不多。紫菜係無味。甜蝦丼：啲蝦都幾大隻同新鮮，都唔差。午餐食左三百幾蚊，都有少少貴。

周日晚上，路經此店，人山人海。此店已有很多媒體介紹其丼飯，雖然前一晚才品嘗日式放題，但友人仍想試試其丼飯，雖然要排上40個籌號，但我們仍然願意等一段時間，還好可以先行逛逛。我們也點了火焰盛丼，丼飯有三文魚、帆立貝、左口魚裙邊及松葉蟹棒。丼飯一上桌，丼飯的生雞蛋消失了，已經下塌與白飯融為一體丼飯不大，刺身只有一層，但飯很多，才能把丼飯造成立體的效果，可惜也無法程現岀"爆丼"效果主角刺身只有左右魚裙邊比較美味，其餘十分普通，每片三文魚半熟半生實在摸不透發生什麼事！丼飯配以麵豉湯，索價$145 (好像已經漲價了?!!!!）以這個價錢我寧願多付百多元來去放題任吃刺身了！

夜晚經過旺角，冇諗定食咩，於是臨時打算去朝下聖。餐牌的相片相當吸引，所以就算要排下隊，都想試下。八點幾，仍然很多人在等。終於排到了，滿心興奮地入去，又已經諗定了食咩，很快便落了單。個丼的擺放很靚，而且的確是大份，飯量很多，魚生量也算足夠。不過以質量而言，名過其實，得個樣，到最後我地係勁辛苦先食得晒（啲魚生）。左口魚邊算係稍為好食啲，但隻蝦一啲都唔新鮮，食落口想 lur 翻出嚟。。。性價比太低，冇下次。咁嘅價錢，食放題好過。

有朋友話過爆丼屋好好食，而且份量唔少。而自己就從未食過，但每一次見到門外都排哂人，感覺應該唔會好差既姐，但就係等既時間應該頗長。今次難得有啲耐性，就排左一個鐘多少少，同朋友入去食下。我就叫左個甜蝦盛丼，因為自己比較中意食蝦。佢叫一個盛丼係包埋味噌湯同兩包紫菜。丼既話，份量的確好足，同餐單上既圖相似度極高。但食落口個味道其實一般，肉算係肥美既，但唔知點解食落去有一種微微苦苦地既味，感覺有點毀左呢一個丼。味噌湯就幾足料，豆腐紫菜都齊，飲落口亦都唔就太重味道，呢一個就幾好。

最近興起丼飯潮, 其實不是什麼新鮮既食法, 概念跟港式茶餐廳既碟頭法差唔多, 只不過材料轉為日式, 米飯係珍珠加點醋; 今次黎到人流絡繹不絕既爆丼屋試試有幾“爆”, $135 火焰盛丼, 標榜上桌前火炙, 可惜感覺唔突出, 材料有三文魚、帆立貝、皇帝蟹柳及左口魚裙邊加多隻生雞蛋, 混埋黎食好不新鮮, 蟹柳真係唔知那來既皇帝品種, 帆立貝係薄切, 三文魚當然唔好期望係腩位, 材料都係一般貨色, 不見得肥美新鮮, 以呢個價錢, 倒不如去連鎖壽司店食多兩款更加乾手淨腳!

平常人山人海，今天一早到，不用排隊，正！甜蝦丼，也數不清有多少隻甜蝦，最起碼20隻以上，隻隻鮮甜好味海膽丼，一共有3款海膽，份量很多，將整個飯面也覆蓋！海膽很好味，沒苦澀味大tora丼，大大片超過10片，看上去好像不很肥味，以為中伏。但一吃入口，油份很足很香，大滿足。吃完在碗底仲有小小流出的魚油剩下

睇到openrice同Facebook上有裡間嘅推介，感覺OK，就同朋友放工過去試下。食材的確OK，但食飯期間嘅安排真係毫無次序可言。6.30pm過去攞飛，店門前人又多地方又細，逼到爆。因為無提示牌，又無類似元氣嘅電話通知。我地唔敢行開太遠，先係寒風細雨中捱佐九個字。終於排到有位，但係門前嘅姐姐都真係幾搞笑，幾個人同時叫號，但係排位就唔跟次序，排後面嘅反而先安排位，坐定已經唔佐一半心情。入到店裡面先明白出邊點解會咁多人。侍應完全唔效率，坐住都能聽到服務員係度肆無忌憚咁談天說地，空台都唔人執。等佐十分鐘，叫佐三次服務員上茶，居然答我無杯，真係無語。終於等到食物，因為碗細，的確係“爆”出來嘅size，設計的確有特點。味道也OK，但係建議大家唔好係人多時去。

這幾個月，這間魚生飯店很紅，見不少朋友都食過。今晚終於到我試了！是夜星期三晚大約8點拎籌等待，約40分鐘可以入座了。都是預期之內的時間邊等邊看餐牌。與朋友吹吹水，時間不難過😂點了北海豐丼⭐️⭐️⭐️⭐️賣相非常好，與餐牌上的相一樣。味道好新鮮，特別喜歡海膽，蝦。飯口感很好，用北海道的米。朋友點了火焰盛丼。都很好吃每個丼都有一個麵鼓湯。是好飲的。味道不會過咸，每碗有一粒牛肉，豐富了本來的味道。服務方面，有待改善。點菜時店員不專心聽，重覆了好幾次。環境好一般，都是土地問題⋯太擠迫了

爆丼屋三文魚火山盛丼三點幾先去食既late lunch 唔洗排隊真係成座山咁高有拖羅蓉 三文魚 三文魚子 八瓜魚粒 好豐富 呢個三文魚火山盛丼好吸睛 但魚生食落感覺一般火焰盛丼雖然無三文魚火山盛丼咁高咁吸睛 但MFD覺得呢個好食啲 火焰盛丼有三文魚 帆立貝 左口魚裙邊 皇帝蟹棒 左口魚裙邊係爽口既好正

開店幾個月, 每次行經這裡都幾乎人潮湧湧, 心想有機會無人排就入去試試, 今晚ot到夜一夜, 宵夜當晚飯食, 不用排隊順利入座, 刺身飯食得多, 反而覺得個爆盛慢燒牛肉丼幾吸引, 點咗個230g試試佢, 賣相一般, 唔似餐牌咁堆到座山咁, 可能餐牌張相應該係400g mega size呱, 本以為牛肉係暖暖, 原來係凍既, 燒汁無咩特別, 山葵忌廉汁味道奇怪, 山葵味唔覺突出, 牛肉質感偏鞋口, 絕配唔上慢燒, 好彩唔係排隊黎食, 睇黎都唔洗再試

之前食過一次爆丼屋，上次黎果次係食海膽同火焰盛丼，呢兩個配搭簡直係錯配，係漏，漏同漏☹️今次再次挑戰，係因為男朋友話好想食甜蝦丼。今日點幾鐘拎飛，行左一個鐘番黎就差唔多有位😝估唔到個熱潮仲係咁旺盛。對啲生野有啲怕怕，今日就試左個慢燒牛肉丼。lunch set有沙律送，原來係中華沙律黎😂。佢個湯依舊係好好飲，清甜。等左五分鐘到，我既牛肉丼就到喇，睇落分量都唔細。先試一試個汁先，呢個山葵忌廉汁好正丫😍味道偏酸似沙律醬但有wasabi 味，好醒胃。之後諗住夾開啲肉先，隻蛋唔小心冼左落街😑。。不過估唔到lunch 既牛肉份量都唔小，起碼成十塊，仲要係大大塊，牛燒得岩岩好唔會韌。個飯仲有啲甜甜地既醬汁，加埋個酸酸地既山葵汁好match。好彩我再添汁佢再比我😳佢個汁very good之後到甜蝦丼，是日無咩胃口，見到成廿幾隻蝦我都有啲反胃。不過試左幾隻其實幾鮮甜。爆丼真係名副其實勁大碗，一個成年男子都未必能夠食得晒，飯實在太多了，料亦非常之多，多吃就會覺得漏。我都係比較鍾意小食多滋味既感覺😆吃得多就算好食都變得over

這間店我已經聽了很久, 網上亦不繼有人放相, 眼見巨大的刺身飯, 已經想試很久, 但一直未有機會。平時不會想去這間, 因為知道一定要等位等很久, 巧合地星期日中午12:00路過見到竟然沒人等位所以想也沒想就決定吃這間試試。入到店內環境不錯, 位置都不會太迫, 有一半是吧枱。我們點了一個爆丼鰻魚飯及一個蕃茄豬軟骨烏冬, 由於我坐的位置可以清楚見到所有上的飯, 所以即使等了15-20分鍾才有得吃都不算很久。我見到所有的刺身都堆得高高的滿滿的, 賣相絕對是100分。我點的饅魚飯也一樣, 起碼有一整條饅魚, 吃下去口感有點爽, 味道很濃很香, 配上半熟蛋漿加一口飯簡直是人間極品! 蕃茄烏冬賣相需不及鰻魚飯突出, 但味道亦不錯, 觧蕃茄味道加上濃汁豬軟骨, 一口渺一口烏冬, 大吃的朋友可能會不夠烏冬呢! 總括來說... 一定要再來!!!

早前已經聽過爆丼屋既大名啦，估唔到過左一排，依然人氣不減。排隊排左成1小時45分鐘，真係頂唔住，去附近吉下魚旦先😂面對源源不絕既人客，不得不讚既係係門口負責叫飛個女仔仍然保持到笑容同禮貌👏野食既選擇唔算多，不過星期五晚晚市啲野食都上得幾快。火焰盛丼$135睇落賣相豐富，中間仲有隻半熟既流心鵪鶉蛋。而材料方面有大大粒既帆立貝薄片x皇帝蟹棒x左口魚片x三文魚片，全部都有經火槍燒一燒，變成火炙食材。不過啲飯真係壓到好結實，對一個女仔黎講太多飯啦🙊味道方面正正常常，冇話特別好食唔好食。三色海膽丼 $238講明三色姐係黎至三種唔同地區既海膽，當中包括北海道海膽x加拿大海膽x韓國海膽。北海道海膽同加拿大海膽都係偏向鮮甜既，唯讀係韓國海膽有啲啲苦。啲飯仍然係壓到實一實，飽到一個點。食完依個丼至少有一個月會唔想再食海膽😂😂😂p.s.黎之前都有睇過其他食家既評語真係眼都突一突，好彩我今次經驗係唔錯😆

食過4次，還記得第一次食是店鋪第一日開張，當時點菜前，我到刺身雪櫃睇過，目測非常新鮮，點了拖羅飯，友人點了海膽飯，非常滿意第二次食，同樣非常滿意兩個月前再食，拖羅薄了，海膽來源明顯同第一日開張食既唔同可能是客多了，食物質素開始求其起來早幾天再食，依舊點了拖羅飯海膽飯，退步了，再差多一點就會落到 豐__魚生飯(說是築地直送那間) 的質素拖羅沒有了入口即溶的感覺，海膽亦缺少了鮮味真正識食魚生既客人，是不會計較個量，但質素是非常要緊