爆丼屋 (已搬遷) 新店位置

本身好鐘意食魚生飯, 係旺角好味嘅魚生飯不多, 而呢間嘅魚生飯選擇不多, 但試左幾款都咁好味。重點係佢嘅魚生好多而且新鮮, 食左幾次, 每次都食到捧住個肚走雖然佢店鋪細細, 但裡面都幾多位, 不過好擠逼坐得唔係咁舒服。牆上都是滿滿的塗雅及特別推介, 如果餐牌上選擇小都可以看看牆上有無岩胃口的食物因為魚生飯好滿, 好難食到下面飯, 餐廳好貼心會附上一隻碟仔比你同朋友開心SHARE 唔同嘅款嘅魚生飯。首生叫左個火焰盛丼($145), 每次黎都一定會叫嘅, 因為有我最鐘意食個幾款刺身。我朋友好鐘意三文魚, 呢個三文魚火山盛丼($128) 就滿足到佢啦~ 除左三文魚粒外仲左撈左小小芥末魷魚, 食落無漏。每一款魚生飯都會配一個面豉湯及紫菜。

吓?? 發生咩事呀?? 落旺角睇戲, 想話睇完戲去花園餐廳鋸扒, 原來已經摺咗, 以為行錯路, 再轉多一個圈, 都係無喎! 大 BOSSINI 又褶咗, 感覺好似環境好差….. 唉…..咁…. 咪係豉油街向前行, 睇吓有咩啱食囉, 見一向門口企滿哂人嘅爆丼屋唔洗排隊, 咪走入去試吓!點咗四重火山盛丼同火焰盛丼各一客.首先要俾一百個讚, 餐廳係用紙飲管!!!   \(^0^)/四重火山盛丼材料有三文魚籽, 海贍, 蟹肉, 拖羅蓉山由赤身, 甜蝦, 劍魚腩埋成.由於份量超多, 我又唔係太肚餓, 所以食唔哂, 再加上餐廳不停播放好Q煩嘅日本歌, 更加無胃口!今次食丼, 最大嘅感覺係…. 漏! 丼無問題, 係自己問題吧, 下次肚餓時相信感覺會唔同.細聲D個喇叭啦唔該! ~~ >_< ~~

我次次去食都冇咁細舊 今次都唔知搞咩咁細舊 唔知係咪因為落單個位阿姐聽錯左以為我叫手卷點知一上先知我其實係叫壽司 換番壽司之後點知鵝肝仲細舊過飯 我真係接受唔到囉 自己聽錯就換舊咁細既俾我 仲話幫我cancel 咪又係之後會俾第個客食～ 又話每次件鵝肝都會唔同大細 你係咪想換句話講今次係我唔好彩先遇岩咁細舊 我黎食係想食鵝肝壽司 你宜家咁細舊唔肯換就幫我cancel搞到冇得食 無語囉真心希望你地改善下d聽力唔好搞到想食既客人冇得食 唔該曬

每次嚟就呢頭都會見到一大班人排呢間餐廳，終於抵唔住引誘排埋一份。作為海膽控嘅我嗌咗個三色海膽飯，嚟到果然係爆丼，份量都唔細。海膽品質都唔幾鮮甜，奈何豉油已經直接淋咗係飯底，又落得太多搞到好咸，影響咗享受程度。本身滿心期待，所以有少少失望。

住在附近，以前每次路过都排嗮长龙，今日大约6点到达竟然难得有空位就进去坐下了～点的火焰🔥～还有玉子烧～满满一大碗～上面还有一个生鸡蛋～米饭吃不完～可惜就是位置太窄了和隔壁的人胳膊碰胳膊～还有卫生间还要走出门店好远～没办法～旺角就是寸土寸金

之前都聽過啲朋友介紹過哩間 中午食飯時經過 心諗可以今晚買嚟試吓 點知第一次叫外賣 無諗過外賣都會有加一 外賣可以有咩服務呢 真係唔明點解會有加一 我問店員外賣都有加一 佢話係呀 外賣有加一架 今次真係大開眼戒

今日想食魚生飯，就諗起之前雜誌介紹過呢間魚生飯，好彩我地早去，唔使等位，睇睇餐牌好多選擇，最後決定食吞拿魚魚生飯同燒魷魚，個魚生飯好足料，d吞拿魚叠得好高，好新鮮一d都唔腥，燒魷魚燒得好香，一d都唔韌，呢餐好滿足

見人成日話好正好味好爆, 贵都试一下, sorry 完全未到好食到再幫襯既程度, 海膽丼味道普通, 食入口完全under expectation, 240蚊呢個價去荃灣可以食比佢更平更好味既海膽丼, 所以多人食係不代表好食, 留比内地同胞幫襯吧...

朋友一直好想去爆丼屋食飯，所以佢生日個日就黎左呢間試下。一到門口已經有好多大陸人等位，雖然係號碼拎飛，但係門口個位staff不停叫人落單先入，最後仲發現後我地一號既人先入，真係好混亂。我地叫左火焰盛丼同燒鰻魚盛丼，兩個飯都好大份，我諗有兩碗飯咁多，share食可能會好d。我覺得燒鰻魚幾好食，鰻魚好大件，serve個陣仲暖暖地。火焰盛丼就有好多唔同刺身，朋友覺得成個盛丼太凍，不過d刺身味道都唔錯，幾新鮮。

開年飯，第一次去吃，好彩今日早收工，去到6點幾，唔使排隊，入去就有位，二個人，叫左1.三色海膽盛丼，2.帆立貝。三文魚子盛丼，3.燒魷魚，海膽飯只有面個層，下面全部是飯 Hkd 238.00 有點貴， 海膽就好新鮮，看自己喜歡啦，飯又吃不完，有點浪費了。帆立貝。三文魚子平宜點，又好新鮮，下次會再叫，Hkd 178.00 ，飯還是吃不完，魷魚就普通點，總括嚟講去一次就得啦，又或者下次去食其他，兩個女生吃一個飯就應該足夠了

吃得很滿意的一頓午餐，周日過港，無需排隊，環境有屬於香港正常的擠，人均300+ 以下金額均為港幣 日本函館海膽（一板） 328 非常棒！ 本來想要點韓國海膽的，但是店員提示今天的韓國海膽比較澀建議我們選日本海膽，果然貴的話除了貴沒有毛病，鮮甜，新鮮，味道厚重綿長微帶海水腥味。小tips：店員會給一些紫菜，我們自己把紫菜捲起來，放一些牛肉飯中混合了芥末和醬油的米飯，最後在上面蓋上海膽，自制了超級mini的手卷，好吃得不得了，米飯會均勻下海膽味道，非常棒的~ 三文魚魚腩刺身 3片/45 哦豁，非常新鮮，而且選用的是正中的腹部，所以形態厚實整塊，切出十字紋路，一口下去就是有非常豐富的油脂爆漿的口感，三文魚腩只要品質好吃出這種滑膩感是非常棒的。

午飯時間，間野係超多人，等左3個字入左去入面已經好迫，仲要有遊客d 行李箱，都坐得好唔舒服，我地3個人坐2人枱，其中一個要坐走廊果邊，係勁茶餐廳feel 咁，以平均消費$150 ge地方咁坐，真係冇眼睇， 是但啦講左食咩先爆盛慢燒牛肉丼三文魚火山盛丼火焰盛丼爆盛慢燒牛肉丼$188–大好多牛肉，食極都食唔晒，不道我覺得牛有少少dry ,味道還可以火焰盛丼刺生算新鮮 不過呢個價錢就唔駛特登黎呢度食我唔係好明點解要火焰埋隻蛋😅三文魚火山盛丼朋友話呢個份量好多食唔晒味道唔錯呢度仲有樣野要改善就係d 豉油好甜唔知係唔係要接近港人口味同埋d米質素一般，食落去好普通，唔夠軟同埋黏咁試過一次就夠架啦

爆丼屋都開咗一段日子 ，但次次去出面都好多人 睇睇個鐘六點幾 出面唔算多人就入去試下 一開始撳飛店員要求落咗order先至可以入座入面座位唔算多而且喺繁忙時間都坐得幾迫下menu有好多丼選擇不過價位唔算便宜今次嗌咗 火焰盛丼賣相不錯，火焰盛丼有三文魚，左口魚，帶子同蟹柳。飯上既蛋汁撈埋一齊食，感覺不錯火焰三文魚同左口魚油香滿瀉唯獨帶子不夠厚身，口感一般套餐有面豉湯，誠意可加不是沒有餸的味精湯下次會再黎試三色海膽丼

見呢間爆丼屋開左一段時間, 人潮依然, 所以見這晚無乜人, 我地即時拎張飛先。人流不算太多, 但最後都排左半個鐘, 由唔多肚餓等到肚餓了。入座後發現坐得很迫, 枱亦很細, 要攝裡面要叫人起身讓給你行的。打開餐牌不算太多選擇, 果然以丼飯為主。兩個人很快就各自點了心頭好:帆立貝三文魚籽盛丼三色海膽丼帆立貝同三文魚籽舖滿一整碗, 料很新鮮, 非常鮮甜。不過, 只有面頭這些了, 下面是一大碗白飯, 最後食淨一大半白飯。三色海膽望落也算足料, 但其實也是薄薄的一層放左上飯面。實際上海膽沒有預期的多, 下面仍然是一大碗白飯, 二百幾蚊一碗, 唔抵食呀。如果要排一個鐘就不會再來了。

鋪頭環境OK既 但係唔太乾淨 地下有雞骨 野食個賣相係吸引既 但係味道真係強差人意 跟餐既麵豉湯係多料 但係太鹹 鹹到飲到一半都冇火焰盛丼 d三文魚，帶子都有陣炙燒味 但係佢地食落口完全唔新鮮 帶子又唔肥美 三文魚冇鮮甜味 蟹棒同左口魚 都尚算OK 但係d飯煮得太林 完全襯托唔起d刺身冇左種層次感 帶唔出邊樣先係主角燒鰻魚盛丼 係正常水平 廚師落左好多燒汁係鰻魚上面 令到鰻魚食落口好夠味 但係個口感都差d d肉好實 飯又係林既 令人冇咩胃口 繼續食總之就係好d失望