爆丼屋 (已搬遷) 新店位置

每次經過見到都要排隊等位 所以每次都話下次先試。今日咁岩諗緊dinner食咩 而又冇人排隊 一心就決意今日試啦😆👍正席行去門口睇個餐牌既時候 員工好有禮貌示意餐廳裡面有位 唔洗等 於是就即刻入座兩位。坐底左睇緊餐牌既時候 已經聽到另一位女待應同客人表示 今日加拿大海膽冇貨 會用上我韓國/日本貨源補上。睇完餐牌 友人order 一個火焰盛丼 我就order一個三色海膽盛丼。心想即制既食物都要耐心比少少時間等候 而且餐廳都開始愈來愈多客人。而好快友人order既火焰盛丼比想像中時間還快要到 接著就來了飲品 他們是用紙飲管的👍。我在等候的時間心想 接著就應該會到 過了十分鐘 左右旁邊剛入座的兩檯客人都已經選好 而且其他檯比我還遲點餐的都已經食緊。於是友人都覺得要追查一下 問第一個在旁set檯的侍應生，佢回應‘’整緊嫁啦‘’ 咁我心想應該佢地都知情有很多客人等三色海膽丼等左好耐 但中途一直留意他沒有進任何跟進既動作。然而再過十分鐘 都未有野食 再三追問 幫我地落單果份女同事可能會漏單 都沒有答案。她只有立即同in charge講 先見到有人去廚房跟進 話雖如此 但其實食物都沒有上到檯 再過十分

🚩旺角🍱爆丼屋-🍛三文魚火山盛丼 $128呢個飯好似係最平(?) 但魚生份量都係極多 真係爆丼面頭除左滿滿既三文魚, 拖羅蓉, 仲有芥辣八爪魚同三文魚子食嘅時候 太多魚生 唔知要點先食到下面既飯xd望落個碗唔大 但最後食晒係勁飽!!! 完全佩服自己嘅食量(網上都話女仔會食唔晒🤪)質素不過不失啦但以呢個價錢 食到咁多款魚生 又食到咁飽 真係幾抵-🥗蟹籽沙律 $58有驚喜!!! 蟹籽份量係極多!!蟹籽同沙律嘅比例應該係2:1 仲要堆到一座山咁每食一啖都係極多蟹籽 多到唔想浪費 想食晒佢xd-🍲麵豉湯除飯附送嘅 湯底都係普通味道不過卻好足料!! 有蘿蔔牛肉豬肉(?)我嗰碗仲有大大嚿芋頭!! surprise🤩連個湯都多嘢過人😂-總括 係食份量而唔係食質素既餐廳 如果叫碗最平嘅 cp值都算高 因為每一碗嘅份量都好多好多🤩-

經常行街經過，門口都排哂隊，今日未夠6點，見冇咩人，拿拿臨同老婆入去試試。叫左個北海豐盛丼，三文魚火山盛丼，北海豐盛丼就係雜錦海鮮，二隻大甜蝦超得三文魚火山盛丼，就真係成座山咁2個人2個丼，食到飽飽

聽過同事介紹呢間鋪頭好幾次，今日終於有機會試吓。聽聞要等位等好耐，今日我哋六點幾就到咗門口，等左兩張枱就入咗啦。食完嘅時候出邊企滿晒人等位。想食又唔想排隊嘅朋友建議早少少去幫襯。女友對海膽情有獨鍾，所以其中一個揀咗三色海膽盛丼，另外一個就揀咗火焰盛丼。三色海膽盛丼首先帶黎既係視覺上嘅滿足，滿滿既海膽令人食慾大增，食一啖，成口都係海膽嘅鮮味，係會令人隻眼瞇埋嘅鮮甜，一啲都唔腥，好新鮮。新鮮嘅海膽就係有呢種驚人嘅魅力。火焰盛丼啲魚生唔會燒得好熟，只係表面有一層熟咗，食落去有種火炙嘅香味，但係又不失魚生嘅鮮味。絕對會再幫襯

之前每次經過，都被佢的照片吸引，只看到碗內的剌生，魚子，海膽，甚至牛肉都是多到要疊起一層層的，超吸引。但每次都是大排長龍，令人掃興。今日，有事往旺角，經過門口時，中午12點，剛開門，機會難得，當然立即入去試一試。只看餐牌，就覺得好難決擇，有幾種飯都吸引，最後叫了個好像叫“四色火山”什麼的，有三文魚子，松葉蟹肉碎，拖羅蓉，海膽。剛放下的時候，我還覺得好似好大碗，拍完照，隻手一放埋去! 嘩! 咩原來個碗咁細嘅! ？!怪不得啲餸要疊到一層層。放入口，三文魚子~咬落去爆炸般的口感是我最愛松葉蟹肉碎~都叫有蟹味拖羅蓉~份量足，幾香口海膽~我覺得唔夠新鮮食完，298加1，328埋單，好啲貴。

呢日係同朋友聚餐 但我哋並冇預先訂位 所以喺旺角行咗差唔多半個鐘 最後先至決定揀佢 因為佢算係等得快大約等左10分鐘 到我哋嘅時候 侍應會要求我哋喺門口睇完Menu 決定好食咩先至會比我哋入去 雖然唔係幾贊同 但都理解嘅 畢竟夜晚時段又係處於旺角區終於成功入咗去之後 上菜速度算快 我就叫左一個北海豐盛丼 作為刺身 食材都足夠新鮮 除咗赤蝦 雖然佢夠大隻 但就係有少少腥味 我係百思不得其解 因為佢肉質並不靡 另外分量算好大份 作為一個女仔 好勉強先至食得晒 雖然佢睇落去細碗礙於外面群眾壓力 所以食完都好快走

Happy Friday 當然要食d好野慰勞下自己七點幾鐘見到呢間鋪出面已經有一大堆人等位本身都冇諗住食，點知附近行完一個圈，人龍已經去左一半兩個人等左十分鐘左右就有位👍🏻👍🏻因為有最低消費，所以直接叫左兩個丼飯，skip左小食1）三文魚火山盛丼 $128有爆多三文魚同吞拿魚蓉三文魚每塊都係厚切，亦算新鮮成個飯同魚生既比例係50/50，食到底都仲有魚生送飯😋2）北海豐盛丼 $198入面有牡丹蝦，海膽，帶子，左口魚邊，三文魚籽聽落好似好多料，但視覺上一定冇三文魚火山盛丼咁澎湃左口魚邊最出色，食落最有油香，亦無腥味帶子，三文魚籽正常水準牡丹蝦，海膽吾夠新鮮，海膽雖然好大舊，但食落好大陣腥味，亦都冇鮮甜味總括而言，三文魚火山盛cp值較高，大件夾低食！

#爆丼 的特點正是多到滿瀉的材料，基本上餸多過飯，完全遮蓋著飯。.說真的，當這個爆丼放在面前會種手足無措的感覺，不何從何吃起才不會弄倒那堆 #三文魚🤔.三文魚超肥美！前半節奏倒是吃得滋味，但吃到後半節奏就有種「 #完了吧如無意外～」的無奈，愈吃愈肥膩，吃到最後幾口竟然有快要吃到吐的厭惡。.果然是小食多滋味，多食就🙈.Any肥，也是good try～每次經過時還有不少人排隊朝聖，不過對餓底而言，這爆丼吃一次就夠了。.味道：6/10價錢：HKD 108（中華沙律+味增湯+三文魚丼）

星期六日食真係好多人架 我d fd話 星期六日要排起碼成2個鐘 真係好誇張wo我就寧願平日晏就個d時間去啦我同fd 2個去個日就揀平日啦 唔洗點等呀咁先唔浪費我既假期架ma我覺得最驚喜既係個水母刺身wor我之前就未食過水母刺身啦 但係好爽wo 可以一試個個都話呢2個丼係必叫既但係真係有d失望3色海膽 就得一隻海膽比較新鮮 其餘個2隻都麻麻搞到都唔係好想食海膽丼啦另外個個 就ok啦 不過不失但真心要咁多飯做咩呀 又食唔哂我見到枱枱都食唔哂d飯 係食到1/4既飯好大嘥姐 所以都係無下次

爆丼屋由開業到而家一路都排長龍，要試到呢間魚生丼店仔，真係要花少少時間先得大食妹禮拜六六點鍾經過經過，見到出邊剩係得四五個人排隊，諗住想去試一試啦一打開餐牌見到有好多丼飯簡，好吸引呢而且每個丼隔離都有張相，可以方便食客跟住黎揀<火焰盛丼$128> (好味:4/5)(抵食:4/5)火焰盛丼顧名思義就係將啲魚生燒一燒，令到佢半生熟先上菜，睇相都可以feel 到個丼飯有幾足料大食妹平時都幾大食架，但係食完個飯都飽到上心口再講飯嘅份量我諗都係一碗半飯左右，款款魚生成三片，而且都係厚切，一啲都唔偷工減料，真係好抵食<北海豐盛丼$198> (好食:4/5)(抵食:4/5)呢個丼一樣都係貫徹左爆丼屋好足料嘅習慣，魚生海膽樣樣都好大份，食完包你飽到上心口而且魚生亦都幾新鮮，基本上去爆丼屋食每人食一個丼飯都食唔落小食lu得閒經過旺角再encore，不過前題系果日冇乜人排隊，要排一個鐘就不了

係旺角如果想食魚生飯第一時間會諗起呢間，地理位置極方便！去左幾次入面都好多人同埋好多遊客，次次都會叫三文魚飯同呢個火焰盛丼。個人認為呢兩個最好食同最抵食，而且對女仔黎講份量真係算幾大。

好耐都未試過喺旺角覓食之前成日都排晒長龍嘅爆丼屋今晚可能已經比較夜啦就唔算好多人排隊之前已經食過幾次 今晚又再食其實覺得入邊坐嗰三張長枱真係好唔舒服出又麻煩入又麻煩 又迫 其實我諗店員上菜都好辛苦 要出邊嗰個幫手遞入去 點解唔可以改變下個格局 應該會更加吸引唔知幾時開始規定一人一定要食一個飯如果唔係嘅話就要叫夠$138嘅小食食過嘅人都知道佢個飯有幾大 一個人點可能食得晒㗎我哋兩個人叫咗一個火焰丼 兩個人食都食唔晒如果啲刺身可以再火炙得好啲就好啦芝麻雞翼 炸得啱啱好 好脆但又唔會燶晒芝士魚餅 入邊好多芝士 一咬就流晒出嚟同埋三文魚腩刺身 好新鮮嘢食整體來講都好食下次一定要去到勁肚餓先黎食

平時覺得旺角餐廳多 但普遍都好劣食 爆丼屋朋友之前食過幾次 comment都ok咁岩去開旺角 又想食魚生飯 所以就試下～餐具好靚 一黎就俾佢吸引左！火焰盛丼有蟹柳、帶子、三文魚 面層上前火炙左頂層有生蛋黃 撈飯一齊食一流三文魚火山盛丼入面有齊我最中意既野 - 三文魚、三文魚子、芥辣八爪魚 中間仲有好大座拖羅蓉山全部都好好味 咁既價錢黎講真係超抵食 飯上面有舖頭名個舊係玉子 好得意！應該係俾人打卡用 無食 唔知味道如何碗飯好大碗 食到一半已經嗌哂救命 飽到食唔到每個飯仲會送一碗麵豉湯 碗湯好足料又甜甜地好好味 裏面仲有幾舊牛肉 但牛肉食左一舊覺得麻麻就無再食Overall覺得碗飯CP值都幾高 下次會再試其他野 但真係好大碗 男仔應該岩岩夠飽 女仔一定食唔哂 3個人share 2碗應該好啲

旺角的長龍店，每一次夜晚經過都有一大堆人喺門口等位，去到深宵仲有人等位，可能夜晚佢開得比較夜。之前嚟過等位都要等好耐，坐滿晒人的話啲位比較窄，坐得唔係太舒服。今日下午避開食飯時間去食返個日本丼，冇人唔使等位，坐得比平時舒服。叫左個火焰盛丼（$145），送一個味噌湯。這裏的丼出名大大碗，魚生足料及夠新鮮，今次都冇失望！火焰盛丼：一放低就已經聞到香香炙燒過的味道，食物鋪排精美，好大碗，有三文魚、 帆立貝、松葉蟹棒及左口魚裙邊，飯上面仲有一粒流心蛋黃，經過火槍燒至半熟，暖暖地，入口都會嚐到灸燒的味道，刺身新鮮，特別是左口魚裙邊非常鮮甜，但係帆立貝比想像中細粒，兩塊紫菜放在旁邊，所以唔會腍晒，壽司飯軟硬適中，份量多！

爆丼屋最近好火熱🔥個個 Instagram 打卡，每次經過都大排長龍。除咗香港人，仲有好多遊客幫襯。三色海膽丼第一、賣相已經好吸引，超多海膽，上面仲有隻蛋，撈埋d海膽食，簡直一流味覺享受，啖啖海膽，好滿足，而且海膽好新鮮，完全無洗潔精味，海膽迷表示好滿足。超巨型火山牛肉丼牛肉控一定唔可以錯過，d牛肉好滑好juicy 撈埋雞蛋食又係好好味。價錢黎講算貴，一個丼差不多二三百蚊不過真係好好食，所以簡唔中食下都ok 😆