燒蝦蝦 (興泰大廈) (已結業)

佢哋有海鮮類、燒物串燒類、炸物小食類、熟食類 ，甜品類同埋裝著好多好多唔同種類嘅飲品冰箱櫃🧊流水蝦體驗都幾新奇 可以自己拿著個桿釣🦐蝦都幾大隻 肉質鮮甜頗彈牙。最重要係個過程好好玩 燒完更有滿足感👍海鮮除左流水蝦仲有啲生蠔、鮑魚、魚 咁樣。其中好吸睛係條魚竟然係原條上，更保留到魚嘅肉汁🐟生蠔我地就自己係配料區拿咗啲牛油加落去燒增加咗啲鹹鹹地嘅味道，又更有油香🧈醬汁配料同樣選擇多多，超級豐富💁🏻‍♀️有蒜蓉、酸辣汁、辣椒、豉油、牛油、蔥花 味蒜、蜜糖，可以按個人喜好自己混合，整成混醬配合海鮮或者肉類一齊燒一齊食👅

元朗燒蝦蝦嘅屯門分店除左蝦蝦🦐有多款海鮮 肉類🥩蔬菜🥬同埋熟食 小食🍲🍗飲品 有各款汽水🥤韓式飲品 啤酒🍻仲有 自家甜品🍮 雪糕🍦雪條🦐2.5小時任飲任食 ($368)今次9點後黎食 有8折😙海鮮種類多 除左主角 流水蝦🦐仲有鮑魚 蜆 扇貝 魚🐟 蠔🦪 螺幾豐富 而且海鮮refill得頗快👍🏻加少少蒜 醬油 鮮味😎環境方面 因為太多客人餐廳安排唔到卡位 二人枱就有點逼不過員工服務都好有效率😙冇蝦嘅時候好快就黎幫手refill😋

海鮮有鮑魚、流水蝦、花甲、原條嘅魚、魷魚、花螺等等🎣原條嘅魚真係好大條好有份量🐟原條魚基本上已經去咗麟 燒完已經可以直接食用🔥燒完後食到魚嘅肉質鮮嫩口感綿密 而且好有魚肉汁唔會話乾爭爭👍花螺就好重海水嘅鹹鮮味道；鮑魚大大隻肉質又厚厚有咬口，感覺非常新鮮🐚每樣海鮮都大大舊而且都算容易剝殼，唔會話啲海鮮嘅肉部分黏著殼好難剝👌自己一路燒一路望著啲海鮮慢慢縮再變熟，過程慢悠悠都幾療癒，有少少衝動想買個爐返屋企個露台得閒燒烤下，當另類治療都唔錯啊！😆

餐廳嘅食物總類擺放得好整齊💡同一個種類嘅食物放埋同一個自助吧檯位置有個放滿海鮮嘅 放熟食嘅 放炸物小食嘅 放甜品嘅🍴同埋放有酒精同埋無酒精飲品嘅☕肉類都唔輸洩 我地攞咗嘅豬仔脾啖啖肉而且肉質又滑嫩又多汁🐷餐廳重點之一嘅流水蝦的確好出色過程好好玩蝦肉又好新鮮就咁白燒無加任何醬汁或者配料就最食到蝦本身嘅鮮甜味道🦐如果想有啲變化都可以鋪啲蒜蓉碎同埋沾豉油 又係另一番風味🌶️總括黎講呢度嘅食物種類多多 食物嘅質素都好好 價錢又唔貴 好抵食🌟

身為海鮮愛好者其實成日都好想食海鮮但出去單點嘅海鮮價錢都比較高 有啲唔捨 去到又會就著價錢點所以都唔太盡興 上網見到呢間午市流水蝦嘅放題每位只需要二百幾蚊 仲可以任食兩個半鐘頭😍 當然要嚟試試！流水蝦嘅蝦肉新鮮彈牙又鮮甜 某啲仲好似有少少蝦膏🧡 除左海鮮仲有唔同嘅肉類 甜品 熟食 飲品 等等 超級豐富！熟食有雞翼尖🐔 雜菜炒蝦碌🦐 魷魚筒🦑 冬蔭公湯🥣 等等雞翼尖🐔同冬蔭公湯🥣味道酸酸辣辣 好開胃雜菜 炒蝦碌🦐就比較爽口 魷魚筒🦑口感煙煙韌韌 調味鹹鹹地甜甜地

呢度放題係任飲任食兩個半鐘頭🥢主打五花八門嘅串燒燒物、新鮮海鮮、熟食、甜品同埋飲品、酒精類飲品🥤當中最最最吸引我嘅係海鮮竟然仲有鮑魚任食！！！好多時候任食，就算係自助餐嘅鮑魚都只限每人食一兩隻 呢度美味二百蚊竟然有得任食🥰🥰鮑魚肉質飽滿又新鮮，燒嘅時候都見到佢仲好生猛係度郁緊🤣另一重點當然係個流水蝦放題🦐每位食客都可以自己釣蝦再放到自己面前嘅爐去燒佢👍因為係我地第一次試所以都唔太識釣 用咗一啲時間先掌握到竅門 店員亦好好有係旁邊教我地應該點樣做會容易啲釣到😊

呢幾年突然興起食流水蝦，但有啲地方係限好短時間，釣完蝦就好似已經唔夠時間燒燒完又要好快好趕咁樣食，無得慢慢享受···呢間餐廳就合理好多，有兩個半小時任食任飲。座位旁邊有個清澈嘅水缸比食客自己釣蝦，釣完就放到自己面前嘅爐燒，然後即刻有得食。流水蝦好新鮮，燒嘅時候都見到佢地有啲掙扎，肉質彈牙，味道都甜，不錯。除左流水蝦仲有其他海鮮，串燒···我地就叫咗盤花甲，再自己加咗啲蒜蓉辣椒粒去燒，味道更刺激惹味。整體嘅體驗都幾新奇得意有得玩然後食材又新鮮，環境都幾好，通風做得好然後採光十足。

返工壓力大 尤其是依家變左在家辦公簡直好似由起身都臨睡覺嗰刻都係做緊野咁😭趁著放假當然要出黎食餐好嘅獎勵下自己 順便放鬆一下😤今日黎到屯門市中心一間新開業主打流水蝦放題嘅特色餐廳平時去餐廳多數都有餐牌可以照著點 但呢度就比較特別係見到咩都可以任飲任食 唔會有過多介紹👌首先當然要講講主打嘅流水蝦💧可以自己釣蝦 經驗好新奇得意，啲蝦都唔係細到好似蝦仁仔咁🤣 唔會話燒完細粒到睇唔到TT食得出蝦嘅肉質彈牙新鮮🍤跟住仲要有原條魚可以燒🐟份量十足 可以淋上辣椒豉油 令整體更惹味 增加鹹鮮味到🌶️

食物種類超級多 而且每款擺出黎嘅份量都好多 唔會係每樣得幾件 只係擺出黎話充大頭鬼😂😂海鮮種類方面有生蠔、鮑魚、貴妃蚌、扇貝、原條嘅鮮魚、東風螺、花甲等🐚好欣賞佢雖然係連殼但事前功夫都幫你處理得好好 海鮮脫殼都頗簡單唔需要曬好多時間同埋氣力先開到殼食到裡面鮮甜嘅海鮮肉🌊除左海鮮仲有唔同嘅肉類：豬仔骨、台灣腸、五花腩、雞全翼、雞軟骨、牛扒等🥩其中我最鍾意個雞軟骨 店員已經好貼心將一粒粒嘅雞軟骨串成一串串 好方便燒烤 口感爽脆帶啲油脂香氣🐔體驗都幾新奇好玩 會想再去玩去食😍

放題就食得多 燒海鮮放題真係第一次食呢間笑哈哈嘅流水蝦放題除咗有好多款唔同嘅海鮮 仲有好多款唔同嘅肉類 菜類 炸物 熟食 冷盤 甜品 雪糕 飲品 啤酒等等仲可以食足兩個半鐘 呢碟係送嘅  有鱔同埋牛肉個鱔超級好食 好厚肉燒到外皮脆卜卜 咬落去好juicy嫩滑最特別係呢度每張枱隔離都會有個魚缸 入面係生猛嘅大頭蝦可以自己夾出嚟燒嚟食 超級新鮮呀！提提大家夾嗰陣要小心啲 因為啲蝦好生猛仲會係咁郁 要快啲放入桶冰入面 非常好玩同埋大頭蝦係有膏㗎 食落好滋味除咗流水蝦 出面仲有海鮮區 有好多款海鮮放曬喺度好似海鮮檔咁畀大家嘅夾返去食呢日去到就有生蠔 鮑魚 沙白 蜆 青口 八爪魚 螺 仲有原條嘅魚可以見到啲海鮮非常新鮮啲鮑魚仲識郁㗎 真係淨係食海鮮都回本另外仲有好多唔同嘅肉類有羊架 牛肉 雞肉 雞翼 丸類等等想健康啲隔離仲有好多唔同嘅菜類 菇類 瓜類另外呢度嘅冷盤 熟食同埋炸物都唔錯熟食有菜 飯同海鮮 燒緊海鮮等緊嗰陣都可以直接有熟嘅海鮮食值得一讚既係會refill得好密同埋會有唔同款唔會成晚都係食同一款 雪糕都有兩個大櫃有好多唔同口味飲品方面仲有啤酒任飲 出面仲有梅酒同埋清酒可以自己斟唔想飲凍

#trashmouthig 🐖🐖帶🐛🐛帶食流水蝦放題🤤我就最鐘意食蝦架啦😍今次仲要係任食！爽呀🤤我地平日中午去食，再用埋人氣YOUTUBER 雅軒優惠，298一位，要加一，午市升級食4小時，送白鱔一串，送雪花和牛一份，每人送一個焦糖雪糕蛋撻😋4個鐘真係可以慢慢燒，係兩個人張枱比較細🙈拎野既時候要小心啲…唔係就好容易倒瀉嘢😳🤭我地一開始就唔小心….真係唔好意思🙊🦐🦐🦐每枱隔離都會有一缸蝦蝦😬食哂可以refill😋可以無限食無限飲✌🏻醬料多不勝數（特愛泰式酸辣醬），仲有熱盤冷盤😜推薦白鱔串、蝦、鮑魚、整條魚，雞皮😃 🐛我就唔識燒菜啦～整左15分鐘仲好硬🙂另外，要讚下啲職員，幫手倒垃圾倒得好快👍🏻👍🏻Very nice😉300鬆啲可以食到海鮮放題真係無得彈😋非常之滿足❤️🔅用冰水整暈啲蝦再放上爐燒🔅起鮑魚肉下面剪一下，比較易甩殼味道：⭐️⭐️⭐️⭐️🌜（4.5/5）環境：⭐️⭐️⭐️ （3/5）服務：⭐️⭐️⭐️⭐️ （4/5）衛生：⭐️⭐️⭐️⭐️ （4/5）抵食：⭐️⭐️⭐️⭐️ （4/5）總分：❤️❤️❤️❤️ （4/5）📍 燒蝦蝦 (興泰大廈) (屯門)屯門仁愛堂街45號興泰大廈地

Book左7:30食晚餐 但7:30仲未入得去 仲未清場 但晚餐只係食到十點….入到去都7:45左右 食到9:15就last order(包括熟食/海鮮/大頭蝦（唔fill)）到左十點 我食完野 坐多陣 就比啲staff趕但係….有啲人開緊爐 食緊野 就唔趕佢哋走成件事 呆—————————本身見宣傳片講有爽魚皮 懷著期待既心情去食 點知圖片只供參考熟食好少 無乜選擇 而且味道一般———流水蝦既缸設計極差 佢間鋪原先係放題缸係後期加入去 （都唔知點形容）啲缸係一截截 好似我講到一舊舊咁正常張枱泊埋個缸度 可以兩個人近個缸 兩個人都夾到蝦 但佢可以整到一個人夾到蝦 另一個泊埋牆/空氣所以佢以最低成本💰整一個流水場 整到個空間極細間———海鮮方面 大頭蝦生猛既 但每次fill蝦 都係fill極少（大概十隻左右）一枱四個人一夾就夾曬 明明個賣點係大頭蝦 但佢啲蝦係慳住慳住咁fill 外面夾既海鮮一般 貝殼類有沙鮑魚都ok ———座位方面兩個人坐一張細枱 枱面本身有一個爐/調味料/鹽放埋海鮮/冰桶/飲品/夾/碟…. 就已經無乜位果晚有一枱食客倒瀉汽水 有一枱打爛海鹽（可以想像到張枱有幾細）諗住

話說佢地係屯門市中心嘅第一間流水蝦放題🦐可以任食任飲兩個半小時，食物種類都有好多，主餐牌寫咗有海鮮鮑魚串燒任食同埋啤酒任飲！但其實入到餐廳會見到更多食物，見到嘅都可以任食👍食材有燒雞全翼，燒東風螺，開左半殼嘅生蠔，燒台灣腸，貴妃蚌，燒魷魚，等等！我地即刻九秒九攞咗幾隻生蠔，因為已經開左半殼所以生蠔都好容易食用，生蠔肉質唔算超厚但都唔會薄到好似張紙咁🦪流水蝦肉質都幾新鮮彈牙🦐除左啤酒任飲仲有其他品種嘅酒，樽裝茶，可樂雪碧忌廉，罐裝果汁，等等🧃

餐廳地點都幾方便出咗屯門地鐵站行唔使十分鐘就見到餐廳架啦門口見到個紅卜卜嘅蝦公仔 非常超級吸睛😍上面重寫著笑哈哈 燒蝦蝦 超搞鬼🤣都見唔少食客入去前會喺門口打打卡📷呢間餐廳最特別係無特別嘅餐單會講明有海鮮鮑魚串燒任食同埋啤酒任飲但明確嘅食材就無說明基本上都係見到咩都可以任食👍燒雞全翼經過醃製🐔醬料味道甜甜辣辣 唔會太鹹太辣都平衡得幾好👌海鮮有鮑魚，大蜆，魚，魷魚，扇貝等等另外都有啲肉扒 墨魚丸 貢丸 芝士丸等等材料新鮮完全無腥臭味🌊

元朗嗰間我唔知，屯門呢間真係衰，一個鐘4個人可以燒唔熟20隻蝦，啲串燒燒左20分鐘都唔得，最後重要出去煮個烏冬黎醫肚，投訴之後啲職員就話我哋無將個抽氣喉攞喺個爐上面😂，我真心唔明，係咪當我白痴，原來抽氣越勁個爐越掹，真係長知識。我再勞氣啲佢哋就話之前一直都有人投訴過，依家等改善，咁你明知唔掂就唔好開業，收咁既價錢做到咁都好意思，我唔係要嚟攞着數，最起碼有小小食店嘅基本良心吖，態度重要唔好，食到成肚氣未完時間就激到要走去第喥食，總之想嚟呢喥食，飽定肚嚟啦，唔係包你哋餓死1.啲蜆勁多沙2.蝦缸好小蝦3. 個爐勁細火，啲蝦15分鐘都唔熟，啲蜆20分鐘未見開口4. 職員采你都傻，係爭在未講（呃你，就梗咖啦，傻9）5. 預早45分鐘同你講截單，個爐已經慢，啲姐姐仲話：係咁咖喇，慢慢燒啦6.圖中啲野都唔知燒左幾耐，啲蝦又唔掂