燒蝦蝦 (興泰大廈) (已結業)

呢間餐廳真係名副其實嘅又睇得又玩得又食得📸入到餐廳見到好多枱都係家庭 爸爸媽媽帶著仔女去釣蝦🎣氣氛特別溫馨溫暖🙈而且餐廳採光好好 運用咗好多玻璃做裝修所以餐廳環境好光猛💡影相都當然好適合啦 可以留下倩影😉食物總類同樣唔會令你失望！餐廳並無提供餐牌 基本上係你見到咩都可以任飲任食，只係特別表明未滿十八歲人士唔可以飲用含酒精嘅飲品👌食物總類有海鮮 肉類 串燒 炸物 小食 甜品 嘢飲，絕對唔會怕食唔飽 而且限時有兩個半小時所以都幾充裕⏰最重要係流水蝦同埋其他食材都好新鮮，唔係hea你嘅貨色😍

呢間餐廳嘅格局真係有啲似自助餐分開咗幾個區域一個係“粉麵” 一個“海鮮區” 一個“串燒” 一個“甜品”咩種類都有而且以上嘅字係用咗個色彩繽紛嘅霓虹燈燈牌💡吸睛又繽紛開心🌈海鮮擺得超澎拜有花甲 沙白蜆 鮮魚 鮑魚 貴妃蚌 東風螺等等唔同品種種類🐟甜品區裡面有啲細細杯一人份量嘅甜品超鍾意佢係細細杯咁就可以唔使其他人分 自己食一個都可以🧁上面都有啲用個罐裝著嘅特色茶葉例如：蒲公英 山楂 洛神花 等等 總共十款🫖可以自己決定加幾多熱水去調節茶味嘅濃度自由度十分高👍

for花甲我地自己調咗嘅蒜蓉牛油醬汁要賣花讚花香一下🤣醬汁唔會過份油膩 又唔會有太強烈嘅蒜味蓋過咗海鮮嘅鮮甜味恰到好處 配搭相得益彰😆旁邊可以見到一個好有視覺效果嘅食材其實就係原條嘅🐟鮮魚鮮魚連頭連尾 好有份量 簡簡單單加啲🧄蒜蓉辣椒豉油就已經好鮮味好好味如果想食西式啲都可以加牛油或者如果想食泰式就可以加個特製嘅酸辣汁🌶️酸酸辣辣閒閒都幾惹味好欣賞呢啲一個材料有唔同醬汁配搭 就可以創造唔同菜式嘅感覺😍😍另外覺得好豪氣個係竟然連生蠔同埋鮑魚都可以任食 食多幾隻唔好洩底啊😆

午餐＄298＋1，諗住同老公去試新嘢，點知就懶哂嘢首先已經坐得逼，個爐又太細，基本上根本就燒唔多嘢，去攞醬料嗰位個設計又係有問題，攞醬隔離就係“綠”面，完全冇嘢隔住或者遮擋下，一個不小心就會俾人“綠”親事關個爐又太細又唔猛，所以燒嘢食好慢，根本係食唔飽，啲熟食燒蝦又唔新鮮唔好食呢間嘢真係免費都唔會去食，真係嬲到第一次寫劣評食完呢餐我同我老公都肚痛肚屙最重要係我地後面兩枱客都覺得唔好食，又貴夾唔飽，我地都係見網上食評話好，先黎食，點知就中伏大家去食真係要三思！

雖然話係港式燒烤 但唔只得平時見開嘅肉或者腸仔餐肉🐽而係混合咗唔少泰式食物嘅元素🇹🇭想重點講講個充滿泰國風味嘅冬陰功湯，話說我一見到佢嘅時後都幾驚訝😆無諗過食港式燒烤嘅餐廳竟然有我最愛嘅冬陰功🥣都試過唔少餐廳嘅冬蔭公湯或者冬蔭公湯底，有好多都係剩係得酸鹹辣其中兩樣甚至得其中一樣😩呢度呢款竟然三樣味道都食得出 而且三樣嘅味道都恰到好處👍燒完個流水蝦將佢滲落個冬陰功湯裡面放一陣，冬陰功湯底會更加有鮮味🦐然後流水蝦又索咗冬陰功酸酸辣辣嘅味道🌶️

其中海鮮種類最澎拜 真係鋪滿咗張枱蔬菜用錫紙兜兜裝著 我地攞咗一個兜兜裝著金針菇同埋草菇🍄另一個兜兜就裝著娃娃菜，仲自行加咗啲蒜蓉辣椒碎。🌶️娃娃菜喺燒嘅過程會出水，混合蒜蓉辣椒碎好似一個湯底咁，味道清清地但又有辣辣地嘅刺激感 簡簡單單已經好好味。👍另外當然係重頭戲嘅海鮮：有新奇得意又好玩 自己釣嘅流水蝦💦鮑魚 東風螺 青口 生蠔 花甲 嗰啲。🦪全部都見到仲係好新鮮而且唔會有冰粒係面頭👍其中個流水蝦係我嘅首選：蝦嘅肉質彈牙唔會話梅梅爛爛無曬口感🦐新鮮食材簡單加入蒜蓉豉油已經好正!!

我地攞咗白鱔串串 雖然幼幼一條但肉質好厚🐟創意地掃咗啲自己溝嘅辣椒豉油 味道都出奇地幾夾😍我地燒到白鱔魚皮香脆然後白鱔肉都保持到嫩滑多汁感覺新鮮又有魚香味👍另外最最吸睛嘅相信係原條嘅燒魚🔥我個人推薦可以配個酸辣汁🌶️泰式味道調得啱啱好 酸辣鹹都幾平衡平均 吊到魚嘅海鮮味道又唔會蓋過魚嘅鮮甜味道🌊另外仲有啲鮑魚比你任燒任食我地兩個人一次過攞咗四隻鮑魚感覺即刻覺得好豪華好奢侈🤣😳比較常見嘅燒烤食材有燒菠蘿 菠蘿大大塊超級多汁鮮甜🍍菠蘿配海鮮都好夾👍

一入到去海鮮吧檯位置會見到好多嘅海鮮種類🌊同埋超級澎拜嘅海鮮份量 每一個位置都疊到高高^_^有好海量 一座座山嘅感覺⛰️海鮮方面當然要先講我同朋友仔都超級愛嘅生蠔同埋鮑魚。生蠔雖然連殼但其實已經幫你開左殼，穩陣啲可以直接放喺爐上面燒到熟啲再食🦪^_^鮑魚亦都好出色！每一隻都大大隻 而且大小都幾平均 唔會話一隻好大一隻好細。搞到要同其他人搶咁🤣因為海鮮無經過特別加工所以我地就自己加咗啲蒜蓉辣椒碎喺表面。只係簡單調味都唔會蓋過海鮮本身自帶嘅鮮甜鮮香味👍

早一個星期預訂五人，去到話要分開坐4/2人枱，分開之餘兩張枱中間仲要隔住牆（2人枱其中一個位全遮擋，無可能傾到計），職員係咁話其他客12人都係咁分枱，頂你12人分6/6人枱好正常，我地5人你叫我地4/1咁坐，玩咩？！仲要講到益左我地分枱先有兩個爐喎，之後搞左一輪，先話有隔開條路既4/2人枱，都算喇坐低食野。開爐燒野食，但個爐係廢既，又弱又細，一啲都唔比力，雖然有好多海鮮比你揀，公道啲講句啲海鮮都新鮮嘅，但主打的蝦就唔掂，大部分係缸都反曬肚，就算新加都死得七七八八，而野食就因為個爐既關係好似吽熟咁，全晚食得好少野，只係不斷飲凍飲同食雪條，因為個環境超熱超焗，無冷氣無咩抽風，廿幾張枱同時開爐，我諗餐廳有成30度以上，熱拿死，未燒夠時間就埋單走人，唔會有下次。

燒蝦蝦••••••••••••••••••••••••••••••屯門旗艦店：屯門仁愛堂街45號興泰大廈地下1號地舖••••••••••••••••••••••••••••••一直都未試過呢類型嘅餐廳, 所以今日嚟咗屯門嘅分店…. 一坐低咗店員俾咗一客牛肉同鰻魚俾我哋😌呢客燒鰻魚同牛肉質素相當高,令我哋有一個好嘅開始,呢度嘅燒海鮮好多選擇, 有蠔,鮑魚,蜆,八爪魚串, 另外,仲有款式唔少嘅串燒,最後,呢度嘅蝦都好肥好多膏 可以自己選擇夾邊隻 有2.5小時任食都幾足夠而且有得玩不過張枱就有啲啲細😂😂😂Total： 7百幾 唔算太平但係係一個幾好既體驗☺️☺️☺️

朋友本來一早訂咗今日5月28日下午5:30 慶祝生日，結果我地山長水遠入到去屯門，搵左間鋪頭勁耐，我地只係遲咗5分鐘去到間鋪頭，跟住個男店員話已經讓左張枱俾人，完全冇電話通知過確認你係咪黎緊，你係咪會黎，就比左張枱其他人，完全冇話會安排你等下一張，安排得勁差，好似趕客走咁。我哋再問咁如果食6:30 有人冇黎，會唔會有位，佢話會再電話通知你，結果我哋係門外等到6:30 個女店員都係話已經冇位，真心嬲，一定唔會再黎。

預訂了午餐$298加一，埋單每人$328入到去就張枱細到爆，仲細過starbucks張枱，比個肥啲的肥佬都坐唔落，口罩都無位放食物無特別，都係幾款海鮮，燒雞翼果啲你話特別難食又唔係，不過你唔會特登比$328食個爐又係超細仲要收咗加一，都坐咁耐完全無人黎收過一隻碟，啲員工咪响度唔理，要收碟咪自己出去放落個酒樓果啲筒度咁嘅價錢，夠你去酒店食下午自助餐好過啦，舒服好多如大家考慮幫襯就預咗會好似我以上咁的經歷食完盞感覺比人㩒住你搶，搵笨

諗住同朋友慶祝生日試下新野，點知中伏！一入到去好熱，無冷氣，張櫈又細張，食物根本放唔落！兩個人用一個爐，四個人又係用一個爐，點可能呀！個爐細到呢，根本燒唔到d乜，問題係限時2個半鐘，埋單1488元，四個都食唔飽就話夠鐘喇外面個d小食無一樣係好食，一d都吸引，絕對好失望，唔會再去幫襯。每位338連埋加一370元，真係唔抵食！係海蝦最新鮮，最大隻，叫做食左3隻囉！種類係多，但呢個價錢有好多選擇！未試過比370元係食唔飽既

搬入屯門後發現屯門都好多美食店!一直都好想食流水蝦，終於見到屯門都有開啦~即刻去食呀!!見到燒蝦蝦都幾大間，出面都見到玻璃有蝦缸睇~一入門口見到好多醬料，好豐富，仲要牛油同蜜糖拎添~左手邊仲有一堆花茶任你沖，不過我諗就唔會多人飲啦!再入少少就有海鮮區，海鮮選擇都好多，而且refill得好快，佢見一冇就refill，而且不時會有唔同款添。肉類同蔬菜類都係一樣refill得好快，同埋夾曬又係會轉款嘅。不過就冇咩牛肉，淨係見到有牛仔粒。要係FB留言先會送鱔同牛。座位旁邊就有蝦缸，大頭蝦有大有細嘅，我地就夾曬D大隻食，都一人食左10隻左右啦，都留左D細隻係缸冇食。D蝦好生猛，要自己去拎冰同水，夾完凍暈佢先燒。飲品都係果D款式啦，不過啤酒、梅酒、清酒都任飲。肚餓關係食左肉先，羊架，豬仔脾，雞腎，雞軟骨都好食!鮑魚新解好抵食，燒前記得係底剪一刀先，如果唔係會燒到半路會彈野架。最勁有成條魚燒，好少地方可以咁樣任燒呀。出面仲有熟食區，又係食完會refill唔同款式，有炒海鮮，炒菜，麵之類，仲有冷盤添。任食2.5個鐘，時間都好夠，最後仲可以食埋甜品。除左座位比較迫，檯面比較細(太多野放，又要放個爐，又放

餐廳主打流水蝦放題🌊坐位間隔都唔算好逼澀 唔會話人逼人好唔舒服 毫無私人咁，如果想在寬敞啲仲可以去佢哋獨有嘅獨立VIP區域，相信會更隱蔽🙈流水蝦放題最享受嘅就係可以自己夾蝦 享受釣蝦嘅過程，水深唔算好深所以要有技巧得黎又唔會太難 超級好玩，會越釣越純熟 就可以越釣越容易 越釣越快手😍除左過程當然結過都好重要啦😂流水蝦新鮮 簡簡單單燒完食到佢嘅鮮甜味道🦐另外都可以自行加啲調味料 配料區有獨立一個個大兜裝著 例如蒜蓉辣椒豉油牛油蔥花，最特別係仲有酸辣汁🌶️，令味道更多變 有新鮮感！