燒蝦蝦 (興泰大廈) (已結業)

見佢有優惠，可以食四個鐘午市仲要咁多海鮮，睇嚟真係好吸引點知中哂伏👎🏻千祈千祈唔好試，不可一不可再！全部蜆、蚌都係爆沙！冇錯係成口沙！係雪藏貨，D蜆仲夾哂雪，好明顯冇吐過沙。D蠔勁多黑色水走出嚟，有啲都係有沙！而且一D蠔味都冇！成條魚係正常嘅，不過個爐冇咁多位！亦都一D魚味都冇👎🏻冇扇貝，從來都冇！!鮑魚好黑唔敢食，冇試….流水蝦冇蝦味…..唔係你想像咁….出面的熱盤更失敗有豉椒炒蜆，俾人夾到全部都係殼，好難咁搵到一舊有肉既食下，超級鹹，同埋冇refill過….二人坐位係超級迫！爐係好細！如果二小時半一定唔夠燒，佢仲要45分鐘前截停取食物，所以晚市一定勁唔夠時間燒，仲要個爐唔係好夠火力，只能慢慢燒！服務態度真係差到睇其他食評就知！真係唔好試！YouTube果個絕對係宣傳，真係差好遠！我真係未食過海鮮全部都冇味，食完都唔知自己食緊啲乜嘢😅真係俾咗我對海鮮全新嘅感受

個日7點幾去到排隊其實得幾個人，都要等左成10幾分鐘先入到，安排得太差。餐廳人手不足，入到去完全無教要點做，全部要我地主動問之後去到個位又勁迫，2人位根本唔夠燒嘢食，食得勁辛苦，好心唔夠位就唔好整咁多台啦個爐又勁細又唔夠勁，燒勁耐先食到一轉，根本唔夠時間食!!!!!!!食唔飽既放題之後有部分海鮮又唔係成日加重點係叫啲員工加蝦，佢話要食晒先加，我就係得返幾隻先叫你加，唔係我唔洗食流水蝦？重要價錢唔算話真係好平，2個人食左800蚊左右。真心唔推薦依間

見喺社交平台宣傳有88折就去試下， 喺whatsapp預約 book咗五點三位大人兩個小朋友。五個人要坐四個人位好逼囉，問職員可唔可以分開坐或大少少， 職員處理唔到（小朋友分別係7歲同9歲） 張檯又細…放咗個爐又要放冰筒＆個大筒… 放埋5隻碟… 張枱完全冇位再放其他嘢入座前已經問職員係咪有88折， 佢話我預約嘅時候冇事前講清楚所以冇…唉…算…個爐好細… 個爐分兩層， 見到宣傳片話下層都可以用錫紙放入去 整熱啲食物… 但我用錫紙放咗30分鐘 焗蜆都唔熟… 嘥時間…下層完全唔得… 只有上層燒…

優點:食材新鮮，特別是鮑魚隻隻會喐缺點:（1）老闆絕對是周星馳"食神"嘅影迷，枱有咁細張得咁細張，爐頭有咁細個得咁細個，爐頭的火力有咁細得咁細。首先枱是非常之細，及櫈於櫈之間是絕對背貼背，與隔離枱之間是零距離接觸，本人妻子身高160，重102磅亦覺得坐得非常辛苦；爐頭只有本人一隻手掌再大一點，開火力開最大，都需要半個小時才能把羊架燒熟！（2）竟然45分鐘前經已不可以再取食物，再加上火力勁細，本人回家後再要自行煮麵食（3）之前說明每位都會附送白鱔一串，但當我們要求時，經理竟然説並不是每位都送，必須要訂枱時同一時間要求才有（訂枱時店員根本沒有説明，客人又點會知呢）（4）其他較名貴食材包括，貴妃蚌，帶子，本人則從未見過，經查詢之下，店員表示貨量不足，未能提供總括而言，真的絕對是無下次，各位光顧與否自行衡量風險。

都係睇社交平台介紹得幾好 諗住去試下不過真係吾會再去 海鮮無鮮味 蜆有沙 鮑魚冇洗過咁 肉類完全無乜選擇 坐得好吾舒服 爐又細 無位放袋！D蝦反哂肚吾知想點 又細又無膏個缸好污糟 ，好多時間都用哂去等啲野食熟 哂時間！完全係唔會飽肚！真係吾好食 吾會再去

兩個人嘅座位太細,好迫夾,如果食兩個半鐘係唔夠時間嘅,因為個燒烤爐有啲細,海鮮嘅種類係多,冇水果食,如果可以食三個鐘呢就合理啲,我哋攞咗優惠食肆個鐘嘅,但係食完之後冇想嚟多次食嘅感覺

見youtube 有人推薦, 都估到係宣傳片, 不過未試過都book 黎試下5pm 開始, 流水蝦新鮮, 啖啖肉, 但就無乜鮮味....同食純蛋白質無分别, 烚蛋已經滿足到 食埋其他海鮮, 蠔有沙, 蜆係ok但個爐太細‼️ 大部份時間等食物烤熟, 熟食得薯塊, 麥樂雞呢d 無營養,質飽你既野食. 唔岩我☹️6點9 last order, cut 左單先出大北寄貝!! 去拎就話你張枱cut 左單, 唔俾你攞.ok, 5pm 入座 (7點半交還枱), $338 +10%如果5點半入座, 8點走, $368+10%差$30, 正常係時間差别, 無諗過連食材都有明顯差别囉!!食材平平, 差别待遇, 價錢又貴, 無下次!!!

4個人又係錦既爐，6個人又係錦既爐，之後話分2枱，先有多個爐，有個個黑衫女人好冇禮貌，態度差。個爐又唔夠熱，燒左9個字先熟。。。呢樣又冇嗰樣又未溶冰，食到一肚氣。錫紙盤都話冇，點整野食？蜆就食到成日沙，蠔就好污糟。唔怕肚痛可以去試！社交平台啲人試食好似好正錦，當你烤成個鐘先食第一轉真係蝕到入肉，試完就知咩料啦。見人地都讚好間餐廳，但我真係讚唔落，都唔知我黑仔定咩。食完真係唔會有下次！比錢買難受！

想試流水蝦好耐，今次見到近近地響屯門開左間，就即管一試，book左5點，食到7點半，338加一，佢細分左幾個價錢，唔食過都唔知除左價錢上既分別外，其實餐廳供應時海鮮都會唔同，5點開始食，拎海鮮既時間只係去到6：45分，因為燒都要時間，我地都覺得合理，我地就響6：40分拎最後一轉，然後6：45分見到成晚都無出現過既扇貝出場，出到去竟然又唔見左，可能餐廳發現出早左所以收返，我地問師傅係咪有扇貝，佢先拎左4隻比我地，到再晏d就見到有原隻魷魚同聖子，呢d響5點果場從未出現過，不過338加一黎講，有鮑魚，有2款蜆，有貴妃蚌，有蠔，有冬風螺都好夠食，仲有大頭蝦任夾，所有海鮮都好新鮮，值得再去，我地成晚主力食海鮮，肉類只係食左少少，但感覺好一般，都係主力食返海鮮性價比高好多

29/4 係第一階段疫苗通行証最後一日（12~18歲需打一針先入得），諗住同阿仔食最後一日堂食，book 左枱去到掃安心出行既時，由於鋪頭已經update 左個安心出行，我個仔已打一針，但係顯示未能合符資格，門口有位戴眼鏡既男職員，態度極不討好，只係係咁話我個仔既安心出行唔入得，我已經解釋比佢聽疫苗通行証係30號先開始，亦有show 比佢睇安心出行apps 入面既電子針卡，佢睇都唔睇，眼尾都唔望，只係用好悔氣既態度話：唔使睇，唔理，總之安心出行唔得就唔得！其實你有冇諗過，有冇認真理解法律呢？明明係30號先開始，你唔使咁既態度，仲覺得我地好似怪獸咁既，我已經show 比您睇電子針卡！唔緊要，唔食你地可以食第二間既！門口仲要放個牌係到話試業期間，多多包容! 身為食市餐廳，請先理解法律效力！唔食你，我都可以食第二間既!