燒蝦蝦 (興泰大廈) (已結業)

呢度放題係任飲任食兩個半鐘頭🥢主打五花八門嘅串燒燒物、新鮮海鮮、熟食、甜品同埋飲品、酒精類飲品🥤當中最最最吸引我嘅係海鮮竟然仲有鮑魚任食！！！好多時候任食，就算係自助餐嘅鮑魚都只限每人食一兩隻 呢度美味二百蚊竟然有得任食🥰🥰鮑魚肉質飽滿又新鮮，燒嘅時候都見到佢仲好生猛係度郁緊🤣另一重點當然係個流水蝦放題🦐每位食客都可以自己釣蝦再放到自己面前嘅爐去燒佢👍因為係我地第一次試所以都唔太識釣 用咗一啲時間先掌握到竅門 店員亦好好有係旁邊教我地應該點樣做會容易啲釣到😊