燒肉酒場 (已結業)

烤肉店裝潢好日式。用上圓拱形烤盤，非常有特色。不同款式的肉類都有得點。烤肉店主打羊肉，部位款都幾特別。烤盤旁邊放滿椰菜，洋蔥塊。加左燒肉汁，食落脆身爽口。每人一碟醬汁，有埋檸檬，黑椒洋蔥粒。清爽前菜，椰菜絲沙律。可以中和燒烤油膩感。紐西蘭羊後膝。店員好細心幫忙燒。肉厚啖啖肉，味濃但沒有羊羶味，肉質軟腍。黑草羊肝。羊內臟平時少見有。第一口食落去有羊肉香味，口感柔嫩。美國安格斯西冷。大大片，薄身的。不用燒好耐就可以食。食起黎好香，帶點油脂香。壺漬牛肋條。小壺內放左牛肋條，用醬汁醃過，仲有幾塊矮瓜，份量不小。醬汁甜甜地，牛助條濃味。除左肉類，燒蔬菜都好。燒秋葵和南瓜。雜果燒酎。有新鮮水果，好易入口。有清新感覺，配食燒肉幾夾。

這晚逛完日本感謝祭後，當然要吃番一餐日本美食啦！這間銅鑼灣上樓燒肉店氣氛很好，窗邊全是滿滿的空酒樽裝飾，店內燈光暗暗的，像在日本一樣。前菜有椰菜絲沙律、牛滂漬及冷奴(即豆腐)，非常非常滑溜，醬汁也調教得美味。爐邊的伴菜是無限加添的，大家不用就住食。食物用料新鮮高質。美國安格斯牛小排油份特別多，兩邊簡單烤一烤便可食用，入口果真肉味濃。橫膈肌相對較有彈性，肉味同樣突出。鹽燒豚腩片可以烤得像脆片，技巧是長時間先烤一邊，待收縮後才返轉另一邊，像脆爆烟肉般Ichiban👍🏻原條日本魷魚可算是最有驚喜，服務員提示先把魷魚兩邊各燒3分鐘，再剪開食用，肉質非常厚身，而且入口極度煙韌，真的吃完一啖再一啖呀😋炭火雞腿肉需要較長時間烤熟，因為雞件較厚肉，而雞皮又能烤得脆脆的。桃味梳打不太甜，桃味又濃易入口。檸檬威士忌梳打冰凍醒神，檸檬又不會太搶味，值得一試。

之前上網見到有個本地名廚介紹，好似幾好食，所以同老婆試下呢間主打成吉思汗燒烤既餐廳。我本身就係一個羊肉嘅愛好者，叫咗一碟羊頸柳，羊味超濃郁，又唔會有好勁嘅羊騷味，加埋佢嘅醬汁、洋蔥同孜然粉，簡直係無敵！之後仲叫咗一個雞皮炒支豆，非常惹味，送酒一流。同埋叫左一個豚肉大盤拼盤，分量十足，而我最鍾意就係入邊嘅豬頸肉，油花非常之豐富，好好食。而另外一樣嘢令我對餐廳印象非常之好就係佢嘅抽煙系統做得好好，唔會好似一般燒烤店咁食完之後成身煙味。推介！

一入到餐廳就已經聞到陣羊味，店員會奉上一客椰菜絲沙律，價錢為$20 呢度嘅蒙古羊卷肉真係充滿羊肉味道，但又唔會羶，肉質仲好嫩滑紐西蘭羊腩需要燒得比較耐，所以一上菜就放上爐慢慢燒，燒到差唔多熟就加上調味粉，然後剪成一粒粒黎食，好味呀平時嘅我，多數見到薄切牛舌會感興趣啲，但今次呢個厚切牛舌都算唔錯，唔會韌，仲有牛味美國安格斯西冷🥩放上鐵板好快就熟，大家唔好燒得太耐，如果變成well done就會嚡口 原條日本魷魚🦑就甘放上鐵板燒都唔會好粘底，待燒到開始收水就剪開一條條再燒多陣，食落爽口彈牙，味道都唔錯㗎雜果燒酎主要有西柚➕️橙，味道以燒酒味為主，飲落帶有輕微甜 桂花烏龍水果茶水果都係有西柚➕️橙，配上清淡嘅桂花烏龍茶，都幾好飲😊

睇返相簿啲相，突然好掛住北海道著名烤肉店嘅成吉思汗，就上網搵下原來香港都有間成吉思汗烤肉位於銅鑼灣😝即搵埋朋友一齊去回味下！前菜叫咗個椰菜絲沙律同香蔥温泉蛋芝麻醬豆腐，真落好清新，同烤肉濃味形成對比，好開胃~嚟得成吉思汗烤肉點可錯過羊肉，叫咗個燒肉酒場羊肉大盛，入面有齊羊柳、羊西冷、 羊腿、羊卷肉同羊腩羊後膝，一盤有齊6 個部位，鐘意唔同口感嘅朋友都岩食，最鐘意羊卷肉單食又可以配燒肉拍擋又得，肉質嫩而濃味，但絕冇騷味~而羊西冷就嚼勁感重，食出好香羊味☺除咗羊肉呢度仲有牛同豬都好出名，要咗個壺漬牛肋條，打開有2 片茄子，下層就係牛肋條，每條牛肋條都係極致之味！唔需要再加入調味，火焰烤出外層醬汁酥香、內肉味重紮實，單食或配生菜都好好味😋食烤肉當然配雜果燒酌，唔同嘅雜果帶出甜香，酒味較淡，好岩女仔飲用，配烤肉一流☺燒肉酒場🌟10/F, 永光中心28 Tang Lung St, Causeway Bay

爭取仲有得食晚市既日子，今晚繼續懷念日本，去咗食日式燒肉。先黎個海鮮拼盤，以兩個人黎講份量十足，共有四款海鮮，每款有兩件，兩個人食啱啱好。個人推介扇貝同蝦，非常好新鮮，基本上一燒熟唔使加任何醬料食都非常鮮甜好味。再黎係豬肉拼盤，總共有六款，每款有兩至三件，配上唔同口味既配料同醬汁，可以滿足唔同朋友既口味。個人比較推介豬頸肉，用豬頸肉本身既油份燒到脆邊之餘又不失裡面既肉汁，送酒一流。最後要推介桂花烏龍水果茶，好清新又唔會太甜，啱晒食完燒肉後清清味蕾。

好耐無出去堂食，揀左依間燒肉地點方便，基本上成棟都係食豬牛羊肉咩都有，樣樣叫左啲試下頭盤有個鹽醬椰菜，我本身唔太食沙律，但佢加埋啲好似芝麻醬都幾好食雞皮炒枝豆：送酒唔錯，本身枝豆無咩味，但成碟野爆香晒都唔錯羊頸柳：羊味重無咩羊騷味，店員提議可以加啲成吉思汗粉落去鈎番個味出黎，試完都唔錯，可以加多啲個成吉思汗粉係類似孜然粉加少少辣粉伊比利亞豬梅頭；依個算係有驚喜，肉質好林，侍應話呢種豬嘅野比較乾淨，所以燒到八九成熟就已經可以食牛肉大盛：入邊有6款牛，分別係橫隔肌、牛板鍵、牛脷、橫隔肌、牛小排、牛肋條但由於今日無牛板鍵，所以佢比左兩份橫隔肌我地，點知佢係最好食🤣

我真係好掛住燒肉啊😭今日黎到呢間蒙古X日式嘅燒肉店，一解燒肉嘅慾望！每個爐都有獨立抽煙系統+圍裙（讚讚讚）講下醬汁，有燒肉汁、檸檬、黑椒炒洋蔥碎（洋蔥碎搭配肉，味道非常新鮮！）另外每枱附送嘅椰菜沙律好開胃，好適合邊食燒肉邊解膩仲有！真係好中意食呢個鍋邊的雜菜！（免費添加）本身以為係裝飾，不要走寶！必食！店員會加燒肉汁係菜面，當燒肉時，肉汁同脂肪流向雜菜，仲有蘑菇洋蔥本身嘅鮮甜味，好好食！重頭戲！必定係肉啦！先講講羊頸柳，呢個部位好少見，呢順帶一提呢到肉嘅選擇非常多，完全唔騷，肉質腍，口感嫩滑，油脂都唔算多，店員推介加埋「成吉思汗粉」搭配一齊食，入面嘅自然會將肉味提升呢個伊比利亞豬梅頭簡直係我最愛！呢款豬食嘅飼料比較乾淨，就算唔係全熟都可以食，好腍好腍，脂肪部分燒完外脆，必點！建議搭檸檬汁，解油膩感，再夾少少洋蔥！好正黎到食肉獸最關心嘅牛，肉味都非常之濃！基本上佢嘅肉類都有事先簡單黑椒調味，但係呢款牛盛盒入面嘅牛肋條就有特別用醬汁醃製，燒完之後唔需要配搭醬汁已經好夠味。牛小排建議唔好燒太耐，配搭洋蔥我覺得已經好足夠。佐酒必點！非常香口，雞皮同枝豆呢個配搭都好特別，唔係咁鍾食脆咗嘅雞皮，佢

燒肉酒場係以成吉思汗羊肉燒烤作招徠。同一般日式燒肉唔同，係北海道嘅特色美食之一。Covid未有得去旅行唯有嚟呢度試吓。圓拱形嘅專用盤側邊鋪滿蔬菜，索晒肉汁j精華特別正。柚子雞腿肉 $78雞肉入口嫩滑多汁，質感滑溜。帶淡淡的柚子蜜糖香氣，鹹中帶甜。燒肉酒場牛肉大盛 $268二百幾蚊有六款其實幾抵食，略嫌肥膏過多 ！包括牛舌、牛板健、牛小排、牛肋條、橫膈膜、牛肉片。特別鍾意橫膈膜，口感柔軟，咬落唔會太多肥膏，肉味濃郁。燒肉酒場豚肉大盛 $248通常prefer牛肉，估唔到今次覺得豬肉好食啲！特別欣賞豬腩片，肥瘦相間，層次分明。薄身所以燒完脆脆地，有焦香。三塊分別以唔同方式調味，無論韓式、香蔥、鹽燒都好好味。唯可惜西京豬頸肉太肥，脂肪含量過高。桂花烏龍水果茶 $48茶底幾出，加埋酸微微嘅熱情果，清新解膩。大大杯，啱晒食燒肉嘅時候飲！價錢合理，啲肉切得太大塊，調味用心，食肉獸可以黎試吓！

成吉思汗烤肉 第一次食係喺北海道嘅小巨蛋。好多年前食過，一直都好想再食翻。估唔到喺香港都可以食翻。真係好回味！位於銅鑼灣熱鬧地帶樓上呢間燒肉酒場 真係好正中又有自己特色。成吉思汗烤肉嘅由來，係佢以前征戰嘅時候帶嘅頭盔，在外打仗食飯唔方便，會用佢作為烤肉爐，隨時隨地充飢，又可以享受美味。可以發明呢個方法真係犀利。😂👍🏻👍🏻👍🏻 #椰菜絲沙律食日式美食當然唔少得椰菜絲，下下啖啖肉🥩，點翻個消膩，甜甜啲可以食多啲肉肉👀 #燒肉酒場羊肉大盛我最最最鐘意食羊🐏肉😋😋，成吉思漢烤肉當然一定要食羊先正宗！講你好鐘意食羊肉。一定要叫呢款，真係太吸引，可以一次嘗試到羊肉嘅唔同部分，各種口感味道都可以一次食到。店主會好細心咁講俾你聽，應該先食邊一個部位，跟住個順序一齊燒嚟食。再配佢自家製孜然粉，有微微辣味，超香！ #美國安格斯牛小排食烤肉一定唔可以冇牛🐮，牛肉味道濃郁，一罐安格斯嘅口感。再加佢自家製嘅燒烤醬汁。你點可以唔食？！#伊比利亞梅頭佢嘅豬肉都做得好出色，味道竟然入口即溶，令我好難忘。伊比利亞豬🐷食野比較乾淨，所以燒到佢8-9成熟就可以食得了，記得加埋，佢自家製配料，醃製好嘅洋蔥一齊食😋😋 #唐揚洋

BOOK 左2030，準時去到，等左邊個 2幾3個字先入得座。入到去，叫完野食就開始左無限既等待。等到阿姐行埋黎問我，D野好唔好食丫？我問返佢"阿姐你咩都冇黎過，我食咩野？"等左4個字，終於黎左2件羊架，然後2件羊仲係凍到出緊煙未溶過雪。如是者，一路燒舊肉，舊肉就一路溶雪出水，D油就彈到傻。你可能問，咩都未燒過，邊會有油？錯啦，啲油係由佢部九流抽油煙機滴返落去個鐵盤到！然後部抽油煙機係完全USELESS。餐廳叫做主打成吉思汗羊肉，啲肉無雪味既，不過放心，佢都都完全無肉味。9點30分，阿姐行埋黎問"LAST ORDER，要唔要加單？"我話"阿姐你仲有一半野未黎，加咩野單？"埋單2個人1003蚊，未試過食一餐食到咁嬲。唔好誤會，其實除左著恤衫果個哥哥外，另外2個紅色衫既STAFF 其實好有禮貌好NICE，不過D 野真係好難食，環境真係好差（成個場MENU 連枱面都勁油），1.5小時燒肉仲要遲入場，D野仲要黎得咁慢。呢餐我覺得500蚊都比多佢，D野仲難食過漢陽苑果D任食燒肉。間餐廳唔係當去果D人係傻既，就係當佢地味覺失調。如果你想去既，請三思。

呢間燒肉專門店，抽氣系統不錯，沒有太大味道殘留衣衫。肉類選擇又多，最重要價錢合理。前菜椰菜絲沙律，清清喉嚨。😃柚子雞腿肉$78燒烤起來散發出柚子香氣。雞皮烤得焦焦不油膩，肉質軟腍。🍗🐤燒肉酒場牛肉大盛$268厚牛舌，牛板腱，牛小排，牛肋條，橫隔膜，牛肉片🐮🥩每款有兩片，可試多款。😜醃製味道比較濃厚，滋味😋！燒肉酒場豚肉大盛$248豚肉肉眼，伊比利亞梅頭，西京豬頸肉，韓式豚腩肉，香蔥豚腩肉，鹽燒豚肉片🐷🥩豚肉醃製比較鹹香十足。桂花烏龍水果茶$48茶香滿溢，清新爽宜🍹。

我好中意3:30食飯 因為可以當午餐同晚餐 加上價錢平啲抵啲😋🙈燒肉酒場 (銅鑼灣)📍銅鑼灣登龍街28號永光中心10樓牛餐定食 供應時間12:00-17:00有豬肉,牛肉 羊肉揀 仲包埋沙律,飯同麵豉湯包保你會飽飽😋圓拱形烤盤側邊放咗洋蔥 椰菜吸收燒肉嘅肉汁 好正🥰 職員見到你食晒仲會自動幫你添加 我叫咗個美國牛肉五品$138入面有牛板腱,牛舌,牛肋條,肥牛肉片同橫隔肌其實份量都好多 每款入邊有兩塊 肉質軟嫩 輕輕燒幾下就食得 牛味超香 送飯一流我仲叫咗個燒肉酒埸豚肉大盛$248入面有豚肉肉眼,伊比利亞梅頭,西京豬頭肉,韓式豬腩片香蔥豚腩肉 同 鹽燒豚肉片通常豬肉燒耐咗會好靭 但佢一啲都唔會我最喜歡西京豬頭肉 厚切非常有口感 好juicy我一開始驚唔夠飽仲叫咗個柚子雞腿肉鋤燒$78超喜歡柚子醬汁 酸酸地超開胃 雞腿肉都好淋好好食😋😋呢間餐廳超適合一大班人去食除咗有牛肉豬肉羊肉揀 仲有日式丼飯揀大家快啲去試吓啦😋

本身喜歡食羊，今次一次過食咗好幾個不同部位。全部都嫩口，燒肉都晤會乾，多汁。可惜試晤到羊油卷，已經售罄。白鱔十分好味，食完再encore。環境乾淨，服務好。店員對食物熟悉，作出適當推介。

🍴美食資訊🍴蒙古羊架（$88)肉厚，肥瘦均勻，而且食落唔覺得好重嘅羊羶味，不過就要烤耐少少👍蒙古羊卷肉（$78)薄切嘅羊肉，唔算好特別，但都好食。呢個直頭食唔到羊羶味，因薄嘅關係，好快就烤熟。壺漬牛肋條（$98)會有個壺仔裝住兩條醃左嘅牛肋條。肉質彈牙有咬口👍值得一試。厚切牛舌（$128)比我地想像中更加厚切😹直頭就好似原整一條牛舌嘅size咁，超超超級彈牙！牛舌控必點！伊比利亞梅頭（$88)一塊厚而且肥瘦均勻嘅豬扒，味道正常。但呢塊豬扒食完會覺得好膩😹好頂肚。柚子雞腿肉（$78)帶有柚子清新嘅雞肉。就算烤熟都覺得好嫩滑又好食👍羊湯烏冬（$68)一小煲咁上，烏冬好滑，羊肉唔羶。而個湯亦好好飲，食得出較重嘅麻油味👍個湯我唔咸，就算我飲晒成煲，之後都唔覺得口乾。牛肉腸配芥末籽（$68)粗實而且多汁嘅肉腸👍烤完配埋個芥末籽嘅醬，好食！桂花烏龍水果茶（$48)好好飲嘅水果茶！真係有水果切片係入面！唔算好甜，少少酸，非常清新！食完油膩嘅肉飲一啖，超級舒服！桃味梳打（$38)普通支裝桃味梳打，相較水果茶會較為遜色。椰子雪葩（$58)用個椰子殼裝住嘅雪葩，極濃嘅椰子味！係今餐圓滿嘅句號！——————