燒肉の牛太・本陣 (創紀之城五期(apm))

營業中

休息中

今日成班同事約好左準時放工, 7:30pm去到APM本陣食日本和牛燒肉!!! 本陣位於apm 4樓, 地點唔難搵! 亦因為今日係星期一, 唔算多人, 一到就有得入座!!我地一行六人, 安排坐到卡位, 正! 卡位都幾舒服, 夠闊落! 坐足六人都仲有空位~~~由於坐卡位, 旁邊有個小窗台給客人放袋放野都幾方便~~~~至於張台夠大, 六人台有2個bbq爐, 方便大家燒肉!!yeah~~ 但因為有個燒烤爐, 所以坐的時候會頂腳~~台的空位唔算好多, 所以建議大家先點部份野食, 唔係唔夠位放~食完再點其他~~在食物方面, 有睇開我食評的朋友都知, 我唔算好好好鍾意食放題的 但今次來本陣算係有驚喜, 食材的確很新鮮. 牛肉唔會有雪藏味, 食落口感幾好, 唔"un", 同埋都幾juicy!燒牛舌是厚燒的, 特別好味 , 有質感, 彈牙, 有少少溶化的感覺!!!鹽燒牛肋肉, 燒汁牛脊肉, 也都很不錯! 脂肪肉質比例均勻, 有濃濃的牛味, 超juicy!!!其他種類的食物都幾唔錯! 大約8點幾9點, 開始多客, 所以建議大家記得早點黎食放題ar!!! 最平的放題餐每位$218, 任叫食物有好多, 而且免

要拎野俾朋友，所以又黎到觀塘呢個鬼地方，原來只要唔坐巴士就唔會迷路。去到apm人好多，想搵個位食野都難，愈行愈上，見到本陣無咩人，就走左入去諗住食d野先。叫左個博多豚骨湯拉麵$59，跟餐有沙律，有個麻醬豆腐。先講沙律，菜超唔新鮮，又啡又黃，個豆腐似係百福，所以都算係咁。到到主角，個拉麵，湯唔熱，而且好重味精味，拉麵都算彈牙，豚肉好硬又無味，配菜既粟米有酸味，隻蛋就全熟既，好古怪。加左一要60幾蚊，好唔扺！！

觀塘APM一到中午食飯勁多人，間間都唔平，本身排元氣，太多人試下食本陣燒肉午餐。原本冇試過，覺得好HEAVY，原來都唔係。成個SET 有前菜、沙律、飯、湯、肉，幾豐富，啱啱好!咁啱做咁LIKE FB 優惠，仲有野飲送呢!另外，除左燒肉SET外，仲有午餐，五十幾到，下次都可以試!3個人分別叫左黑毛和牛、牛仔骨同牛三品(有3款唔同部位肉)SET， 咁一份錢一份貨，點都係和牛好食，有肉味同JUNICY，價錢由79至百多元。其實間店都爆場，店員都好忙，不過都好落力收野，算係咁!食得係有小小趕，因為得60分鐘，但都要趕返工，所以冇乜所謂 !唯一美中不足係,..成碟肉，得一舊南瓜伴菜可以燒，如果多少少就好!

前幾日生日,為咗慶祝,於是就揀咗哩間專食燒肉放題嘅餐廳啦。哩間餐廳嘅裝修好靚,好乾淨,坐嘅地方都好寬闊。因為創紀之城離地鐵站好近,所以去呢間 餐廳係非常方便。佢哋嘅服務都好周到,侍應會介紹唔同肉 既部位俾我地聽,教我地點樣燒 D 食物, 點燒先係最好味。又會經過就問下你有 冇想要嘅嘢或者要唔要添野飲,真係好貼心啊!燒肉都好新鮮好好食呀,不過果日食得太開心，唔記得逐款肉影相。但肉類真係好深刻,因為好難得食放題啲肉可以咁新鮮同好食,唔似得某間位於尖沙咀嘅燒肉放題餐廳,真係食完都想嘔。經過佢哋嘅教導之後,我果然無燒燶啲肉, 哈哈！服務真係太好太貼心啦！下次一定要再嚟！

自日本廣島及兔仔島回港數日，一直身體抱恙，今日終於可以食番正常食物，就在我倆看電影前選了這間燒牛。香港的日本餐廳當然不可與日本的相比，一比較，只有失望。而且要怪只怪我對apm的餐廳不甚了解，身為openrice常客的我當然在找餐廳前有在openrice搜尋過，但就是用apm這個地址搜尋不到這一間，我就以為是新開的了，我們就這樣入內試試看。我們選了$288的放題，可任點餐牌上的菜和幾款飲品任飲。落單時侍應的面口我沒法用個"木"字形容，對，我只能用個"黑"字。與日本的超有禮貌式笑容可掬相比，差天共地。再說說食物，牛沒有牛味，最差的是薄切牛舌，韌得咬不開。 即刻看看openrice, 原來喊多過笑，中伏了。日本的餐廳燒熱爐面前會放一嚿牛的肥肉在桌上，讓你隨時在爐子上掃油，這樣燒的肉就不會黏實爐面，香港的餐廳當然沒有這種細心。較可取的反而是雞翼，這不是一間標榜燒牛的餐廳嗎？韓式豆腐湯，一個字： hea。感覺很稀，很像是用水溝出來的。栗米是一碟兩嚿，切開了一半的兩嚿。其實我不知道原來栗米這麼貴。燒完超乾，沒有甜味，不吃也罷。食物不濟，服務負分，食完第一時間上來會報，以免更多人中伏。

呢度可以選散叫或者任食, 但大多數人都係任食, 不過要限時, 好似100分鐘, 到差不多仲有20分鐘, 就有伙計問仲有冇嘢叫, last call~ 通常都夠時間食飽, 因為一開頭會狂叫, 咁就會好快飽~ 呢度有3個任食價錢, 我地選咗中價, 但當食完佢個拼盤時, 再叫中價的食物, 兩種牛舌都冇, 只好選擇低價牛舌, 都唔知係咪我地咁好彩, 想叫果d都冇, 咁我駛乜比中價? 橫掂都係食低價嘢, 比貴幾十蚊, 真唔抵, 下次要問清楚我地想食的中價食物有冇, 如果冇, 不如選低價好過~  呢個所謂拼盤, 又話有和牛, 我真係唔覺得似, 可能我見識少, 而且淨係得肉, 都冇乜菜可選, 唯有叫d前菜食下, 反而前菜真係有好多菜類~燒燒下會有伙計每枱睇下駛唔駛加水, 怕燒乾咗, 但至於換網, 你唔叫係唔會自換的, 不過我地都冇換過, 因為佢都唔係好"痴"網~我覺得伙計唔係好夠, 成日想搵人落單都冇人, 唯有等有伙計拎菜比其他枱時叫住佢~咁啱做緊promo, 我地呢個中價餐有雪糕送, 但一人只限一杯, 而且冇得我地選............但好過冇囉~

KaKaMa同貓兄剛從泡菜國回來, 急不及待送上佢地係首爾買比我同龍媽的手信, 好興奮呀!!!6月之星搵餐廳都搵得好求奇吓... 輾轉反側, 算喇, 但求出來聚一聚, 食咩都好啦~~~ 本陣在1997年於日本兵庫縣姬路市成立... 網上食評狠批放題, 入座時我堅決反對食放題...網上食評安排入座的職員態度極差, 今日得以一見, 果然真人與網評一樣差...散叫限食100分鐘... 個帶位職員要我地坐呢張連椅背都無的枱, 我地要求坐卡位, 佢竟然話果張係8人枱, 唔係呀化?!! 2張枱明明一模一樣, 你當我地傻o架?!! 喧嚷一輪之後, 對座位要求最高的壽星竟然無拉隊走人, 噢, 咁我都唔介意坐左邊張正常木椅... 職員急於落單, 我真係一點都唔急, 又唔係食Buffet, Order咗你遲遲唔上菜我咪Cancel囉... 我都未坐定, 門口個職員已經走埋來催我地4-5次, 好煩呀!!! 壽星突然亂來, 都未決定好食咩就落單, 一路落一路揀, 搞到個職員等得唔耐煩走開咗幾次...壽星越叫越多, 竟然無人制止佢, 職員仲慫恿佢叫$298的拼盤, 比貓兄一句"每樣得2片夠邊個食"拋窒, 結果

今日同朋友食午餐，在觀塘工作的朋友們都知道，午餐時間是很多人的。搵位是高難度動作走遍APM，本陣已經是最少人等位了，幸好，我LUNCH時間比較自由，不用一點才去等，12:45已經到了. 等了20分鐘，朋友差不多到了，lunch時間不多，所以沒有吃鐵版，我選了滑蛋牛肉飯把蛋整穿撈飯好好味呢，而且份量很多，一個人一碗吃不完，哈。。。我相信2個人一碗也可以牛的份量很多，但多是沒有用的，因為煮得太老了，是十成熟的，可能還不止，因為太好咬口了59蚊一碗加埋一是65蚊，以APM的價錢是差不多了，但下次不要去了

一行六人去 apm 樓上間本陣食燒牛，基本上我地都算係常客。午市好多時都冇位，想食記得要 book 定。我叫咗個燒牛定食，有一碗飯、一碗湯、菜沙律、凍豆腐同一碟牛拼盤。一碟入面有三片牛肉、三片牛舌加一片南瓜，睇落好似好少但其實好夠食，而且佢個飯同湯係無限任添，唔洗驚食唔飽。其他人叫咗溫泉蛋牛肉飯同泡菜豬肉飯。前者都好食，不過自己燒好似開心啲。後者佢地話唔夠汁，要自己加。一個 set $59 再加一好食又抵食，不過呢啲價位一個月食一次好喇...

想試這家日式燒肉很久了，但每次都被長長人龍嚇跑，今日見等候人數較少，又不想上酒樓吃，故乖乖在門外耐心等候。這家燒肉店既可散叫，也可吃放題。放題依價錢分三種，分別是$218(可點54款食物)﹑$288(可點93款)及可吃日本極黑和牛食品的$428(共有108款食物)。由於我們趕看電影，也不想太貴，所以決定吃$288的。甫坐下店員會先替我們拿兩份和牛五品特盛(拼盤)，內有和牛小牛排﹑牛尾﹑牛肋肉﹑霜降牛扒，最後一款忘了。我們則另點羊架﹑五花肉﹑韓式辣牛粒﹑大蝦﹑帆立貝﹑厚切及薄牛舌﹑牛腸﹑魷魚筒﹑韓式燒紫菜﹑豚骨腸；前菜則點了韓式沙律﹑日式沙律﹑胡麻蕃茄﹑豆腐湯及菠菜等。 先來的和牛五品特盛真的超讚，牛肉色澤鮮紅，帶油花，未試已知好吃，燒至半熟多一點，外面色澤有點焦脆，內裡有點粉紅色，沒有血水滲出，吃落牛味很濃，尤其以和牛牛肋肉最濃，肉汁豐盈，肉質很嫩，吃罷一件追著再吃。朋友比較過一般牛舌及厚切，兩者均好味，但以厚切更佳。由於我們真的很趕時間，故沒停頓的邊燒邊吃，除了和牛味道出眾，印象較深刻外，其他則覺一般。凡惠顧$288或$428放題的食客，均可免費飲指定飲品，當晚則提供韓牌忌廉溝鮮奶梳

本身唔太多熟悉官塘APM，只是路過又係中飯時間，咁就鍾咗上去，諗住快快趣趣食D簡單嘢，見到呢間有义燒拉麵，就好啱。坐低望吓餐牌，原來仲有D燒烤，但睇咗一眼隔籬枱D牛肉就知唔對路。咁就按原先諗嘅，叫咗個拉麵。連加一就65蚊，有沙律同麻醬豆腐送埋，心想都幾抵食。前菜嚟得好快，也沒甚麼好説的。個麵就真係嚇得死人。D义燒同隻蛋應該係剛喺雪櫃拎出嚟，解凍冇耐，因為义燒上面嘅肥肉仲係白濛濛，且凍冰冰。隻蛋亦係凍嘅。麵質亦唔得，湯底又油又咸，但唔鮮味。一定唔會再幫襯！

Boyfriend and I were stuck in APM as it was raining way too hard to go outside the mall. We walked by this place and found no queue as the past few times we walked by, there was a long line. So, we gave it a try.Basically, this is an all you can eat Japanese BBQ place. You can choose $218, $288 and $488 in price for 100 minutes of dining. $218 comes with various pork, beef and chicken meat. $288 adds on seafood and internal organs $488 includes wagyu. The hostess told us since it's newly opened,

舖面不算大, 環境尚可, 但抽氣欠佳, 十分之煙霧瀰漫, 吃完一頓一定全身味道無論點了什麼餐, 魷魚都先被端來, 容易燒不會曲起, 入口彈牙, 味道不算太牛肋及其他牛肉都不錯, 都有牛鮮味, 未算劣質冷藏品, 入口沒有渣, 全都OK和牛都不錯, 肉質鬆軟, 味道佳豬頸肉爽口美味, 快燒快熟, 不錯豬腩肉薄片, 半肥瘦, 沒什麼味道羊架肉質不差, 可惜有少許羶味雞肉淡, 沒特別餐牌裡的食物是任點的, 未有漏單情況出現, 職員都很樂意幫忙

去完GYM落返APM搵下野食，3點有時真係幾難搵食幾間都已經收爐，行到牛太本陣其實佢都收收地，不過都可以做埋我地先~ 幾好=D入到去三個人一人叫個SET牛肩肉 - 唔算好薄身，所以燒完都可以有肉汁，大前題唔可以太熟啦，醃得幾好唔怕太咸。牛肩肉身較有咬口牛三食(牛舌/牛腹/牛肩肉) - 牛舌都係食厚的好，因為除左有牛舌既香味外，仲可以有埋口感! 牛腹比較軟身，但肉味就會比牛肩肉少，但係係唔同既感覺!石頭飯 - 唔試唔覺佢既石頭飯都幾好味，唔怕好似韓式果D要用佢D辣醬調味，佢呢個已經調好左，味道都唔錯整體黎講都幾唔錯，雖然就黎收爐都做埋我地先，呢樣已經加左D分雖然呢D連鎖店今日係果個服務員明天可能已經唔係，不過呢份態度希望可以大家都學習到當然顧客都要有應有既態度，客唔係大哂既~

新開業黎食過一次，是隔數月，侍應應該熟手左好啲啦，點知服務依然係負分，仲差過上次。自從有左放題，肉質素好似下降左……牛味淡左。又可能要將貨就價，anyways，我要了最平嘅餐，所以味道都差啲。特選牛二品盛品100克，五十九元，有四個部位可選，既然兩份餐，要哂四款，可以一次試哂。賣相一般，味道更一般，有啲懷疑自己真係食緊牛？！好淡味。跟餐嘅前菜，沙律菜唔新鮮，另一碟不予置評。湯同白飯可以免費添加，大前提係要揾到一個唔黑面嘅侍應。兩樣味道係正常嘅，係唔太夠熱啫。食完都唔飽，加左個韓式辛辣石窩飯，又係五十九蚊。除左係石窩上，唔知韓式左係邊？！泡菜？？油又無乜味，唔好食。侍應見我地叫五十九蚊餐即時黑面，勁！加水問野全部零反應，一間日式餐廳可以咁，好失望囉。