燒肉の牛太・本陣 (創紀之城五期(apm))

營業中

休息中

星期二夜晚去食 ,排左大約半個鐘左右門口員工表示九點半後冇任食要散叫 ,我同個朋友都係食肉獸 ,對於食肉獸黎講食放題係抵過散叫好多 ,我好緊張咁不停望個鐘, 等到九點十幾分終於有位。我同朋友叫左{$218（大人氣超值放題）}落單我地明明落左好多份量 ,但黎既肉得幾塊仔 ，好少 。我地食得好快， 落單又落單（用ipad)食物好快到，100min放題叫左6,7轉整體食物同服務都ok，不過$218淨係得茶飲，如果有其他更多選擇就好

同朋友原本打算食牛肉打邊爐，突然朋友話想食燒肉，我就諗起去apm本陣食燒肉，因呢間本人食過一次食物質素有水準，加上地方又方便餐廳環境又舒適，呢次我地選擇$428日本黑毛和牛放題，我地一坐低轉頭就先上一盆和牛拼盆，可以品嘗不同部位。雖然和牛冇入口即溶的口感，油脂和雪花分佈平均，食落口滿口濃郁的油脂，西冷扒可以剪細塊少少就更加👍，霜降牛肋肉雪花平均又薄薄地👍，我地主要食呢兩款和牛已勁滿足。仲有其他配菜和燒海鮮種類超多😋好滿足，只是等位太耐差不多等左一個鐘。

上次本來到了佐敦分店光顧, 但入座後良久才被告知沒黑毛和牛套餐供應, 故未能一試。今次來到觀塘分店, 還好沒發生同樣事件。以往吃這類餐廳, 總會點中價位的套餐, 因最便宜的質素通常很差, 最貴的又怕不能保持質素。但今晚我倆想吃日本和牛, 所以就點了$428的黑毛和牛放題套餐。入座後不到10分鐘, 服務員先端上頭盤。頭盤內容是因應套餐類別而有所不同, 如想直接點菜不要頭盤, 可於入座時跟服務員說明。由於我們點了日本和牛套餐, 所以頭盤會有幾款不同位置的和牛肉供我們淺嘗一下。和牛佈滿雪白的格網狀雪花, 看著已感興奮。部分和牛肉的脂肪和肉的比例或不算很平均, 但整體質素大致令人滿意。和牛肉吃起來雖沒很強烈的入口即溶感, 但由於和牛油脂非常豐富, 所以入口非常鬆軟, 每咬一口, 油脂都會滲出來, 充斥整個口腔, 邪惡但令人滿足!不消一會, 我倆已把頭盤吃掉。為和牛而來, 當然只主攻和牛! 急不及待再點幾款牛肉, 個人比較推介霜降西冷扒和牛肋肉, 這兩款我們都追點了好幾次。另外, 特選三品盛合也是不錯選擇值得一讚的是, 我們點了5至6回和牛, 牛肉大致仍能保持良好質素, 實屬難得!吃到中段, 也

今日約左喺觀塘做嘢嘅朋友食lunch。大概問左幾點放飯, 放假嘅我就去攞位先。12點半去到, 唔算多人, 好似有60分鐘限時, 打工仔放飯, 1個鐘當然夠喇!!! 睇睇menu, 有燒肉套餐同普通飯麵餐。朋友同我當然揀左食燒肉。我地都叫左特選牛三品盛品 ($79), 有牛肋肉, 牛舌同一口牛。每樣都有3片, 份量適中, 唔算太少。沙律同前菜: 沙律芝麻醬汁, 味道正常。凍豆腐都係淋上芝麻醬, 唔會難食呢。肉嘅份量唔算多, 所以可以慢慢食。有白飯同麵豉湯, 都ok。肉嘅味道普通, 一分錢一分貨, 唔會期望好高。喺觀塘中午想食下燒肉, 都可以試下。味道正常, 價錢唔算太貴。

本身諗住食Mage，可惜比較臨時訂檯已full, 上網搵左陣決定去食本陣，平時經過都好多人，今日唔洗點等位，可能時間尚早，等10分鐘已可入座座位唔係太舒服，好頂腳，要打側身坐我地揀左紅牛288位，侍應先送上一盤肉，雖然食完都唔知食左邊個部位😂但好推介下面最大塊果塊，之後按餐牌點，估計呢塊係柔軟身筋扒，好juicy,算幾靚嘅油花，食落又不會太油，中間有少少筋，但不會韌，其他牛肉都唔錯，比較不推介的是XL牛肋條，比較油膩同韌身，加上幾大件，食落都幾'un'胃其他肉類都冇試，係最初侍應奉上果盤肉有雞肉，都不是很推薦，肉質都幾鞋口食到咁上下先發現有生菜可以點黎包住食，減少油膩感以前食韓式鐵板燒，網燒都唔會燒蔬菜類，因為燒完好乾唔好食，但今次係到燒雞脾菇，出奇地好味，好香唔會乾，另外燒菠蘿都是必點的，呢度菠蘿好大塊好甜正！總括黎講是不錯的燒肉放題，侍應服務亦好有禮貌，沒有漏單情況，唯一是坐得麻麻地舒服，因為之前食過某比較出名的連鎖日式燒肉，有比較不好的經驗，所以之後都冇乜再嘗試日式燒肉，但呢間本陣下次會再黎P.S好喜歡泡菜蘿蔔，酸酸甜甜的很開胃，但對於不太能吃辣的我表示真的好辣

我已經係食288一位嘅放題，啲牛肉好似食香口膠咁堅韌，又多根！！ 啲蝦同魷魚ｄ肉梅嘅！我唔知係放題問題定咩原因，我只係覺得甘做生意完全同日本人本意唔同，仲扮係日木餐廳………冇下次！！

本來去開觀塘想再去食一杯，但因為要等成三十張台就過左隔離既本陣諗住都試下燒肉啦.... 唉.... 點知就食左一餐咬不完的“澳洲和牛”放題了！來來去去換湯不換藥，都係牛腹胸，牛肋肉，厚切牛肋肉定其他味牛肋肉等等。我唔係專業食評家，可能係我唔識食，但叫勻哂咁“多”款，俾一款我可以唔使咁耐，冇乜筋既牛肉得嘛？係咪叫厚切都成塊牛扒咁厚，燒已經耐，咬得仲耐！海蝦同魷魚仲要霉既，蝦頭黑過我啲頭髮。有啲肉黎到變哂色既，我問員工點解咁黑既？佢話係肉既顏色本身係咁，其實員工態度好好，只係啲食物真係到末日... 令到你唔使100分鐘已經可以收工，因為牙骹已鬆脫😢

去左觀塘 但好大雨啊 所以只好留左APM覓食找來本陣 午餐時間都等左一陣有午市定食當然來兩客牛牛定食再追加個豬牛肉定食包胡麻豆腐和沙律菜 有胡麻醬什麼都好吃海帶湯 唔係無味既水 都ok啦 熱辣辣都可以 湯同白飯可以任添牛肉定食preset左3款牛 牛肋肉牛舌同一口牛3款都好味 燒肉好難唔好味 但略嫌汁料只有一款 仲要只係得甜醬汁 我個人就麻麻地了 但唔點汁又唔太夠味呢碟係追加既豬肉同牛肉 可能太飽了 都好味但其實正常胃口一個餐都夠哂抽氣方面可以再做好一點座位方面就 枱下面舊野好頂腳 令人坐得唔太舒適

開心星期5慣性會食好d，黎左本陣食燒肉。因為我地食2點,唔係最多人既時間,唔洗等位,好野!而度有好多燒肉餐arround HKD99左右。因為我唔鍾意食甘多肉就叫左個海鮮餐，都係hkd99。包括有魷魚2條、2隻蝦,2粒帶子。重有個沙津前菜，個前菜都幾好食，多麻醬，重有件凍豆腐。個帶子口感唔錯，入口解甜而嫩滑，但size細左d，燒完縮埋其實得少少。魷魚先縮得多，可以講得上係一口魷魚。不過味道同質素都唔錯既，唔會太勒，另外，個飯真係希望改善下，珍珠米，但上桌已經全凍，嘸溫度得來好硬，其他同事最後都嘸食晒d飯。。。不過而度d服務員係唔錯既，主動幫忙、點餐!同埋嘸咩油煙,而樣要讚!加埋一，一個人大慨HKD110....其實份量唔係好夠食,,,食完7成飽...... 

有朋友曾經到呢間餐廳食過，讚不絕口！於是提議同朋友去慶祝生日，同埋試下美食！嘩！嘩！嘩！原來有頂級澳洲和牛，日本黑毛和牛！靚呀！食完後！我又要減肥啦！足知我哋揀咗頂級澳洲和牛～緊係要叫多 d 澳洲和牛食啦，牛舌，海蝦，鮮魷！豬腩肉，甜薯仔……果然澳州和牛味道濃郁！牛舌切得厚薄適宜，味道 yummy Yummy,又容易燒！海蝦又新鮮！蝦肉爽口彈牙！甜薯味道不太甜，細細粒，容易食，係我至愛！今次係我食燒烤呢，最好食既一餐！下次我一定要同朋友再來幫襯

星期日晚行行下amp,就突然好想食烤肉，就即興咁去試左呢間日式烤肉放題 ，本陣！佢既放題分3個級別啦，無牛，紅牛同埋金牛！我地2個人都揀左218無牛放題，但無牛級別唔代表係冇牛肉食既 ，順粹話俾你知係只可以揀無牛標誌既食物，不過係唔包野飲既，但放心，有冇限既日本茶供應😂😂😂我覺得肉質真係10分不錯～～～仲有小菜同埋沙律都唔錯，係好食既～～～雞腿肉好嫩，豬頸肉同牛舌都好有水準～～～不過每次上既份量都較為少 所以可以一次過叫多幾份，當然可以多叫小份量，咁樣就確保自己食得曬，唔會做大曬鬼啦😋😋😋😋😋

難以置信！！此食店晚上提供放題，分三種價錢 限時100分鐘任食！留意放題入座時間至晚上九時半結束，九時半後入座order的食物當散叫逐樣計！入座後order了多款牛、豬、海鮮，食物種類算多，包括生、熟食，連飯麵烏冬都有提供，滿足不同需要。問題o黎la~! 一路燒一路食，為何會有個全副武裝o既清潔人員 拎住水桶+清潔用品 在食客周圍遊走？每有一檯食客離開，清潔人員就會提著水桶到該檯面清洗燒烤爐。講真，檯與檯之間空間唔大，正如我當晚 左右兩檯食客離開後，這名清潔人員就全副武裝o甘站在進食中的我們旁邊進行大清潔，見佢出力"省ar省"。。。真係非常影響！(唔係趕收工吓wa?! 當時九點幾!!)好la~~到戲肉！食到中途 成檯o野，生o既熟o既食緊o既，突然！！！有曱甴出沒！！！仲要o係檯面！咩事ar~~~成檯又o野食又食具，點會o甘ga~~~~!!!!即刻同個店員講，佢o地●●●好o野！真係好o野！居然若無其事走埋o黎用濕紙巾o禁死隻已自由行到檯邊o既曱甴，之後 就好似完全冇事發生o甘行開！這是甚麼回事？完全冇表示、冇道歉、冇sa lum！一個字：服埋單照計全數。

點知係咁普通，遲咗去到所以就沒自助餐食，唯有散叫，二個人食咗六百幾，夠飽不過味道麻麻，燒肉唔加鹽或醬汁，完全沒味，坐位差過快餐店，枱底項腳，已經想食完立即走，sofa椅背通花(即係穿洞），要長期望實個人物品，隨時坐後座可以攞走人地物品，又唔可以挨背，所以成餐飯食得好唔舒服，應該唔會再去

未到18：00已經到達，細看餐牌，分為$218,$288及$428三個等級。$218只可任食餐牌內無牛logo既食物，$288則選擇多好多，紅色牛Logo都可選（有澳洲和牛）,而$428果款可簡金色牛logo（內有日本和牛），三者中簡左中中地既$288！一開波即叫左澳洲和牛五品盛，入面既澳牛雪花分佈均勻，一下鐵網上燒至兩面轉色，入口即溶，油脂香味齒脥留香。盒內雞扒及豬扒質素平平，牛舌味道不錯，南瓜係日本南瓜，所以等別香甜，雞肶菇沾有燒汁再燒，食落好有口感另外，$288餐有海鮮可選，蝦雖然唔係虎蝦，而且細隻，但都算好食。魷魚好食，帆立貝細粒完全無味，建議可以唔簡。牛扒juicy, 再沾上甜醬汁或鹽，太好味了到尾聲，戰鬥力不繼，所以叫左野菜，味道都唔錯最後見到Menu入面有年糕，記起小時候睇卡通片，不乏主角燒年糕既情景，年糕燒得微焦，脹卜卜，十分可愛食前記得加上紅豆蓉及green tea 粉有得玩有得食，值得一試最後食埋個哈仔雪糕（朱古力味）,依餐真係十分滿足呀

朋友話試過排好耐, 排到九點半停止任食都未有位.  所以今日我6:40就到達拎飛, 但最後都要等到7:40 先可入坐. 朋友話打電話問過話無得訂位, 但我等位時候又見到有人話訂左位, 下次要自己問清楚.  由於補返慶祝好朋友生日, 決定食好D, 日本黑毛和牛放題 $428一位. 叫得最貴個餐, 當然只食最貴的食物(有隻金牛標誌的是$428餐才可叫的), 而且哩度係真正任食, 唔似一D食店, 食貴價餐但只得第一碟係高級料, 之後再叫都只俾級數較次的. 我地點左霜降西冷, 霜降牛肋肉, 角切牛肋肉, 燒汁牛肋肉, 牛油帶子, 海鮮大匯, 及ASAHI 啤酒.由於等左成粒鐘, 大家都肚餓, 食物一到我地已經急急燒食物, 忘記左俾相機食先. 咁多款失牛, 最好食係霜降牛肋肉, 肉同脂肪比例及分布平均, 油花細緻, 多而且密, 一放入口就融化, 肉質軟錦, 嫩而多汁, 好味到朋友多次encore. 另西冷及角切牛肋肉有豐富牛味, 燒到外熟內嫩, 肉香撲鼻, 一咬落去肉汁溢出. 另牛油帶子都算大隻, 鮮甜彈牙.不斷食不斷食, 都唔記得左食多幾多牛, 最後LAST ORDER 侍應送上每人一杯雪糕,