燒烤堂

營業中

休息中

自問好鍾意食串燒，因為份量細細，一條一個款式，而且好易share，配埋啤酒真係好爽😄 呢間小店位於尖沙嘴，有齊日、泰、港、川、西、新疆、台、韓口味，價錢親民，適合同fd子聚餐🤭前菜小食有番茄、枝豆同唐揚柑桔鹹蛋黃卷，番茄開胃，搭配桂花蜜糖甜甜地好美味、枝豆唔鹽，原汁原味、鹹蛋黃卷好有驚喜，酥脆可口，又鹹又香，讚讚讚！呢度提供多款燒鳥，初生雞蛋、汁燒免治雞肉軟骨釀冬菇、黑松露烤雞、蜜糖雞中翼，雞肉嫩滑唔嚡口，咬落多汁，個人喜歡鹽燒口味，雖然最經典但燒得夠入味而且又唔會過鹹🧡手工心機卷物各有特色，餡料可以按個人喜好選擇，牛油果、鵪鶉蛋、荔枝、年糕、出面包住豚肉，油脂滿滿，肥瘦適中、手釣墨魚鬚同椒鹽燒多春魚都唔錯，鮮美突出，性價比高！野菜有玉米筍、翠玉瓜、秋葵、粟米、淮山、萵筍、燒芋頭等，微焦，入味，調味啱啱好，尤其是係焗金菇，牛油蒜蓉味道濃郁，香噴噴超邪惡🤭 鰻魚炒飯最有驚喜，成座山咁高，鰻魚份量好多，應該有足足2-30粒，帶點煙韌感，幾有咬口，飯炒至粒粒分明，油光滿面，咁大碟都清曬，足以證明佢嘅好味程度🥹最後以甜品作結，蜜糖燒菠蘿、黑糖燒菠蘿，仲有糖不甩燒湯圓，菠蘿又香又甜，咬落爆汁、湯

之前去過中環嘅燒烤堂，感覺食物質素高、性價比高，整體體驗都好好～今次嚟到燒烤堂嘅尖沙咀分店🙈尖沙咀分店相對比較熱鬧同朋友兩個人都嗌左唔少野，食得好開心😁嗌嘅串燒種類繁多，就唔一一列出每款串燒嘅評論了🙈值得一提嘅係：鹽燒豚肉荔枝卷 $22/串用豚肉包住一粒粒荔枝😋真係第一次食荔枝非常清甜，清新嘅口感中和左豚肉本身嘅油膩感無論係口感上 定係味道配搭上 都係全新嘅體驗👍🏻清新嘅味道真係食多幾串都唔怕濟！手釣墨魚酥 $22/串墨魚口感非常彈牙，配搭上調味粉，簡直係錦上添花👏🏻孜然蒜蓉茄子 $36從來冇諗過喺日式居酒屋可以食到富有新疆風味嘅燒烤😂🙈孜然嘅香氣與茄子嘅鮮甜完美融合，而蒜蓉濃郁嘅香味亦同茄子嘅柔和口感相互呼應每食一啖都可以品嚐到茄子嘅美味&孜然蒜蓉嘅風味，實在令人回味無窮燒烤同串燒品種繁多，係香港實在難以搵到一間餐廳可以同時有齊曬日式、韓式、港式、新疆唔同風味嘅串燒👍🏻熱愛食串燒嘅 一定唔可以錯過！

難得同老公兩個人me time~ 同佢去左呢間好味既串燒店其實已經黎過2次la!!! 之前都係朋友&同事黎食, 因為食過既關係所以都知道有邊d串燒好必食一定係佢地既雞皮墨魚滑, 呢個真係大推!!!墨魚滑彈牙有口感, 加埋香脆既雞皮, 令墨魚滑多左份雞油香, 最中意佢地呢度既串燒唔使額外加調味, 本身有既調味已經好足夠~手釣墨魚鬚唔似平時出面食果d大大條, 而係細細條既墨魚鬚, 呢個好惹味, 忍唔住要encore多轉焦糖鰻魚玉子燒外脆內裡軟綿綿, 呢個真係唔錯唔錯~串燒其實真係叫左好多好多, 好難一一盡錄! 鹽燒翠肉瓜火喉燒得剛剛好, 咬落好多汁~孜然蒜蓉茄子個人略為覺得唔夠孜然味, 唔緊要~枱上面有孜然粉可以比大家自己再追落, 依個人口咪調教就prefect!!! 每次食串燒只要見到呢個都一定會order既雞肉軟骨棒(付月見), 賣相認真一流, 雞肉軟骨棒同生雞蛋撈埋一齊食真係天作之合, 好好味~鹽燒白鱔魚質好實淨, 魚肉食落覺得都幾新鮮, 如果唔係新鮮魚應該唔會有呢個口感? 就咁鹽燒都好正!!!最後唔係好夠喉又再加單落多轉, 串燒食到飽都係$700有找, 真係又平又抵食, 下次會再約

入秋天氣轉涼最好就係BBQ，今晚約埋朋友去諾士佛臺吃串燒。餐廳以日式🇯🇵風格裝修，座位寬敞，燒物選擇超多，更唔同風味可以選擇，有飲品及酒精類飲品可以選擇。🔸鹽燒A4宮崎和牛$58肉香味濃，入口即融，大推！🔸鹽燒和牛牛小排$48味道同樣出色，🔸蒜香鹹蛋黃燒墨魚滑$38墨魚滑裡面包住鹹蛋黃，配搭新穎。🔸秘製燒羊架$48肉質緊緻，保留到肉汁，完全沒有騷味。鹽燒/麻辣燒白鱔$48皮脆肉嫩，油脂豐富，調味適中，好好味！🔸孜然燒蒜蓉茄子🍆$36原條茄子，上面加了大量櫻花蝦、蒜蓉及蔥花，十分惹味，燒得好有水準。🔸蜜糖燒菠蘿🍍$18菠蘿超甜而且爆汁，必點推介。🔸日本芝士年糕$38年糕Q彈流心，配煉奶口感特別。🍸飲品就點咗熱甘草金橘蜜🍊$18，柚子檸檬酒🍋$58，飲品味道都唔錯，唔會太甜，配燒物啱啱好。😋整體食材新鮮，食物質數都好高，價錢亦適中，店員服務好友善，值得推薦朋友再來。

調味一流，每一串燒烤都鮮味，需要既話有調味粉比你加 但個人覺得原本已經足夠Order左杯熱情果野飲，清甜解渴。Overall價錢亦都好合理，同一班朋友食到飽都大概每人300幾。厚燒牛舌，肉質鮮嫩仲有佢哋嘅牛油果串燒配搭特別，鍾意牛油果既人必試。多春魚串燒都好香口，食落好脆好鮮美🐟店鋪氣氛熱鬧、燈光柔和，恰到好處，令人感受到一種輕鬆愉快嘅氛圍，好適合同朋友一齊嚟既一間餐廳。地點係諾士佛臺度，食完野仲可以去樓上樓下飲野下場

讚1 氣氛熱鬧2 雖然好忙 但服務仍然相當好 好留意客人3 串燒係即叫即燒既 大部份都好香 唔乾身 豆腐都燒得惹味彈1 調味係弱店 叫左唔同串燒配料 食落既味道都大同小異2 啤酒上得好慢

「香港地食串燒貴夾唔飽」「日式串燒食一啖就幾十蚊」燒烤堂應該可以扭轉你本身嘅想法😆張order紙有超過過百款選擇有幾揀飲擇食嘅人都可以食得飽另外生啤買一送一都係個加分位之前厚福街個間比較逼搬咗嚟諾士佛台地方大咗仲舒服咗比較特別嘅嘢食係雞皮墨魚滑同焦糖青蘋果鵝肝多士（一份夠兩個人分兩款都係熱量爆錶但食過返尋味嘅選擇雞心雞肝雞皮齊晒而且雞皮同薯片差唔多銀杏都有不過就冇其他居酒屋燒得咁香以上都係我每次去都會嗌嘅另外一個自己幾鍾意嘅點係佢嘅串燒分好多種唔同嘅調味完全配合到我食唔同嘢配唔同醬嘅習慣💯有日川港西疆唔同嘅口味食唔食辣或者好唔好鹹嘅人都滿足到我自己比較鍾意嘅係鹽燒同明太子最後推介佢嘅蜜糖燒菠蘿🍍同桂花蜜糖蕃茄🍯🍅呢兩樣嘢放返喺一頭一尾咁食對我嚟講成個晚餐嘅感覺先叫圓滿

平時想吃串燒🍢都會想起🔥燒烤堂，因為佢地的餐點款式多之外，價錢又合理，加上有多間分店夠方便。最近餐廳重係尖沙咀諾士佛臺開了新分店，裝修充滿🇯🇵日本風，環境舒適💕 另外，餐廳最近重做緊優惠，日本生啤500ml🍹有買一送一，好岩配搭串燒👍🏻.🍎焦糖青蘋果鵝肝多士 $108鵝肝好厚身，充滿油脂香，蘋果片剛好中和了油膩感，配上香脆糙米芝士多士，味覺層次豐富。.🐷鹽燒豚肉露荀卷 $22🐽牛油果豚肉卷 $28🐖鹽燒豚肉荔枝卷 $22薄燒䐁肉肉質細嫩，口感香脆，配上露荀口感爽脆，配上牛油果和荔枝感覺清新。.🐷福岡味增松板豬 $28松板豬肉質細嫩，加上福岡味增調味，充滿咸香特色。.🐮鹽燒A4宮崎和牛 $58🐮鹽燒和牛牛小排 $48兩款和牛串燒肉質嫩滑，肉味香濃，有入口即溶的口感，而牛小排較有口感。.🦑香蒜鹹蛋黃燒墨魚滑 $38墨魚滑彈牙鮮味，加上鹹蛋黃和蒜蓉，味道更惹味。.🐔鹽燒雞軟骨 $16雞軟骨口感爽脆，配上鹽燒更惹味。.🐙手釣墨魚鬚 $22墨魚鬚口感彈牙有咬，加上特調醬汁更美味。.🍠迷你甜薯 $18甜薯細細粒，口感綿密。.🐣汁燒免治雞肉軟骨棒(付月見）$38雞肉嫩滑多汁，入面的軟骨增加了不少口感

🥰燒烤堂嘅分店愈開愈多，最近我光顧了位於尖沙咀的燒烤堂分店，之前我也曾經去過旺角分店💛🌀當天𝟖號風球落波後，店內已有一半的座位被客人佔據了，挺受歡迎(●´ω｀●)✨挺喜歡燒烤堂提供的豐富串燒選擇，包括各種傳統和創新款式，每一道菜都讓人垂涎欲滴。🐣 首先，店內的雞肉串燒有多種選擇，其中「汁燒免治雞肉軟骨棒」是我最喜歡的一道。這道菜的外觀非常誘人，吃起來口感十分柔嫩，軟骨部分也很容易咀嚼😚如果喜歡明太子味道的，可以嚐嚐「明太子雞腿肉」，非常適合喜歡濃郁口感的人🩷另外「鹽燒雞翼」和「蜜糖雞翼」味道也不錯，鹽巴//特製醬汁調味烤製後，表面金黃酥脆，內裡則是鮮嫩多汁，更加香口，讓人回味無窮🧡💛🐮 其次，牛類的燒物「𝐀𝟒 和牛」和「和牛牛小排」都是店內的招牌菜式❤️和牛肉質柔軟，口感鮮美，肉汁濃郁，口感鮮美，配上簡單調味已經很出色🤤此外，「横隔理肌」的口感比較細膩，咀嚼起來算柔軟，但卻不失韌性，厚薄適中，肉汁豐富，啖啖肉，正・:*(〃∇〃人)*:・🐷 豬肉燒物也是店內的一大亮點。店內的豬肉串燒有多種選擇，其中🇰🇷「泡菜五花腩」和🇹🇭「泰式豬頸肉」都是非常值得一試的菜式，豬肉的鮮味和調味料的味道很夾❤️

去到餐廳發現好多人在排隊，相信餐廳名氣頗大，本來對今次的晚餐懷着好高嘅期望但實際用餐體驗極差，某一位女性微胖職員，負責叫人埋單的，服務態度差，語氣極不友善，完全未食完嘢就催人埋單，希望大家唔好遇到佢另外，食物漏單問題嚴重，食物漏咗2次，根本冇可能在90分鐘內食完離開，但職員會不停問你食物是否到齊，暗示你用餐時間已經結束最後，發現埋單計多咗item，建議大家對清楚先俾錢（之後發現附近有兩台都係張單有問題）

約咗個Buddy喺TST食晚飯, 搵個地方飲吓嘢 🍺🍺🍺 食吓日式串燒 🍢🍢🍢，去咗位諾士佛台1號1樓嘅燒烤堂 @skewer.kitchen , 位置夠聚腳，飲完去食又得、食完再去飲又得～ 得咗 😂😂😂入到燒烤堂一望 👀👀👀，地址寬躺有空間感，好Relax, 老友記耐冇見坐低即刻點返round 杯啤酒chill下先啦，🍺🍺🍺 Sapporo 買1送1，正！👍👍👍餸酒小食 ： - 鹽煮枝豆 🥗🥗🥗- 唐揚池魚仔 🐟🐟🐟 幾香口，點沙律醬好食，餸酒正！👍跟手點咗Round.1 串燒餸酒 ：- 鹽燒A4宮崎和牛 🐃🐃🐃 一嚟就食靚料，後面點食😄😄😄 下次留返下半場- 蒜蓉燒廣島蠔 🦪🦪🦪 都係鍾意食生蠔多d 😐😐😐- 香辣雞中翼 👍👍👍 好味- 秘制羊架 🐐🐐🐐 Juicy, 好食 🌟🌟🌟- 厚切鹽燒牛舌腩 👅👅👅 得禾 🌟再飲多Round.2 下半場 :- 汁燒橫隔理肌 , 超正必食🌟🌟🌟- 香蒜咸蛋黃虎蝦 🦐🦐🦐 香口彈牙 👍👍👍- 蜜糖粟米 🌽🌽🌽 好味😋😋😋- 蒜蓉元貝 👌- 蒜蓉焗雜菇 🍄🍄🍄 清清地中和下- 麻辣雞軟骨🐓🐓🐓 脆口，但有d太乾- 明太子豆腐 , 招牌嘢，要食😋😋

二訪呢間長期人氣燒烤店 💖今次去尖沙咀店～唔會太迫，坐得舒服🫶最鍾意係性價比極高！平均$20-$40有份串燒～除左一啲特別item☺️宜家日本生啤仲要買一送一🤩超推介成班fd去吹水篤幾串！今次2個人叫左好多款都係人均$300幾😎以下係小編個人推介由高至低😝但真心講樣樣都有水準！無一樣係伏😎🥇焦糖青蘋果鵝肝多士 （$108）差唔多全店最貴但值得叫！鵝肝大塊厚身，油脂感滿滿，多士鬆脆，另外試過食一啲鵝肝多士係想拎走塊青蘋果一係太甜，一係太酸，但今次整體真係做到中和油膩感！口感昇華！正！🥈蒜茸燒廣島蠔（2隻）（$44）冇諗過平均$22/1隻蠔咁大隻又飽滿！蒜蓉味唔會太搶過蠔味，蠔肉新鮮，熟度啱啱好！🥉鹽燒阿波尾7里香 （$22）呢個真係好有驚喜！阿波尾雞雞味濃，肉質Juicy!簡單調味已經好好食！鍾意食雞串必叫！4️⃣ 孜然燒蒜蓉茄子 （$36）平時蒜蓉燒茄子得蒜蓉，但呢個特登加埋大量白飯魚仔，鹹香味十足！5️⃣ 雞皮墨魚滑 （$38）6️⃣ 豚肉節瓜波板糖（附月見）($38)特色之作🤩唔係周圍食到！配搭都幾match!7️⃣ 惹味爽口雞腎 ($28)有驚喜！無諗過咁大塊同埋堅係爽口！一啲都唔韌！8️⃣ 牛油果豚

好耐冇食串燒啦，睇到「燒烤堂」喺尖沙咀諾士佛臺開咗新分店就同兩位朋友去回味一下傳統日系裝修風格，門口掛上招客燈籠，飾櫃裡擺放多支清酒燒物選擇豐富，提供飲品包括酒精類==========🔹焦糖青蘋果鵝肝多士 $108鵝肝厚身大件，入口即化，味道甘香，油脂豐腴；以清甜蘋果片中和膩感；配以烘烤過的香脆糙米芝士包，滿足！推介指數：9/10==========🔹黃花魚一夜干 $98原條黃花魚燒至金黃色，外皮焦脆富魚油，魚肉新鮮雪白又軟嫩；以微鹽調味能吃到魚的原味道推介指數：8/10==========🔹味醂魚干 $48魚乾鮮甜味佳，蘸上一點蛋黃醬提升味覺層次推介指數：8/10==========🔹汁燒免治雞肉軟骨棒 (付月見) $38雞肉細緻嫩滑帶點軟脆骨，調味剛好；蘸上月見令口感更細滑推介指數：9/10==========🔹鹽燒A4宮崎和牛 $58和牛油香四溢，有入口即溶之感，牛香突出濃郁推介指數：8.5/10==========🔹鹽燒和牛牛小排 $48油脂感同樣豐富，牛香極佳推介指數：9/10==========🔹鹽燒豚肉露荀卷 $22薄燒豚肉細嫩，露荀新鮮爽脆推介指數：8/10======

燒烤堂係我最鍾意去嘅餐廳之一🥰第一次嚟尖沙咀諾士佛台新店，地方更大，更闊落🤟🏻而且同舊鋪一樣，都有分室內同室外，天氣咁熱有得揀我梗係揀坐室內🤣😂焦糖青蘋果鵝肝多士 $108必食推介❣️次次嚟都會食，青蘋果中和返鵝肝嘅油膩，而且下面嘅多士，唔係用普通麵包，係有芝士粒係入面🥹🥹每一啖都係享受，食哂成舊都唔會覺得滯😍牛油蜜糖日本番薯條🍠$38呢個我認為係燒烤堂最underrated 嘅食物之一，冇咩見人推介，但其實都好值得食。上枱個時薯條上面有大大片牛油🤤我影相個時已經俾熱辣辣嘅番薯條整溶左🤣🤣加埋蜜糖嚟烤好邪惡，但我鍾意❤️.孜然燒蒜蓉茄子🔥🍆$36基本上燒茄子就已經冇得輸，加埋海量嘅蒜蓉同埋蝦米仔，口感更豐富，又係我每次嚟食必叫之一🤣.鹽燒翠肉瓜🥒$16食咁多燒肉，當然要食返啲菜，除左茄子，我第2 最愛就係翠肉瓜，燒到熱辣辣，就咁加鹽燒已經好好食！😋味淋魚乾 🐡$48其實即係平時嘅雞泡魚乾，燒完出嚟勁香，點埋沙律醬一齊食，去燒烤店又點會漏咗佢🤭.麻辣燒鴨舌 👅$28鴨舌上面舖滿麻辣粉嚟燒，超級惹味，我地encore 咗total 4 碟，啱哂鍾意食麻辣嘅朋友！唔食得辣嘅可以skip🤣.海苔黑

近排朋友起外國反黎 想帶佢食下好野 之前食過呢間串燒店@skewer.kitchen 無論賣相定味道價錢 都好出色🙌🏻咁岩又想同朋友飲雨野傾計 呢間就最適合不過！而且諾士佛台喺新分店 坐得舒服環境乾淨▫️蒜蓉燒廣島蠔 鮮甜飽滿 冇腥味 重蒜+香蔥 大隻啖啖肉 ▫️雞皮墨魚滑▫️鰻魚炒飯▫️鹽燒翠玉瓜▫️魚子蟹肉鱈魚乾▫️蟹膏燒飯團雞皮墨魚滑好有驚喜 雞皮香口 裏面既墨魚滑新鮮彈牙 厚身啖啖肉💓諗住叫個鰻魚炒飯share 點知上枱勁大碟 傷量十足 粒粒分明 鰻魚粒都幾多 整體口感都唔錯～鱈魚乾脆口 配埋蟹肉 鮮味十足 個人推薦配啤酒🍻▫️惹味爽口雞腎 ▫️鹽燒白鱔 ▫️糖燒迷你甜薯白鱔無骨啖啖肉 厚身嫩滑 店員推介必食雞腎 爽口有嚼勁 燒得好香口 甜薯香甜軟糯 燒得岩岩好🤣▫️新鮮椰青 ▫️冷泡白桃鳥龍茶食完串燒飲後個椰青 清新解膩值得一提 佢地500ML日本生啤買一送一🍻