影片
更多
2023-12-06
27 瀏覽
成日係尖沙咀，想係飲嘢之前都諗唔到食咩好😪今次就去咗諾士佛台1號1樓既燒烤堂，食完就可以直接落去飲杯嘢🤣原來依間燒烤堂都幾多分店！好少食串燒嘅舖頭會咁大間（可能平時食開街邊串燒多😂😂😂）仲要間舖頭係有梳化坐，仲有室外嘅地方！而且我睇過Menu，串燒種類勁顛！多過100款😨搞到我超級選擇困難症…因為串燒要等，所以嘢飲嚟咗先～我地叫左青菠蘿梳打同百香果梳打。兩杯都係用新鮮水果做！好有誠意我哋叫咗個前菜-桂花蜜糖冷蕃茄🍅凍凍地幾開胃～然後叫咗大量雞🐔包括鹽燒雞軟骨，鹽燒同香辣雞翼，仲有雞皮，雞爽肉，雞腿肉，雞頸肉同埋一個唔知咩黎既阿波尾七里香😶欣賞佢個雞皮係一整塊而唔係一粒粒！好香口👍🏼然後上網搵咗，原來阿波尾七里香係解pat pat🥹平時pat pat我會唔食，見佢寫住十大人氣產品就叫左。原來燒pat pat都幾好食😂好彈牙另外牛方面，我哋叫咗牛小排同埋厚牛舌腩🐮牛舌腩必點！厚得來又燒得啱啱好又重牛味！然後我仲叫咗一個好邪惡嘅焦糖青蘋果鵝肝多士😋雖然鵝肝不嬲都貴，但係好想食！個鵝肝燒得好香，而且加埋青蘋果可以中和返個漏既感覺！之後叫左個好多人叫既豚肉節瓜波板糖(附月見）黎到覺得勁打卡abl
原來依間燒烤堂都幾多分店！好少食串燒嘅舖頭會咁大間（可能平時食開街邊串燒多😂😂😂）仲要間舖頭係有梳化坐，仲有室外嘅地方！而且我睇過Menu，串燒種類勁顛！多過100款😨搞到我超級選擇困難症…
因為串燒要等，所以嘢飲嚟咗先～我地叫左青菠蘿梳打同百香果梳打。兩杯都係用新鮮水果做！好有誠意
我哋叫咗個前菜-桂花蜜糖冷蕃茄🍅凍凍地幾開胃～然後叫咗大量雞🐔包括鹽燒雞軟骨，鹽燒同香辣雞翼，仲有雞皮，雞爽肉，雞腿肉，雞頸肉同埋一個唔知咩黎既阿波尾七里香😶欣賞佢個雞皮係一整塊而唔係一粒粒！好香口👍🏼然後上網搵咗，原來阿波尾七里香係解pat pat🥹平時pat pat我會唔食，見佢寫住十大人氣產品就叫左。原來燒pat pat都幾好食😂好彈牙
另外牛方面，我哋叫咗牛小排同埋厚牛舌腩🐮牛舌腩必點！厚得來又燒得啱啱好又重牛味！
然後我仲叫咗一個好邪惡嘅焦糖青蘋果鵝肝多士😋雖然鵝肝不嬲都貴，但係好想食！個鵝肝燒得好香，而且加埋青蘋果可以中和返個漏既感覺！
之後叫左個好多人叫既豚肉節瓜波板糖(附月見）黎到覺得勁打卡able～成舊圓轆轆！就算咬落去都唔會散晒！加埋啲蛋係另一個層次～
我哋仲叫咗明太子嘅燒厚楊豆腐同燒淮山🍢佢個明太子醬做得好好食！而且我冇諗過淮山都可以做串燒😱而且仲要係勁好食！
而最後點少得叫菠蘿？我叫咗蜜糖菠蘿同黑糖菠蘿。個人應為黑糖菠蘿比較出色～同埋驚食串燒食唔飽，我哋仲叫咗個鰻魚炒飯😆可以快啲填飽個肚！嚟到勁大兜！$58咋，仲要勁多鰻魚～不過仲未去到好好食，但係可以令我叫少啲串燒🤣
同埋佢有個細心位～佢每張枱都會放咗個爐係到！後面放咗兩個火酒膏，可以令到個串燒冇咁快凍👍🏼👍🏼👍🏼
張貼
