燒味滷師 (安發大廈)

營業中

休息中

成日買送唔知食咩好，最穩陣肯定係燒味全家人都中意食門口有大玻璃櫥窗，見到師傅手起刀落砍到無停手，超多order色澤漂亮好抵食，單拼/雙拼都係$22呢個價錢無得彈啊至尊燒鵝 上莊 $110皮薄又脆口！肉汁都好豐富本人最愛連骨的部位，特別多汁香甜燒味佬叉燒 $50嘩，一打開已經好香色澤非常吸引，有濃濃蜜糖味燒得焦香，很惹味啊！老師傅燒腩仔 $64份量都幾多，個皮真係好脆！肥瘦均勻，調味不會過鹹夠鹹香客家鹽焗雞 $59又一抵食之選雞件砍得大大件，食落夠滿足雞肉熟度剛剛好，所以很嫩滑完全唔鞋口

今晚遲收煮唔切送，所以係附近斬料返去啦！雖然新開，但平時見佢都好多人排隊買，價錢又實惠，所以揀佢啦！呢三款雞都係$59蚊一只，自己買成本都可能唔止，佢整埋俾你先呢個價，抵食！仲有特價燒味飯盒，岩一個人食種類多，色水吸引！最後我叫左四樣送，六個人食，食到好飽！燒味佬叉燒 $50叉燒好稔，有少少肥肉痴住，juicy，唔會太乾！甜甜地既蜜汁仲有啲應該係佢秘製既味道，好香，係出面食唔到呢只味！一句話，好味！老師傳腩仔 $65份量足夠，五花腩，有肥有瘦。肥肉較少，食落爽唔會油淋淋！好有肉味！近骨位唔係好重五香粉味，唔係太咸，仲有少少既甜味，我中意！！雖然斬左成個鐘先食，但個皮仲係好脆口！至尊燒鵝上庄$110雖然只係上庄，但都好多！燒鵝皮下有少少油脂，夾住爽脆既皮食一流！！燒鵝好香口，肉質爽口，唔會鞋晒或者梅值得一食！皮夠多又薄脆！客家鹽焗雞 $59大大只！雞皮爽滑，陣陣既咸香味！雞肉嫩滑，又唔會好肥！$59抵食呀！今餐三百有找，食到甘多野，質素又好，值得再黎！

上星期我出咗去荔枝角interview 走嘅時候蕩失咗路 行行吓去咗長沙彎沿途經過一間燒味鋪 好多人排隊🙈好奇心驅使下去睇下到底有乜甘特別原來做緊益街坊試食優惠貴妃雞/豉油雞/鹽焗雞 成隻都係$59😱見時間都晏又甘扺食 索性買燒味反去加料一次過買咗鹽焗雞 燒腩仔 叉燒 同燒鵝😊呢間燒味鋪有別於一般傳統燒味鋪裝潢得鮮明整潔 俾人好乾淨嘅感覺開頭以為$59 一隻唔會大得去邊點知係原隻即叫即斬 分量好多 🙈雞肉都好滑嫩👍🏻燒肉鹹香味好夠 外脆內軟又唔會太多肥豬肉 啱晒我口味燒鵝係招牌菜 果然冇揀錯皮薄啖啖肉 好香口而我同流星雨最鍾意就係叉燒眨吓眼就清晒🙈🤣蜜汁香濃 肥瘦適中 😍😍

今次喺長沙灣，知道燒味師傅d燒鵝同沙薑雞都好好味，喺冇得堂食晚市嘅情況下就決定買燒味返屋企食。今次叫咗燒鵝上庄半隻、一隻沙薑雞、一份燒腩仔同埋一份半肥瘦叉燒。先講燒鵝，個皮燒得好甘香同埋最緊要隻鵝完全唔肥，鍾意食燒鵝嘅我會一啖接一啖咁食停唔到。沙薑雞又係 唔肥，我連埋雞皮點埋沙薑食，每一啖都有唔同嘅層次，最緊要雞肉超嫩滑。另外半肥瘦叉燒點埋佢哋特製嘅燒汁食，啖啖肉真係冇得輸。而燒腩仔個皮超香脆因為新鮮嘅關係，點埋少少黃芥辣食真係超惹味。而且佢哋做緊新張優惠沙薑雞半隻街坊價$30，燒鵝半隻都只係$180。有機會一定會再嚟試。

🌟🌟🌟🌟🌟🌟🌟🌟🌟🌟🌟🌟🌟🌟🍽 燒味滷師 (長沙灣)📍長沙灣長發街28號安發大廈地下D號舖🌟🌟🌟🌟🌟🌟🌟🌟🌟🌟🌟🌟🌟🌟長沙灣有新開靚裝修滷味舖！勁多人排長龍買lol等左成十五分鐘先拎到，不過真心抵食至尊燒鵝 下庄 HKD120呢個係招牌菜，當然要試啦！$120都有勁多😳😳好肥美，肉質唔錯，略嫌油左少少😝燒味佬叉燒 HKD118/斤要左半斤，都勁多啊！肉質好爽口彈牙，要瘦叉但一啲都唔柴！😍外層甜甜地五香牛𦟌 HKD108/斤都係要左半斤😝牛𦟌切得厚薄均勻適中👍🏻有咬口，非常香同重牛𦟌味👍🏻👍🏻玫瑰豉油雞 特價做緊HKD59一隻！平到爆😍😍肉質超滑😍勁大兜，見到都嚇親😂😂唔會太咸，好中意個味❤️❤️✨如果喜歡我的文章，可以關注我及讚好以作鼓勵喔✨

食團年飯點少得斬料加餸呢？平時經過這間燒味店都見到大排長龍，今次一於試一試這間燒味滷師。望落價錢經濟實惠，於是買了客家鹽焗雞（$59），蜜汁燒排骨（$50），燒味佬叉燒（$50）同埋脆皮燒肉（$50）。宜家做緊新張優惠，試食價益街坊，瑤柱貴妃雞/玫瑰豉油雞/客家鹽焗雞都只是$59一隻。職員推薦我買客家鹽焗雞，好受歡迎，只賣剩兩三隻，有買趁手。職員無介紹錯，客家鹽焗雞夠晒入味，咸香可口，肉質鮮嫩。蜜汁燒排骨（$50）燒得外脆內軟，外層微焦香口，香噴噴，蜜汁撈飯一流，家人最愛。斬料點少得斬大件叉燒，大人細佬都岩食。燒味佬叉燒（$50）肥瘦適中，少少燶邊更添美味，Juicy，小朋友食唔停口。脆皮燒肉（$50）外皮脆卜卜，皮脆肉嫩，食落啖啖肉好味道，點埋芥末夠晒惹味。除了味道佳，份量亦十足，二百蚊就可以加到咁多餸，一家大細聚首一堂食餐飯，樂也融融。

疫情禁晚市堂食，煮多咗飯係正路，但有時想懶下，買外賣加餸都係好方法，見呢間燒味舖光猛乾淨，仲好多街坊幫襯，原來仲做緊新張優惠！即管試吓。貴妃雞/鹽焗雞/豉油雞都係$59一隻或者$30半隻，咁抵食，唔買都對唔住自己啦！要咗一隻鹽焗雞試吓，好大隻而且都仲滑，唔錯！另外又點少得我最愛嘅燒腩仔和叉燒呢，燒腩仔肥瘦適中，塊皮仲卜卜趣，燒得唔錯。叉燒瘦中帶肥，唔會太鞋口，$50份量都好多。睇真啲呢間燒味滷師，原來仲有買埋滷水野，唔怪得知叫呢個名，望住佢掛喺度嘅燒味和滷味，其實都睇到流晒口水，最後忍唔住要多隻燒鵝上庄（ $110 ），確實都幾靚，唔會太多肥膏之餘，燒鵝嘅香味撲鼻，啖啖肉，正呀！除咗有幾個師傅好努力咁喺裏面斬料，佢都仲有啲廿零卅蚊一pack pack包好的，方便一買即走。阿姐見我咁豪爽買咁多，佢都好豪爽咁送咗一堆調味料俾我，禮尚往來！好緊要㗎！🤣🤣🤣

喺長沙灣嘅平民社區中，有呢間令人眼前一輛，裝修光猛，而且店面非常整潔嘅燒味舖。上次朋友買過一次外賣，我覺得味道唔錯，今日趁住有家人生日，一於去買幾個燒味，喺屋企一齊開個大餐。而家做緊推廣，全隻鹽焗雞都只係$59 ，所以我又買一隻試吓，因為見佢賣相真係好靚。呢個價錢有咁大盒雞，而且質素好高，雞嘅肉地好滑而且雞皮之下冇一層口口嘅肥膏，睇得出係好靚嘅用了。味道亦都好，我最鍾意佢整到隻雞好滑。廣東燒味一定要食叉燒，所以我都叫咗半斤叉燒，每一件都大大塊，蜜汁夠濃又香。屋企人鍾意食燒腩仔，呢個脆卜卜皮嘅燒腩仔真係冇得頂，啲肉味道剛好唔會太鹹，個皮又脆，真係食到停唔到口。燒鵝呢個上妝都一樣好出色，買嘅時候見到鋪入邊有好多隻大少我吊喺度，廚房好乾淨，所以燒出嚟嘅燒鵝都好香又好味，而且令人食得安心。

週末將至，我和朋友行街購物之餘，又可以品嚐美食，於是大家多番決定之下，來到地點人流很旺，交通四通八達的長沙灣，抗疫之中，今次打算進入「燒味滷師」外賣覓食。店中人多也不感覺侷促，空間感很好，乾淨整潔，環境舒適，氣氛輕鬆。行過見到有間燒味舖頭新開張，人多排隊買燒味，我見又平又靚，外賣買返屋企慢慢食。燒味店可以看到師傅預備給客人的各款燒味，提供很多款式，看見師傅的手勢很好。玻璃貼上燒味的款式及價錢，美食當前無法抵擋，放縱一下自己，吃得滿足一點，我們都很鐘意，價錢很相宜。我選擇了至尊燒鵝，燒味佬叉燒，老師傅燒腩仔及客家鹽焗雞外賣回家覓食。至尊燒鵝燒鵝要了上庄，口感嫰滑帶油香，但又不會韌，皮肉有嚼勁，令人心曠神怡，感覺很不錯，口感卻截然不同，帶到另一個新層次。燒味佬叉燒叉燒是半肥瘦的叉燒，厚薄適中，鮮嫩有彈性，蜜汁味很正，香氣四溢，令人食指大動。老師傅燒腩仔燒腩仔很大件，厚身脆皮，鹹度剛好，紮實彈牙，肉質豐盈，燒鵝帶有光澤，啖啖肉咬下去鮮味撲出來，肉質爽口，忍不住要多食一口。客家鹽焗雞鹽焗雞賣相討好，令人垂涎三尺，食落啖啖肉，肉質鮮嫰，口感細膩煙靱，厚薄適中，保持彈性，感覺很滋味。燒味滷師（長沙

今日經過見到呢間燒味舖好多人，即刻上openrice睇吓佢咩料😚 原來係新開仲要勁多優惠！痴線成隻雞先係50幾蚊😱😱 梗係要即刻買返隻先啦！點知越睇就越覺得佢哋其他嘢都好平，今晚仲有其他親戚都會上嚟食飯跟住就越買越多買咗成四盒野啦😚😛佢個裝修仲好新淨成間舖頭個感覺望落去好吸引😋準備去開party啦嗰個發泡膠盒有埋logo好有成意勁豐富！呢度咁多嘢加埋$300都唔洗真係大件夾抵食，又平又正！❤️最好食係燒鵝，個皮真係好脆🙌🏻🙌🏻之後其他嘢都平得黎有水準，係個叉燒唔記得咗叫肥叉燒🥲🥲

今天與友人到長沙灣吃餃子，回程時途經保安道遊樂場，看到燒味店【燒味滷師】人頭湧湧，便來八卦一下。原來店舖只開業三數月，正進行新張優惠，豉油雞／鹽焗雞只需$59一隻，非常超值。有別於傳統燒味店，【燒味滷師】以鮮黃色為主，店面鮮明整潔，乾淨衞生。 Google一下，原來老闆曾任職酒店，並在世界粵菜比賽（燒味及滷水組別）中獲得金獎殊榮，當然要斬料加餸試試其手勢。燒鵝、油雞及燒味飯盒都在做特價，價錢實惠。"至尊燒鵝"色澤光鮮，油光誘人，豈能錯過。選了下莊，鵝腿啖啖肉，油香四溢。鵝肉質地軟腍，蘸些甜酸醬同吃，可中和肥膩感。油雞有貴妃雞、豉油雞及鹽焗雞3款可選。"玫瑰豉油雞"顏色紅亮，口感嫩滑，醃得入味卻不會過鹹，亦不會蓋過雞的原味。店家還貼心地附上2包豉油汁，醬汁入口帶香甜，用來拌飯吃2大碗也沒問題。另外買了"燒味佬叉燒"及"老師傅燒腩仔"各半斤，叉燒肥瘦適中，沾滿了甜香的麥芽糖，邊位帶焦香最為美味。燒腩仔瘦肉較多，雖然回到家已不帶脆，不過鹹香得宜，也算不俗。

買完餸見到呢間燒味舖好多人，一於試吓佢哋手勢。買咗一份燒腩仔、一份燒鵝、一份叉燒，仲有一隻鹽焗雞。每款都好好味，而且價錢仲好抵。燒腩仔皮脆肉香，唔太鹹，啲肉唔會好乾。食唔晒嘅話可以將佢氣炸，又變返脆皮。燒鵝肥瘦適中，啲肉比較結實。我鍾意佢哋夠細心將燒鵝汁分開放，唔會將燒鵝浸得太鹹。叉燒半肥瘦，肉質夠軟，又有少少油份。麥芽糖嘅甜味滲晒落叉燒裏面，咬落好多汁。下次一定要再買。鹽焗雞好抵食，味道都唔錯，仲有附送蔥蓉姜蓉。

聽附近街坊說，沿著斜路那邊而上，開了一家新的燒味店，裝潢新且乾淨，燒味質素不錯，價錢也很合理，而且正在做街坊價等各種優惠吸引食客。順道買些燒味回去添餸加料吧。門口客人排著隊購買，看著廚窗掛滿油香鵝鴨雞等等，叉燒色澤紅紅的。每款燒味的色澤都很均勻、光鮮，的確蠻吸引的。至尊燒鵝 上庄的肉有鵝翼、上背及鵝胸，肉厚且多，皮薄脆。燒味店還提供了袋裝的酸梅醬，用來蘸鵝吃。蘸一點來吃，味道更昇華，酸酸甜甜有助去掉口腔的油膩感。燒味佬叉燒叉燒肥瘦適中，甘香油脂少，合我口味。老師傅燒腩仔 份量多，外形長長方方，肥瘦相間。那層皮是精華所在，皮帶脂香，脆口帶鹽焗香。客家鹽焗雞街坊價真划算，比自己買回來煮更加便宜。一整隻雞件份量多。鹽焗雞肉嫩滑，多肉，帶鹹香，味道滋味。

今晚媽咪話唔想煮飯，叫我去買啲嘢返屋企食算，我要去長沙灣交收，順便買埋。 行過見到一間好多人排隊嘅燒臘店，仲要好抵，就買依間啦！脆皮燒肉 $50喜歡佢肉質層次分別得嚟又唔係好多肥膏。每層肉有不同嘅感覺同香氣，最頂嘅仲脆卜卜添！客家鹽焗雞 毎隻$59其實佢門口有張易拉架好eye catching,尤其是個價錢， $59一隻鹽焗雞而且係大大隻，好有肉地而且冇乜肥膏，全部都係黄油皮，皮薄唔膩，加上沙薑一齊食，份外惹味！至尊燒鵝 $110燒鵝燒得好靚,脹卜卜，食落肉質juicy, 好厚肉，個皮香得不得了，充滿了油香味， 最正嘅係佢包左一袋鵝汁俾我地返屋企，增添滋味！燒味佬叉燒 $50 （$118/斤）爸爸話想食叉燒，由於怕肥，所以呢我點左盡瘦加少少肥，點知佢哋真係俾到，只係中間位有少許肥膏，叉燒醃得幾好味，有少少甜味和蜜味，有啲位就有啲脆口。屋企人對今餐超滿意，尤其是隻鹽焗雞，大家讚口不絕話下次斬料可以買依間添！

呢排無得出街食晚餐，模範主婦都要唞吓氣！出街斬料就最方便，尤其是隊友都鍾意食燒味！樓下新開呢間燒味滷師，經過都大排長龍，難得今日早少少落街買餸見到冇人龍，即刻買來試吓！呢間啲燒味都幾抵食，比起出邊好似平少少， $59已經有一隻雞，非常優惠！雞咁平點都要叫返隻來試吓，客家鹽焗雞成隻金黃色，而且雞肉夠晒飽滿肥美，鹽焗雞鹹鹹地肉質特別嫩滑，估唔到$59都幾大隻幾好食，唔怪得知平時咁多人排隊！試埋呢度啲至尊燒鵝，又係平人哋一大截，勁抵食！價錢咁平唔會忍得住！而且呢度啲燒鵝食落癮癮透出柴火香，加上每日新鮮燒製，塊皮夠薄脆，絕對係encore之選！隊友鍾意食叉燒，呢度啲燒味佬叉燒夠晒蜜汁味，冇乜脂肪食落夠健康，但係keep到肉質嫩口認真抵讚！記得一定要叫埋老師傅燒腩仔，可以話係呢度嘅王牌，每次嚟都勁快賣晒！因為呢度燒得勁好味！口口嘅豬腩仔皮脆卜卜，豬腩仔又夠晒軟林林，一啖咬落去仲有陣陣油花，口感好似食緊佐賀和牛咁正㗎！