燒味大王 (已結業)

今日放工經過土瓜環，諗住買啲餸返屋企，見到有間幾新，幾時尚嘅燒味店，裝修同傳統燒味店唔同，所以吸引咗我去望一望。見到餐牌好豐富，有至尊叉燒，霹靂火燒腩，燒骨腩，玫瑰豉油雞，飛天貴妃雞，鹵水豬脷，鴻運乳豬，頭抽bb鴿，燻蹄，紅腸同埋王牌明爐燒鵝，如果唔想煮飯，仲可以買外賣飯盒，雙併都只係$39。因為新開張，外賣有九折優惠我最後揀咗玫瑰豉油雞，半隻份量都好多，雞肉質感唔錯，好香，有豉油嘅甜甜地味道。另外因為怕肥但係又好想食叉燒，所以就叫咗個特瘦叉燒$30，個叉燒汁，好好味，雖然係特瘦，但係唔會覺得硬或者好乾，抵讚。

土瓜灣買外賣返公司，以以外賣唔少 ，見到燒鵝就好想食，整番兩盒返去先，炮仗街轉個彎就道，都幾方便，地方又好乾淨企理， 人流都唔 錯， 座無虛席， 不過我都係外賣走人，唔使搵位坐，明爐燒鵝，肉汁明淨， 一盒叉燒鵝飯，一碟燒肉鵝飯， 望落都唔錯，原因燒鵝落刀醬汁滿溢，香氣十尺外都聞到，梗係食燒鵝啦，皮光肉滑睇到都吞口水，唯一加飲嘢多拾零蚊，無加因為公司有同事沖飲，淨係兩盒飯盒 攞走，返嚟打開燒鵝依然咁靚 ，叉燒當然唔會走樣啦同樣美味 色澤靚，燒肉又係咁脆皮 ，跟埋醬汁真係好好味，下次要外賣飯盒一定會再嚟。

星期六返完半晝工好攰，唔想煮飯，簡簡單單斬料返屋企就算，可以輕鬆一下。行經土瓜灣附近咁岩有間燒味舖，就試吓先。有堂食和外賣部，非常企理，幾個師傅坐鎮人手充足，櫥窗掛住滿滿的燒味，樣子唔錯。我叫咗100伩至尊叉燒。店員好有禮，好快手而且包裝得好企理，叉燒切得齊齊整整。還是溫溫的，望落色澤非常靚，而且肥瘦適中，仲有少許燶邊。返到屋企盒叉燒還有餘溫，急不及待試味先，果然係不同凡響，叉燒質地好軟滑，好香蜜糖味，燒得剛剛好，蜜糖汁好香濃但唔會太膩，肥瘦均勻，非常高質，下次會再幫襯。

我老竇特別鍾意食燒味，老區燒味店有佢嘅獨特風味，土瓜灣起咗好多新豪宅，就連燒味舖都裝修得好時尚，吸引到我哋呢啲年紀輕人去食。燒味大王 我鍾意食佢啲燒鵝，尤其是老闆幾有善心，好似話～師傅曾經做過酒店，每逢星期三派飯俾區內老人家，值得支持！王牌燒鵝五寳飯 $88一次過試晒五種寶貝口味，超級豐富，賣相都好靚仔，燒味肉嫩有光澤，王牌燒鵝鵝皮香脆，入味鵝肉配上梅醬更惹味，份量多。半肥瘦叉燒、玫瑰豉油雞、紅腸、鹹蛋；五寶真係好豐富。咸蛋油份充足，咸香味重，撈飯一流。半肥瘦叉燒入口鬆軟、玫瑰豉油雞肉質嫩滑、紅腸少年的味道。至尊叉燒雙拼飯 $52至尊叉燒雙果然不同凡響，叉燒梗係要食半肥瘦，叉肉質鬆軟味道甜甜哋，肥叉老竇最鍾意！所以我自己食飽都忍唔住要買半斤叉燒外賣。豉油雞細細個就好鍾意食，叫我指定雞髀每隻加 ＄15，好鍾意食雞髀的感覺，肥美油雞肉嫩又多肉，多汁皮滑。另加鹹蛋＄8/ 隻，抵食！有驚喜！套餐仲送埋靚例湯，真材實料，最啱無飯夫妻。白灼時菜 $15/ 碟翠綠的油菜，配上蠔油汁，清新爽口。凍飲加 $4 喺燒味茶餐廳，梗係要嘆番杯凍奶茶同埋凍鴛鴦，咁先感受到香港味道。燒味大王，情有獨鍾燒味的朋友唔

土瓜灣燒味店林立，今日揀嘅呢間新開張嘅燒味大王，佢哋嘅燒味全部自己燒，食落性價比都幾高，外賣飯盒都只係40蚊左右，加5蚊仲有老火湯。既然單拼雙拼同價，緊係叫雙拼試下唔同燒味。我叫咗最鍾意嘅燒鵝燒腩仔，屋企人就叫咗叉燒油雞飯。就算係外賣飯盒，食物質同量都冇馬虎，飯嘅份夠多，菜亦都又腍又翠綠。叉燒係特級梅頭叉燒，半肥瘦而且脂肪分布均勻，甜度恰到好處，燒過嘅蜜汁帶有焦糖味。豉油雞嘅肉質嫩滑，肥瘦適中唔會太多肥膏。燒鵝嘅鵝味濃沃，肉質結實，鵝皮亦都脆口。燒腩仔皮好脆，咬落咯咯聲，腩仔小小肥啱啱好，既唔會太乾又唔會有罪惡感。食完燒味飲番個老火湯，感覺大滿足。

好少食燒味的餐廳像這般「乾淨企理」。全店都是二人四人方檯，比圓檯坐得比較舒適。看看餐牌，任何想得到的燒味都有得食。而且有早餐及下午茶時段餐目，想想早餐來碗叉燒公仔麵，應該都好過癮！燒味師傅曾在酒店任職，所以對出品絕對有要求。鴻運乳豬雙拼飯 (拼叉燒) $78好多時去燒味餐廳點乳豬都會被告知售罄。這裡不單止「有貨賣」，定價還要相當貼地！雖然定價親民，但份量絕不欺場，足足有一整排，有大約七八塊。乳豬皮是芝麻皮，一口咬下去便應聲碎裂，香口非常。燒味師傅把乳豬皮下的多餘脂肪「片走」，所以入口沒有很重的油膩感。乳豬皮下是嫩滑的乳豬肉，已經把比較大的骨頭去除，只剩下少量軟骨，乳豬可以全塊吃下，啖啖肉，好滿足。叉燒份量也是很多。外層燒得有少少「燶邊」的效果，份外香口。而且有麥芽糖香，香香甜甜，很好下飯。叉燒是半肥瘦，肉質鬆化不死實，件件厚切，口感很佳。而且沒有豬肉羶味。白飯加了甜豉油（還是燒味汁？！），甜甜的，很好下飯。霹靂火燒腩雙拼飯 (拼叉燒) $52名字相當駕勢！其實就是燒腩仔。燒腩仔面層燒得卜卜脆。件件肥瘦相間，豬油在口腔爆發是何等的滿足！ 但又不會過於油膩。肉質飽滿彈牙。值得一讚的是蘸點燒

前排係土瓜灣做完GYM，回家途中見到有間燒味餐廳，見到廚窗上的燒味幾靚仔就入去試下。餐廳店內位於光猛，坐位及環境衛生情況屬中上水平。 做完運動特別餓，兩個人叫左叉燒燻蹄飯、燒鵝飯套餐及頭抽BB鴿叉燒蹄飯：當日落單時無特別要求要肥瘦叉，叉燒偏瘦，但食落竟然唔柴，反而軟淋有豬味，叉燒調味唔會死咸，帶玫瑰露香味；燻蹄皮爽肉咸，咸咸香香，配上醋食十分開胃。 王牌燒鵝一人餐包含燒鵝飯、油菜及飲品一杯，$68有菜有野飲，散叫個雙拼飯都50幾，抵食。上菜時燒鵝同飯分開上，燒鵝大大碟，唔會淨係比鵝背位等無肉位置。燒鵝皮唔算十分脆但仍鬆化輕易咬得開，鵝肉不柴，調味亦入到肉。 最後唔夠喉加多個頭抽BB鴿，以頭抽浸熟，鴿肉十分軟嫩唔柴，略嫌調味除左咸味可以多番小小層次。 總結：街坊小店，餐廳燒味質素中上，餐廳仲會係每個星期三派飯比長者，幫助社區！下次有機會會試埋其他燒味。

曾經係網上睇過一篇文章，講香港人從外地返嚟香港，最想食係細蓉同絲襪奶茶，我相信依家已經改變，最想食嘅應該係譚仔!我就情有獨鍾最愛燒味，好味嘅蔥蓉簡直係大愛!女友小熊話，都已經有一段時間無食燒味，想去唔錯嘅馬頭圍六叔燒鵝開餐，到步先知道原來已經轉名，新店叫做燒味大王，好彩新店仍然做燒味嘅餐廳，否則失望而回要再另尋燒味店.燒味種類繁多，我嘅首選當然係叉燒，第二係乳豬，之後係油雞.其中乳豬唔係間間燒味店有售，有得賣又未必好食，而油雞又係，唔係間間嘅油雞肉嫩又多肉，巿場劣質油雞不少，希望新店有意外驚喜吧!點咗小菜叉燒併油雞半隻再加碟乳豬併燒鵝飯加咸蛋，當然係多色多蔥啦! 唔記得講要肥叉添!今次幫襯各方面都比上一次進步，乳豬皮比上一次更脆口，而大愛蔥油味道減咸之后更惹味!油雞品質無變仍然肉嫩 juicy 皮滑，加上蔥蓉係一絕，叉燒係瘦叉肉質鬆軟味道夠甜，下次試吓肥叉先!燒鵝皮亦比上一次更香脆，鵝肉配上甜梅醬更入味更惹味，份量都比之前多.有人中鍾食咸蛋白，有人中鍾食蛋黃，我只食蛋黃，好彩小熊兩樣都中意，咸蛋黃我著重油份足唔足，今次嘅咸蛋有油份但唔算爆油，而咸香味就充足.食食吓飯眼尾見到隔離枱有個牌

近日樓市不停出現下跌的情況，今日到了土瓜灣四出尋找潛力的樓盤，在炎熱的下午十分疲倦的身軀之下，來到了這間燒味店休息一下繼續行程.這間燒味店裝修十分之新頴，加上櫥窗也十分之整潔，看見十分香脆的燒鵝十分之吸引.原來師傅好似在酒店主理燒味，因此對燒味的要求十分之高.餐廳牆身利用了水泥牆，燈光也十分之舒適.燒鵝皮脆肉滑，加上充滿了淡淡的煙熏味道，令這隻燒鵝身價提升了不少，配上熱烘烘的河粉，簡直是最美好的配搭，河粉的麵身十分之細滑充滿了米香.乳豬一看見就知十分之香脆加上肥肉比較少，水準十足.這間餐廳星期三還有派飯的活動，真是了解今時今日疫情之下經濟低迷的街坊.

自從屯馬線開通之後，嚟土瓜灣真係方便咗好多。今日約咗人去馬頭圍道睇燈飾，晏晝就順便喺區內搵食。有人心血來潮話想食燒鵝，咁就一於由我帶路，嚟欣榮花園附近呢間新開嘅「燒味大王」開餐。據知餐廳逢星期三都會派飯畀區內嘅老人家，非常有善心，而且店舖嘅師傅曾經喺酒店做過，實力絕對有保證。櫥窗掛滿了各式樣嘅燒味，有燒鵝、乳豬、叉燒同油雞等，燒鵝大隻肥美、而豉油雞亦飽滿富光澤，令人食指大動。有人一坐低就即刻點咗客燒鵝髀瀨，而我就揀咗乳豬拼叉燒飯，再加多碟時菜。堂食碟頭飯附送是日靚湯，今日嘅湯係蓮藕豬骨湯。湯頭鮮甜無味精，而且飲完唔覺口乾，味道不錯。王牌燒鵝髀瀨 ($88) 燒鵝髀好靚仔，大大隻，外皮薄脆，鵝肉醃味不重，肥厚又嫩滑，入囗甘香不膩，配酸甜適中嘅酸梅醬同滑溜嘅瀨粉吃，很有風味。另外呢碗鴻運乳豬拼叉燒飯 ($78)  水準亦一流，豬皮薄而鬆脆，肉質細嫩，無雪藏貨色嘅羶味，而且最正係表面還泛著油香，食落超惹味。叉燒同樣了得，肉質軟腍適中，帶蜜汁香甜，加上仲有少少濃邊，美味。另外仲加咗隻鹹蛋 (+$8)，蛋黃金黃流沙，用嚟送飯一流！白灼時蔬 ($15) 係蠔油菜心，菜心鮮爽翠綠，入口清甜爆汁，有益

每當我哋想食燒味嘅時候，我就一定嚟燒味大王幫襯，師傅曾經做酒店，逢星期三派飯俾區內老人家，施比受更有福，燒味大王制作的，全是佳品，好靠得住。👍👍👍不過最鍾意食嘅就係燒乳豬，剛剛出爐熱辣辣嘅乳豬，燒到紅卜卜，睇見都口水流。買咗一份例牌燒乳豬返屋食，嘩乳豬超香，乳豬皮脆卜卜，係好穌化嗰隻，入口甘香，內質唔使講，點埋啲乳豬醬，甜香嫩滑，好食到飛起，再賣，各位老友記，想食靚燒味，記得去燒味王嗰度買啊😋😋😋

BBQ pork and cold cut pork trotter was on point and bang for the buck.The same can’t be said for the instant noodles that came with the meal set when bottle water would have more taste then the soup it was swimming in. Do yourself a favor and order a bowl of rice.Lackluster staff but let’s assume because they had to work on a public holiday.Would recommend non-slip footwear especially if you are going with elderly as the tiled floor are well seasoned like your casted iron skillet

今日去了土瓜灣探望舊同學，正值午飯時間，同學知我喜歡食燒味。與我去了附近一間燒味餐廳，還說聽聞這間餐廳的師傅曾在酒店做過，更逢星期三派飯畀區內老人家，真是間良心企業。那當然要幫襯支持下！餐廳坐落一棟新大廈的地鋪，門口是個半玻璃的廚房，掛滿各式燒味。內裏裝修簡潔，坐位齊整，燈光明亮。我們叫了2個雙拼飯，但改了要河粉，有驚喜是河粉不是傳統的河粉，是用了越南幼身的河粉，相當軟滑，是我最喜愛的，大大碗。還有例湯送。-燒鵝髀拼燒腩仔，河粉 原隻燒鵝脾上，皮薄脆又不是太肥，鵝肉嫩滑有肉味，皮連肉一齊食，入口啖啖肉，回味無窮。燒腩仔皮燒得很鬆脆，咬落索索聲，肥廋均勻，肉味濃郁，很有口感。-鴻運乳豬拼叉燒，河粉 乳豬皮香脆，肉質淋軟有肉味。 叉燒用了梅頭肉，肉質淋軟，味道香濃，用了蜜糖燒烤，香溢四出。-白灼時菜，菜心菜心灼得軟度適中，味道清甜。-蓮藕排骨湯 雖然是例湯，但絕不馬虎， 湯料充足，湯味香濃，最難得是沒味精，因飲了不覺口渴。一個滿足的午餐！

呢間前身係六叔燒鵝，我地食過幾次，已經覺得好好味。見到佢哋轉左新招牌本身有小小擔心會保持唔到水準，不過估唔到依家更·加·好·味。我地本身淨係諗住叫燒鵝，不過佢哋話叉燒今日好食所以試埋。燒鵝水準依舊，但係估唔到叉燒咁·好·食。肥瘦適中，有焦香，入口即溶，一定會再幫襯！Highly recommend this restaurant!! We got roasted meat takeaway and it was the best char siu we’ve ever had. Good combo of fat and meat roasted to perfection beautiful caramelization and melt in your mouth goodness. The roast goose is good as always.

美味燒味星期日和朋友打乒乓球後一起去吃晚餐。餐廳的裝修新，內部環境清潔，店員服務殷勤。燒味雙併(例牌)108元。燒腩仔的皮香脆，豬腩肉肥瘦參半，肥肉甘香，瘦肉嫩，口感軟滑，味道沒有過咸，可沾點芥末醬一起吃，十分美味，值得推介。豉油雞的外層色澤均勻而且透亮，雞皮滑，雞肉嫩，咸味適中。葱油香氣四溢，葱味突出，薑味少少，咸味正常。燒味雙併的份量多，美味抵吃。王牌燒鵝一人套餐68元，全日供應。燒鵝一碟，燒鵝份量多，燒鵝皮香肉滑，燒鵝惹味，配酸梅醬一起吃更出色。白飯的飯粒鮮明而且軟硬適中。例湯是粉葛豬肉湯，很足料，粉葛味甜如梨且含少少纖維，口感粉糯，湯味清甜。菜心翠綠鮮甜。熱奶茶的苦澀的茶味混入濃郁的奶味，營造絕妙的對比。凍檸茶18元，有三片檸檬，檸檬新鮮，紅茶味香。