燒味大王 (已結業)

星期六返完半晝工好攰，唔想煮飯，簡簡單單斬料返屋企就算，可以輕鬆一下。行經土瓜灣附近咁岩有間燒味舖，就試吓先。有堂食和外賣部，非常企理，幾個師傅坐鎮人手充足，櫥窗掛住滿滿的燒味，樣子唔錯。我叫咗100伩至尊叉燒。店員好有禮，好快手而且包裝得好企理，叉燒切得齊齊整整。還是溫溫的，望落色澤非常靚，而且肥瘦適中，仲有少許燶邊。返到屋企盒叉燒還有餘溫，急不及待試味先，果然係不同凡響，叉燒質地好軟滑，好香蜜糖味，燒得剛剛好，蜜糖汁好香濃但唔會太膩，肥瘦均勻，非常高質，下次會再幫襯。