熱點點心專門店

營業中

休息中

這家餐廳位於太子，距離太子地鐵站路程需要五分鐘左右，地理上十分方便快捷，餐廳主打的也就是點心，小店形式經營。千島醬香脆蘿蔔糕， 從菜單上見到朋友對他極度有興趣， 沒想到這個菜色真的十分有趣，煎得外皮香脆可口的蘿蔔糕， 配搭千島醬和木魚， 簡直是一種多重享受， 臨近新年蘿蔔糕更是喜慶節日之必選，沒想到外皮香脆，內裏更充滿了蘿蔔的香味，更帶有點點臘腸和臘肉的香味。當然還有其他不同的點心，但我最喜愛和最欣賞的也就是蘿蔔糕。

熱點在太子站A出口附近，有一間點心店長期高朋滿座。點心即叫即蒸熱辣辣，又無加一服務費，平靚正。熱點蝦餃皇（2隻）/ 蟹籽燒賣皇（2隻）- 每次吃點心都必點蝦餃及燒賣，這裏的是2隻一籠，格外矜貴精緻！皮薄餡靚，蝦餃更是晶凝通透。而且十分足料，蝦大大隻，鮮味無窮爽口/ 豬肉香彈實在，高質。蒜香蒸排骨 / 薑葱牛柏葉 - 因為是即叫即蒸的原因，上到台好熱辣辣好暖身！牛柏葉爽滑、排骨肉質腍香好易咬開，調味恰到好處，又不會掩蓋食物原本的鮮味，好食！鮮竹牛肉球 - 三球大大粒，肉質Q彈，芫荽味與牛肉配合得很好，又窩心又飽肚的點心呢。蜜汁叉燒腸 - 皮薄叉燒多，滑溜令人大滿足！而且很難得在點心店有原盅老火湯：蟲草花機雞湯（滋潤，潤肺，抗衰老）/ 五指毛桃燉瘦肉（益氣，健牌，祛濕）- 清甜又滋潤，材料多，飲完湯、吃完湯渣都已經有幾分飽。我們坐了卡位，座位寬闊又舒服，而且茶又可以選擇玄米茶，很享受今餐的點心。

食物ok 但絕非好食到 即使個姐姐黑口黑面都 非去不可 問心啦 間間飲茶價錢都差5多 無必要晨早去食人面口一間鋪3個阿姐 ，又係晨早時間 ，人又唔係多!! 真心唔知……個"好"姐燥咩都已經幫佢撿埋 只要佢拿走 都要"吱"我 個堂眉實到夾得死蒼蠅 …… 叫加水又扮聽唔到!問題係其他食客都聽到!!間鋪又唔係大……都可以直行直過 ……除左唉……個客可以點呢?雖然間鋪冇收加一，過門都係客……都唔使咁對客掛? 最低既互相尊重 麻煩都俾小小出黎啊

做完瑜珈來吃點心一入去冷氣很凍，好彩水夠熱飲兩啖茶就很暖了叫了豬仔鹹水角、鮮蝦腸粉、鯪魚球、叉燒包、鳳爪排骨盅飯同埋牛肉球..點心小店不同酒樓...點心應是即叫即蒸的，因為都等了一會了。除了鮮蝦腸粉比較普通，其他都好好了特別是鯪魚球了、有蜆蚧醬...20蚊仲有4粒，很抵了，是必吃了..鹹水角豬仔造型，都脆卜卜了.....隔離枱點了四寶雞札，很多料和大件...30元兩件...下次要試了。但疫情下外賣有折...要試下外賣回家了

約左朋友試下呢間新開嘅熱點，位於太子，本來想去一點心，但見呢間新開，所以決意試一試佢茶叫左香片茶夠熱嘅點心款式十幾款，都算多，有飯有粥有湯有腸粉蜂巢炸芋角$23 好酥脆，入面啲餡係肉餡黎，唔係好鹹，同個炸芋皮幾夾蝦餃$16兩隻其實我嫌佢太大粒，要分兩次咬，但味道ok嘅蝦餃應該係一啖一粒，蝦同豬肉攪埋一齊，依家坊間呢啲點心店啲蝦餃都大大粒牛肉腸$23 正常水準菜苗餃$15正常水準千島醬蘿蔔糕$28呢個朋友叫的好老實，千島醬一定唔夾蘿蔔糕蘿蔔糕一定係要一塊長方形咁煎先好，跟住簡單點下辣醬，或者就咁食燒賣$16 正常水準我朋友食前一日竟然打電話去訂位，仲要午市，全間野午市得我地訂位，全店都知佢係李小姐人地仲擺左留座個牌喺枱面

以前飲茶食點心就要晌朝早去酒樓先嘆到，都唔記得何時，啲酒樓就加設夜茶，即喺晚市都食到點心，但近呢10年左右，點心專門店就越開越多，成行成市，真喺由日頭到夜晚都可以食嘆到點心。疫情緩和咗好多，但仍然唔可以掉以輕心，所以，約食飯都只喺約番啲相熟嘅一個、半個。今回友人話點心癮起，就約出嚟幫襯吓啲點心專門店。最近，試咗一家晌太子新開無耐嘅點心專門店「熱點」，整體感覺唔錯，就同大家分享吓。打開門入到去，第一眼喺近門口位左邊嘅外賣「廚房」，當然，唔喺晌呢度製作食物啦，只喺熱住啲點心等人買外賣，呢個時勢，外賣喺一家店佔幾大比重嘅收入來源。再行入啲，成間餐廳嘅格局就一眼睇晒，左右兩邊喺啲四人卡位，中間就喺啲活動式二人、四人枱，裝修簡潔，環境四正、整潔。店員嘅態度亦好有禮、勤快，一來我諗依家飲食難做，當然要加強啲招呼，二來有限聚令，又喺閒日，始終未到餐廳接受最高嘅人流量。一張點心紙就羅列晒所有款式，大部分會喺見慣見熟嘅款式，數數吓，都有成40、50款之多，睇落定價都算相宜，如果有留意嘅話，就會發現所有點心都改成5個字。順帶一提，茗茶每位收$5，而星期六、日、公眾假期全日需要加一，所以，閒日嚟試就可以慳少

星期五 OT 完, 又係時候慰勞下自己 😌今日心血來潮想試吓新嘢, 於是揀咗這間之前 bookmark 咗嘅點心店嚟到大約十點鐘, 啱啱趕得切喺收鋪前入坐.. 🔻 蟹籽燒賣皇 ($18 / 2 粒) 肉餡主要係瘦肉粒同蝦仁 望落雖然無乜肥豬肉, 但豬油味頗重, 感覺有少少油膩 整體口感扎實, 肉粒唔會有筋或有渣, 味道正常 🔻 鮮蝦菜苗餃 ($15 / 2 粒) 賣相吸引, 兩粒餃都脹卜卜, 而且大粒兼飽滿 皮嘅厚薄適中, 夾起時唔易穿, 食落亦唔會黏口 不過餡料嘅調味偏淡, 蝦仁雖然爽口, 但鮮味較少, 菜苗亦無乜吸收到蝦嘅精華, 只有淡淡的菜味 🔻 魚湯鮮竹卷 ($20) 魚湯望落足料, 實際似中式粉麵味精湯鮮竹卷餡料以蔬菜為主, 有少量魚肉, 口感偏爽脆唯獨薑味較重, 味道蓋過哂其他食材, 如果唔睇未必食得出有咩餡埋單連茶錢共 $58 💰所有點心都係即叫即蒸, 茶亦比一般點心鋪好飲 不過服務方面真係有待加強... 待應係有禮貌的, 不過可能臨近收鋪, 大約有一半時間都唔在場基本上除咗落單同上菜, 可以講話無其他服務- 無人主動開茶, 問咗一次.. 漏了, 要再問一次先有 -

今日經過太子，見到有間新開嘅點心，入去試一試，一入門口，阿姐態度好好，招呼周到，除左傳統嘅茶葉外，仲有消脂玄米茶，坐低睇下有咩食，見到佢地雖然點心款式唔算多，但勝在上點心唔算慢，而且上到台嘅點心仲要係熱嘅，味道亦唔差，整體應覺幾好，仲有燉湯。唯一有待改善嘅係洗手間....

昨日第一次去熱點食，門口阿姐幾Nice,望入去點心賣相普通，食後覺得味道唔錯，款式都算多，出菜速度快，驚喜係有玄米茶揀，雪山叉燒包入面嘅叉燒都多又好食，腸粉就普通，牛肉球大大粒，都係必食之選，基本嘅蝦餃燒賣一籠兩件，啱哂細食嘅人，整體感覺都唔錯，會再幫襯！

好耐都冇去飲茶了，呢間之前收藏咗好耐，今日去試下！這間店位於太子地鐵站A出口，行幾分鐘就到，位置非常方便，容易搵到！我點了一個楊枝甘露糕， 係今日點的覺得最好食係隻款🤣見到呢款甜品比較少有，楊枝甘露就食過，楊枝甘露糕就第一次食，裏面有芒果，西米再加上西柚！雪山叉燒包：一上枱已經係不熱的，突然想起添好運的雪山包仲好食😬蘿蔔千絲酥，都是暖暖的，我只能夠說賣相不錯蝦餃：大家可以望下相片，有一件皮已經散了，諗住推介應該會好食😅臘味糯米包：呢個不錯，不是好多地方有，而且都足料仲有燉湯，聞落去幾香

很喜歡飲茶，而且比較喜歡這種街邊小店，總覺得環境太好的酒店雖然環境好，但是味道都不如這種街坊店正宗，這家新開的小店，味道不錯，春卷酥脆，炸兩腸我很喜歡一半脆一半軟的口感，馬拉糕鬆軟，海鮮卷一般，略腥！

️經過太子，不時會見到店鋪變跟。從前便經常在彌敦道兩旁徘徊，上完a補習班便到對面b補習社。 別了中學時期，跟朋友一起遊走在街道兩旁的小事，已成回憶。 最近路過，又發現了一家新開的點心店。 有別一般點心店，店內裝修簡潔，給人一種燈火通明的感覺。一進門店員便已開茶，選了平日茶樓比較少見的玄米茶。點心紙有即叫即蒸、煎、炸、灼、燉湯、甜品、包點、粥飯等不同類別，另外亦有一些孖寶組合，選擇甚多。 我們一行三人，分別點了魚翅罐湯餃、雪山叉燒包、賽螃蝦春卷、紫米脆網卷、蟹籽燒賣皇、蝦餃皇、鳳凰煎米雞、蟲草花燉雞湯、豬仔鹹水角、薑汁千層糕等等。個人覺得炸物十分出色。蝦餃皮薄餡靚，非常鮮美；蟲草花燉雞湯雖然味道較淡，但從雞腳的軟度，可見店家用了不少時間燉煮；豬仔鹹水角外形討喜，不只有外表，內"餡"亦不錯；紫米脆網卷及賽旁蟹春卷十分特別，前者是特製蝦腸，後者則把一碟菜餚變成一口點心，十分精緻。新式點心以外，熱點亦有傳統點心。鳳凰煎米雞，外層蛋漿煎得香脆，包裹着糯米，啖啖滿足。最後的薑汁，我要極力推薦。薑味濃而不甜，絕對適合香港人"不甜的甜品"的奇怪口味。個人覺得2人小聚一下，不妨到這家熱點。不論位置及食物

呢日中午去太子買古早蛋糕，順便喺嗰邊嘆杯茶、食個點心🥢。唔駛行到去花園街嗰邊就已經有選擇「熱點」，門口不乏買外賣嘅人。午餐時段點幾嗰陣坐滿人，學生妹自己一個都坐低慢慢食😍。我哋獲安排坐喺卡位，算幾闊落。一坐低店員就問我地飲咩茶，佢仲推介我哋試玄米茶，茶位每位$5。點心選擇種類正常，我比較欣賞佢部份點心可以逐粒嗌(兩粒起跳)，而唔係固定一籠👍。兩個人飲茶嗌嘢食好蝦人，有時想食多款又驚食唔哂，而家免卻唔少煩惱。蟹籽燒賣皇($9/隻)，燒賣餡同時有豬肉(無乜肥豬肉)同蝦肉，比例剛好，上面仲有蟹籽添🦀。熱點蝦餃皇($9/隻)，蝦餃皮厚薄適中，唔會一夾就穿，🦐蝦肉新鮮彈牙，好食就係咁簡單。鮮蝦菜苗餃($7/隻)，呢個相當有驚喜，菜苗餃皮較蝦餃皮煙韌有嚼勁，入面包棵超多菠菜，口感一流，又大隻，正啊😋。紫米脆網卷($22)，呢款點心可能係餐廳獨家，夠哂特別又好食。外層係紫米皮，有啖啖紫米香，內裡就包住脆網春卷，成個組合好過癮😛。XO醬蘿蔔糕($28)，蘿蔔糕切粒上，用XO醬炒得好香口，🌶微微辣好惹味，外層就煎至脆脆的。家鄉炒米粉($20)，唔好睇個樣好似好單調咁，食落唔錯㗎。炒米粉偏幼身，並唔易斷開

悠閒周日想飲餐茶食下點心，上網搵到新開的熱點最欣賞蝦餃燒賣可以叫（兩件） 兩個人黎食可以全都要！茗茶每位$5 （普洱、壽眉、鐵觀音、玄米）4種選擇。 星期六、日及公眾假期有加一收費。整體點心價格相宜，款式都多選擇。今次總共叫了8款點心～熱點蝦餃皇（兩件）$18蝦餃脹卜卜，餃皮唔太厚。鮮蝦菜苗餃 （兩件）$14菜苗餃晶瑩剔透，菜苗嫩滑，抵食推介蟹籽燒賣皇 （兩件）$18燒賣內豬肉冬菇餡都紮實。紫薯流沙包 $18平時食開奶皇包，見到紫薯流沙包幾新穎，入面真係有紫薯粒粒唔太甜。鳳凰煎米雞 $23第一次食煎的糯米雞，底面兩邊都煎到微微焦香，食到飯焦香脆口感，幾得意。魚翅灌湯餃 $38灌湯餃在點心店比較少有，驚喜有翅裙外， 還有火腿 、冬菇 、蝦、蟹柳、芫茜 幾足料。豬仔咸水角 $28豬仔可愛造型已值回票價，鼻孔、耳仔、尾巴通通都還原，口感煙煙韌韌。豉汁蒸排骨 $20 大大碟，排骨的底部仲墊左麵筋。以小店的質素來講相當唔錯，值得推介！

星期六嘅下午同屋企人去左Hotpot嘻嘻🙈唔係打邊爐黎嫁係一間叫熱點嘅點心專門店😎終於有時間陪屋企人飲個靚茶😌食物選擇種類都多 仲有啲特式嘅點心 最緊要價錢大眾化☺️呢度嘅茶 除左有普洱 壽眉 鐵觀音之外 仲有玄米茶可以選擇🍃🍵 今次就選擇左玄米茶😋茶味夠香 飲落好清新.豬仔鹹水角 $25小妹一見到有造型嘅食物 就完全無抵抗力即刻點左😛 佢地三隻好可愛 完全唔捨得食 炸到好香口 但唔會太油 入面啲餡料亦滿滿八寶籠仔飯 $48呢個飯不得了😂勁多配料 有冬菇粒 蝦醬肉粒 排骨 臘腸粒 蝦乾粒 雞粒 鳯爪 同埋粟米粒 下面嘅飯吸哂啲配料嘅精華 加埋荷葉嘅香味 好食😋$48超大籠好抵 用嚟影相打卡都一流😂紫米脆網卷 $20小妹推介✨✨紫米腸粉包住脆網卷 入面仲有蝦肉 咬落由軟軟到脆脆 好有口感😚楊枝甘露糕 $21有好多好多西米 仲有西柚絲 唔會有苦味仲唔會好甜 味道好啱唔食太甜嘅小妹❤️.紫薯流心包 $18係滿滿嘅紫薯蓉🍠 唔會太甜 小妹一個人啪左兩個🤤😂魚翅灌湯餃 $38我地勁耐無食過灌湯餃 呢個灌湯餃都幾大件 仲有魚翅 蝦 豬肉等等 個高湯好清甜🥰熱點蝦餃皇 $9/件呢到嘅蝦餃燒賣同鮮蝦菜苗