熱點點心專門店

營業中

休息中

自從疫情之後，都無乜去飲茶了。。今晚突然好想食點心！於是搵左一間全日都有點心食既餐廳- 熱點黎食！呢度既點心種類都唔少！我地2個人食左6樣點心！😬蝦餃皇幾大粒！蝦肉餡料都幾彈牙！😋魚翅灌湯餃，有驚喜！湯中真係有魚翅，粒餃非常大粒！味道好融洽！紫菜海鮮卷，見幾特別，所以試左！外表有d似壽司，不過入面唔係飯，而係好似蝦餃餡料咁彈牙既料！👍🏻香芒炸蝦卷，好大條，外表炸得好脆，入面有肉質幾爽既蝦，同芒果好夾！最後有雪山叉燒包同蜜汁叉燒腸，味道都不錯！埋單每人只係一百蚊倒👍🏻😬

茶癮起，朋友介紹我嚟太子試新嘢！熱點點心專門店位於太子站A出口大約2分鐘路程，舖頭面積唔大，但乾淨企理⋯呢度點心價錢唔貴，款式不比酒樓少，而且無加一服務費，絕對抵食。我哋total點咗8款點心。Round 1我哋點咗五指毛桃燉瘦肉湯、蟹籽蒸燒賣、醬汁蒸鳳爪、沙嗲金錢肚、雪山叉燒包。首先嚟嘅係個燉湯，個湯真材實料，陣陣嘅五指毛桃香氣⋯呢度嘅金錢肚炆得夠腍亦好惹味，好食到停唔到口。鳳爪就正正常常⋯飲茶點少得燒賣，燒賣一籠2粒，啱晒我哋2個人，可以點多啲其他點心嚟食😋燒賣大大粒，豬肉同蝦嘅比例啱啱好，而且餡料新鮮，蝦肉鮮甜彈牙，好有水準！雪山叉燒包亦係驚喜之作，叉燒包外皮酥脆，咬落去口感鬆軟好食。Round 2就點咗虎皮煎釀尖椒、香芒炸蝦卷同埋楊枝甘露糕。煎釀尖椒望落去賣相麻麻，但又出奇地好食喎！炸蝦卷都幾特別，雖然食唔到芒果嘅香味，但酸酸地，剛好解咗炸蝦卷嘅油膩。最後，我哋以楊枝甘露糕作結，呢個甜品幾特別，將本來食開嘅糖水變成糕點，好fresh，又可以解咗之前食釀尖椒嘅辣，而且唔太甜，滿足🥰不得不讚呢度嘅點心樣樣都係即叫即蒸，上枱全部都係熱辣辣⋯而且用料新鮮，絕對唔係將貨就價！熱點打破咗我

之前係YOUTUBE都見到有人介紹呢間係太子既點心店, 今日黎開太子交收, 所以就順路黎試下!!門口好光猛好易就見到~茶錢只係幾蚊, 仲要免加一, 抵食!!點心紙簡單易睇, 叫左雪山叉燒包, 個包真係熱辣辣, 仲要勁多叉燒!! 認真皮薄餡靚!!叉燒腸又係薄皮到透光架, 又係勁多叉燒, 好少可食到咁多料既叉燒腸, 正!呢個叫紫菜海鮮卷, 本身唔知咩黎所以試下, 有4粒大大粒, 其實睇落有D似燒賣, 佢外邊用紫菜包住, 入面係好多好多蝦仁, 好爽口, 覺得口感好好, 配埋紫菜少少咸香, 幾好食!最後要推介豬仔咸水角, 平時都必叫咸水角既, 今次呢個仲要勁CUTE! 上菜果時熱辣辣, 又係好少食到出煙既咸水角, 所以個皮好新鮮唔係翻炸果種硬骨骨口感, 推介!!

今次係我地第一次一齊食點心✌🏼開心呢😆 我地放工後嚟到太子一間點心專門店飲個茶食個包🍵晚餐食點心係另一種享受，一邊分享工作上嘅瑣碎事，一邊飲茶，感覺上要將所有煩惱一掃而空😎我哋都係叫咗啲正常嘅點心款式😆首先嚟到嘅雪山叉燒包賣相好靚，唔會散哂🤣 個包軟林林，而且叉燒餡料好多，係好味道既😋之後一次過嚟咗好多款點心😋😋 我比較鍾意魚翅灌湯餃，因為而家唔係好多酒樓有得食～ 我細細個都好鍾意食，加少少醋就可以帶出味道， 最後仲要飲埋啲湯呢✌🏼😝😝蜂巢炸芋角亦好好味(雖然有啲熱氣😛）食到最後我只係食咗一粒，有啲後悔冇留肚食haha珍珠雞我就覺得一般，有待改進😂😂 其他食物都OK😋今日我地分享左唔少點心的故事同歷史，邊食邊學，開心😍

呢間點心專門店感覺外賣比堂食更好店內環境較擠迫冇酒樓坐得咁舒服而且外賣自取滿$100有7折更抵食！所以建議外賣會好啲🚩熱點蝦餃皇🦐💰價錢：$14.7/2粒點心之皇一粒接近40克重😍皮薄餡多 蝦肉爽口彈牙🤤飽滿既內餡 一口咬落去好滿足☺️好食👍🏻🚩 鮮蝦菜苗餃 💰 價錢：$14/2粒size好大粒🤩一粒50克重 約有7-8cm餡料豐富味道正常好食👍🏻同蝦餃一樣都係皮薄餡多🚩 紫薯流沙包💰 價錢：$21/3個重量約55克/個外賣其中唔好處就係食物容易凍哂食個陣已經唔係熱辣辣☹️唔知熱辣辣個陣紫薯餡係咪流心狀態因為我食個陣係略帶微溫紫薯餡稱唔上流心但可以形容係「爆漿」？😂但味道口感都係唔錯👍🏻🚩楊枝甘露糕💰價錢：$21/份一份3件重量約有200克冇錯！味道exactly係楊枝甘露😂可以想象將一碗楊枝甘露整成一件布甸既味道每件都充滿柚子肉、小西米、少量芒果肉甜度適中 整體有水準！

我同朋友其實都好鍾意食中式點心，今日我哋約咗做瑜伽，做瑜伽之前就首先填飽個肚先我哋喺做瑜伽嘅附近揀咗食點心嘅熱點熱點供應嘅點心款式都好多，最好嘅地方就係有啲點心係兩件一籠，啱晒兩個人去食估唔到餐廳仲有燉湯供應，今日嘅燉湯係海底椰燉雞湯，可以清熱、除燥同埋潤肺個湯好足料，而且唔會好多油，湯嘅味道釨濃飲茶又點少得蝦餃同燒賣，蝦餃大大粒，裏面有好多蝦肉，蝦餃皮又唔會太厚燒賣同樣地都係大大粒，食落去唔會太肥膩，非常滿足我幾推介大家食虎皮煎釀尖椒，佢嘅尖椒唔會辣，而且裏面釀咗好飽滿嘅魚肉最重要嘅係個魚肉唔會腥，仲煎得好香添然後就係藥膳燉雞腳，藥膳味好香，雞腳燉得好腍好好味最後就係八寶籠仔蒸飯，材料好豐富！有排骨、鳳爪、肉餅、臘腸同粟米粒等等加少少豉油食就已經好正整體來講點心質素幾高，價錢合理

好耐無飲茶，今日同朋友過太子買嘢，見到 彌敦道開了間點心專門店叫熱點，點心款式多，十零廿蚊有交易，抵食。餐廳布置幾有特色， 牆上有些可愛嘅本土特色卡通。點心都係即叫即製，熱辣辣好吸引。雪山叉燒包$18白雪雪嘅外型好似雪山，食落外皮鬆脆， 叉燒餡甜甜地。原籠馬拉糕 $24非常鬆軟, 要趁熱食。千島醬香脆蘿蔔糕 $28 蘿蔔糕煎得香口，配千島醬好惹味，我個人好推介。豬仔鹹水角$28豬仔外型好可愛，炸得脆卜卜，唔油膩。蟲草燉雞湯 $29 湯頭清甜，養顏抗衰老。 燒賣 $16大大粒，好足料 瑤柱珍珠雞 $26大大隻，好飽肚。虎皮煎釀尖椒 $20點少少辣豉油，突出到尖椒嘅香味。點心樣樣都咁好食，水滾茶靚， 一定再幫襯。

出花園街買花🌹🌼、什物，順便去.......飲啖茶.......食個包先😂😂😂😂———————-而家好多食肆嘅員工都好好招呼而且仲好有禮貌，以客為本👍食得開心又簡單————————-🟫鳯爪排骨蒸籠仔飯：荷葉香、豉椒排骨正的蘢仔飯，配上甜豉油，飯夠軟熟又好味————————-🟨雪山叉燒包：面頭帶香脆又軟熟的叉燒包，就如雪山般的又白又滑的．咬一口內的叉燒香氣更誘人😍————————-🟥叉燒腸粉：皮薄餡靚，叉燒滿滿的佈滿了腸粉內，啖啖都係叉燒的滋味😋——————————🟩菜苗餃：皮薄彈牙有口感、滿滿的菜苗、仲有🦐蝦係到，認真好食😋——————————🟦燒賣：大大粒的燒賣、蟹籽的脆口令燒賣吃起來更加爽口好味😋——————————-🟪蝦🦐餃：入面滿滿的蝦🦐又大隻，皮薄彈牙好味道🥳👍——————————⬛️山竹牛肉：好大粒的牛肉、加入喼汁的牛肉就更加滋味😊—————————-⬜️煎釀尖椒：爽脆的尖椒、足料又厚又香口彈牙的魚🐟肉、抵食好食😋————————-🟧香煎蓮藕餅：外皮香脆，入面蓮藕的爽口又帶黏黏的蓮藕和肉的混合做到剛剛好的口感———————-一個滿足的飲茶時間、水滾茶靚、滿足又豐富的點心🥧🧆⋯⋯

新春期間，經常想吃點心，今天路過太子，便來到這間點心專門店。這裏的點心，是即點即製的，不過只需等十數分鐘，便可以吃到熱騰騰的點心，非常值得。蝦餃王$16，雖然只有兩只，不過大大粒，而且蝦肉爽口鮮甜，份量十足，值得推薦。燒賣王$16，新鮮熱辣，冬菇和豬肉比例適中，味道鮮美可媲美蝦餃王。牛氣沖天牛肉球$19，牛肉球爽口彈牙，加點喼汁，就成為了傳統的廣東名點。魚翅灌湯餃$38，湯肚先甜美味，材料豐富，不需加任何醬汁，已經十分美味。蜂巢炸芋角$23，炸芋角外表送花，餡料味道十足，這個點心不是很多地方可以吃得到。蜜汁叉燒腸$24，腸粉彈性十足，叉燒粒味道鮮甜，加上醬油的鮮味，變成了香港一道地道的美食。發財好市皮蛋粥$19，皮蛋、蠔豉和髮菜的味道，已經溶入粥內，果然是火候十足。

-🔸蟹籽燒賣皇 $16🔸鮮竹牛肉球 $20🔸四寶滑雞扎 $30🔸雪山叉燒包 $18🔸香煎菜肉包 $21🔸紫薯流沙包 $23🔸蜜汁叉燒腸 $24🔸鳳爪排骨籠仔蒸飯 $38-好耐冇飲個茶食返一盅兩件喇，今日星期六放假就一於瞓到自然醒，再出去飲茶食點心！呢間喺太子嘅點心店都幾旺，好多街坊棒場，點心質素都不錯呢！首先試咗熱點推介嘅雪山叉燒包，外層鬆化脆香，同內裡嘅叉燒餡非常合襯，必食啊！飲茶一定會叫嘅燒賣皇，呢度嘅係鮮蝦豬肉餡，足料好味！牛肉球亦大大粒，有香茜碎增添風味。雞扎係我個人嘅必食之選，貪佢一份包埋唔同嘅食材，一次過滿足晒！紫薯包外皮粉紫色非常吸引，而且內裡流心嘅紫薯餡，趁熱食一流啊！叉燒腸亦冇揸流攤，包住滿滿嘅叉燒碎內餡。生煎包以菜肉為餡，外表煎得金黃剛好，內餡亦熱辣辣十分juicy。最後以一份巨型籠仔蒸飯作結，鳳爪排骨份量充足，大大塊荷葉包住令蒸飯都加添咗荷葉香，十分滿足呢！

最近喜歡與老公行早山，就在早幾日行完山，找了這間點心店試吓，看看點心紙都多達50款選擇，更有幾款點心是早市特價。熱點蝦餃皇，蝦餃飽滿，咬落去皮薄且蝦肉彈牙，推介必食。醬汁蒸鳳爪，鳳爪很入味肥美，隱約吃到有些雞腳的膠質。蜜汁叉燒腸，粉漿薄，拉出的腸粉特別滑溜，配上蜜汁叉燒，實是最佳組合。鮑汁鮮竹卷，腐皮包著紅蘿蔔絲、椰菜絲、豬肉，配鮑汁口感juicy、鮮味。薑汁雞包仔，雞包仔好鬆軟，趁熱食帶點薑汁幾特別。千島醬香脆蘿蔔糕，滴滴骰骰的蘿蔔糕，金黃香脆，表面撒上鰹魚碎、千島醬很豐富。紫米脆網卷，腸粉加入了紫米，感覺上健康了，包著脆脆和蝦仁，口感勁有層次。五指毛桃燉瘦肉湯，夠足料，清甜不會很油膩，益氣、健脾、祛濕，果然是阿媽燉湯。

All day dim sum restaurants are abundant in Hong Kong. There are those with huge chains and then there are the small independent ones. Some even have Michelin stars. All offer one thing: dim sum all day long.熱點 (English name : Hot Point) is located in Prince Edward. An area with a number of all day dim sum restaurants. It seemed like any other dim sum place with a dim sum take away counter in the front. Hungry and tired from all the Chinese New Year flower shopping, we decided to eat here.Inside

愛吃點心的我，早兩日終於同老友約出來見面，本來講好去茶樓飲茶，但老友話太子這一間店點心精緻，好想帶我去品嘗，我就去了。望著點心紙，看見點心價格唔貴， 我地叫左咁多款野食，都唔洗兩舊水抵啦！我點左 熱點蝦餃皇（兩隻）大大粒蝦的份量好多又爽口，四寶滑雞札， 雞件很滑溜，鮑魚汁鮮竹卷， 鮑汁味香濃腐皮超掛汁，虎皮煎釀尖椒，魚肉份量好足夠加上尖椒辣辣地配上小小甜豉油很美味。朋友大愛雪山叉燒包緊係要叫啦！豬仔咸水角外形贏哂又脆口抵讚，蜜汁叉燒腸都ok，最驚喜係個西米焗布甸，香甜滑溜，食完咁多咸點，食返個甜品真係一流。

每年新年必去花墟買年花🌺今日係太子買完花好想食點心，就搵左呢間點心店一嘗，趕餐死希望趕係6點前堂食😅🤣 .呢間位於太子地鐵站A出口步行1分鐘既點心店係正彌敦道大街，星期六下午時分黎到都幾多人，只剩一張2人檯，餐廳裝修以簡約為題，座位卡位為主，尚算闊落。點心餐牌選擇不少，連籠仔飯/腸粉..都有幾多選擇。點心價錢都幾平(相比起太子內街個幾間點心店). .▪️熱點蝦餃王$16(2隻) and 熱點燒賣王$16(2隻)黎食點心必點既蝦餃燒賣😋平均$8/隻好抵食，每次叫2隻岩晒而家限聚令2個人。蝦餃皮薄，包著原隻大蝦🍤(大過隻手指）加埋DD竹筍索索聲好滋味；燒賣又係大大粒得黎，豬肉同蝦比例岩岩好，唔會太油膩，燒賣皮都唔痴牙，整得唔錯唔錯。.▪️虎皮煎釀尖椒$20絕對係抵食之選，$20有4件虎皮尖椒，尖椒刮走晒辣椒籽，唔會太辣，加上魚餅再一齊煎，簡單加點胡椒粉已經好夠味✌🏻.▪️雪山叉燒包$18(2件)雪山叉燒包呢樣野應該由3-80歲都會中意食🤣表皮脆脆地得黎，咬落去係滿滿叉燒，叉燒不會太肥(最怕叉燒包得肥膏)，鹹鹹地嘅叉燒搭配雪山表皮既甜，好match..▪️蒜香蝦春卷$22好多時食蝦春卷係好長好幼身，

九龍太子這一帶，點心小店成行成市，點心水準難免參差不齊，有高有低，而這一天，我初次光顧的這間「熱點」，則是我認為其中一間價廉味美的高質點心專門店，值得再次幫襯。這點心小店的環境雖然不算闊落，店中各面牆壁上繪畫的卡通畫，都幾漂亮和有特色。點了多款點心，還有一盅盅飯和一盅阿媽靚湯，因為點選的大部分點心以至盅頭飯都是上午11時前下單便有特價的關係，埋單計數，兩個人的早午餐才不過一百五十元左右，已可吃到質量俱佳的點心，實在十分抵食。這裡的食物其中一個最大的優點是夠熱，無論燉湯、盅飯以至各款點心都是熱騰騰上桌的，特別讓人覺得好味。「雪山叉燒包」（11時前特價 $16/2個）做得好，甜甜的雪山皮夠酥脆，裡面的叉燒餡也汁多好味，是一款相當有水準的包點。現時已經較少在飲茶時吃到的「薑汁雞包仔」（11時前特價 $15/3個）沒有「雪山叉燒包」那麼好，薑汁不重，相對較為普通。「四寶滑雞扎」（11時前特價 $24）分量十足，冬菇厚身，芋頭是厚切，雞肉大件，魚肚爽口，讓從小便喜歡吃雞扎的我大感滿足。「虎皮釀尖椒」（11時前特價 $17/4條）的尖椒十分大條，釀的魚肉也甚飽滿，尖椒辣度參差，有些較辣，有些就辣度