熱點點心專門店

營業中

休息中

好耐冇去飲啖茶，食個包。今晚就去左太子彌敦道嘅呢間「熱點」嘆下一盅兩件～點心定價相宜，款式好多選擇熱點蝦餃皇蝦餃$9一件，最少點兩件起。蝦餃皮晶瑩通透，厚薄適中，帶點彈性；內裏嘅鮮蝦肉爽口彈牙，沒有加入太多嘅肥豬肉，口感清爽不油膩蟹籽燒賣皇同蝦餃一樣，燒賣價錢都係逐件計～由冬菇、豬肉、蝦肉而做成，啖啖肉鮮蝦菜苗餃食點心又點少得鮮蝦菜苗餃！餡料多到有點爆滿，菜苗好鮮嫩無榨，配上粒粒鮮蝦肉，正呀魚湯鮮竹卷鮮竹卷大大條，外層嘅腐竹皮頗滑溜，裏面就係雜錦素菜同雞肉韮黃鮮蝦腸腸粉好軟腍滑溜，包住原隻鮮蝦及韮黃，口感同味道都好豐富呀薑汁雞包仔雞包仔都幾大個，包體鬆軟可口，裏面係雞肉及細碎的薑絲鹹魚肉餅飯蒸飯份量大小適中，肉餅調味剛好，加埋鹹魚送飯一流生煎菜肉包煎到金黃色嘅菜肉包賣相好吸引呀！包包外層好鬆軟，唔會太油膩～

點心現場製作，即叫即蒸，要等幾個字先有得食。茶位每人5蚊，用普通茶包，偏淡。🍴熱點蝦餃皇、蟹子燒賣皇 HK$36每件9蚊，兩件起叫。燒賣豬肉肥瘦適中，唔乾身。蝦餃皮唔算薄，勝在蝦肉彈牙。🍴醬汁蒸鳳爪 HK$20尚算肥美，唔夠入味。🍴魚翅灌湯餃 HK$38魚翅真材實料，餃皮唔會太厚，湯似粉麵清湯底，算清甜，但淡左d，缺少左乾瑤柱、金華火腿等鹹鮮味。🍴紫米脆網卷 HK$20外皮非常軟滑，中層脆網好鬆脆，內裡蝦肉鮮甜爽口，口感極具層次，出色。🍴蘿蔔千絲酥 HK$21酥皮厚度適中，唔會散到周圍都係，唔太膩，蘿蔔絲唔會變左蘿蔔蓉，食得出一條條口感，夠晒甜。🍴雪山叉燒包 HK$18表面微脆，叉燒幾足料，包身偏硬，口感似生煎包，包底微焦。🍴八寶籠仔飯 HK$48八寶即係冬菇粒、蝦醬肉粒、排骨、臘腸粒、蝦乾粒、雞粒、鳳爪、粟米，飯粒盡吸八寶鹹甜香氣，再加上淡淡荷葉香，味道豐富。呢個籠仔一d都唔仔，好大兜，淨係叫一籠飯都夠兩個人食。📍熱點太子彌敦道782號麗英大廈地下C號舖

好耐冇食點心🥧飲啖茶，食個包，又點會只系下午嘅事，夜晚都得㗎姐😙有個同事住喺大角咀，成日都會去太子同旺角食好西，最近比佢搵到一間新開嘅點心店。位置都幾方便，系正太子市中心。點心嘅種類繁多，即叫即蒸同埋煎炸灼為主，除咗傳統款式嘅點心之外，仲有啲自創嘅新式點心👍🏼最先叫咗個蘿蔔千絲酥，呢道菜真系吾系間間點心店都會有，一見到有真系即刻叫。千絲酥表面系一層層嘅酥皮，所以要整都考功夫，酥皮食落冇乜油膩感，幾好😋裡面嘅蘿蔔絲非常清甜，同酥皮好夾👍🏼👍🏼蝦餃喺點心店都系必叫的吧，叫得蝦餃皇我諗應該都算系呢間點心店嘅招牌點心。睇真啲🔍塊蝦餃皮同出面戈啲蝦餃系吾同㗎，紋理有啲似百褶裙嘅樣🤣幾得意，裡面嘅蝦都爽口彈牙。普通戈隻叉燒包平時就好多地方都有，雪山叉燒包就吾系度度有啊🤔雪山叉燒包呢幾年喺點心店都幾盛行，表面有好甜甜哋嘅酥皮，外型似菠蘿包，脆脆哋又吾會太甜。春卷就食得多，有賽螃蝦肉嘅真系未食過喎。呢個菜式真系第一次食，之所以叫賽螃蝦春卷，系因為入面有賽螃蟹肉，好多蛋白咁，可以感受到賽螃蟹肉嘅鮮味😍雖然紫米卷個樣麻麻地🙈但真心系特別嘅！裡面系飯卷同埋啲碎蝦肉，裡面嘅脆脆好香口😋出面嘅紫米腸粉都有啲紫米

香港人, 由細到大被點心餵大, 是我們的comfort food, 即使不去酒樓吃點心, 也要找點心小店來吃。太子最近開了一間新的點心店, 今晚想吃點心就來試試。紫米脆網卷外層是紫米米漿皮, 包著脆口的春卷, 中間有鮮味的鮮蝦, 層次豐富又特別的一個點心。適合喜歡香口食物的朋友。鮮竹牛肉球牛肉球要做得好吃, 並不是理所當然, 這裡的牛肉球我就很喜歡了, 它質感鬆化軟腍, 有很多香茜令味道更豐富。蝦餃皇最欣賞小店可以選兩粒蝦餃/燒賣, 對二人來說是彈性選擇, 蝦餃皮薄薄的, 內裡鮮蝦啖啖肉很鮮味。蟹燒賣皇餡料實在, 有肥瘦適中的豬肉及鮮蝦, 大大粒感覺滿足。魚翅灌湯餃湯頭比較濃味, 湯中有魚翅絲, 灌湯餃大大隻, 口感軟滑, 餡料有豬肉、細蝦仔、冬菇等。玄米茶除了傳統的茶葉選擇外, 有比較新派的玄米茶, 茶香滿滿又清新, 正好平衡點心的濃味。

平時經過太子，見到這間新開的熱點， 見到餐廳裝修企理舒適又精緻， 今日假期 ，決定過來試下這間新餐廳。鮮竹牛肉球$20鮮竹牛肉球很腍滑，又多汁有牛味，喼汁帶少少酸，令牛肉球更惹味， 又減膩。蟹籽燒賣皇四粒$36蟹籽燒賣皇裏面的蝦非常多，一粒粒原粒的蝦仁很爽口，面上的蟹子雖然不是很多，但粒粒脆卜卜，燒賣很鮮多蝦仁，蝦與瘦肉味道很夾，爽口鮮甜。 香茜牛肉腸$23 點心都是即點即蒸，所以腸粉出到來熱辣辣，又淋又滑的，很好味。 五指毛桃燉瘦肉$28 見到都較為足料，裏面有雞腳、瘦肉及五指毛桃，湯底都很清甜，$28元可以喝到老火燉湯，真是非常方便抵飲。 雪山叉燒包$18 見雪山叉燒包是這裡的招牌美食之一，所以點了個來試嚇。 雪山叉燒包表面帶微脆，裡面叉燒及汁的比例剛剛好，甜中帶鹹，很好味。 薑蔥牛柏葉$26 薑蔥牛柏葉腍硬度剛好，份量都較多，腍中帶著點爽，有少少蔥、薑絲及紅蘿蔔，還有被切開半邊的豆卜，豆卜吸收了牛柏葉的湯汁，非常入味。豉汁蒸排骨$20豉汁蒸排骨，切得大大件，份量多。 排骨帶甜味 ，爽口又鮮甜，真是大件夾抵食。

陪完朋友看樓盤，見到前面點心🈶人龍排隊，應該不差就入左去。環境舒適，壁畫🈶詩情畫意。點左6樣野，雖然尼度中式餐廳,但竟然有玄米茶,味道不錯喔。鮮蝦菜苗餃先到，皮薄餡多，菜苗翠綠鮮味，蝦肉鮮嫩。期待的雪山叉燒包都來了，可以比美添好運的包，若外層再脆點就更正。飲茶點少得叫腸粉呢，香茜牛肉腸，腸粉夠曬滑,牛肉配香茜更能突出牛肉的香嫩。有創意賽螃蝦春卷到啦，第一次食尼個配搭，大大提升了春卷檔次，外脆不亁，賽螃蟹和蝦夠滋味。蟲草花燉雞湯，朋友話夜睡需要湯提神下，味道不濃甘甜，雞肉嫩滑。皮蛋瘦肉粥大大碗，粥微甜，食完吾會口渴，🈚咩味精，健康好味。整體而言，價錢吸引，選擇多，食物味道整體不錯。

夜晚放工同朋友出咗太子食點心，平時食中式點心通常飲普洱水仙，冇諗過會有玄米茶，好特別因為有d點心可以單點，所以我地可以一人點一隻試試，冇諗過最後點咗成枱野🤪🥟鮮蝦菜苗餃脹卜卜，鮮蝦食落爽口彈牙藥膳燉鳳爪味道濃郁，鳳爪亦煮得軟稔，湯底則吸收哂藥膳既精華紫米脆網卷係最想試既食物，外層既腸粉皮加咗紫米，中層口感香脆，咬落層次豐富，不錯！白灼娃娃菜清淡美味，感覺健康賽螃蝦春卷賣相吸引，而且蛋白和蝦肉媲美蟹肉，吃下去毫無油膩感雪山叉燒包外面酥脆，叉燒餡味道唔會過咸。咸魚肉餅飯既咸魚惹味，好啱用嚟送飯🍚蟹籽燒賣皇大大粒，而且外皮夠薄，餡料亦好足夠薑汁千層糕既薑味突出，唔會太甜，唔錯！

吃點心的重點就是必定要夠熱、夠新鮮，若點心上到桌面時，半溫不熱，那怕是幾好的材料，也會大打折扣。「熱點」這間點心專門店的點心是現場制作，即叫即蒸。每款點心都熱騰騰送到客人枱上，雖然要等較長時間，大約10-20 分鐘，但要吃到新鮮美味的點心，等待都是值得的。豬仔鹹水角（HK$28）👍👍👍👍三隻小豬🐷 - 豬仔鹹水角，造型精緻又可愛，豬鼻部份特別脆口，豬身外脆內軟糯，饀料的味道調配恰到好處。熱點蝦餃皇（@ HK$9）👍👍👍👍蝦餃皇每件$9，兩件起。飽滿的蝦餃從外皮隱約看到裡面粉紅色的蝦肉，蝦肉爽彈有口感，蝦味鮮甜。潮州蒸粉果（HK$17）👍👍👍👍另一款蒸點，潮州蒸粉果。三隻粉果很巨型，饀料十分豐富，外皮較煙靭。煎蛋牛肉飯（HK$27）👍👍👍👍👍滿滿的一盅牛肉飯，上面再放一隻太陽煎蛋，十分吸引。蒸飯的飯粒很乾身，飯粒分明；牛肉餅很厚身，肉質軟滑，把蛋黃拌入飯內，更添蛋香。韮王鮮蝦腸（HK$28）👍👍👍👍蝦腸有三條，每條都有兩隻鮮蝦，加入韮王令腸粉更香。腸粉夠熱亦很滑，只是豉油略鹹。紫薯炸煎堆（HK$20）👍👍👍👍👍最後點了這款甜點，一口咬下去，分別有三重口感。最外層是金黃的芝麻，甘香芝脆，中

熱點今日女朋友想食點心, 聽佢講太子開左一間新既餐廳當然要去試試啦五指毛桃燉燉湯熱度十足，湯底清澈，面頭只泛些油光，喝落一點也不油膩。用料都十足, 瘦肉大大件　藥膳燉鳳爪有火喉，有中藥的香味，亦有自家的調配特色不算太濃味薑汁千層糕薑汁味濃 一定要食楊枝甘露糕冰涼的口感十分適合夏天食，椰汁蒟蒻夾在凍糕中，口感滿滿雪山叉燒包燒包外皮望落去軟腍腍的表皮像菠羅包皮，咬下去十分鬆脆叉燒蜜味多, 很有特色原籠馬拉糕愛吃麵句糕點的我當然不用放過, 也要上了一籠用手輕輕的把它搣開, 眼見熱氣冒出熱辣辣又軟淋淋好好味味道微甜鬆軟餐廳點心都選擇幾多，好岩想試唔同野食朋友阿

🐷🐷🐷🐷🐷同男朋友每個星期六都一定會去飲茶，尋日行過太子見到依間新開既小店坐無虛席，試試佢🤪▪️紫米脆網卷 ($20)睇中佢既賣相，上碟同我想像中一樣，精緻小巧。外皮係淡淡紫米香既粉皮，入面果住香脆炸蝦，味道上唔算出眾，但口感比較豐富。〰️〰️〰️〰️〰️〰️〰️3/5🐷〰️〰️〰️〰️〰️〰️〰️▪️醬汁蒸鳳爪 ($20) 北菇棉花雞($30)鳳爪蒸得肉骨分離，好入味，依個價錢依個質素性價比好高。棉花雞非常嫩滑，兩樣都值得一試！〰️〰️〰️〰️〰️〰️〰️5/5🐷〰️〰️〰️〰️〰️〰️〰️▪️日式鰻魚飯($38)係，無睇錯，真係$38完整一條鰻魚大大碗飯仲有蛋絲！👏🏻 一啲都唔hea！鰻魚肉厚，分量十足。雖然有啲幼刺，但一啲唔影響佢既味道，燒醬汁份量亦足夠，撈埋蛋絲飯一流。〰️〰️〰️〰️〰️〰️〰️4/5🐷〰️〰️〰️〰️〰️〰️〰️▪️蟲草花燉雞($28)全餐飯表現最出眾既😍 老湯燉湯，超級足料，湯渣佔左碗湯既一半。一飲落去好香蟲草同雞既香味，完全無味精味，就算賣$58都絕對值。〰️〰️〰️〰️〰️〰️〰️5/5🐷〰️〰️〰️〰️〰️〰️〰️▪️蜜汁叉燒腸 ($22)粉皮比較厚，表現一般般。〰️〰️〰️〰️〰️〰️〰️2.5/5🐷〰️〰️〰️〰️〰️〰️〰️▪️楊枝甘露糕($21)又一項滿分既點心👍🏻 冰涼透心，酸甜醒胃，而且

在太子這間新店名為熱點，環境乾淨企理！有別於傳統既混亂！街坊店價錢都用到非常實惠，當然要支持支持！全日免收加一！更加化算呢！在這裡有我喜歡的玄米茶，喜歡那陣陣既優香！餘韻久而不散！鳳爪排骨飯做得非常好！ 排骨肉汁完全滲入飯香！ 飯底粒粒晶瑩剔透， 好有咬口，正！排骨亦幾嫩滑。雪山叉燒包幾大個！包幾 堅挺飽滿，內既叉燒做到幾入味！不錯。蝦餃粒粒晶瑩剔透，蝦肉非常飽滿，爽口彈牙，蝦餃嘅外皮煙韌，口感不錯！非常有質數既蝦餃。 xo醬炒蘿蔔糕，粒粒實淨！唔會夾開就散！味道幾惹味又香口，nice!! 楊枝甘露糕為甜品，唔會雪到死實！入口陣陣既芒果香滲出，幾好食！整體所有嘅點心都熱辣辣非常新鮮價錢亦實惠。

疫情關係，已經很久很久沒到酒樓喝茶，經過半年，現在餐廳又重啟晚市，忍不住要去喝茶吃點心。但今次去的不是酒家，而是位於太子地鐵站只有一分鐘距離的「熱點」，看到門外有多人等候外賣自取，一於堂食試試。茶位 $5 - 點了玄米茶，清香解膩。會提供滾水和水兜供食客自行再沖洗碗筷。《蟲草花燉雞 $28》湯料足，但味道比較清淡，證明係味精。《北菇棉花雞 $30》雞件大件多肉，魚肚亦爽彈吸汁。《醬汁蒸鳳爪 $20》鳳爪多，加上醬汁惹味。《魚翅灌湯餃 $38》喜愛的懷舊點心之一，真的放了魚翅，已經很少見。湯餃餡多，有蝦等等，味道香又鮮甜。《蜜汁叉燒腸 $22》不過不失，腸粉皮應該不是現製，有點厚，豉油很淡。《雪山叉燒包 $18》這個好吃。雪山表層酥薄，包皮又不皮，內裡的叉燒餡不會有很多脂肪。《鳳凰煎米雞 $23》亦是懷舊點心之一，但跟懷舊酒家的做法有點距離。份量頗大，一個足以兩人分享，已經有飽肚感，所以想嘆點心的可先不考慮點這個。

今日陪屋企人睇完醫生之後喺太子附近搵嘢食，而老人家最鍾意食點心，經過呢間點心店就坐低試吓。同一般酒樓唔同，呢度環境整齊衛生，好寬闊。坐低之後店員亦都即刻招呼，服務好好。點心方面選擇都好多，價錢好親民。估唔到仲有燉湯添！《叉燒腸》$22份量好多有三大條，裏面嘅叉燒都好足料，入口淡淡都食到肉，好滿足。《紫米脆網卷》$20呢個點心好特別，咁大個人第一次見。紫米嘅外皮包住鮮蝦同埋脆卷，食起嚟口感好好，脆卜卜，幾好食。《蟹子燒賣王》$9/1 《蝦餃》$9/1蟹子燒賣同蝦餃都大大粒，蝦肉好爽，蝦餃皮晶瑩剔透，唔會好厚。《雪山叉燒包》$18好好味，面有薄薄嘅酥皮，唔會好甜，依個底又脆脆地，入面嘅叉燒多汁足料，好好味😋《燉湯》$38咁嘅價錢就飲到燉湯，真係好抵，入面仲好多料添，而且飲得出冇味精，夠清甜，不錯不錯。 總括來講呢間點心店比一般酒樓質素較高，而且價錢真係好親民，份量又唔少，值得下次再嚟。

🔸熱點蝦餃皇 $9/件🔸蟹籽燒賣皇 $9/件🔸鮮蝦菜苗餃 $7/件🔸香茜牛肉腸 $23/份🔸鮮竹牛肉球 $20/份🔸魚湯鮮竹卷 $20/份🔸北菇棉花雞 $30/份-自從第三波疫情爆發咗之後已經好耐冇飲過茶同食點心啦😫 到宜家都係唔敢去酒樓飲茶住。今晚經過附近一間點心鋪，人少少，終於可以安心食返一盅兩件啦！😍坐低仔細睇餐牌先發現所有點心係即叫即蒸😱 上枱真係全部熱辣辣好新鮮！飲茶必點嘅蝦餃燒賣，中間真係有原隻蝦喎！牛肉腸粉嘅腸粉皮好滑溜；牛肉球亦係大大粒好juicy！最驚喜嘅係鮮竹卷係浸魚湯，超鮮甜！棉花雞份量都好多，亦好新鮮好味😋 仲有菜苗餃都係勁正的，包住爆多新鮮菜苗，食緊嘅時候仲聽到有街坊想買都已經賣晒了！🤭

自從限聚令之後很久都沒有食過點心了，今日經過太子這間新開的點心店，饞蟲上身，立即同老公入去食返個晚餐。這裏的點心全部即叫即蒸，新鮮熱辣。而且部份點心份量亦都顧及了二人群組，以二件起叫，比較有彈性。燒賣裏面有兩大隻蝦肉，豬肉唔會太肥，肉質結實，蝦肉彈牙。蝦餃更是皮薄，蝦肉餡料豐富，蝦肉爽口彈牙，非常新鮮。魚翅灌湯餃真係有一梳魚翅，絕無取巧，膠質豐富，灌湯餃則餡料較少。雪山叉燒包表面焗至香脆，麵包鬆軟，叉燒餡料帶蜜汁香且少肥膏。叉燒腸粉皮雖不算薄，但都很滑。紫米脆網卷外皮用紫米做的腸粉皮包裹著香脆米網及彈牙蝦肉，比春卷好食。