熨烤達人 (已結業)

一路都好少試呢頭既野食，今日去食新開既韓燒—熨烤達人，呢間韓燒好出名，估唔到鑽石山都開分店！餐單好多選擇，韓燒都唔係得肉食都有好多熟食同小食可以試下位同位之間都好闊落，而且一坐低就會送前菜同爐邊蛋爐邊蛋有粟米和芝士，味道好夾嫁！鍾意既話仲可以落埋泡菜TIM　＞＜我一坐低就叫左個野飲Banana Chocolate Smoothie 既朱古力味同香蕉味都好重，加埋一齊好夾但又唔會太甜呢個價錢黎講都幾抵飲因為好大杯，味道就8/10店員話推介呢個黑毛豬所以我就想試下啦豬黎到時我都呆左，份量好大，肥瘦間隔比例都好靚，食落淡淡肉嫁燒烤時店員仲主動幫得地燒，用熨斗壓下ｄ肉令佢均勻受熱，肉汁鎖住左之如又唔會燒得太老另外我地仲叫多左個芝士炸雞飯，炸雞有好多件，下面就係白飯食落好開胃，個汁有少少似千島醬加芝士醬，食落好夾，但食得多就會有ｄ滯要注意人數先好叫呀～

咁岩同媽咪去行街,原本諗住出番旺角食lunch因為呢頭都無咩野好食但行行下就比我見到有間韓燒,咁我就請媽咪食番餐好嫁啦餐廳內裝潢簡單明潔, 燈光明亮, 坐位非常整齊清潔，感覺舒服MENU好多款肉揀, 仲有小食飲品種類繁多, 含酒精同不含酒精既都有先講飲品, 我地叫左杯凍朱古力, 超級濃郁!! 唔會太甜太膩燒牛肋骨份量都幾多, 店員會幫手剪開一舊舊肉質好淋好juicy, 調味微甜同微辣, 味道都唔錯 牛舌, 剪成長條形方便燒方便食, 肉同脂肪比例平均, 食落一啲都唔韌

一直都喜歡食韓式食品，今次就試吓呢一間。餐廳裝修都幾靚，員工亦都好友善，咁就試吓個五花腩。呢一個五花腩好大份，係值得推介。加上個熨斗造型都幾得意，令人食慾大增。另外最正嘅地方係員工會幫你燒，以確保食物質素。咁呢個五花腩配合菜同啲小食去食係好正的。當店員把每一塊厚切的五花腩剪開的時候，其實可以食到好多次，其實都好抵食，完全值得推介。另外一邊啲蛋配合粟米亦都係好完美。總括來說，非常之好食，完全值得推介！

難得妹妹準時收工，可以一起食晚餐，我們便決定在家附近的荷李活廣場尋找美食。燙烤達人開市很久，我們都未曾嘗試過，看似某最高領導人的樣貌🤣的掛畫，忍不住要拍照留念。一如其他韓國餐廳，有不同小菜供給客人，還可以免費添食。泡菜是我的最愛，這間餐廳的泡菜不算很辣，很開胃。其外還提供蛋漿、粟米同芝士，餐廳職員先打蛋漿倒進烤碟，其他配料可以自己配搭。看似美國隊長的盾牌，抽氣力很足，雖然主力食物燒烤，但餐廳未有很大燒烤味。厚切五花肉未燒之前都看到色澤很漂亮，好彩有餐廳職員幫忙燒，如果由我們自己來燒，應該會很浪費。五花肉表皮先烤至成金黃色，看圖已覺得很脆口，接著剪成一小塊，再加上印有燙烤達人的模樣按壓，我估可以加速五花肉更快熟透，最後沾上特製醬汁，味道更豐富。護心肉餐廳職員將猪肉排成一朵玫瑰花，未食都已經要影相呃like , 口感似係豬頸肉，肉質比較爽脆。年糕我很鍾意吃韓式年糕，配搭辣醬一起抄伴，只看其顏色，已經垂涎三尺啦。其實年糕本是無味，但加上濃濃的辣醬，令人忍不住一口接一口。燒烤不可不配合凍冰冰的飲品，一啖燒肉加一口酒，絕配！我點了mojito ，酒精濃度不算高，但餐廳不是酒吧，有咁的質素已算不錯

韓式料理其實而家周圍都係所以眼見依家好多餐廳都開始覺出所務盡量將自己啲嘢食包裝得更加靚同埋推出更加多唔同款式但又傳統嘅韓國菜雖然食韓國嘢都主打韓兆但係呢間堂口達人並唔係只係針對看燒佢哋都會推出好多熟悉例如我今次帶咗兩款食物其中一個係泡菜雞肉石頭飯同埋呢一款小食就係芝士拉斯豬肉餡餅兩個都表現唔錯等我逐一推介下首先講吓個泡菜雞肉石頭飯，聞落去已經好香再加上飯粒好白，符合晒韓國啲料理同埋韓國啲飯通常都係一粒粒比起日本珍珠米稍為軟少少但係都係粒粒分明雞肉就好鮮嫩冇皮而且冇乜肥嘅地方而泡菜熱左之後都仍然保持到辣辣地唔會太酸至於個餡餅我自己覺得係非常出色因為芝士溶咗之後會呈現一個拉絲嘅狀態入邊再包住勉之豬肉碎一咬落去十分之有口感而出面果層薄餅皮都好脆即使我隔左10分鐘先再食但係仍然保持到好鬆脆雖然係有少少鹹但係今餐可以有嘢飲咁自己嗌咗個柚子蜜就同呢一餐十分之夾而且仲可以消暑同埋解渴表現唔錯

今晚去荷里活廣場睇戲，睇戲前去食個飯先，揀咗「熨烤達人」，七點去到已經開始多人，餐廳裝修特別，好多colorful嘅掛畫同裝飾，餐枱設計同分隔都好特別～ 食物方面，可以揀熟食或者燒肉，我哋兩樣都想試，所以各點咗一啲～ 點菜之後店員送上前菜，包括泡菜、醃青瓜、芽菜，泡菜非常好味👍🏻 之後亦開始燒蛋漿，另外可以加芝士入蛋，味道好好，最正係可以無限refill😍磚頭五花肉 $138店員好細心幫我地燒，原來叫「熨烤達人」就係有個鐵板，可以壓住啲燒肉燒，可以燒得更加均勻快熟，店員幫我地笑得好靚呀☺️👍🏻 豬五花半肥瘦好正呀😋 用生菜包住食，加埋泡菜、醬汁更好味👍🏻特級雪花牛 $108一共有八片，唔算好肥，脂肪分布平均，肉質腍有牛味，味道好好👍🏻😋，不過個人覺得五花肉好味啲😝寒冰水冷麵 ＄68好得意，有一條冰條喺度，冰條裏面有水果，例如藍梅、士多啤梨、奇異果，店員介紹冰條係醬汁，所以溶解之後可以撈埋麵一齊食，味道酸酸地，清涼嘅感覺，麵質爽滑，不過我覺得再酸一點會更好味😝～ 墨鬚炒飯＄78本身諗住叫芝士燉飯，但係咁岩今日冇，店員介紹我哋食墨鬚炒飯，果然有驚喜😍 炒飯充滿墨魚鬚嘅香味，好鮮甜😋👍🏻 墨魚

侍應好nice，笑容好親切， 殷勤款待，主動提供協助，例如提供濕紙巾給我們清潔雙手，又提供叉電線。經理又主動教我們燒雞翼的秘訣。侍應又友善地為我們無限添加蛋漿和配菜。值得一黎，再黎，再再黎！

朋友係鑽石山附近返工，所以就返佢係荷里活食，揀左呢間韓式燒烤。初初以為同一般韓式店差吾多，但食落，真係別有風味！基本前菜，但超中意食荳芽，小小辣但又爽口。好開胃，粟米同芝士係落係蛋漿，食落去有芝士米之餘，粟米正正令蛋增加口感！磚頭五花肉：舊五花肉肉好厚。以為需要剪一塊塊，誰知，店員為我們燒時，拎塊鐵板放上五花肉上面。竟然燒到皮脆，肉汁鎖係肉內入面。燒到完全熟透後，就剪成一塊塊，之後店員就放左一杯自製醬汁，同以往用生菜包黎食既食法完全不同，將肉放入杯入面浸10秒，完完全全入晒味，好食！之後點左年糕：辣得黎又唔會硬，而且上面一條條既食物增加左口感。再點左一碟芝士撈麵：超好食！首先篤串個蛋黃，再同啲芝士一齊撈。👍🏿👍🏿👍🏿👍🏿啲芝後多得黎又吾會食到好膩，啲麵煮到吾太軟吾太硬，配上啲芝士，完全係perfect ! 必食之一；呢度啲設計也別具特色，用卡車黎裝撈麵😍仲有豬頸肉：一上台，就見到朵玫瑰花，擺設相當精美，食落又爽口，又彈牙，配上獨特醬汁，真係好好食。叫左杯士多啤梨沙冰：份量多到飲極都飲唔完，不過好飲，適合唔太中意飲太甜既人。值得一提：每台既牆上都設有呢個公司，原來係叉電位，仲要有不同叉電

難得放假緊係要出下街啦! 但天氣咁熱真係唔想係街度行於是揀左同屋企人去行下商場最近追開韓國oppa,咁Lunch都韓式下啦呢間係間烤肉店黎既但lunch就唔想咁heavy啦 佢又有lunch set 咁就試下啦今次我地3個人去食媽咪要左個巨卵鰻魚飯作為一個鰻魚飯既愛好者媽咪覺得呢個 鰻魚飯普通 條鰻魚係大條既 不過肉質唔夠嫰另外再叫左兩個"石鍋韓牛粒飯"呢個我唔會再食唔係話唔好食 不過我唔會再食囉...你明唔明呀佢既牛就係相入面果D 都幾少但洋蔥就多到我夾出黎都有一碗咁多我係食洋蔥既但呢個真係太多啦== 最好食就係"人參雞湯" 掛住食是但影左張相就算左不過呢個係好食既總結我覺得呢間餐廳既食物性價比唔高食物質素都一般員工既態度可以好少少啦...不過我未試過烤肉啦 可能好正都唔一定人地始終係烤肉為住嘛

想試熨烤達人好耐 因為佢唔係非一般既韓國燒肉 而係用「熨斗」黎燒肉 非常特別同有新意 趁住一個長旅行前既空檔黎同朋友試一試🤤 一坐低冇幾耐 就準備咗三款唔同既小菜 唔係講笑 全部小菜都勁中意 好開胃 用黎包肉食又得仲可以refill添 我地都refill咗好多round😂韓燒仲可以邊少得爐邊蛋 我至愛！兩個人最抵食就梗係嗌個set 比起散叫更加實惠 又可以試多幾款唔同既肉 所以我地叫咗個熨斗烤壓set 有磚頭五花腩、牛肩脾肉、一口雪花牛粒、豬皮、M9降霜西冷 有晒豬同牛真係一次過滿足兩個願望啊！原來就係咁樣用熨斗燒肉 能夠令肉燒得更加均勻 咁就更加好食啦！呢個做法認真唔錯個人最中意五花腩夠晒厚身同埋值得一提既係店員會幫手燒肉嫁 燒到非常金黃脆口 超好味啊！除咗豬肉 仲有牛肉☺️ 岩晒我呢啲食肉獸！

原本諗住要等位，所以6點幾就去到，我地未人齊，諗住都拎定飛先，點知經理好好人話俾我地入去左住先，4個字後先計時～一開始感覺都良好，我地4個人，叫左個慾望燃燒，扇貝3隻同墨鬚炒飯，慾望燃燒本身包4枝啤酒，不過我地轉左要汽水⋯ 而且當日個沙冰機壞左，所以冇叫其他飲品侍應好快咁上左前菜同落蛋漿，我地由等個蛋熟，到食完個蛋，大概用左4個字左右，發現隔離枱遲過我地入坐都燒緊肉，而我地一舊肉都未有，於是問返落單果位侍應，點知佢追都冇追，就答一句：今日廚房冇咩人，所以會耐d.....跟住我地等得唔係好耐煩，話晒都有限時呀，就問另一個侍應，侍應一check，發現根本冇入單記錄⋯ 最好笑嘅係由幫我地落單果位侍應問返我地落左d咩⋯ 咁我地又唯有重覆一次：四人餐，扇貝3隻，同墨鬚炒飯等左一陣，終於有碟肉上黎，點知⋯ 都唔係慾望燃燒黎嘅，原來，又係幫我地落單果位侍應聽錯左，幫我地落左個$48x果份肉⋯大佬呀⋯ 等左一個鐘啦，黎到嘅都係錯⋯ 落單果位侍應到底有咩問題呢？ 又冇得燒⋯ 又要等等等⋯ 經理都忟忟地⋯ 走過黎過幫我地延遲時間先黎個飯，唔知係咪餓得滯呢，所以覺得幾好味喎之後黎個扇貝，可惜⋯ 肉未到，冇得

“ 熨烤達人“ 鑽石山龍蟠街3號荷里活廣場3樓320C號舖“ 店內不停播著韓國潮流歌曲跟MV，不多不少帶動了點氣氛，讓人不禁腳踏踏地跟上拍子呢！！！“ 招牌的熨斗很搶鏡！！！ “前菜 醃得很入味！！！“ 最喜歡的烤蛋，有時趁它還未熟仍是汁液時把燒肉浸一浸再食，又另一種味道另一種滋味！！！“ 烤雞扒，烤得雞皮脆卜卜十分香口！！！“ 生蠔脹卜卜蠻肥美的！！！“ 燒五花腩肉“ 經理店員真的很細心又好笑容，主動幫忙代燒這件十分難燒的五花腩肉，燒得很美，熟度剛好，入口肉質嫩！！！“ 生蠔有兩隻和六隻任君選擇，照顧到不同需要！！！“ 看到鄰枱的客人點了這個套餐，份量十足，餐牌寫四位用，但感覺五六人都足夠呢！！！都只是售$628，很抵食！！！

朋友新居入伙，一班老友鬼鬼決定入去反轉佢間屋。成班女煲煲下韓劇，個個心郁郁想食韓國野，但又吾想去尖沙咀老遠食個飯，業主諗起樓下有一間韓國燒烤，正中下懷，大家一定要好好加油加油oppa燒肉一入到門口，已經俾入面既裝修吸引，佢地門口已經好特別有個肥啫啫oppa 超人，配襯住牆上同主題的圖畫，認真有趣又年青化的裝修我地坐既位凹左入去，有自成一角既感覺，吾好處係D WAITER難D見到你，有時要行出少少叫佢，不過佢地一見到都會立即走埋黎既朋友仲點左調味豬皮，我吾多好食豬皮既，不過聽朋友講話幾好，夾左件食，沒有滿口油脂的感覺，反而覺得煙韌，waiter 過嚟幫手燒豬皮，燒到半透明又幾好味同幾香口個厚切五花腩，太吸引了，好肥厚的五花腩，肥瘦平均，油脂甘香有咬口，肉好惹味，配上爽脆的生菜味道更好特級雪花牛，雪花紋好靚，一睇就知入口即溶，牛無醃過就咁燒，油脂卜卜聲，點一下醬汁仲好食，油脂同肉肉香，油脂同肉肉香，充滿成個口

很多朋友都喜歡韓國野, 此店在朋友圈之中聞明已久, 但因長期滿座, 終於約齊人去食, 閒日都要早幾日BOOK位.7:30去到已全部檯都有人, 裝修十分色,店內整潔,位與位之間算闊,不會迫,SETTING尤如去左韓國一樣, 有煙通, 這格局才像韓國烤肉店. 除了香港和韓國人來, 還見到有不鬼佬外國人慕名而來,侍應們態度非常好, 我地問東問西,待應都有問必答唔嫌我地煩, 認真好人！食韓國燒烤,五花腩當然是首選,很多肥油已經燒出來,所以一塊塊的五花腩,外皮脆卜卜,肉質又爽口,且而烤香後肉味夠濃且脂香滿溢,屬必試之選！調味雞翼,雞肉香嫩而且充滿肉汁,加上調味醬料非常入味,香口美味,推介！牛舌一燒就香氣四溢,切成薄片,幼嫩且完全不帶臊味,肉質爽口,燒香後不用蘸醬已夠美味牛肩胛肉味好濃,厚厚一大片,燒好之後先剪開一塊塊,肉汁完全鎖住,JUICY有趙頭飲品方面，我們點了一支Peach 真露（HK$88），畢竟都是燒烤嘛，總會想喝點酒的原因，也因為跟烤肉很配，反正也是吃韓國菜，乾脆裝韓國人裝到底嘛，也特別推薦這個「peach真露」給女孩子，因為單喝酒的話未必每個女生都能承受，有了桃味中和就易入口很多了

一直都想食熨烤達人，但可惜離屋企吾近，所以一直未有機會試。今日咁岩同朋友係荷里活行街，終於可以去食。一去到門口，見到有個超人叔叔，超可愛呀！入到去先知，原來全間店鋪都係用漫畫做主題，有別於一般韓燒餐廳，好有心思。因為我地早食晚餐，所以店鋪並吾多人，即刻有店員帶我地坐底。坐左冇耐，就即刻有吾同既小菜，全部都係我鐘意食既！不得不讚，呢度既小菜全部都好好食，尤其泡菜，酸辣味恰到好處，我地都refill左幾次。韓燒少不了蛋，所以店員幫我地倒蛋漿係爐邊，重根據我地既口味落埋芝士。主菜當然少不了燒肉，我地叫左熨斗烤壓set menu，有五花腩、牛肩脾肉、雪花牛粒、豬皮同M9霜降西冷。豬肉同牛肉都有齊哂，正！首先，店員幫我地烤五花肉，用熨斗壓，好有趣，第一次見！五花腩係比較難剪開，店員重幫我地，真係好服務！我第一次韓燒食豬皮，同平時咖喱豬皮好大分別，多左一陣脆香味，吾錯！燒完豬後，店員重好貼心幫我地換左網燒牛。三款牛入面，我最鐘意牛肩脾肉，色澤紅潤，非常有牛味！我地重叫左Captain Kim飲，係草莓乳酪梳打，酸酸甜甜，好解油膩。