熊小館

營業中

休息中

當晚係母親節 去到19:30左右 人吾算太多 唔使等位 餐廳內有好多台都係一家大細 另外餐廳中間有一個小樂園 係熊啤啤樂園 除此之外餐廳內每台都會有小熊公仔 同小朋友影相一流 叫咗兩樣嘢食 原本諗住叫個沙律 但當日係母親節職員話只有雞翼同薯條兩個小食 頓時有點兒失望 叫左肉醬意粉同鐵板芝士雞扒 兩個份量都幾多下 對於我哋兩個唔大食嘅人來講 叫呢兩個食物已經好足夠 食物質素還可以 味道略嫌偏鹹兩個都係 職員服務態度還可以 下次可以再試食其他食物

熊小館位於溜冰場旁邊😁溜完冰餓餓地見到成間餐廳都係熊仔裝飾😍就吸引左我入去🥰充滿熊仔嘅餐廳，少女心大發！如果男仔帶女朋友黎一定會氹到女朋友好開心🥳大家可以瘋狂同熊仔影相。開餐既時候熊仔仲係坐上客陪我地食野。2人套餐 👫$298 有哂餐湯、餐前法包、小食、2款主食、甜品同餐飲。抵食！足料羅宋湯，蕃茄味較重偏蕃茄酸，肉味都香濃。法包係加左蒜蓉上面烤焗，好香口。意式焗肉醬茄子🍆無諗過蕃茄肉醬芝士可以夾到茄子，覺得香噴噴又惹味。主食揀左：#燒美國穀飼厚小牛扒伴醋漬野菌粉嫩牛肉，腍身唔會靭，咬既時候會帶出淡啖牛肉味。菇🍄用醋漬呢個煮法第一次食，酸酸地好開胃。#卡邦尼煙肉扁意粉好creamy，煙肉味突出，😋係幼既扁意粉，令到接足面更大，沾到既汁比圓意粉多。意粉夠Al dente。不錯不錯👌🏻飲品：薔薇之戀 飲到有金橘味加玫瑰味，幾有特色。草子莓莓 似雜果賓治，偏甜。甜品 #心太軟 (加$18）超流心❤️，即叫即整要等15-20mins。記得預時間叫佢上。熱辣辣朱古力漿流出黎，好治療。🤩甜度啱啱好，外面焗到脆脆內面咁流心，難度高。🥰十分推介加$18食啊。Btw 喺呢度慶祝生日都唔錯，有個好靚嘅生日背景

相信不論男女 每個人童年時都一定曾經渴望過擁有一隻大bearbear熊公仔當然吃貨小妹亦唔例外 即使宜家已經貴為"輕熟女" 但都仍然對bearbear熊有不解既愛上星期同小胖男友去mega box睇戲後就遇上一間成間餐廳都係bearbear熊既熊小館未坐低已經見到好多勁大隻 成個人咁高既bearbear公仔 仲有一d唔同既bearbear畫, 擺設咁仲有一個coner for小朋友玩 好似去左bearbear熊樂園咁我地叫左個dinner for two 餐湯係羅宋湯二選一小食我哋揀咗蛋黃醬焗露筍 main course就揀咗大大塊嘅美國牛肩扒 牛肩扒嘅肉味濃郁 點芥辣食就最夾另一個main course我地揀左卡邦尼扁意粉個卡邦尼汁調教得幾好 食得出有蛋味 意粉硬度亦適中 幾好食不過最開心都係有兩隻一大一細嘅熊仔陪住我哋一齊食要讚下小妹杯玫瑰花熱情果茶 味道清新得黎又解渴食埋美味既朱古力心太軟 捧住個肚走人

帶着小朋友到九龍灣MegaBox的熊小館 (Cafe MED)，除了餐廳佈置吸引外，食物的味道也不錯，一家大細邊食邊欣賞。選擇了兩份Set Dinner，再加其他菜式，看來都抵食。其中一份選擇了蜜糖BBQ燒豬仔骨。燒得剛剛好，豬肉和豬骨都帶着蜜糖的香甜。薯條也炸得不錯，阿女寧願吃少點飯也要吃多幾條薯條。另一份美國安格斯牛肩扒也可以。因為小朋友也要吃，所以點了七成熟，但看來跟全熟沒太大分別，小朋友吃當然安心。雖然全城的牛牛都被命名為安格斯，但這一份牛肉都是厚身，仍帶著少許 juicy 的質感，相信半成熟會更好。不過周邊的配菜調得不錯。前菜中選擇了這一份意式肉醬焗茄子，非常厚身多汁的茄子，隨著香濃的芝士肉醬一同吃，更 juicy。味道最濃烈的，還是這一份芝士肉醬意粉，不過吃完有點口渴，重口味了。另一個極端，就是這一份味道較清淡的芝士焗忌廉菠菜龍利柳飯，菠菜味清到突圍而出。和上一碟芝士肉醬一同吃反而更和諧。意外地，這餐廳的羅宋餐湯雖然帶點辣，卻很開胃。最令人喜出望外，就是心太軟，原來是超水準之作，暖暖的香濃朱古力鬆餅，伴著清甜的忌廉加芒果，味道很夾。點計都好，Set Dinner 是不錯的選

今晚工作剛好在九龍灣megabox附近完成，順便逛一逛商場，嚟到了這一間11/F的熊小館。熊小館有很多熊仔擺設，侍應見餓底一個人，特意帶餓底到有大熊的那張枱坐下。餐廳有意粉牛扒等西菜式，不過最吸引餓底的是炸魚薯條。餐牌上寫著點了主菜可以另外加$28有餐湯 和咖啡或茶。再加$29，可以有心太軟作甜品，餓底兩樣都加了。下單之後在這間餐廳裏逛逛，有不少熊仔擺設打卡位，也有給兒童看圖書和玩耍的設施。首先上菜的是蘑菇忌廉湯有大量的蘑菇切粒在內，口感非常濃郁滑順。然後熱辣辣的炸魚薯條出場！上次已經感覺到那份新鮮炸起的「熱氣」，哈哈！用啤酒漿打成的脆漿炸起來十分香脆，配合內餡鮮嫩的魚柳很好吃！薯條也是新鮮炸起的呢！甜品是朱古力心太軟配上忌廉和蜜桃，由於是即叫即製作，所以吃完魚柳之前侍應過嚟詢問餓底是否可以開始製作心太軟呢（因為製作需時大概十分鐘左右）。心太軟有濃厚的朱古力，配合清淡的忌廉和蜜桃剛剛好！雖然今天晚飯是餓底自己一個人吃，不過一直有熊相伴，感覺也不錯！

以前細個成日都好想同啲先公仔一齊開party，食飯既時候有佢地係身邊一齊陪住，估唔到有間餐廳真係可以實現我童年既夢想。餐廳門口已經有一隻好大好可愛既熊啤啤，入到去每一枱枱面仲有一隻熊仔陪住食飯，真係未食飯已經俾個咁可愛既環境吸引左，餐廳入面仲有一個兒童玩樂區，啱晒小朋友係等緊野食或者食飽飽之後入去玩呀。個晚我地嗌左個二人餐，包括餐湯、餐包、啤酒脆漿炸洋蔥圈、燒美國穀飼厚切小牛扒伴醋漬野菌、露荀野菌意大利飯、甜品同餐茶。首先講左個餐湯先，我好中意個羅宋湯，夠酸同有少少微辣，而且入面好足料呀，食到大大舊既薯仔同其他材料，證明係用真材實料煲既，另外餐包焗得夠脆身，不過如果係蒜蓉包就更加完美啦。然後個炸洋蔥圈亦係獲得我地好好評價既一道食物，食炸物個脆漿好重要，呢度既脆漿做到薄薄一層而夠脆，而且洋蔥圈夠大，我平時最怕食得嗆口既洋蔥，又辣又會食到口臭，但呢度既洋蔥保持到爽脆同帶有甜味。牛小扒亦係我地另一個心水推介，除左主角牛小扒，仲有薯條同其他配菜，其中我就覺得個醋漬野菌幾特別，酸酸地幾開胃，而牛小扒有驚喜，本身見塊牛小扒好似熟左少少以為會韌，但食落其實好腍，點埋黃芥辣牛味更加突出。意大利飯就不嬲

一直都想試下呢間熊小館 一入到去就見到好多熊公仔 每一張檯都有一個啤啤熊 牆上又掛滿熊仔相🐻🧸🖼 考慮咗好耐之後都係揀咗情侶二人餐$298 另收加一前菜 | 啤酒脆漿洋蔥圈食唔太出有啤酒味 可能純粹係個名 好脆口 唔鍾意食油膩嘅人可能唔太啱了主菜 | 蜂蜜bbq豬仔骨💯令人估唔到嘅係佢仲有配薯條 薯條係好食過洋蔥圈嘅😂 豬仔骨好juicy 可以唔洗再點醬汁 而且啖啖肉主菜2 | 卡邦尼煙肉扁意粉配料好足 如果再juicy啲會更好甜品 | 木糠布丁呢個係抹茶味 淡淡又唔會苦 正好沖淡一下剛才的油膩

第一次黎呢度食，聽同事講呢度好多熊仔可以打咭，又真係喎星期五黎都預左多人等，拎左飛仔，見二人枱無人等，多數係大枱等緊，我地見到入面有張二人枱，就問下可唔可以入先，點知佢竟然答我地，未有人安排，等下先下，你要點安排呢？佢之後咪又係叫其他人入大枱⋯🤔等左15分鐘，到我地喇（二人枱根本無人等緊），最後咪係坐番個張細枱，但就白白浪費左我地15分鐘一早諗好左，即刻寫單，好彩都快上同事叫左黑椒牛扒配是日甜品（木糠蛋糕），佢話牛扒都算可以，不過黑椒汁唔似黑椒，眼見有黑椒但無味，食落似洋蔥汁，甜品唔錯我就叫左蒜香白酒藍青口扁意粉，青口都算唔錯，仲有少少鮮海水味，唔係普通雪藏青口，不過意粉煮太耐太腍，食落好黏口餐飲熱檸水熱檸茶，普通茶記個種環境有少少迫，每張枱都有熊仔配合番主題話曬係親子餐廳，都好多小朋友，佢仲有一個角落係畀小朋友玩既，都唔錯，只係望落有少少亂，要改善下

Megabox自成一角，基本上入得黎睇戲，都會預左食埋野先走。睇完戲想搵野食醫肚，見到呢間主題餐廳幾得意，全間有好多熊佈置，位置又闊落，仲要側邊位置可以望到冰球場，可以邊食邊繼續欣賞球賽呢！好啱小朋友抱住影相芝士焗肉醬千層麵，滿滿既芝士，味道都不錯。黑椒牛扒，比想像中失望，較為行貨。可加錢配麵包及餐湯，但唔太吸引。如果想慢慢坐下，這裡都值得選擇，小熊公仔吸引，無人催交枱，又可以睇冰球比賽。小朋友應該都會幾鐘意。

今日放工之後同媽媽打算提早慶祝母親節，我們去九龍灣Megabox見到11樓有間叫熊小館餐廳，於是我地就入左慶祝母親節晚餐，我地order左2人餐，當中包括歐陸式濃湯加牛油法包，出奇地牛油味超濃，另外再加一個啤酒脆漿炸洋蔥圈，好脆口又有口感，主菜方面我地叫左美國安格斯牛肩扒，牛肩扒比例分佈好平均，牛脂也均衡，露筍野菌意大利飯，軟綿綿，入口有飽腹感！另外我地再叫左一個軟殼蟹牛肝菌意粉，好入味，令人食指大動！最後甜品方面有椰子，曲奇雪糕，好yummy ,好滋味。這裡氣氛真是很浪漫，餐廳佈置得非常吸引，場內擺滿各種熊公仔，吃飯之後我帶媽媽去遊戲區度玩，她玩到可以話係樂而忘返！

得知朋友於megabox進行冰上曲棍球比賽，一定要來支持觀看。中途有點肚餓，於是前去溜冰場上的一間餐廳，一邊看比賽一邊醫肚餓。今次點了全日套餐中的咖喱雞扒配薯菜，吃得出是即叫即煎，外脆內軟，加上跟咖喱汁配合得天衣無縫，十分出色。配菜的薯條是剛剛炸起的，非常熱辣辣，薯條就是這樣才好味的。這裏的環境充滿着熊寶寶，帶着小朋友來一定十分高興，店員友善的態度亦不介意你在店內隨便拍照。最後飲品點了店員推介的責任，芒果橙飲，味道不錯，店員亦會友善地詢問着要不要小冰或少甜，這樣的服務態度在現今的香港真的少見啊。最後朋友贏了比賽，又能吃到美味的食物，真是一舉兩得。

好耐都冇去九龍灣，因為來來去去都係固定商舖，好多時候去完一次都會相隔一段日子先會再去啦～咁今日同朋友睇完復仇四，夜晚順便係Mega Box食埋飯，咁岩又有一班小朋友打曲棍球比賽。加上佢又咁中意熊公仔，所以帶佢去一間以熊做主題既西式餐廳。大約七點去到，都要排左一陣隊先可以入座。裝潢都幾童話，仲有小朋友用餐區，岩哂一家大細一齊去食～門口已經有一隻大大隻既熊，當然要同佢影番一張相啦！經理就好快帶我地去左可以直接睇到比賽既二人位，相當貼心。係檯上面各有一隻熊公仔，都增加幾分童真感！中意同熊公仔既朋友一定會愛不釋手。用左片刻既時間就決定食咩餐，二人套餐既價錢都幾平。可以由餐湯，小食，主菜，飯麵，食到甜品。一般係呢類既主題餐廳都有一個問題，華而不實。不過熊小館就令我改觀～以下會一一介紹點解會令我改觀既地方；二人餐餐湯；歐陸式濃湯配牛油法包上菜後我一般對餐廳真係冇咩特別既期待，但係一試味就令我大為改觀，雖然係白湯，但係洋蔥味好特出。忌廉唔太濃，有粟米粒係入面，幾甜。份量都幾多，比同行既餐廳為多。牛油法包焗到好脆口，味道都好香蒜香牛油味，沾點係湯上面更加好食。味道唔錯，第一印象非常之好！小食；啤酒脆漿

同女朋友行MegaBox ikea家施shopping,行到肚仔餓又係搵野食既時間，去返上次11樓食過2次既熊小館，呢間野有得食又有得睇人打冰上曲棍球，價錢又唔貴，所以再去食。今次叫左香草醬乾蕃茄野菌闊條麵,傳統芝士焗意大利飯,蘑菇紅酒汁牛柳伴法式薯蓉和兩杯特飲檸檬香草蜜茶,紅豆冰pop-pop。。。呢個紅酒汁牛柳真是不得不提，磨菇香味滲透牛柳之中，牛柳大大件又夠厚身，啖啖肉有咬口，5成熟剛好啱曬怕血既我，薯蓉幼細嫩滑，大大碟食完都夠飽了。

香港的親子餐廳越開越多，對家長來說絕對係好事，不用擔心湊住小朋友食唔到飯，對小朋友來說也無咁悶。呢日來左megabox熊小館dinner, 呢度到處都充滿teddy bears!! 每枱都至少有一隻熊仔陪你坐，某些枱和兒童玩樂區更有大bear bear，卡哇兒呢！我地叫左二人餐，有粟米蟹肉湯、牛油法飽打頭陣，兩樣都好味，個湯有一絲絲的蟹肉，正！小食我地揀左法式蛋黃醬焗露筍，露筍全部係幼幼細細，夠嫩呀，份量家唔少，我覺得好食過粗大的露筍。主菜選了磨菇紅酒牛柳伴法式田螺薯蓉批、芝士焗忌廉菠菜龍利柳飯，牛柳好味好厚肉、但唔靭唔肥，七成熟都唔靱，田螺薯蓉焗得夠香；芝士龍利柳飯份量好大，尤其好啱小朋友食！

難得一日放假，終於可以同男朋友去拍拖行下街❤️❤️今次來左mega box玩～👫一早用OpenRice book左熊小館，7:15同男朋友早左少少到，見到都有人排隊，好在我有book定位😍職員態度非常之好，值得一讚🎊一坐低已經見到有隻熊啤啤係張臺度，好可愛啊😍😍😍之後叫左個二人餐，二人餐非常抵食，又好多野食👍🏻好快就來左個餐湯，羅宋湯好足料啊😍😍好惹味👍🏻👍🏻男朋友話個包焗得好脆！！個脆薯圈好脆又好香口，好好味😋最好味係個牛肩扒，嗌左7成熟，真係岩岩好，食落去好juicy😍食完成個口都仲係牛肉既香味～～其實食完呢個都開始飽飽地🙈個份量真係幾多👍🏻個意大利飯都好好味，好creamy ，無諗過一個以熊仔為主題既餐廳，煮意大利飯煮得咁好食👍🏻👍🏻👍🏻最後食埋個甜品就岩岩好，甜品可以加錢轉心太軟，心太軟甜左少少，但都有誠意，因為個心太軟有流心總括而言，呢一間餐廳真係值得推薦價錢合理、環境佈置又可愛最重要連職員都好好態度，見到我係度影熊仔公仔，都主動話幫我同男朋友影合照好難得既經驗🥰🥰