煌府婚宴專門店 (已結業)

我 常常去這間酒樓， 雖然點心很難吃， 但是不用等位 ，但是 今天兩時半左右去到 這間 酒樓， 眼見有半數枱也是 空著的， 有大枱也有細枱， 也沒有人在等位 ，但是服務員說因為我只得一位， 所以 不招待我 ，真是非常差勁的服務態度

今日去咗酒樓食點心，今次去咗好多分店嘅煌府，呢度勝在夠平又抵食，去得飲茶就梗係要食蝦餃燒賣啦！呢度嘅燒賣呢其實呢都足料既，當然入邊有其實有一半係麵粉嚟架，但係咬落去呢都幾爽口彈牙喎，豬肉都幾大件，一口吃不完，真係啖啖肉，都幾有燒賣味。

端午節就快到，又係食咸肉糭既時候，今日同屋企人飲茶，已忍不住要吃番口咸肉糭啊！咸肉糭偏挺身，米多，肉比較少，有少許綠豆既味道，有少少甜味，但係無咸蛋黃，所以無甘香，但都幾好味道。

今天到港景峰樓下商場酒樓午餐.發現客人增加左, 大廳都坐得滿滿的幸好職員很快便安排座位.在剔點心時, 驚見:<<水晶蝦餃皇-1蚊/件>>點菜紙!酒樓自今年春節停售1蚊蝦餃, 每次光顧都盼望重推這優惠.蝦餃, 你終於返來了!二話不說, 當然馬上落單每人一件蝦餃皇.加自選三重彩及其他點心小食.水晶蝦餃皇1蚊隻如此優惠, 實難擋製作成本上漲, 租金上揚等因素.加上春節前後, 皆為企業年夜尾牙春茗旺季.亦是各大供應商討好客人的好時機.春節停售, 我理解.因為久久不見, 十分期盼這優惠.呈上來時, 外表與往昔差不多,半透明的皮, 隱約見到蝦身淡淡的粉紅色.夾起時要小心, 內部的汁好容易流出來(以前曾試過爆袋, 點心籠濕透呢!)外皮: 煙煙UN UN.內餡: 看見內裡的汁仍在餃內流動,由於是雪藏蝦, 蝦味唔濃, 只能說蝦很爽脆.但是1蚊真係超值.鹵水豬仔腳HKD 45本身豬仔腳鹵水很入味, 豬皮滑LUT LUT,加上豬仔腳己起骨, 咬落啖啖肉, 這個真係好方便.豬皮的骨膠原漿住嘴唇, 食完仲感到骨膠原的質感.已經開始幻想 ~~ 好快會變靚靚.雪山叉燒包-大點細隻,

同事生日,咁就一班人浩浩蕩蕩出去食飯慶生,壽星女想飲茶,本來就會去龍堡國際樓下那間中菜廳,點知撞正裝修中,最後就去左都是附近港景匯的煌府.....裝修都幾靚,有晒水晶燈,真係好夢幻的婚禮場地咁都係叫下點心,平時有個套餐都幾抵食,大概百幾蚊就有兩個點心,一個小菜,一個炒粉麵咁先寫下個套餐先~小菜 -- 揀左口水雞沒有明顯可見的辣椒粒,辣椒籽等,但食落都幾辣下....當日我咳到飛天,所以只食了雞肉的部分,肉質都算嫩滑...點心方面,我地揀左 叉燒腸粉 同 燒賣腸粉我影漏左,無圖無真相,Sorry 啦,不過可以講腸粉皮都都幾滑, 值得叫的!燒賣就賣相差左少少,肉明顯係用刀切手打的,不是用機攪的,食的時候,會有少少咬口...主食,我們揀了海龍王炒麵,沒甚麼特別的正常味道, 油不多, 魷魚鬚亦彈牙....另外,再叫了 豆苗餃皮不算特別薄,豆苗餡滿滿,味道屬於清淡,我覺得ok, 之後的團年飯我們都有再點這個還點了鳳爪,我自己就唔知咩味了~甜品都有幾款揀的,我們揀晒三款,木糠布甸/桂花糕/焦糖燉蛋當中的木糠布甸不試也罷,賣相同味道都唔掂,連相都唔想影....桂花糕少甜清香,焦糖燉蛋是最正常,面層真的

論野食, 這是不差的, 不過埋單的時候個經理碌多數同埋開口要比多貼士呢兩樣行為真的令人非常不快.炒蝦仁蝦很大很彈牙味道不錯, 乳豬一般的好, 鮑魚入味汁濃郁, 石班很嫩很入味, 都高於中等水平.炸雞比較老, 魚翅一般般, 炒飯麵非常一般, 湯水也是不太特出. 上菜都快不過分配菜收碟比較慢而不專業.環境非常漂亮, 這等價錢都可坐這樣舒服的環境其實都不錯, 地方寬趟檯與檯有很好的距離, 走動空間也大.服務態度同能力很參差, 某幾個經驗嚴重不足但年紀不少... 但其他又好似無問題而且勤快. 不過收錢的不太老實唔係第一次, 無回頭.

以酒樓來說,煌府還滿創新的,菜色不只有傳統那些花膠螺頭湯料很足, 值得一提的是蝦漢堡塗了芥末和一點沙律醬,微辛加上一絲甜味,味道很特別右上角那些蘿蔔千絲穌如何?不, 那是咸水角!不過插在後面那些莞茜記得拔走...很倒胃口燒賣沒什麼特別,那個荷香蒸雞飯根本就只是雞飯,沒有荷香味, 還給了北菇雞飯用的甜豉油= =

中秋節，屋企人訂左係煌府食飯。本身話食個海鮮餐，不過後尾因為得9個人，所以都係決定散叫，叫左9個餸:貴妃雞半隻：爸爸笑話半隻雞似一隻乳鴿喎，因為真係好細隻。味道都OK既，但係賣相麻麻地沙律海鮮卷：一客得6條，望落去有小小孤酸既感覺，所以炸得鬆脆同埋無咩油，但係D餡就除左食到罐頭雜果同埋沙律醬之外，就咩都無。咕嚕明蝦：D蝦球真係好大隻，但係得個面有味，咬落去.. 咩味都無，連蝦味都無賽磅蟹：OK啦，味道OK，係"鞋"左小小囉，因為D蛋白老左小小。馬拉盞啫啫通菜煲：D通菜好生呀，所以好硬，同埋好草青味，我DISLIKE沙嗲粉絲蝦煲：粉絲索左D味好好味，不過爛左小小，所以黏埋一堆，蝦... 唔好味，好似雪左好耐咁，無味兼硬實實咁燒味拼盤：全晚最好食，由其是义燒，係半肥瘦小小燶，好淋好入面，呢個係超正。翠肉瓜炒牛肉：淨係食左D牛肉，有D XO醬味，都OK既。北菇扒豆腐：淨係食左小小菇，OK啦。飯後送既紅豆沙係最最好既，因為真係起沙，另外叫既法式焦糖燉蛋都好味，茶樓有CREME BURLEE食.. 都幾創新。服務方便，其實都幾懶散。我地叫8個飯，黎得兩個。話漏左，佢又攞番我地個兩個飯入去，攞黎攞

蠔皇鮑魚: 原隻鮑魚, 大大件, 夠體面, 但鮑魚味偏淡, 勝在炆得"林".但是, 其他菜色一般, 不值得一提.這間煌府是婚宴專門店, 重點是環境布置, 十分華麗, 一對新人入場時, 氣氛好好.

探訪完新居，又到沙田探病後，最後一場要赴舊友於港景匯煌府的婚宴。商場宣傳「天宇海」已一段時間，望著偌大的心型廣告，似是替一對新人增添氣氛；而進到婚宴場內，頂頭華美雅致的水晶燈令人印象深刻，而整個場內佈置也算精美，環境一欄算是煌府集團的最大賣點。全晚酒水任飲，我選的是紅酒，西班牙貨色，風味普通。負責我檯的侍者挺搞笑，多次問我要否添加七喜，多謝不用啦! 接著又問「是否需要多杯汽水或者橙汁(果汁先生)?」，令人搞不懂是店方怕賓客飲多兩杯容易發酒瘋? 　而因主持證婚的律師遲到，當天晚宴延遲了才開始，到九點半蜜月鴻運乳豬全體才上檯。是晚所有菜式在檯上分妥，效率甚高，不過也無助改變乳豬已經半涼的事實。不然以其肥瘦合宜、皮也夠脆，應是幾可口的。接著有翡翠玉帶珊瑚蚌，帶子與珊瑚蚌都沒甚鮮味，翠玉瓜較正常；不過餓了甚麼也要塞進肚子，ok收貨啦。來到百花釀蟹拑，與太子始創店是同一水準，又想起KC那句「不易對付」，事實也的確如此!又是翡翠玉環瑤柱甫，芡汁色澤不太深但實質有點濃，我挑了中間瑤柱，又吃了小棠菜就算數。估不到當晚也有紅燒竹笙雞絲大生翅，還以為大家都緊遵食翅人情七折道理呢.. 下次真的要看一看菜式再

呢間野服務態度認真唔得囉！！裝修唔錯，入到去感覺確實ok，本身令人有種華麗既感覺……野食味道都冇咩特別……但d服務態度就……唉有咩唔掂？先講下個度d杯杯碟碟，起晒d陳年舊漬，叫個侍應去同我換左佢，一直冇人"so"我……我已經專程拎開隻杯等佢幫我攞個隻新架la……佢到斟油水時，仲當我冇，擺返隻污糟杯尼我個度，繼續斟汽水比我？？跟住最好笑係……斟汽水比我斟一啖就行左去，叫佢叫極都唔應，一啖汽水去到我上飯時話佢係咁唔幫我斟汽水時先幫我斟多3啖，哈哈！！倒瀉紅酒落我親戚度，SORRY都冇句，剩係搬走我親戚張櫈，但係又唔幫我親戚抹下身或者抺枱，鬼咁激氣！！我地都未離席，趕住掉晒我地D野食，推架車仔入尼執野，完全唔理人囉，係咁撞埋尼，當我地透明，真係唔知講咩好！！

燒賣 ( d肉係手切粒,唔係用攪肉)豬潤腸~ 好滑 , 豬潤新鮮好少地方整到了一蚊蝦餃,,估唔到都好大隻‧抵食夾大件咸水角十蚊四隻.咸水角我不在乎個餡料，但呢隻外層果種口感，係我多年食過咁多間之中最好食，絕對無誇張，有機會你自己咬一啖就明白煎蘿蔔糕幾足蘿蔔, 唔會只係一舊粉,可惜太多太多油叉燒好大件、入口松化仲有至愛個腩仔都好正十八蚊個燕窩椰皇‧真係燕窩就抵食、但係d奶好似水汪汪平時好少行尼頭、岩岩有朋友住龍堡、成家人過來探佢、見到早年金龍船個位開新酒樓、裝修好靚、但點心就好平‧下午茶更剗一9.8‧個商場就無野行好靜.天日會再過來飲多一次茶‧朋友就返去大陸勒今晚仲要帶佢周圍行下

尋晚同家人去左廣東道既煌府食飯, 慶祝父親節. 一入到去, 覺得好靚, 佢門口寫住 "婚宴專門店". 我相信o係果度結婚既人, 應該都幾開心. 我家姐仲好興奮咁影左幾張相.家人點了個六人餐, 睇完菜單, $1088 , 唔洗加一, 有乳豬, 翅, 鮑片, 雞, 魚, 等, 都唔錯, 算好抵食. 同之前既金龍船有得 fight. 但 d 食物黎到, 都幾失望. 乳豬, 太厚, 菜都好淡品, 基本上連菜味都無.. 翅一般, 但最後的平燒伊麵, 好似有點苦苦地, 壽包既皮有點厚. 不過咁既價錢, 咁靚既環境, 係唔可以要求太高既. 所以.. 我比 60 分. 食物唔得, 氣氛價錢補數啦.

隔左成個月至記得要報道返母親節早幾晚同媽咪去左呢間酒樓參與晚宴。當晚去到呢間煌府至知道係岩岩裝修好既新店。裝潢新淨就一定架啦，佢有兩個大門口，我諗如果響度擺酒都幾方便。因為係電台舉辦既活動，而又唔使錢，又可以帶媽咪去咁靚既酒樓食飯，經我幾經辛苦不停咁打電話去電台，先至拎到d飛可以帶媽咪去見下佢既偶像加食餐好既。當晚既菜單如下1.鴻運乳豬拼盆2.錦繡花枝蝦仁3.富貴黃金卷4.蟹肉扒雙蔬5.(九) 皇瑤柱(gun)6.蠔皇北菰鮑螺片7.清蒸大海斑8.金牌一品燒雞9.雙喜炆伊麵10.錦繡炒飯11.紅豆沙12.生果拼盆媽咪當晚除左不停叫我幫佢同明星影相之外，仲停唔到口係咁食野，佢對食野咁揀擇都話當晚既野好好食喎，我覺得好味之餘仲覺得佢每碟既份量都好多，食到去一品雞果道都已經好飽。 食到尾既生果盆時，佢開始係一個個既橙放響度，咁當然冇乜人掂啦。但係之後侍應收起左碟野，竟然拎入廚房切好晒皮，擺放得好靚咁拎出黎，呢樣我覺得好驚喜囉。總結當晚既晚餐加裝修再加媽媽既反應，要俾九十分架。媽咪話如果遲下我既婚禮，如果響呢個Level既酒樓擺既佢一定滿意咁話。