煌府婚宴專門店 (已結業)

隔左成個月至記得要報道返母親節早幾晚同媽咪去左呢間酒樓參與晚宴。當晚去到呢間煌府至知道係岩岩裝修好既新店。裝潢新淨就一定架啦，佢有兩個大門口，我諗如果響度擺酒都幾方便。因為係電台舉辦既活動，而又唔使錢，又可以帶媽咪去咁靚既酒樓食飯，經我幾經辛苦不停咁打電話去電台，先至拎到d飛可以帶媽咪去見下佢既偶像加食餐好既。當晚既菜單如下1.鴻運乳豬拼盆2.錦繡花枝蝦仁3.富貴黃金卷4.蟹肉扒雙蔬5.(九) 皇瑤柱(gun)6.蠔皇北菰鮑螺片7.清蒸大海斑8.金牌一品燒雞9.雙喜炆伊麵10.錦繡炒飯11.紅豆沙12.生果拼盆媽咪當晚除左不停叫我幫佢同明星影相之外，仲停唔到口係咁食野，佢對食野咁揀擇都話當晚既野好好食喎，我覺得好味之餘仲覺得佢每碟既份量都好多，食到去一品雞果道都已經好飽。 食到尾既生果盆時，佢開始係一個個既橙放響度，咁當然冇乜人掂啦。但係之後侍應收起左碟野，竟然拎入廚房切好晒皮，擺放得好靚咁拎出黎，呢樣我覺得好驚喜囉。總結當晚既晚餐加裝修再加媽媽既反應，要俾九十分架。媽咪話如果遲下我既婚禮，如果響呢個Level既酒樓擺既佢一定滿意咁話。