烏蠅館 (九龍中心大廈)

營業中

休息中

烤魚癮起，專程約埋朋友去尖沙咀食。平日晚上七點到，已經差唔多滿座，一入去聞到香香既烤魚雞煲味！招牌香辣三刀魚原條上，比想像中大條，肉質鮮嫩，又幾厚身，唔多骨！招牌香辣味有少少蒜香味，加上微微既辣，唔會蓋過哂魚既鮮味，推介！！食哂魚之後可以叫佢加湯打邊爐啦！四川番薯粉呢個一定要嗌，番薯粉索晒啲湯汁勁入味，不過唔好煮太耐，會容易癡底同埋太淋會好難夾，有少少咬口更好味響鈴夠脆，幾多舊，索咗湯汁好好味鮮蝦滑本身諗住叫墨魚滑，但賣哂，所以揀咗鮮蝦滑，送到黎大家都嘩左一聲，勁足料，見到好多粒蝦，好滑身有咬口，正！黑糖冰粉鮮奶黑糖甜甜地，鮮奶味濃郁，解辣！食到勁飽好滿足，見到隔離枱食冒菜，賣相唔錯，臨走前望吓個餐牌，價錢合理，又多選擇，決定下次再戰！

我哋今日揀咗特色泡椒辣味嘅烤魚 泡椒辣係指定係中辣 而且配以酸辣口味 見到好多花椒同酸菜而魚就揀咗三刀魚 因為我哋兩個都無食過三刀魚 所以必試🤤🤤 侍應介紹三刀魚嘅時候就都話依款魚係相對上比較少骨 咁我哋就理所當然揀三刀啦🤩🤩三刀魚魚質彈牙 真係無乜骨 而且頗有魚味👍🏻今日嘅免費配菜有雲耳、金菇同芋絲 雖然係免費 但配料嘅量都有好多 雲耳可以密鋪個盤咁濟😱😱我哋另外加咗風琴豆腐串同寛粉 依款風琴豆腐串幾得意 拉開係好長好長嘅豆卜 因為呢個豆卜炸得好脆 所以要淥耐啲先可以吸收到湯入邊嘅水份 依個配菜幾有特色🤩🤩寛粉是烤魚必點的😏😏😏桂花蜜

完全唔係烤魚fan, 朋友提意試下呢間，又幾好味喎！本來朋友唔想食辣，諗住叫蒜香，但個哥哥話蒜香個味比較鹹，我地又唔想食咁鹹，所以最後叫左招牌香辣（但其實呢個都幾鹹），想象唔到個蒜香會有幾鹹。雖然係小辣，但辣味都好勁，未食晒條魚已經要加湯減辣，一條多寶魚兩個人食啱啱好，仲配左3款素菜，食完已經好飽，冇再叫其他野打邊爐。黑糖系嘅野飲都唔錯，埋單400幾蚊，好味又抵食，服務都友善，推薦俾鍾意濃味野食嘅朋友

今天放工後，同媽媽到尖沙咀嘅烏蠅館， 食四川有風味嘅烤魚， 因為我同媽媽都好鍾意食辣， 所以就揀呢間富有四川風味嘅餐館食飯。呢度可以揀烤魚或者火鍋， 烤魚有三種魚選擇， 三種魚我都好鍾意食， 而且餐烤魚都會配三個素菜， 呢個價錢食到上等靚魚，係好抵食嘅!仲有其他配菜可供選擇， 種類都好多，價錢都唔貴。仲有其他海鮮選擇。鍾意食齋嘅朋友,都可以有好多素菜選揀。呢杯係黑糖雪燕鮮奶特飲， 用料好足，有好多配料 口感一流， 有香濃嘅鮮奶同黑糖嘅香味。呢個就係我哋點嘅龍躉魚, 好大條嘅魚, 魚肉都好新鮮 好嫩滑, 好彈口， 口感一流， 配上佢嘅湯底， 簡直好有四川嘅風味， 辣得好惹味。 加上佢嘅配菜，係絕配， 食完返尋味。 好想再食! 呢個價錢食到咁靚嘅魚簡直係好抵食!

一早已經知烏蠅館，終於今次搵到機會試，拎得外賣自取，第二碗51折，邊有理由唔幫襯！嗌咗雙人b餐，每碗可以揀8款餸，淨餸驚唔飽唔緊要，可以加錢加麵類！麻辣湯底: 食落真係有麻辣火鍋感覺，揀咗小辣，辣度適中，應該大部分人都接受到！餸菜新鮮，加落辣湯一齊食，冇得輸！不過食到最尾，略嫌油膩！番茄湯底: 一開蓋就畀啲茄蓉嚇親，真材實料，落咗好多蒜，食落好惹味！良心四川嘢唔多，好食，cp value 又高，更加大大加分，下次堂食試埋其他嘢食！

響海防道中間，有個隱蔽的樓梯位，行上去別有洞天，個條街有好餐廳，見到有間得食烤魚就入去試下。一入到就聞到好香的麻辣味，口水都擁哂出黎。晚市有烤魚同火鍋的選擇，咁當然係揀烤魚，先選魚類，再選醬汁味道。傳統麻辣三刀烤魚（$288）今次多寶魚無哂，今次試下三刀魚，個名就未聽過，唔知好無食呢，隻色有D似大眼雞，食落都好滑，魚味濃郁，味道方面我地叫咗傳統麻辣的少辣，店員話相對黎講無咁辣。店員建議我地要先食咗一半魚先再加水，咁樣唔會令魚再煮得過熟。少辣對我地黎講都已經好辣啦，食到一半，因為要煮啲配菜，店員可以幫我地加上湯，但我地覺得愈煮愈辣，就改變加水。烤魚本身會包三個當日時令素菜，個日就有雲耳、海帶、芋絲，三樣入面雲耳最推介，入味之餘食落又唔會太辣，海帶就要快D食，因為好快變軟，芋絲就普普通通啦。對我地兩個女仔黎講烤魚真係唔飽，要加多幾個送先夠。四川蕃薯粉（$28）未煮個陣以為咁硬要煮好耐啦，點知好快就索哂啲麻辣湯，加埋烤魚精華索哂入蕃薯粉，食到停唔到口。雙拼莖類（$38）- 豆腐 & 蓮藕片呢間餐廳有個好啱女仔的特色就係菇、莖、菜、餃類都可以叫雙拼，即係可以用一個優惠的價錢試到兩款食物，分量唔

約了朋友五點在尖沙咀做事，三點多到尖沙咀便先填下肚，想起好好味的烏蠅館又下午茶時段，超容易便能入座，開心點了六餸的普通面線，豆腐杏飽菇雞肉海帶結鴨血唐生菜麻辣小辣米粉，加點一杯有機烏龍茶。上菜時他們不小心煮成了米線，於是另外給我一份米粉，態度也不錯！好喜歡他們的麻辣湯底，好香好惹味，也不會太咸。雞肉煮得好好味，我尤其喜歡有鴨血這個選項咁多味餸才$50，加飲品$10！超抵！同行友人也點了面線，清湯寛粉，她也是很欣賞有寛粉這個選項～ 不過甜品的啫喱凍味道她們似乎覺得一般，給大家做個參考。一定會番黎食的好味面線！

由於小妹最近要進行低醣飲食出街食飯每次都係一個難題今日經過呢間餐廳,而且又係我最鍾意既辣辣,一於入去試下佢喇我就唔食得澱粉，所以就要左8個餸咁就會飽d揀左娃娃菜,油麥菜,雞脾菇,蟲草花,雞肉,雞翼,牛筋,豆腐初次報道唔知佢既辣有幾辣,咁就嗌左中辣穩陣d🤣🤣自問都食得辣,佢既中辣係正常中辣,唔會唔夠辣或者太辣,最欣賞佢既牛筋同雞翼,炆得夠淋又入味,雞肉都算滑所以如果行緊低醣既朋友仔,呢間絕對係個好選擇！

早排去開尖沙咀@the_fly_place 食咗個”冒菜”，我哋本身以為係咩特別嘢，點知原來係車仔麵 😂 湯底我哋選擇麻辣，而主食我哋叫咗火鍋面和米粉，兩個麵煮得都剛剛好。湯底香辣，而且越食越麻，正！配菜就普通車仔麵質素，以尖沙咀嘅性價比嚟計，算唔錯！我哋估，如果係返工時間，呢間餐廳應該幾爆吓

同事放工請食飯，去了尖沙咀亞士厘道29-39號九龍中心大廈地下G29號舖烏蠅舘吃烤魚。由於剛搬遷，比舊舖面積大得多，室內新裝修，座位雅潔很舒適，店員禮物招待，推介店內的招牌菜，令客人很稱心。招牌香辣烤魚-多寶魚(小辣)$248烤盤內的多寶魚很肥美，舖滿四川香蒜辣椒碎蔥花，鍋邊有雞脾菇、芋絲、雲耳、洋蔥等配菜，非常吸睛，魚肉鮮甜嫩滑，加上鍋內香濃湯汁，極度美味可口，值得一嘗。豆腐$28四川寬粉$28豆腐豆味香濃嫩滑，放在鍋中烚烚下，吸入湯汁非常惹味，口感極佳。食烤魚必叫的食材是四川寬粉，非常軟糯，將烤魚的香濃湯汁吸入，混合成最佳食材味道。

餐廳專門食烤魚、冒菜，一入座已經聞到好大陣香辣味。夜晚6點幾幾乎坐滿哂客人，邊食邊有好多人入座。係門口侍應會先問食邊類型嘅餸菜，服務好好~招牌香辣多寶魚($248)，送上枱用熱爐烹煮，出煙之後，就可以叫侍應收起個蓋。多寶魚肉滑嫩身，d肉好明顯同d骨分開。而且大大一條，2個人食夠哂。多人就可以叫其他2款大條多肉d。雖然有幾條細骨，但整體d大骨係哂主幹、左右魚旗，所以3款魚中，個人鍾意多寶魚。招牌香辣口味再分小、中、大辣，小辣食到最後個嘴邊有小小小小麻嘅感覺。個蒜辣愈煮愈濃，令魚肉愈入味，唔係得死辣，好滋味，啱哂食辣嘅人。每條烤魚會附送3個素菜，雲耳爽口，份量非常多，仲好吸辣味，好過癮。而金菇及芋絲同樣好掛汁，混合d蒜辣醬食，香口。另外點咗土豆粉，一大碟愈煮愈多嘅feel。望落好似烏冬。煮熟之後，外面少少透明，食落後帶d彈牙既口感，少少煙靭，但程度比薯粉少好多倍。飲品黑糖珍珠鮮奶($28)，鮮奶味好濃郁，拌勻後黑糖味香甜，珍珠少少煙靭，飲奶就解辣。而雪蓮子桂花蜂蜜($20)，口感好稠綿，大量桂花配搭雪蓮子，仲有提子乾、花生，令口感更豐富。加咗蜂蜜後，甜度提升，邊食邊飲一流。食呢d烤魚，最啱

夏天就係想食辣🌶呢間黃店既四川麻辣冒菜好惹味呀🤤辣油夠香😌冒菜其實係類似米線既麵食～個人覺得好食過圖二既酸辣（btw 同佢哋既酸菜魚調味一樣）另叫咗紅油抄手，啲辣油真係唔講得少，成碗咁滯，陣麻油味好香~~正！以上。

第一次係香港食烤魚,試試有無北上烤魚既味道😗同朋友兩個人食唔到太多，淨係叫烤魚再加幾款配菜同飲品揀左三刀魚，招牌香辣口味上菜既時候條魚係未熟晒架，要再滾多幾分鐘先好入口，職員都好熱心睇火加水，唔怕自己唔識處理煮到錯晒，加分!一入口就食得出三刀魚肉質嫩滑，魚味唔太突出，畢竟食烤魚就係食佢重口味既調味~揀左小辣，真係香多過辣，但一啖接一啖都有少少麻既感覺，幾過癮，係稍嫌油膩左啲，不過食烤魚都預左既🤣隨鍋仲附送左三款配菜，木耳(or 雲耳)蘿蔔同萵筍，煮耐啲，淋一淋索晒汁好正!玫瑰蜂蜜好香花味唔會太甜，可以解下辣，好驚喜🤤

打邊爐癮起，去咗尖沙咀搵食， 揀咗一間個名好得意嘅火鍋店，叫烏蠅館。裏面好乾淨，唔會有烏蠅，亦都唔會拍烏蠅。我見到 好多女仔叫咗烤魚餐。我同fd都怕辣，所以叫咗滋補菌湯火鍋（108蚊）。 再加咗幾樣餸, 包括：四川寬粉28蚊/娃娃菜拼韭菜38蚊/脆魚皮38/墨汁墨魚丸 48蚊/雙拼滑98蚊/黑豚肉88蚊整體每碟餸嘅份量都好多。 火鍋湯勁大窩，有勁多蟲草花。菜單拼32蚊加多6蚊就可雙拼，性價比幾高，分量好足，洗得都好乾淨。印象最深刻嘅係黑豚肉同 雙拼滑嘅蝦滑。黑豚肉有大概八大塊，每塊油脂分佈平均， 塊肉唔會老，幾好食。雙拼有墨魚滑同蝦滑。蝦 滑好高質，食得出蝦味，好彈牙，應該係加左大量蝦落去打。 墨魚滑就同墨汁墨魚丸有少少一樣，建議可以是但叫一樣就ok啦。兩樣都彈牙，有少少墨魚肉喺入面。寬粉比較厚身彈牙， 煙煙韌韌，同河粉有啲唔同。

平時黎開烏蠅館，都係食開冒菜，即係好似車仔麵咁,可以自己揀餸，然後配上湯!我今次黎食係試個火鍋！打邊爐，個湯底當然係好重要啦！呢度主要有兩個湯底：麻辣湯底同菌湯！本身係想食麻辣湯底！但朋友怕太辣，所以我地叫左菌湯.當個侍應放個鍋喺我哋枱，我地哇左出黎😂😂 成個鍋都係佈滿茶樹菇同姫松茸！個煲一滾起，我哋就急不及待不湯飲！超正！個湯超濃！所以我地叫左好多索汁既野，吾好曬左個湯！ 我地叫左好多菜同粉！平時我地係食肉獸，竟然今晚食咗好少肉！我最好欣賞就係娃娃菜😂😂 啲人一定話我好假，但個湯索哂個湯真係好好味😋同埋我地叫左粉絲，真係食到我地個個舔舔脷😂😂最後我哋叫咗個糍粑做甜品！