烏蠅館 (九龍中心大廈)

營業中

休息中

呢個星期開始有d秋意，又想打邊爐朋友推介烏蠅館，話湯底正，環境都好舒服~見到餐廳好多人食緊烤魚，但朋友唔食得辣，下次一定要再戰烤魚滋補菇湯火鍋 $108湯底呈現深啡色，看起來已經非常養生！湯内鋪滿菇菌類，包括：茶樹菇、蟲草花等等店員提醒湯滾起就可以食嘗試左個湯頭，很清新，完全不油膩而且越滾越出味，之後再飲，味道更濃鬱！風琴豆腐串 $36吸味之選！吸滿湯汁，真係好正可以試到湯底的味道四川寬粉 $28分量不算多，但煙煙靭靭的口感很讓人上癮煮5分鐘左右就剛剛好比番薯粉更有咬口醬料盤 每人$10配料全部很新鮮，而且不用係公衆地方拿，感覺更乾净衛生！自家制鮮蝦雲吞 $72共有8粒，每粒雲吞内都足料！起碼有3隻蝦在内調味都夠濃，不用蘸醬油墨汁墨魚丸 $48分量很多，性價比高口感都頗彈牙！整體而言，性價比都不錯餐廳環境比一般火鍋店舒服，店員很有禮貌有主動收走空碟，而且留意到要加水PS店内仲有冒菜可以食，平時一個人都可以來過過辣癮

見到好多人介紹烏蠅館，今日就特登走去試吓。入座前服務員會問你係食冒菜定係打邊爐，我哋就係試吓冒菜先。餐廳環境都幾舒服整齊，入到去有一陣陣麻辣香氣，已經令人流晒口水。當日都有九成滿座，坐得都有啲逼。揀了單人A餐，即係有六款配菜，蟲草花，鴨血，芝士丸，豬大腸，蘿蔔片，芋絲，芫荽，配料味道發揮正常，反而個四川酸湯就有點失望，唔係好夠酸，得個辣，加五蚊可配粉，麵或飯，我點了火鍋寬粉，最愛煙煙韌韌嘅質感，索盡湯汁，唔錯嘅。不過配料和主食分量偏少，女仔剛好，男仔應該唔係好夠飽。加十蚊要了檸檬蝶豆花，味道偏淡，似凍檸水。玫瑰蜂蜜，都有陣陣玫瑰香但都略嫌味道偏淡。

封左關甘耐都冇得返深圳食烤魚，經朋友介紹呢間烏蠅館味道幾還原，上次已經黎過食烤魚，今次就try下打邊爐！滋補菌湯火鍋係office涼得冷氣多有d寒底，叫左菌湯滋補下。菌湯雖然係全齋但菌種類好豐富，啖湯未落肉已經好鮮。飲到好重蟲草花味，藥材味就唔係太重，而且每位醬料費都係10蚊！蕃薯蜆好大粒好新鮮，仲要吐沙吐得好干淨，抵讚👍🏻店員仲話海鮮每日新鮮攞貨，唔留過夜，所以如果想食時令海鮮就要預早訂定啦！無得輸鴨血鴨血真係無得輸，又軟又滑，完全冇腥味！份量都算多，仲要係厚切，真心抵食！風琴豆腐串風琴豆腐串真係好吸汁，特登切到好似風琴甘，比一般豆腐更掛汁，而且豆味都好濃！四川寬粉寬粉都幾地道，食落好Q彈，正過公仔面😏

人氣冒菜！平日午市嚟呢度要排一陣隊先可以入座，一邊排隊一邊可以諗定食咩，因為有好多款冒菜選擇，嚟食多幾次都唔怕悶。單人A餐$50- 可以自選6個冒菜: 我揀左芋絲、姬松茸、蟲草花、萵荀、娃娃菜、雞中翼，湯類我選擇滋補菌湯，另外加$5要粉絲。- 我覺得單人餐性價比幾高，每款冒菜分量適中，滋補菌湯適合冬天飲用，食完成個身體暖笠笠。唯一要批評嘅食物係姬松茸，太濃烈嘅松茸味，如果浸淡返少少會容易啲入口。其他蔬菜同粉絲湯底都好配合，下次有機會都想再飲呢個湯！

有朋友食過話有好似雞煲咁但係係烤魚嘅野存在，我完全唔知係咩黎…..但係男朋友鐘意食魚所以一終試下。位於尖沙咀一條內街，平時好少去Ashley Road，原來成條都係食店，咁以後就厚福街之外有另一個選擇了。店舖招牌用上霓虹燈，感覺新派但係一入去門口就見到兩個門神，配搭好得意。平日6pm左右去到已經有幾枱人食緊，好似打邊爐咁，都有人食一碗碗嘅麵，山長水遠黎到梗係食翻條魚啦。我地兩個唔係好食得辣，雖然好似係主打辣野，都係唔敢越級挑戰，叫翻蒜香烤魚，我唔係好識食骨所以叫左多寶魚($248)。大概等左七至八分鐘就上菜啦，成條烤魚加埋之前叫嘅三樣配菜(雞脾菇，芋絲同雲耳)係個盆入面，侍應哥哥好貼心咁同我哋講要等大概十分鐘見到有煙就可以開蓋。其實未滾起已經好香蒜味，仲要係爆過嘅蒜，正呀! 魚都多肉同算大條，本身應該有香料係上面，點埋d汁再吊下個味仲正，本身好少接觸呢種菜!! 配菜夾上黎每塊都有好多蒜頭癡住，我係蒜頭控就啱哂！魚唔會太老，多寶魚本身唔多骨所以啱我食哈哈！最後叫左餃子雙拼(韮菜餃+西洋菜餃) $78，係熟上嘅，都幾好喎，皮夠薄同埋唔放入湯底其實都好夠味。不過叫得魚煲梗係要放哂入去啦，淥一

鳥蠅館個名雖然令我有少少不安🙈但試過之後真係返唔到轉頭👅一入餐廳嗰陣麻辣香味真係引死人咩即刻吞左幾啖口水🤤✨招牌香辣烤魚(三刀魚)✨$288🐠由於第一次食 所以隨心揀左中價位嘅三刀魚比我想像中大條喎😨肉質嫩滑無腥味只有好少細骨😍正個湯底就叫左小辣🌶本身食開tam jai五小辣我覺得唔太有辣味😂反而勁香蒜味🧄🤤(正正正)係幾油但真係好惹味所以嗰刻都無理了😌價錢包埋三款時令素菜🌿☘️🌱我今日係金菇雞髀菇同雲耳份量唔太多建議另加配料👈🏻(我係大食嘅)✨風琴豆腐串✨$36🍢一客有三串👀每串大到呢🤣食落似硬d嘅豆卜好索湯但呢個本身比較油再加落個湯度打binlo就真係太油😂所以我下次會叫第樣🤓同枱其實叫埋響鈴同樣地我覺得真係唔夾呢個湯😂😂😂油上加油🤩所以大家可以叫第二d😏must叫嘅係金菇🙋🏼‍♀️寛粉🙋🏼‍♀️🙋🏼‍♀️(world class)🥤飲品都有好多選擇‼️我試左碧螺春🌿呢度d茶都係無糖架👍🏻清清地反而幾好飲可以解下膩🤰🏼✨✨✨✨✨✨✨✨✨✨✨✨溫馨提示💁🏼如果想食烤魚嘅朋友記得要訂位啊‼️餐廳會早一日問你想食邊款魚同你預備定啊🥰所以一去到就即刻有得食✌🏻用餐時間90分鐘都夠哂食😋

由舊舖已經開始想食，食到而家新舖開埋終於食到啦，咁啱有同事都話想食，咁不如擇日不如撞日放工一齊去食啦。由海防道行上亞士厘道，唔知點解好有旅行嘅感覺，真係好想去旅行…….講返正題，室內裝修都幾精緻嘅，一入門口就見到「我們擅長用味道表達」，同埋比好多好精緻嘅茶壺同杯吸引住。有得揀打邊爐或者烤魚，因為我唔識食魚😆😆所以我地叫左打邊爐，又因為有同事唔食得辣，所以冇叫麻辣湯底，叫左個菌湯。估唔到菌湯都有驚喜，聞起身其實冇乜味，但係一飲，係超級濃郁！好正呀！d菇唔知係咩菇，望落以為好硬唔食得，試過發現係軟熟，係食得嘅，跟住就好多蟲草花啦，去到最後，蟲草花係比人清曬🤣另外都叫左風琴豆腐串，鴛鴦餃（韭菜餃同雲吞），鴛鴦滑（蝦滑同墨魚滑），安格斯肥牛（分量唔算多），土豆粉，粉絲仲有兩份菜。真係食得好健康😇😇最後梗係唔少得叫甜品啦，我哋叫咗糍粑，外脆內軟，黑糖醬好夠，如果黃豆粉多啲就Perfect啦。最後講多句，平時食嘢好少唔叫嘢飲，但今次我哋淨係飲菌湯都夠，真心好飲👍👍

通常下午都會嚟食冒菜，今次就試吓佢個火鍋🍲。我同朋友就揀咗比較養生嘅滋補菌湯火鍋。湯底係有大量嘅菌類，好足料，就咁當湯飲都覺得好鮮甜。配料方面，叫咗幾款餐廳都推介嘅。無得輸鴨血食落去都好滑，唔似有啲地方食落會有一陣腥味，配埋湯底一齊食，感覺真係好補身雪花肥牛肥牛都有10 片，而且肥嘅部份唔算真係好肥，油脂分布比例算唔錯，而且肉質都算嫩滑，牛味都幾濃。雙拼丸（墨汁墨魚丸+貢丸）食落去都食得出係真材實料，口感彈牙。而且好多火鍋店嘅丸類都價錢比較貴，而呢間我覺得佢性價比算高，因為都有成10粒。自家西洋菜餃另一個抵食之選， 8粒好足料嘅餃。而且食落去真係食到西洋菜嘅香味，個皮用左雲吞皮，夠哂薄。皇帝菜$35大大份，夠兩個人食。而我最鍾意嘅係佢嘅火鍋寬粉，平時喺呢間食冒菜都會叫，因為佢吸左啲湯之後，好入味又好彈牙，好正！絕對推介大家唔好淨係掛住食佢嘅冒菜，可以試埋佢嘅烤魚同火鍋！不過當日係星期一，都好滿座，所以建議大家早啲嚟。

烏蠅館經常同朋友上次試唔同嘅烤魚或者川菜❤好在有一班鍾意一齊食辣嘅朋友～ 今次就嚟咗呢一間見網上食評都唔錯。舖頭入邊我諗都係主打烤魚或者食雞煲。今次我哋試呢個麻辣烤魚，呢度嘅烤魚就有別於一般嘅川菜烤魚我覺得，佢個汁係類似燒烤蒜香嗰隻，唔係話太多汁，比較多油，如果多汁，多啲麻辣燙就好少❤魚都好多肉冇乜骨。 價錢方面都合宜嘅。飲品方面選擇都幾多，好少見會有雪燕黑糖牛奶🥛！好重黑糖好邪惡！仲要啖啖雪燕另外我哋仲叫咗紅糖糍粑，都係淡淡黑糖汁，熱辣辣～ 諗住同朋友叫海鮮嘅，原來海鮮呢要預訂㗎，如果大家想食海鮮嘅話就記得訂定啦！

係尖沙咀lunch想普普通通食一餐就來到亞士厘道 見到呢間出面超多OL同上班族排隊 咁呢間一定係出名飯堂啦🤣入面空間超大！以為店內已經坐滿點知後面仲有 一入去就有超大陣嘅麻辣燙味 勁麻勁香超級正宗！🍲冒菜💰50呢款套餐可以揀6款配菜 我係超過50種配菜中分別揀左豆皮 海帶結 萵筍 鴨血 鵪鶉蛋同埋金菇菜！豆皮原來係腐皮 冇乜味道唔推介嗌呢個 我expect嘅應該係豆皮結🥶 鵪鶉蛋細細粒不過唔係好入味 其他都同湯底幾夾唔錯！另外+$5仲可以加一款主食 我加左土豆粉 呢個真係超級推介！土豆粉本身較粗 而且超軟淋 一咬即斷 會keep住想食落去😍湯底都有好多選擇 standard麻辣 番茄 滋補箘湯都有 不過我就揀左四川酸湯 原來係有酸菜嘅湯底！（本身以為係酸辣粉湯底🤣）不過花椒味超濃 好香口 配埋酸菜都有小小辣 但係推薦！見到呢到仲有紅糖糍粑 冰粉等甜品小食 lunchtime食應該都會超滿足！個人覺得份量已經夠足 嗌埋一個主食真係啱啱好！呢到最緊要氛圍好有重慶feel 大家都食辣野令煙霧彌漫 加上重口味嘅花椒味真係一入去就有冒菜館嘅感覺❤️📌 烏蠅館 (九龍中心大廈) (尖沙咀)尖沙咀亞士

烏蠅館😍😍誰跟我一樣愛吃烤魚⭐️🥰？今天推介大家一間吃烤魚的店。位於尖沙咀的本土烤魚店 烏蠅館👍🏻今次我揀咗$288 三刀魚 附送三個餸 雲耳、萵筍、白蘿蔔。本身好怕食到好多骨既魚 但聽到店員介紹 話呢隻魚呢一條大骨 啱晒怕多骨嘅人！！ 食落真係啖啖肉。 味道方面我係揀咗蒜香🧄烤魚味，勁香，香到頭髮同埋啲衫都係有浸酸香味🤣返到屋企要即刻洗衫 。最後仲叫咗個粉絲， 啲粉絲浸落個汁度真係好重口味，岩哂我🥰除咗食烤魚，我仲叫咗個甜品，就係最愛嘅紅糖糍粑$24😍 甜甜的 yum yum.最後環境方面，店舖都有好多座位，我覺得都坐得好舒服，夜晚七點幾去嘅時候都唔使點等位🥰見到餐牌佢好似都出名火鍋🍲下次有機會都想試吓🙈尖沙咀/尖東站L5出口 九龍中心大廈地下

🥢冒菜？車仔麵？🥢推介指數 ❤️❤️❤️❣️🤍好多時經過都見lunch 時間堂食同外賣都同樣多人，未試過就去食下。冒菜獨獨餐可自由選配料、主食同湯底，仲有撈麵、水餃同小食等。🥢單人A餐6款配菜HKD50✨數一數有成48款配料任揀，點咗比較特別嘅如萵荀、鮮淮山、蓮藕片、鵪鶉蛋、配埋雞髀菇同油麥菜，感覺有啲似打邊邊😂✨叫咗小辣容易入口，下次可以試中辣。配埋粉麵或者飯都係+HKD5～🌼桂花蜂蜜+HKD10✨飲落好香桂花味，甜度適中仲可以解辣❣️份量較適合女生，除咗配料、湯底選擇都有5款(清湯唔計😝)。套餐除咗配飲品，仲可以配糖水、咖啡等。總結：-食物 ❤️❤️❤️❣️🤍環境 ❤️❤️❤️❣️🤍服務 ❤️❤️❤️❣️🤍.··🏠 烏蠅館 (九龍中心大廈) (尖沙咀)📍 尖沙咀亞士厘道29-39號九龍中心大廈地下G29號舖

之前食過烏蠅館既冒菜，不停話下次要黎試佢嘅烤魚同火鍋。我訂定枱，烏蠅館早一日whatsapp定個火鍋menu俾我，海產類同烤魚要預先訂。今次試咗烤魚先，我地訂左條三刀魚。隨烤魚會送三個指定素菜，我地嗰晚係送雲耳、芋絲同雞脾菇烤魚有4款口味包括招牌香辣、泡椒、麻辣同蒜香(唔辣)。我地揀左招牌香辣小辣🌶，湯底幾特別幾惹味，唔係坊間一式一樣嘅辣味，但油略嫌太多，加咗湯之後都係多油。食烤魚除左要條魚好食，配菜一樣要出色，今次我大推最吸湯嘅四川寬粉始終食重口味野，飲品一定唔少得🥤呢度飲品有好多選擇，碟豆花檸檬賣相最討好，檸檬味濃，酸酸甜甜好開胃，仲好解渴同解辣。如果唔想飲有糖份既飲品，人蔘烏龍都會係一個唔錯嘅選擇

之前以為佢剩係得烤魚食，原來都有火鍋同好多人食嘅冒菜！！！好彩我哋早到🤣唔洗點等位，之後我地走嘅時候，出面要排隊啦！都成8點幾仲好多人排，都幾誇張🤣好多都係後生仔！重慶牛油麻辣火鍋 $108 好型！一大隻生鐵鑊上🤣一上菜係好多麻辣醬，睇到有啲擔心🤣但係睇得出佢好多材料，夠哂味！！一落水個下，炸！好多煙，我準備好開餐！！個樣好辣我好擔心🤣店員就拎咗蒜蓉醬過黎！原來係配有嘅，盛惠10蚊！超正！！好多蒜🤣食完實口臭！但店員話可解辣，我就真係差唔多食晒🤣🤣叫咗風琴豆腐串 $36見好多人推，好喇！就試試佢！正咼🤣吸哂啲湯！！一碟有成3舊！都幾多㗎！寛粉 $28好食呀好chewy!!不過唔好煮咁耐！！！否則會淋哂，唔好食！！！佢配麻辣湯啱哂yeah👏🏼👍🏼雪花肥牛同油麥菜 $128/$32不過不失！份量都唔小，而且新鮮👍🏼肥牛唔係合成肉，普通料黎！！有質素👍🏼Overall黎講，黃店又質素唔錯！不過下次想試冒菜，好多人食，一班人一人一碗，或是一個人黎都係食冒菜🤣👍🏼同個晚無得食紅糖糍粑😭😭😭😭好想食

烏蠅館位於尖沙咀一條小街入面平日食飯時間點幾鍾去到都已經要排隊排隊時店員會派紙揀埋野食，入去就可以即刻叫得我地3個人等左15分鐘左右就可以入座一入到去麻辣味勁濃，刺激口水分泌🤣但可能太多人廚房做唔切，一坐低即刻嗌都等左20分鐘左右啲野食先到🥲鋪面都好大，可以容納好多張枱但樓底有啲矮，人多時會比較嘈🍜單人A餐 任選6款配菜 （$50）我揀左6款配菜，分別係風琴豆腐串、准山、蓮藕片、魚腐、魚皮餃同貢菜另外加左$5要火鍋寛粉😍湯底因為我唔食得辣，就揀左滋補菌湯個湯底唔太濃，有小小藥膳味，都唔錯🥳火鍋寛粉好煙韌，好有咬口👍配料方面：豆腐串吸晒啲湯汁好正😆貢菜就第一次食，原來係脆脆地好爽口其他都正常發揮飲品：桂花蜂蜜 🍯（跟餐 +$10）好濃桂花味，但就飲唔到蜂蜜味好似桂花加水咁，不太推介朋友飲既黑糖冰粉鮮奶就唔錯，應該有加忌廉🥛令到杯奶好香濃😋