烏蠅館 (九龍中心大廈)

營業中

休息中

朋友想食烤魚，我決定帶佢來烏蠅館。話說就係嗰日睇ViuTV吸引咗我上嚟試。我哋叫咗一個烤魚，小部傳統麻辣多寶魚，因為我覺得多寶魚魚肉比較滑。佢烤魚係送咗三個素菜，今日係金菇、芋絲以及萵筍。全部都係好吸味嘅材料，吸收晒湯嘅精華。另外我自己仲加配芫荽，娃娃菜，西洋菜餃同埋生根。西洋菜餃，餡料飽滿，入邊仲有啲蝦米。朋友表示下次你要再encore。 食食吓覺得個味道太濃就可以叫職員加湯。另外我哋叫咗兩杯飲品，用來解辣。黑糖冰粉鮮奶，以及黑糖桃膠鮮奶。奶果然係最好解辣嘅嘢。冰粉好滑，桃膠好養顏。下次來想試吓佢哋嘅火鍋，眼見旁邊好多人食冒菜，好多配料可以選擇。

聽個店名以為很污糟，但入內環境是十分乾淨整潔的，員工服務也不錯。我們點了2個冒菜A餐，6款食物，另加$5配個面底，十分抵食，加多碟四川水餃同2杯凍檸茶都只是$130埋單四川餃子特別推薦，吃落似紅油抄手，好滿足，勁味勁濃。一個雜菌湯底，勁重菇味，好飲。一個四川麻辣湯，的味十足。每個餸都好食，必食豬腸，牛丸，肥牛…看到其他人在吃四川酸辣魚或打邊爐，下次可以試一試，睇黎有一定既水準，因為店內食客算是坐滿。

2nd hot pot in this hotpot season!!went to this place called “the fly place” yesterday located in tsim sha tsui, right opposite to hungry korean, you can see it’s huge red neon deco and many groups of youngsters queuing outsidemost customers ordered their signature fish pot, but they’re all spicy so me and my family went for the normal fungi hotpot!! the soup base was so good!! and full of fungiiiiiwe drank two bowls of soup before we started shabushabui love their garlic, but actually the soup

同朋友訂左收工去食～想試左好耐好耐終須有機會啦！飲品叫左黑糖桃膠鮮奶～原來面仲有一層奶蓋都幾正！叫左麻辣烤魚小辣（本身食酸菜魚但無得揀辣度，係中辣黎 怕食唔到所以轉左麻辣）味道好濃郁！仲有蒜茸味超正～食入口好有層次感又唔會太辣 不過啲油有啲多😂餸叫左西洋菜餃，生根同寬粉西洋菜餃有驚喜！入面有蝦米仔吊下味 好好食👍🏻個寬粉同生根會吸曬啲汁！勁好食！所以如果啲油少番啲就完美了

同事知我鍾意食烤魚，就介紹咗呢間係尖沙咀嘅烏蠅館叫我去試😋😋今次就同屋企人去咗食烤魚啦😜😜佢有三款魚可以揀，分別係多寶魚、三刀魚同龍躉，今次我哋就揀咗中間既三刀魚🐟🐟（$288)😚😚再加上我地鐘意既蒜香口味🤩🤩呢間鋪嘅蒜香口味入面既蒜蓉係切到碎晒嘅，好似火鍋配料嗰啲，好方便我哋夾起嚟同d 魚一齊食，味道夠香濃，好惹味😋😋黑豚肉 ($88)🐷🐷一卷卷既黑豚肉，份量正常，都幾有肉味😋寬粉 ($28)🍜🍜烤魚必叫最佳配搭豆腐 ($28)似街市賣果隻傳統豆腐，冇包裝果d 咁滑油麥菜 ($32)🥬🥬皇帝菜 ($35)🥗🥗兩款菜都幾好，食完邪惡野都係要叫返d 菜既鮮淮山片 ($38)一半早d 食就有爽脆口感，另一半就煮到佢粉哂先食，有兩重口感正呀稻庭烏冬 ($38)飽肚之選，屋企人鐘意食紅糖糍粑 ($24)🍡🍡好味既川式甜品，不過我太早叫佢同其他料一齊上，只好先食甜品再食烤魚🤣🤣煙煙韌韌幾好食😋😋📍 烏蠅館 (九龍中心大廈) (尖沙咀)尖沙咀亞士厘道29-39號九龍中心大廈地下G29號舖#香港美食 #香港必食 #hkfoodie #hkfood #hkfoodblogger #hkfoodlove

This hotpot place is the most suitable hot pot place for vegetarians that I have been to. They have so many varieties of vegetarian choices. We got so full by mainly just different types of vegetables. I loved the glass noodles and the tofu varieties. And coriander! Such a generous amount. The amount in my picture is like just 1/3 of the whole plate. Just a quick tip though: If you are worried about the spiciness like we did, remove a spicy butter bar before it melts in the soup. They do have no

好耐無食川菜啦 今次去咗#烏蠅館 食冒菜〰️ 烏蠅館環境都整潔 寬落👍設計都有中式懷舊風既感覺 食物方面 我覺得性價比相當高☺️！🔺冒菜 豪華單人C餐 $78(任配6款配菜) +鵝腸 豬黃喉 墨魚仔肥牛•鴨血•牛筋•豬大腸•風琴豆腐串•娃娃菜 然後麻辣湯(小辣) +$5薯粉 一定一定要嗌豪華C餐❣️送多3樣餸架🤣 一上枱大大碗 超多超多蒜 i love it 🥰 好正！似係打邊爐 樣樣餸都有啲 份量仲要唔少☺️薯粉都好多 食得好滿足😋味道方面 可能我高估咗佢既辣度 小辣係一啲都唔辣🤣麻辣湯都唔係特別出色 但惹味既 如果有得揀就揀四川酸湯/藤椒湯啦 湯底特別啲 不過想辣啲就試中辣以上啦 呢間 我一定會再食😏🔺四川傳統酥肉 $36好酥脆 好香 就咁食同浸落湯都可以架😛🔺紅糖糍粑 $24紅糖無黑糖咁重味 我自己就中意紅糖多啲☺️但糍粑就好似有少少太淋身 如果可以煙靭啲就好了❣️🔺老成都酸奶 $20 (單點) $15(跟餐)我喜歡〰️💕有啲似食greek yogurt既感覺 食完重口味好啱用酸奶中和下☺️🔺冰粉 $20 (單點) $15(跟餐)冰粉賣相幾靚 晶瑩剔透 但太甜了 唔推薦〰️🔺茉莉花茶•人參烏龍茶•

米線關注組網民不時提及烏蠅館的車仔式粉麵，加上誘人的冒菜湯底實在是吸引。晚市限定還供應烤魚和火鍋，大魚大肉就對了。是晚天氣稍涼想烚下烚下，但兩人又吃不掉整條魚，選擇火鍋好了。入座時職員會先問選擇的湯底，之後待湯底滾起時慢慢選擇配料。三款湯底分別是香辣、茄蓉、菇菌，最惹味的永遠是邪惡。重慶牛油火鍋以原條牛油磚配以大蔥薑片上枱，非常足料。內裡没有一絲粉末，毫無味精，其後職員再加入清底煮熱湯底。香料滿滿，花椒、八角、乾辣椒香氣飄溢 🤤 怕辣的別忘了點酸奶解辣湯底是固定辣度但不會死辣，加入食材煮久了更香更麻更辣，挺有層次。烤魚火鍋共用同一組菜單，清晰地寫上各類配料。另附一張小菜單竟供應各類街頭飲品，黑糖奶茶、原片泡茶也有！點菜有QR code 亦有傳統膠菜單。餐廳的QR code點菜系統簡易上手，看圖識字就能用。比傳統菜單更附有設食物圖片，有貨缺貨一看便知。我們就是依靠系統得悉配料剩餘數量，果斷地點了最後一份鯇魚。下一位客人不好意思啦😂墨汁墨魚丸、牛丸 雙拼丸、根莖、餃類大概加十元就可雙拼，價廉物美的丸類更是必點。$58有10粒雙色丸，而且非凍肉店貨色。肉丸粒粒都彈牙多汁，肉香濃郁仲有彈牙啫喱

呢間未搬嘅時候已經幫襯過佢嘅辣真係令人一試難忘 然後好想再返嚟食話說本身我都唔知佢搬咗咁我就直接搭lift上去舊舖上到去發現冇開門咁我就一年茫然同lift有個印度人問我係咪搵「fly place」我話係呀🤣 心諗連印度fans都有佢就勁好人落咗lift之後指我去新鋪通常我都會嗌四川酸湯配菜方面首推海白菜喺香港真係勁少地方有得食佢有少少似海帶 但口感好脆大家有機會一定要試吓配埋嗰啲辣湯係超級一流同埋我想講呢度嘅嘢飲都係好高質佢個黑糖塗膠鮮奶拍得住出面嗰啲手搖飲品店我男朋友就帶咗個清湯啲芫荽真係好似唔駛錢咁如果鍾意食辣嘅朋友極度推介大家嚟呢間食嘢！！

烏蠅館👻凍凍地除咗打邊爐之外食烤魚可以暖身都係一流食完烤魚再加啲配料滾下滾下尖沙咀依間分店都幾多人等一陣位好快入得但係都坐滿晒好嘢係值得等嘅☺️.🔅蒜香烤三刀魚 HKD 288烤魚配蒜香真係一流好大量嘅蒜超級香佢仲有配啲配菜有芋絲同蘿蔔三刀魚都幾滑唔會鞋口啖啖肉真係一流好快清晒🔅黑豚肉 HKD 88黑豚肉都幾高質分量雖然唔多勝在肉味幾濃幾好食🔅鮮淮山片 稻庭烏冬 HKD 38淮山片夠新鮮我哋放入去爽口咁食又幾得意烏冬就冇得輸彈牙好味🔅皇帝菜 HKD 35🔅油麥菜 HKD 32叫咗兩份菜皇帝菜同油麥菜一樣係吸左個湯嘅精華每條菜都有蒜味勁正🔅四川寬粉 豆腐 HKD 28每次食烤魚都一定嗌嘅寬粉放入個湯度吸味之餘煙煙韌韌咁好味又飽肚🔅紅糖糍粑 HKD 24都係第一次食紅糖糍粑佢係一種炸咗嘅甜品煙煙韌韌咁夠晒甜🤣.整體黎講：蒜香烤魚 濃味又正😚.🎈 烏蠅館 (九龍中心大廈) (尖沙咀)尖沙咀亞士厘道29-39號九龍中心大廈地下G29號舖

今晚嚟左新地址嘅烏應館, 落返地鋪嘅佢地繼續keep到水準試左佢地嘅招牌香辣烤魚, 有三隻魚可以揀, 店員都可以好清楚咁講解唔同魚嘅分別。兩個人就可以揀多寶魚比較細條少少，因為今晚我地有4個人, 所以就揀左份量算大條嘅龍躉魚,另外會配上指定配菜, 海帶結, 金菇同黑木耳。食川菜就當然要叫返份鴨血啦 hehe都幾soft啊! 我媽就想試下淮山, 又幾新鮮wor! 另外好想同大家講一定要試下佢嘅炸魚皮! 好crispy, 等唔到打邊爐之前已經食左一大半haha

成日來食麵，有次中午想食烤魚先知原來唔係想食就食到，要預早訂購。今次一於約齊4個朋友一齊來食烤魚。🔸招牌香辣烤魚(三刀魚)店員介紹三種魚之中無咁多骨，魚肉又厚身點的。講番烤魚先，小辣來講辣味都好突出，而且係非常非常重口！無錯我食烤魚就係要呢種重口既川式辣味，好油好濃好辣但又會令人上癮的感覺。真心係非常油膩的，但好香好過癮，如果怕肥的話，應承我食左先減ok？魚既份量睇落都ok，除左魚仲有好多配料！食完烤魚當然就要加湯打邊爐，必叫：寬粉、金菇、蓮藕！全部都好吸湯好入味，當中寬粉我地叫左兩份，4個人完全唔夠食。另外牛肉同豬肉都唔錯，不過豬肉性價比高點。丸類同其他都正常，用來煮烤魚邊爐真係無得輸。烤魚係香港食過數一數二好味的，辣度都可以自行決定，店員服務唔錯，環境都乾淨衛生。

一feel到少少秋意就忍唔住要去食下火鍋, 我地就揀左去食烤魚~ 我地揀左當中最貴嘅龍躉,佢話係沙巴龍躉嘅一種, 魚肉比較鮮甜重骨膠原, 配上重味香辣的醬汁烤魚。烤魚可以揀辣度，我地就揀左小辣, 不過都真係好辣,大家要留意返 佢嘅香料同辣油加埋d配菜令唔算食得好辣嘅我都食到停唔到口，食完條烤魚之後就可以加湯打邊爐，咁就叫左碟雪花肥牛, 都有返d厚度, 有肉味另外仲有墨汁墨魚丸, 一份有成10粒haha 咁黑放落個鍋度幾搞笑!食完咁重味嘅野都要叫返d菜balance返, 油墨菜都算大份!

隔了數月再次來到烏蠅館上一次嘗了麻辣烤魚所以今次想要試一試泡椒烤魚似乎大部分人都會選三刀魚比較少骨多肉點了烤魚會附送三個素菜今天送的是雲耳、芋絲及雞髀菇吃完烤魚可以加湯或水去打邊爐店員亦非常貼心，自動提醒我們如果覺得太濃可加水不加湯同時上菜或下單都很速，又有禮貌，店員的服務很好◭特色泡椒烤三刀魚 $288 🅙🅙🅙🅙/5泡椒烤魚只提供中辣，較重薑味三刀魚肉質嫩滑，配泡椒味頗惹味若只吃配菜，都真的挺辣吃不到太辣的要考慮一下◭油麥菜 $32 🅙🅙🅙/5◭蘿蔔片 $35 🅙🅙🅙/5◭無得輸鴨血 $78 🅙🅙🅙🅙/5◭嫩滑雞柳 $68 🅙🅙🅙/5◭四川寬粉 $28 🅙🅙🅙🅙/5◭稻庭烏冬 $38 🅙🅙🅙/5◭黑糖桃膠鮮奶 $28 🅙🅙🅙/5◭鐵觀音 $18 🅙🅙🅙/5⚎⚎⚎Recommendation 🅙🅙🅙🅙/5⚍⚍⚍

今日約左朋友去尖沙咀既烏蠅館食烤魚，一入到去已經有好大陣香味，7點去到已經差唔多坐滿，烤魚方面，佢有三款魚可以揀，分別係龍躉魚、三刀魚同多寶魚，問左店員三款魚既分別，因為我地唔想太多骨，所以就揀左三刀魚，送上枱之後用熱爐加熱，店員會留意住情況，食得就會幫我地收起個蓋，三刀魚肉質比較實，啖啖肉又唔多骨，烤魚會附送三個素菜，雲耳、芋絲同海帶，都非常吸味，食得好過癮。之後另外忍唔住再加左好多野黎打邊爐，黑豚肉同牛肉兩款，個人比較喜歡黑豚肉，比較嫩。另外，蓮藕、風琴豆腐、金菇呢幾款就比較吸味。整體既火鍋配料都好唔錯，特別要提既係寬粉！食落非常煙韌，又吸味，忍唔住嗌左兩份～