烏蠅館 (九龍中心大廈)

營業中

休息中

今日約左朋友尖沙咀食飯，就黎左呢到試烤魚。呢到店員服務態度都好好。我地叫左招牌香辣味嘅龍躉，辣度可以揀大中小辣，我地就叫左小辣，味道岩岩好，好岩啲想食下辣但又食唔到太辣嘅人！龍躉大條多肉，肉質又嫩。而每個烤魚都有配3個配料，每日都唔同嘅，我地當日就係雲耳，芋絲同雞髀菇。食完魚之後可以叫佢加湯再打邊爐，我地叫左肥牛，雞柳同豚肉片，加埋落魚湯到食好夠味。配料入面最推介嘅係四川寛粉，寛粉夠闊夠大條，可以吸到好多湯汁。寛粉本身都好滑好有咬口，我同朋友食完一碟都忍唔住再叫多碟！下次一定再黎食

由佢以前係天星大廈已經成日幫襯🔆不過多數都係食冒菜😋今次係第二次嚟食烤魚一樣好食招牌換咗做霓虹燈感覺好新潮咁😂環境感覺都好乾淨企理好多茶具做裝飾場內絕對無烏蠅🪰大家唔洗擔心烤魚有三款魚揀分別係龍躉魚三刀魚同埋多寶魚我見店員會每台介紹下三款魚有咩特別最後都係揀最貴嘅—龍躉魚！至於味道都有六款選擇諗都冇諗就揀咗招牌香辣烤魚！去一間舖頭食嘢梗係要食佢嘅招牌啦提提大家佢本身烤魚都包三款配菜㗎（免費）不過邊三款呢就視乎當日有咩提供而今日就有木耳芋絲同埋杏鮑菇都有好多其他配菜可以加因為得兩個人食所以只係加左海白菜同烏冬條魚一上嚟嘅情況店員話要等去滾咗啦大約七至八分鐘咁就可以打開蓋食架啦新鮮滾熱辣所以好多煙好難影個汁好濃蒜味嗌左小辣兩款配菜必須介紹海白菜一直以來都好鍾意食但香港好似越嚟越少地方有！好爽口！推介大家必食！至於烏冬係稻庭烏冬非常吸湯魚肉烤得好香本身唔鍾意食魚嘅我都覺得好好食完全唔腥食哂

呢間餐廳朋友仔已經同我介紹咗幾次，唔止好食，仲要有良心 佢話幾乎上每個星期至少Lunch嚟一次，咁誇張真係好吸引，終於約到今次帶我嚟威食晚餐！有得揀一般打邊爐或者烤魚，因為覺得係食川菜，烤魚就再切題啲，加上本身都超鐘意食魚。有得揀魚同邊隻辣，魚我哋就唔係話好識，咁就揀咗個中價嘅嘅三刀魚($288)，味道就係傳統麻辣，要小辣。嚟到魚原條上，超大一條，員工有幫我哋睇住焗幾耐先可以食。呢個烤魚本身都跟住啲配菜，有金菇、芋絲同雲耳，全部都係好入味，而大家都會食嘅嘢，本身有想食雲耳，有配彩又可以慳一個餸錢朋友話呢度嘅寛粉($28)超出色，同出面嘅唔同，連麻啲麻辣嘅湯底食真係堅正我就叫咗有麻辣就不了嘅鴨血($78)，食落去爽口，味道重，正呀！雖然知食烤魚放菜會好油，但都想有啲菜平衡下，呢間餐廳好好，有得揀雙併菜，好似我哋咁，一個想食油麥菜，我又想食娃娃菜，就啱啱好，仲要都只係$38，嚟到都唔細份。蓮藕片($35)，又係朋友仔強烈推介，叫咗都真係無後悔，食落去好爽口，好好味，加埋啲汁辣辣地真係好正，好彩有叫咋！最後梗係叫多個肉食，因為朋友仔唔食牛的，就叫咗個黑豚肉($88)，好好食呀！再最後就係飲品

叫左個泡椒酸菜烤魚，就係食到咸字同啲花椒香料濃到放唔到落口，拎走左一半湯加左三次水先食到下…俾錢買難食真係勁唔開心，你話百零蚊都算，當買個教訓，下次唔好黎食…純粹喊左薯仔萵荀粉絲加埋都$600，錢真係好掙，求其煮啲野就收人咁貴。唔知點解咁多好評，我都比好評昆左，只能講真係超多打手。覺得難食嘅人又未必有心機打二百字去寫劣評…但我就係唔想比佢啲奸商得呈如非必要，真係唔好去試伏，從來未有一間差到要我花心機打二百字劣評，真心唔建議大家去食

#正宗川菜#必食烤魚#今日同朋仔經過尖沙咀嗰邊，之後見到有間餐廳個名幾得意😎佢叫做‘烏蠅館’😎一入到餐廳，就發覺佢嘅裝修幾特別，好有文化氣息嘅特色，而且餐廳都幾新淨同乾淨原來喺一間川菜呢間餐廳都有幾多選擇，有火鍋、烤魚、冒菜等等😎今次同朋友就叫咗烤魚食個湯底係特色泡椒烤魚，條魚叫咗三刀魚（個店員同我哋講，呢款魚比較嫩口同相對上少骨），而且仲有三個時令素菜係個鍋入邊，今日有雞髀菇、云爾同茄子🍆都幾足料🥸一打開個蓋😎就聞到陣陣香辣味🥳而且條魚好大條，仲要好新鮮🥳 又滑又嫩口🥸一個字正同食雞煲嘅原理一樣😌食完啲魚就可以打邊爐其實條魚真係好大條😌但由於我哋都幾為食下我哋嗌左個葉類雙拼（韭菜同皇帝菜）同埋一個叫做風琴豆腐串😌佢個樣都幾搞笑下😂唔怪得知叫做風琴豆腐串🤪個樣都幾風琴下啲蔬菜都幾新鮮而且風琴豆腐浸左落個湯度好耐完全勁入味😙真係好滿足呀🤭下次等我試吓其他嘢先

平時雞煲火鍋吃多了，總想轉一轉口味，吃點健康一點的，所以今天就去了吃烤魚！招牌香辣烤魚—多寶魚（２４８元）原本想吃麻辣的，但看到這個有招牌兩字，就改選了這個，但意想不到味道還真的很不錯，湯底味道非常香濃，辣中帶一點點的麻，但又加了很多蒜，所以會有陣挺濃的蒜香味，吃起來非常惹味！而我選的多寶魚沒什麼骨，肉質比較結寶的，肉挺多，吃起來挺方便，配上湯底一起吃挺不錯！而烤魚會配有三款時令素菜，今天的是芋絲，蘿蔔片和雲耳，都是我挺喜歡的，芋絲和雲耳爽脆，蘿蔔片非常吸湯，味道清甜！四川蕃薯粉（２８元）這個煮完以後，吃起來嫩滑Ｑ彈，而且非常吸湯，吃起來特別過癮！檸檬蝶豆花（１８元）這個顏色很美，淡淡的紫色，蝶豆花味道比較清淡，所以整杯的感覺就像檸檬水一樣，帶一點點的甜。紅糖糍粑（２４元）作為小吃，這個性價比還算不錯的，一共有五件，而且都不少，炸得很脆，不油膩，吃起來外脆內軟的，帶有米香，配上香甜的紅糖和黃豆粉，愛吃軟糯的人一定要點！

今天為了要歡送朋友回台灣選擇了烏蠅館才剛進到門口就已經愛上裡面的裝潢了因為該餐廳的餐點有賣很多茶類飲品所以在櫃檯處 也有很多茶類的商品可以選購在餐廳的牆壁上有一面牆是整面的茶壺擺飾古人說 數大便是美大概就是這個意思了今天我們都點了八餸的B餐話說該餐廳提供的菜色非常豐富沒想到選了8餸居然才58蚊非常划算餐點上來後 真的沒讓我失望料蠻多的火鍋麵也讓我非常驚訝火鍋麵 - 看似泡麵麵條外觀 卻有著拉麵的內心與嚼勁Q到讓我吃了一口之後 久久不能自己下次會再來試他的招牌烤魚

Lunch time成日見好多人排隊,搵日提早嚟食。閒日11點零嚟到，冇乜人，自己搵位坐就點嘢食份量ok，蒜味好勁，我下次會走蒜點咗小辣，我覺得一d都唔辣米線好滑，鴨血牛筋入味，牛筋炆得好淋，雞翼就普通下次會試豬大腸，大辣

昨天放工 同同事去左公司附近dinner 平時lunch time經過見到好多人 一直未試過我地6點3去到 唔洗等 一人點左一個餐 比起其他餐廳好唔同 一個麵竟然可以跟6個餸 我點左豬紅 娃娃菜 牛筋 風琴豆腐串 豬大腸 金菇 四川酸辣湯米粉 好好味 唔會太酸太辣 岩岩好跟餐加＄10 有熱蜂蜜玫瑰茶 好滋潤同事一樣點左6個餸 肥牛 鴨血 海帶苗 牛筋 海白菜 海帶結 藤椒湯火鍋寬粉 我試左啖佢碗湯 仲好飲 不過偏油ge 但真心好味佢一樣加10蚊 配左熱蜂蜜茉莉茶 overall 呢餐簡單好味

最近因為疫情無辦法翻大陸食烤魚 好掛住啊🙈 所以去咗烏蠅館 食呢度好出名嘅烤魚🙈呢度烤魚有多寶魚 三刀魚 龍躉魚 呢三款魚都比較少細骨 唔洗怕卡到喉嚨👍🏻👍🏻👍🏻 味道可以揀蒜香 鮮椒 麻辣 泡椒 香辣等等🥰 配料有餃子 粉麵 海鮮 素菜 丸類 滑類 肉類 超過50種選擇 好多配撘😆呢度嘅飲品都幾多種類 有侯生仔好鍾意嘅黑糖系列 最值得讚係有自家特飲 又有糖水👍🏻呢度酸湯冒菜好名 用四川老壇泡菜 發酵半年而成🤤 值得一試！我地叫咗川式豆䜴烤魚 揀咗三刀魚 $288 等咗一陣就可以食 呢個份量二人啱啱好😍裏面有芋絲🤤有菇🤤我地唔夠飽叫咗四川火鍋麵 原來姐係四川嘅公仔麵🤣🤣🤣呢度仲有酒叫 啱晒大家一班人吹水打邊爐傾計👍🏻

好鍾意食魚嘅我，今日同阿媽嚟尖沙咀試吓呢間冒菜餐廳，叫烏蠅館。門口好有中國特色，天花裝置大燈籠，而且木板制。餐廳地方都幾大，門口位置非常多，再行入啲其實仲有空間可以放十幾張枱，然後仲有多一層。基本上等位都好快有得入。烤魚方面，大家可以選擇唔同嘅味道同埋魚，如果想食火鍋嘅朋友，亦可以選擇火鍋。配菜款式亦非常多，而且其實食烤魚，最後可以叫店員加湯，用嚟打邊爐都得。今日叫咗蒜香烤魚，蒜蓉味十足，好香。魚方面，叫咗三刀魚，肉質鮮嫩，而且魚骨都幾大，唔怕挑唔到。建議大家食魚嘅時候，要盡快食，因為太耐嘅話就會太熟，魚肉就變得硬身乾身。配菜方面有叫到雞件，雞肉幾新鮮再嚟多個鴛鴦魚滑，有蝦滑同埋墨魚滑，雖然份量睇落有啲小，但其實足夠兩個人食。再嚟就係呢個土豆面，真心推介，好好食，食完會想再叫多次。個面唔似薯粉或者寬粉箇中煙靭難咬，又唔似烏冬咁冇咬口，好特別。

今日去咗尖沙咀行咗陣街 然後朋友話想食辣野 咁就去左呢間餐廳到食烤魚喇我哋揀咗招牌香辣烤魚～多寶魚 招牌香辣啱啱好 食咗魚嘅鮮味又唔會太嗆👍🏻 多寶魚冇乜骨 魚肉又滑魚就直接同職員講想要邊款 然後其他飲品同埋配菜就自己用電話落單 啲素菜大部分都可以雙拼幾好 啱曬我乜都想要少少😝雲南豆皮 同平時啲鮮腐竹個樣好似 但係佢嘅特點就係煮幾耐都唔會太淋或者溶埋 仍然保持到有口感同埋彈性四川土豆粉個樣似烏冬 不過口感有少少似薯粉 但係 唔可以煮太耐 因為會好快林同易斷黑糖桃膠鮮奶 平時都係飲開珍珠 但呢度有桃膠揀就梗係要試下啦 估唔到呢度嘅飲品都幾出色 面嗰浸奶蓋有少少雲呢拿味桃膠又夠特別紅糖糍粑 其實食曬上述嗰啲嘢都已經好飽 但係真係好想去呢個甜品 好彩佢都冇令我失望 外皮夠脆 入邊軟熟彈牙 再加埋啲紅糖 yummy🤤

今天本身是打算和朋友和小雞胃一起去吃the cheesecake factory的，結果竟然兩點了還要排隊，於是臨時換了這家，這家店我總共吃過三次，其實我覺得味道不錯，尤其是酸辣湯底，很夠味，朋友的飯我倒是覺得一般

#灰到尖沙咀🔻冒菜A餐(6款配菜加火鍋寬粉、BB辣）$50+5我就揀左風琴豆腐串、豬大腸、豬紅、竹笙、魚腐、土豆片。唔知係咪因為一開頭我填漏左一款配菜（土豆片），而佢哋同時已經整左，所以上台時係冇土豆片。整體配菜份量多過寬粉🤣寬粉都幾煙韌，配菜味道普通，豬紅完全無味🤔唔建議叫😂。🔻桂花蜂蜜冰粉(配餐+$15）食落感覺冰涼幾舒服，我自己覺得桂花味可以再突出啲。🥴-👅食後感：呢間除左冒菜，仲有得食烤魚。味道普通，我唔建議排隊食冒菜（烤魚另作別論🤭）TMI餐廳嘅食物味道(?)勁到我個袋第二日仲有陣味😶‍🌫️-👀個人喜愛度：5.5/10-🚩 烏蠅館 (九龍中心大廈) (尖沙咀)尖沙咀亞士厘道29-39號九龍中心大廈地下G29號舖-#美食 #香港美食 #homekong #hongkong #hk #hkfood #foodie #hkfoodie #香港 #홍콩 #맛집 #음식 #寬粉

返工Lunch 既時候，間唔中都會搵下d唔同既野食，今次就為大家介紹下呢間位於亞士厘道既川菜烏蠅館。今次食既係午餐，佢地既午餐唔貴，單人餐都係＄50有自選8餸麻辣燙，再加＄5就可多選一個粉麵，今次我就揀左個單人餐加寬粉，個寬粉比較少地方有，口感都唔錯，而餸菜都好入味既，可能揀既係麻辣湯底 BB辣，真係一d 都唔辣，如果唔食得辣既朋友仔，間鋪係有唔辣既湯底，另外鋪頭仲有花茶賣，果然好養身人均消費：午市＄60左右門口外賣紙店內花茶包食物