為食仔海鮮火鍋專門店

營業中

休息中

話說好耐都冇打邊爐，今日忍唔住同朋友收工之後出旺角，試下呢間以卜卜硯煲聞名既為食仔😍入門口前，店員會主動為每位客人以酒精搓手液清潔雙手，亦會提供透明膠袋比食客袋口罩同一片Air Mask，呢種服務非常貼心，令食客食得安心！餐廳提供食物同醬油款式頗多，唔錯～講番食物質素，店員推介佢地其中一項招牌「18禁卜卜硯煲」～由於我地唔食得太辣，揀左「BB辣」，雖然比想像中辣，但係好香好惹味！另外，值得一讚既係，呢個卜卜硯煲份量超足，硯肉好新鮮，而且唔多沙，食得好滋味！小食方面，我地叫左超邪惡既「黃金魚皮」，炸得香脆可口，再淋上濃稠的鹹蛋黃汁，正啊！！而火鍋配料，我地叫左油脂分佈平均既「安格斯雪花肥牛」、岩哂女士美顏既「原筒花膠」同打邊爐必叫既「皇帝菜」～全部都好高質且價錢唔貴，可以一試～

我本身極中意食蜆～知道為食仔蜆煲出咗優惠，晚上9:30之後入座可以任添蜆🤩咁抵緊係要黎試試佢我地就揀左原味蜆煲，主要係蒜、蔥同辣椒粒粒都漲卜卜，又鮮甜～店員仲不時會黎收啲蜆殼，好貼心！肥牛🐮 因為呢間主要係食蜆，所以本身對佢地其他野冇抱太大期望。但係呢個牛！！！望啲雪花都覺得靚，唔會入口即溶，但個質感都唔錯唔會韌，牛味都算重👍🏻紫菜響鈴🔔呢個響鈴比較特別，入包住一層紫菜食落都幾得意，而且令本身冇乜味既響鈴多左啲紫菜味油麥菜🥬打邊爐必食油麥菜，吸湯得黎又唔會油，呢到啲油麥菜都幾靚仔，新鮮又乾淨！最後唔少得就係自家製餃子🥟皮薄餡靚！我地食左兩三輪蜆🤪每次都係咁新鮮！咁抵食～下次都要再黎👍🏻

天氣忽然又轉寒，令人想起火鍋，新聞都有講過火鍋係無問題，只要各人注意衛生，今晚就去左呢間烚下烚下呢度除左傳統火鍋外，仲有特式鷄煲及鍋底，又有一人一鍋，各色其式!  火鍋配料選擇多樣化，真係要比少少時間去點菜未入去前門口已預備好酒精搓手液供客人消毒雙手，亦每位客人派發Air Mask個，所有餐具都係一次性即棄，所有員工佩帶口罩唔在講，每小時都清潔地方，帶給客人食得放心!  仲有杯自家製柑桔檸蜜送比客人滋潤一下，幾貼心!太耐無食過鷄煲啦，今晚就黎個卜卜蜆鷄煲 ($138)，辣度由BB級至大辣，呢個係BB級，都有3-4隻辣椒架煮至出煙就食得，加入唔少紫洋蔥，蒜頭，沙薑，香葉及香辣醬，未食已經聞到香味先食蜆，隻隻開口，無食到沙粒，沾上香濃醬汁，似食緊炒蜆而鷄件斬得頗細件，肉質又幾嫩滑喎，配埋惹味醬汁，一件接一件呀食唔停口!  仲有D紫洋蔥，煮到甜味出晒黎，唔可以漏左佢呀!食到有D辣辣地，當然叫返杯凍檸樂疏干一下，WOW，仲要係支裝可樂........正呀!食完鷄煲後，再加入鷄湯就可以開始火鍋環節，先黎個珊瑚蚌 ($98)，簡單快捷就搞掂一客份量相當對眼，每片大細都適中，唔怕烚完都無咩得食，入口

兩個人去旺角搵野食，除咗成日行ge登打士街，後面隔幾條街其實仲有大把嘢食。今日就決定試吓呢間火鍋店。疫情嚴峻仲要打火鍋！唔怕，入去之前都要量體溫，仲俾一人一個透明袋俾我哋入住口罩，夠晒衛生。經店員推介我哋選咗一鍋兩食：麻辣雞煲+火鍋，點咗一碟日本和牛左上肩肉，花膠筒，娃娃菜。麻辣雞煲： 唔係好識食辣嘅我哋只咁叫BB麻辣，果然啱啱好！鍋底好香食落味道不會過濃過油過鹹，就算食完之後都冇覺得好濟！而雞肉賺得好衰，但冇乜碎骨，而且嫩口，不錯！仲有主角：4隻鮑魚仔！正啊！而店員推介的韓國米酒，非常好味！食完雞煲，加左上湯變成火鍋煲：D花膠筒比想像中大條，加入上湯尼煮，味道啱啱好; 但比較可惜嘅係我哋掛住傾計，搞到啲牛肉成日煮到過硬…呢間鋪頭9:30之後有不同優惠例如$98蜆煲，都幾多人入嚟試！✔️總括而言：店員服務好，食材好新鮮，味道惹味，絕對值得回頭！

我和朋友，一行兩日內到旺角搵好東西吃。除咗熱鬧的登打士街，相隔幾條街的白布街一樣好多選擇，今日嚟到呢間火鍋店，決定入去試吓！入去之前，店員幫我地量體溫，仲俾我哋一個密實袋入住口罩，非常貼心！一坐低，店員非常熱誠咁推介火鍋。最後我哋選咗BB麻辣雞煲+火鍋，另外仲好豪氣地叫咗一碟日本和牛左上肩肉，花膠筒，娃娃菜。麻辣雞煲一放落嚟已經聞到好香，食落非常惹味，味道不會過濃過油，讚！雞肉份量夠，非常嫩口，配上麻辣鍋底，好好食，再配上店員推介的韓國米酒，絕配！食完雞煲，店員好快手過嚟加上湯變成火鍋煲。而花膠筒足足有我成隻手板咁長！簡直係正！而和牛肉肉味非常香濃，正！食到9:30 ，突然發現越來越多人入嚟，然後先知道9:30之後有不同優惠例如$98蜆煲，一蚊一隻甜蝦…總括而言，店員服務非常好，食材好新鮮，味道較得啱啱好，絕對值得回頭！

卜卜蜆是這裏的名物，因為太太喜歡吃蜆，便來到了。在這個非常時期，店員每小時，都勤於清潔店內用品，服務值得一讚。👍👍👍👍👍胡椒豬肚蜆鍋由於卜卜蜆有約三斤之多，所以除了濃濃的胡椒和豬肚味之外，還有蜆肉鮮甜味道，跟一般在潮州菜館內喝到的胡椒豬肚湯有很大的分別，卜卜蜆湯果然是這𥚃的名物，是必選湯底之一。這個胡椒豬肚蜆湯，俱有驅寒作用，忍不住喝了兩、三碗，之後全身感覺有股暖流在流動着。吃完了蜆肉之後，店員會為鍋底加上魚湯，就可以開始火鍋。本地牛肉吊龍伴，吊龍伴是牛的背部，脂肪不多，但牛肉味濃郁，而且軟腍，在香港可以吃到的地方不多，極為推薦。油麥菜和萵筍，吸收了鮮甜無比的湯底，味道更佳。墨魚丸只需放在湯底一會，待浮在湯上，就可以吃到爽彈牙美味的墨魚丸了。烏冬是讚岐烏冬，放在湯裏，吸收湯底的鮮味，爽口彈牙，極為吸引。鹹檸七，酸酸甜甜，是火鍋必須選飲料之一。青島啤酒🍻，冰凍無比，一邊吃火鍋，一邊喝啤酒，真是人間樂事。自家製XO醬，香辣中帶些鮮味，是必選的火鍋配料之一。

為食仔都食咗有4/5年🤔🤔以前讀書個陣興任食，$200 左右就已經可以食到好飽😂😂而為食仔都算係中高價位嘅邊爐🤔🤔所以個陣都係食佢9點鐘個半價優惠多又有得任食蜆，嗌埋啲野食除番開每個人都唔係係好貴👍🏽依家當然無咩所謂啦，都可以得食得好啲😂佢個招牌辣醬都係得旺角先有👍🏽唔算好辣而且味道豐富，唔會得個辣字今日就試咗佢個鹹蛋卜卜蜆乾鍋味道真係好夠同好香鹹蛋味👍🏽👍🏽不過如果你少人食嘅話千奇唔好嗌呢個！因為真！係！好！漏！食咗半已經有飽意4個人食就參唔多手切牛頸肩好香牛味👍🏽韮菜餃唔知係咪手包呢勁好食其他都ok👍🏽👍🏽2人嚟食都係食番清湯啦😂😂😂

呢排成日都係食麻辣火鍋，今晚決定食下其他～呢間出名食卜卜蜆，我地去到坐左係樓上，店員好貼心咁行過黎介紹，因為我同男朋友都中意食辣，所以佢就推介左18禁卜卜蜆煲，我地叫左個bb辣試下水溫先。個蜆煲一黎到，畀個蜆既份量嚇親，HKD178咁大煲蜆真係好抵，仲要隻隻都好新鮮，唔會有沙同埋唔開口既蜆👍🏻 辣味岩岩好🌶之後叫左個頂級安格斯肥牛，份量都唔少，入口即溶，好重牛味😋店員誠意推介佢地自家製既手打丸，我地就叫左個手打四寶丸黎試，有牛丸、豬肉丸、墨魚丸同蝦丸。我自己本身唔好食丸都真心覺得好食，真心推介👍🏻另外再叫左個鮮蝦水餃，皮夠薄餡夠足料👍🏻最後必叫我最愛既萵荀同啤酒😋

係旺角收工唔知食乜好，同朋友行經麥花臣球場，見到有間餐廳好多人等緊位，就去睇下。原來間餐廳叫做為食仔，係食火鍋既，加上近排天氣都轉凍，打邊爐食雞煲就一定係最佳選擇我同朋友等左陣，終於入到餐廳，入到去氣氛唔錯，坐位都舒服，侍應招呼好周到，即時問我地會想食咩，同埋介紹D精選及推介比我地，餐牌既選擇種類都幾多，肉類蔬菜類都有好多品種，真係睇到眼花撩亂。最後我地點左一個雞煲，個人食唔到太辣，聽店員建議可選擇微辣，然後點了一份安格斯肥牛、餐廳出名既黃金炸響鈴、蝦膠奶皇包及一杯特色的菠蘿沙冰。係我地等待上菜的時候，菠蘿沙冰已經送到，可能沙冰有少量果肉，一啖飲落去，真係有講不出的好味。當店員將雞煲送上既時候，入面滿滿的雞同埋蜆，已經流哂口水。等左大概10分鐘，店員亦上齊我地點既食材，咁我地開始食雞煲，雞肉的辣度適中，我少吃辣的都能接受，當我地食完雞及蜆後，然後可以加上湯變火鍋。打邊爐先吃響鈴是常識吧，我將黃金炸響鈴放入去數秒即撈起，一口咬落去，還帶有香脆及蛋黃的味道，一個字，正!然後我地將安格斯肥牛放落去碌，牛肉的脂肪均勻，一啖咬落去，牛肉的味道好濃，真係好想在點多一盤。食左大概兩小時，打算轉場食甜

早前網上見到人介紹卜卜蜆呢個term, 以為係咩新品種😂琴日行過見到為食仔門口見到大大張poster 寫住9:30pm後任食原味/黃金乾鍋既卜卜蜆😻當堂雙眼發光，反正等多三個字就九點半，一於就試下咩玩法。入座後店員好主動問我地要咩鍋，超好服務，👍🏻我同朋友兩人就一於試下黃金咸蛋黃味乾鍋，要左bb辣😼啱曬食唔到太辣又想試下辣味既人第一round 好滿好多蜆，我同朋友仔食到個咀巨攰，😂不過夠濃味，而且食得出蜆既鮮味。再加蜆的話佢係加湯煮的，無round 1咁濃不過更加食到蜆既甜味，兩種不同食法，不過我比較喜歡乾鍋多啲食完蜆仲可以叫餸打邊爐添，但由於我地兩個人叫左3 round 蜆，幾乎滅左人地條村，闺食唔到太多餸，所以只叫左西洋菜、豬腰花同黃金響鈴。坦白說，個人認為以上三樣都唔太抵食同唔太建議叫，響鈴太油膩一浸湯感覺油上加油，食一啖已經滯左八成西洋菜一份$29 但得好少，每人兩啖無曬，腰花朋友仔話有尿味洗得唔夠乾淨，我就無咩興趣所以無試到。總結報告就係食蜆好過打邊爐，既然蜆任食就不如狂食蜆，打邊爐的話相信有更多好選擇，不過值得一提係店員真係好熱心幫你加湯同加蜆整體來說唔差，可以再encor

高回頭率卜卜蜆💕-今次係我第二次黎依度食，上次就食18禁卜卜蜆煲🌶，有4個辣度，果次叫咗BB辣，問左老闆係用魔鬼辣椒，會越煲越辣，一開始食都接受到，之後真係覺得好辣，但又好惹味！如果食得到辣真係會建議食18禁，食唔到辣就食招牌喇，都好香蒜味🥰-✨卜卜蜆煲係仼食的，9點半後仲可以優惠價$98仼食卜卜蜆，無時限無上限！盡情怒食卜卜蜆‼️-招牌卜卜蜆煲(蒜蓉)$168近江和牛上肩甲肉(小)$298特色四寶墨魚丸$108(芝士、鵝肝、黑松露）手打蟹子蝦滑$78炸魚皮 $38-1️⃣招牌卜卜蜆煲⭐️⭐️⭐️⭐️望落雖然個湯好似好清咁，不過真係好鮮味，同埋如果想重口味少少，可以自己喺醬料個箱到落多啲蒜蓉同辣椒🌶️，不過真係要慢慢落辣椒，唔好一次過落好多，自己慢慢控制就得☺️蜆都好新鮮，全部放落煲之前都係未開蜆殼既，係岩岩好煲完個陣，就會有員工幫手開，開左之後都冇散哂落煲到，而且冇沙🤣/2️⃣ 近江和牛上肩甲肉［滿星］⭐️⭐️⭐️⭐️⭐️‼️高質和牛😍😍脂肪比率小，岩哂怕肥既我，而且好爽口，好新鮮，好正！！-老闆娘仲好好服務態度，上次黎食野飲冇黎，催左次，老闆娘仲額外送多2罐汽水比我地，如果有渣車，仲會幫你叫店員幫手睇住🥺🥺-環境：

晚市黎就普通打邊爐🥳不過可以一蚊加甜蝦刺身🥰🥰晚上9:30入座後先有任食蜆 蜆肉唔係好大 不過都新鮮的 係間唔中有一兩隻有沙記得之後打完邊爐飲湯🤩🤩 黑松露蝦餃人手包皮薄好新鮮-安格斯牛肉手打丸拼盤黑松露蝦餃為食仔卜卜蜆煲- Yum：👅 👅 👅/5Revisit:💃🏼💃🏼/5Price: $200/head————————————————🌟 為食仔海鮮火鍋專門店 (旺角)旺角白布街4號地舖————————————————

呢日放工同同事出旺角食晚飯，本身想打邊爐，同事提議不如食卜卜蜆煲，我問乜嚟㗎？佢話即係食完蜆再打邊爐喎🍲。我哋八點鐘入座，就即刻有位姐姐熱情招待，仲係咁介紹有乜好食。我哋當然叫咗一個招牌卜卜蜆煲啦($168)，其實有唔同湯底揀，但我哋想試原味蒜蓉嘅。味道又清又鮮，加咗少少辣椒所以帶點點辣！成個鍋嘅蜆我估有成二百隻，食唔停口，但都食到有啲攰🙈，逐隻蜆夾起都有排夾。抵讚嘅係食咗咁多隻，都只係得一兩隻有沙。聽聞餐廳九點半打後蜆仲係任食，真係不得了。不過個蜆煲比較淺水，自己淥餸時，要確保浸哂成嚿餸落水、淥熟佢。食完蜆煲之後就開始打邊爐咯，打邊爐又點少得牛🐮呢？我哋要咗近江和牛上肩甲肉(小) ($298)，脂肪分佈好靚，牛肉只需灼十幾秒就食得，入口融化。手打四寶丸🍡($78)，即係有牛丸、豬肉丸、墨魚丸同鮮蝦丸，味道各有千秋，唔錯。全部都好彈牙，好大粒，尤其係蝦丸同墨魚丸，簡直覺得可以彈番上二樓。丸類最好就係可以叫四寶，每人每款一粒，試哂咁多口味☺️。黑松露鮮蝦餃🥟($88)，總共有六隻，呢個係店員姐姐強烈推介。果然係好重好香黑松露味，仲見到原隻蝦🍤喺入面。菜🥬我哋要咗油麥菜($29)。飲品，我哋

個個都知我冬天勁中意打邊爐，但老老實實打得多港式邊爐都有啲悶，來來去去都係嗰啲湯底，今日搵咗間新野食，主打係卜卜蜆😍🥰❤️招牌卜卜蜆煲$168-特登為咗個卜卜蜆煲嚟食，果然冇令我失望，其實食完啲蜆之後都差唔多飽，係真係好大盆，而且啖啖肉，同埋完全冇沙，平時係屋企自己整係好麻煩😣 大大粒啖啖肉真係好好味😭😭😭❤️近江和牛$298-正宗和牛，牛肉油脂與瘦肉分佈岩岩好，咬落口啖啖牛油味好出 ，份量算正常size , 都幾抵食❤️黃金豆腐$58-類似椒鹽豆腐，但用既蒜蓉粒極多，豆腐咬落爽口有汁，不過好熱🙈❤️美國黑豚肉$88-本來叫左牛唔叫豬，但見到人地個碟好靚，所以又叫碟豬，有驚喜👍🏻肥瘦分明，唔會得肥❤️花枝片$48-新鮮鮮甜 ，咬落好爽口，新鮮花枝片👍🏻又大碟，價錢好抵食❤️黑松露鮮蝦餃$88-黑松露味勁豐富，加埋大大隻原隻蝦仁，超滿足之餘又唔會太漏❤️粟米墨膠奶皇包$88-呢個真係必點嘅，從來未試過打邊爐會叫奶皇包咁新奇，但我想講佢個粟米加墨魚膠配埋奶皇包個味係超級夾，肯定係第二間鋪頭度冇得食，淨係食個創意都抵啦😍😍

行過見到街招就好想打邊。【黃金蝦】$68拆左蝦頭連殼炸，脆卜卜吾覺硬，沙沙地既鹹蛋黃，愈食愈香口，系有少少油膩。【喇沙卜卜蜆煲】$188一打開鍋蓋就聞到好香料味，蜆就吾系好大隻，勝在量多，食到好飽仲剩好多。蜆肉好鮮甜，又無乜沙。【頂級安格斯肥牛（小）】$198勁鮮嫩，涮十零秒到變哂色就食得，勁軟滑仲好有肉味。【粟米墨膠奶黃包】$88彈牙墨丸包住鹹蛋黃，仲有甜甜地粟米粒，好搭配，不過煮太熟裡面就吾好食。【自家紫菜炸響鈴】$58放落鍋煮3秒到，響鈴索哂鮮甜既湯汁，又軟又有嚼口，愈咬愈有紫菜既味道。【菠蘿沙冰】$38大大杯沙冰【薏仁水】$18薏仁好似培烘過，好香。