為食仔海鮮火鍋專門店

營業中

休息中

去食卜卜蜆煲，有多款味道選擇，分別係招牌、喇沙、胡椒、藥膳同黃金。18 禁卜卜蜆煲 $178最後我地都係揀左 18 禁，個名令人好想試試。叫左 BB 辣都不容忽視，真的好地獄的辣呀！一盤蜆，估計有過百隻，隻隻肥美又冇沙。仲要小心𥄫住，一開口就好救上來，因為果一刻係最鮮甜美味架。越煲越辣，越辣就越惹味。食完蜆、加點湯就可以打邊爐了。本地新鮮牛展 $168牛展打邊爐比較少見，相比牛肉，佢更有牛味，亦比較有咬口。美國黑豚肉 $118豚肉食得出係靚豬，有豬味得來唔會膻。感覺比牛𦟌更淋滑更鮮，必食！手打四寶丸 $78有豬肉丸、牛丸、蝦丸同墨魚丸，每款一粒可以試勻曬。好彈牙，有口感。其中最愛是牛丸，好濃牛味，正！皇帝菜 $32新鮮靚菜，明顯廚房有洗到好乾淨先上菜，讚！凍檸樂的檸底夠大杯，爽！餐具和餐廳本身亦好乾淨，有用心清潔唔會痴笠笠，令人食得份外安心。晚上九點半後仲有 $98 怒食卜卜蜆，下次再來。

雞煲卜卜蜆之前去過為食仔食卜卜蜆，覺得好食，再食一次。未到９點半，未太多人，好快就可以入座，因為９點半後可以免費加蜆食。叫左雞煲蜆，牛展，四寶丸，餃同菜，加兩杯野飲。１８禁卜卜蜆鷄煲，辣度由BB辣至大辣，我地叫左小辣，只係有3-4隻辣椒，可接受！當中加左唔少蒜頭、洋蔥，小小香葉同辣醬，煮左幾分鐘都已經有陣香味出黎。 一開波就緊係先食蜆，隻隻已經開晒口，佢洗沙到洗得幾乾淨！無食到沙粒，好似食緊炒蜆咁鷄件肉質嫩滑，加上惹味醬汁，其實都係大大件嫁算！入晒味食唔停口! 紫洋蔥都煮得７７８８，煮到甜味出晒黎，好食。加水變打邊勞～韭菜餃子有六粒，飽肚之選。手打四寶丸手打係真係吾同Ｄ，同用機整個分別就係手打更加彈牙，同埋口感係吾同Ｄ，牛丸好食。牛展牛味道幾好，加上個湯底仲有少少辣仲更加出到牛味。娃娃菜份量算多，而且吸晒湯底既精華。男朋友食到有D辣辣地，當然叫返杯酸梅湯既下辣。我都整返杯鹹檸七可以下下火。

卜卜蜆鍋有多款口味選擇，包括原味、辣、喇沙、胡椒雞湯等。由於朋友唔食得太辣，所以叫左十八禁卜卜蜆BB辣，服務員話會越食越辣。卜卜蜆鍋係用新鮮沙白蜆，粒粒飽滿，Size亦唔係幾細，超級鮮甜，而且粒粒都好乾淨，完全冇沙，好大份好足料，絕對唔會好似殼多過肉，而湯底充滿鮮蜆味道，少少辣好正，鍾意食既朋友一定要試。食完蜆可以落火鍋配料打邊爐，推介牛肩胛，又唔貴又好食，叫左細份都有好多，色澤靚，紋理分布平均，牛味濃郁有嚼勁，令人回味！

喺餐廳門口見到好大煲卜卜蜆既圖，就被吸引了進來。一入門口店員會比口罩袋同埋幫我哋量體溫，同埋噴酒精消毒雙手好乾淨。一坐低仲請我哋飲一杯店家自製嘅柚子蜜。 點了個鹹菜豬肚卜卜蜆，一大煲一滾起嘅卜卜蜆 最好食😋配埋佢哋嘅自家製XO醬，感覺就更加惹味。湯滾起左食晒d卜卜蜆，然後再飲一碗胡椒豬肚湯，之後再加少少湯打邊爐。胡椒湯好鮮甜。超讚的👍🏻自家黃金炸響鈴 ，因為係即炸嘅就咁食又得/浸一浸個湯底食就會有唔同感覺，但佢嘅鹹蛋黃好滋味菠蘿沙冰,好大杯，一路打邊爐一路飲清熱解渴，涼透心柚子沙冰好清甜近江和牛下後腿肉 口感比較爽脆，食完超滿足黑松露鮮蝦餃裡面餡料好豐富大啖大啖蝦肉好惹味最後食埋烏冬就飽飽啦晚上仲有優惠好抵

一諗起打邊爐，我相信好多人都會諗起卜卜蜆煲。而做卜卜蜆煲做到出晒名嘅呢一間為食仔，我聽過朋友介紹好多次，但係我一次都未試過。咁岩今晚女朋友話想打邊爐，我就決定去呢間為食仔到試下👍🏻一入到呢間餐廳，店員會第一時間為我們量度體溫，提供酒精洗手液俾我哋消毒，仲會細心地提供一次性口罩儲存袋俾我哋存放口罩，而且每一張枱都會放上一個Air Mask，確保客人於餐廳進食過程衛生同埋安全。見得出餐廳非常用心去保護客人，加上全程店員都好有禮貌咁對待客人，我明白點解佢地會咁出名了👍🏻👍🏻餐廳主打食卜卜蜆煲，原來淨係湯底，都有好多選擇，我哋揀咗一段時間都未揀到食咩湯底，店員就好貼心咁樣走過來介紹我哋邊一個湯底比較好。最後我哋揀咗鴛鴦湯底，招牌卜卜蜆煲 配 咸菜豬肚卜卜蜆煲。以前食過其他嘅卜卜蜆煲，通常都係份量好細，點知一上菜，我同女朋友都嚇咗一下，百幾蚊一個湯底，竟然有咁大煲卜卜蜆😍😍加熱一陣，就可以開始食，呢一個煲，兩個人食，份量算非常非常多。我比較鍾意鹹菜豬肚湯，佢哋個湯底有蜆嘅鮮味亦都有好濃嘅鹹菜味，可以一路食蜆，一路飲佢既湯，非常高質素。而招牌湯果邊都吾弱，由於女朋友好鍾意食蒜頭，而呢個招牌湯底係加

疫情下想打邊爐，但又人心惶惶？就要搵一間衛生措施做得好好的火鍋店。今日經過旺角，真係好掛住為食仔卜卜蜆，所以決定照食唔理啦。店員係門口已經幫我們用搓手液清潔好，仲有個消毒包比我們放在桌子旁邊，據說可以消除周圍的細菌，特別好的。一坐下，店員就給我們遞上一杯自家製柚子茶，據說潤喉除感冒，好貼心好好啊。來過幾次，很快就點到喜歡吃的菜式，首先來個卜卜蜆雞煲小辣，大大煲雞煲真係好野味，加上卜卜蜆都有雞煲味道，真係又香又正抖。食完個雞煲，就可以加湯做火鍋，我們點了幾個菜，有手打四寶丸，自家黃金炸響鈴，皇帝菜，還有本地新鮮牛頸脊。這個四寶丸是四種不同口味，有牛，豬，蝦，墨魚，粒粒都大大粒，口感有魚膠的彈牙爽口，不同味道粒粒都咁好味。自家黃金響鈴也是好好吃，所謂的黃金係鹹蛋黃好邪惡，但食左返唔到轉頭，超香超入味。同埋個牛頸脊，肉紋顯明，口感有嚼勁，食得出牛的新鮮。特別一提係這裡的店員都十分熱情又認真勤奮，密切關心及注意我們所需，真係讓客人感到賓至如歸的感覺，特別要稱讚的。

我本身都係諗住求其揀間食，點知佢地抗疫責任意識極高⛑係門口walkin都會問你電話號碼，因為係要追踪食物鏈，萬一中招就會check得返，通知到食客。入去之前會問你有冇口罩袋，冇就比一個你，佢再幫你倒精神搓手液先比你入！👣入到去姐姐再問你想要即棄餐具定普通餐具，等食客有得揀！不得不出post讚佢地🌸卜卜蜆（招牌/藥膳）：佢$68一鍋有好多口味揀，招牌就係蒜蓉辣椒，夾蜆食好清甜過癮🥰而藥膳係真心放左好多藥材，個味極出，但未到甘到苦出黎，nice🌈我地好大食，加左四次蜆，值回票價👼🏻甘多隻都只係得幾隻冇開口～淮山、蒿筍☀️：$28黎講份量都算多，煲落去個蜆湯到，好入味🌹咸蛋魚皮🐟：佢係熱辣辣既，咸蛋醬好多，略嫌個魚皮有d太厚，做唔到太脆，反而有少少硬～

今日去了旺角我們去了食火鍋雞煲我們點了一個卜卜蜆雞煲牛肩肉豬肉黑松露蝦丸卜卜蜆雞煲蔬菜藍一上台就已經熟了，只要炒幾下就可以食！食完卜卜蜆雞，就可以加湯打邊爐！牛肩肉，肉味香濃，煮幾煮就熟！豬肉肉片都不錯！肉質香軟淋滑黑松露蝦丸第一啖，有好香好濃郁的黑松露味，內面包左芝士！蝦丸質感爽口彈牙！鮮甜爽口！蔬菜藍有幾款不同的菜！總結價錢 合理環境 上一樓比較闊落！味道 不錯缺點 設計～gas 爐不夠火力！煮得比較慢！

話說近年好興食卜卜蜆，見倒成個鍋滿晒脹卜卜嘅白蜆真係令人流口水🤤今次朋友帶蕃薯妹嚟食卜卜蜆火鍋～ 去到餐廳大門睇到外牆已經食慾大增😍抗疫期間嚟打邊爐都無有怕，餐廳門外有消毒酒精俾大家消毒雙手，亦有寫明發燒🤒️嘅話不招待，而且餐廳仲推出一人一鍋俾大家選擇，店員落單時都有問要一次性餐具定係用普通餐具，夠曬細心。餐廳都幾大，有兩層。下層食客已滿所以我地坐上層。坐低之後店員會奉上一杯熱柚子蜜俾食客滋潤吓喉嚨。仲有值得一讚嘅係店員好有禮貌態度好親切👍🏻 食都食得開心啲～落咗Order之後，卜卜蜆上檯喇😍我地選擇咗18禁卜卜蜆煲，不過揀咗Bb辣😂，Bb辣惹味得嚟唔怕太辣，而且湯底會越煲越辣，如果試過唔夠都可以叫店員加辣咖。蜆肉鮮甜無沙，好正～～食曬啲蜆之後店員就加湯俾我地打邊爐，隆重介紹呢碟《近江和牛下後腿》，超級好味！牛肉味香濃而且入口即溶，放入鍋烚幾秒就食得！必點推介！另一必食推介《自家黃金炸響鈴》，好香嘅咸蛋黃醬，放落鍋輕手拖一拖就食得，唔好浸曬成舊會洗走咗啲咸蛋黃醬😆 響鈴夠脆，同咸蛋黃醬配搭非常正！手打墨魚丸好彈牙又鮮甜～飲品推介鹹檸七，而家唔係間間餐廳有得飲，別有一番舊冰室風味。全部嘢都

疫情蔓延中，之前又發生過邊爐家族事件令人人心惶惶，但作為一個邊爐忠實粉絲，真係好難忍呀。於是同朋友相約黎到為食仔打邊爐，除咗佢地好出名嘅卜卜蜆煲外，而家仲多咗一人一鍋嘅選項，了解到而家普羅大眾嘅憂慮，又照顧到有時得一個人都想食火鍋嘅心情，非常貼心。入門前都會幫客人探熱，預備好曬酒精搓手液俾客人洗手，每位客人都派一個密封袋可以入住口罩。每位員工都戴上手套同口罩招呼客人，清潔工作滿分呀，保證客人食得安心。今日叫咗叻沙卜卜蜆，蜆肉雖然偏細隻，但粒粒新鮮鮮甜，叻沙湯底雖然唔夠平時外面食麵嘅濃郁，但味道都夠，啱啱好唔會掩蓋曬蜆嘅海鮮味。之後仲有豬肉片同手切肥牛都非常新鮮，厚薄適中，吸收咗蜆同叻沙嘅湯汁，正。另外非常推薦佢地自家製嘅丸類，用料新鮮又足秤，好鮮好彈牙。食飽飽，俾完錢員工再提客人用酒精再洗洗手，呢餐食得真安心。

講左好多次想食卜卜蜆都冇時間去食 今日終於抽到時間過黎食la今次我地有bk位所以吾洗點等同埋過左9點半之後就可以以98蚊仼食蜆 所以 鍾意食蜆既人一定要過黎食 先講食物 今次我叫左個新出既黃金蜆 佢係唯一一個用炒既黎做 之後加個d就變返普通既蜆我自己就比夠鍾意食黃金蜆多D 食落去個鹹蛋味都好重 之後加左蜆後 蜆既鮮味都好重 另外佢地都會要求我𢵌order 2個配菜用作打邊爐 是次我地都叫左4樣用 份量都算多最後個人認為此店員工服的態度不錯 會自動幫您加湯等等 由於最近肺炎 佢地都有安排消毒酒精

為食仔出名食卜卜蜆就眾所周知，今次見到人哋食鮑魚雞煲超級香，終於忍唔住要試吓🙈🙈下次再食卜卜蜆先。 而家疫情時期，餐廳做足晒防疫準備 。有一人一鍋之餘仲會提供一次性膠袋俾你放口罩，消毒搓手液，仲有air mask同一次性餐具俾你揀😚👍🏻咁就可以安安心心咁樣食火鍋～！我哋叫咗大辣嘅麻辣鮑魚雞煲🤭嚟到嘅時候已經聞到一陣陣辣味，一開個蓋就聞到好濃好惹味嘅麻辣椒香味🤤🤤 職員幫我地拌勻後焗幾分鐘就食得。 雞件份量頗多仲大大嚿，好入味之餘雞肉仲保留到好滑。雞煲個辣汁好出色，辣到好似刺激😂 配菜有洋蔥、月桂葉、芫荽等等。食晒啲雞肉都已經有半飽，可以開始下半場打邊爐😂牛肉方面我哋揀咗本地新鮮吊龍伴，牛味夠濃，好食！另外值得推介嘅係黑松露芝士蝦丸同埋原隻花膠筒。蝦丸有好香濃黑松露味，入面仲有芝士流心！花膠筒就比女仔補下，充滿骨膠原。佢哋嘅小食都好唔錯，今次試咗椒鹽豆腐返嚟下次就想試佢哋嘅黃金雞翼。最後整返杯鹹檸七可以下下火😌 整體分數都好高，每一道菜都相當滿意。相信好快又想再嚟食過😂👍🏻

之前已經來過好多次為食仔海鮮火鍋專門店食卜卜蜆，今日特登再來旺角的為食仔海鮮火鍋專門點試下未試過的鍋。來到真係好多人不過疫症期生意仍然咁好真係值得一讚👍🏻店舖亦都有搞一人一鍋望一望今日都幾多人喎如果想清靜少少仲可以坐VIP房可以容納10人出邊嘅座位就空曠少少佢嘅餐牌菜式選擇真係好多菜方面我哋就點左自家黃金炸響鈴，牛肩胛，特色四寶墨魚丸,皇帝菜。我同朋友二人來得為食仔，緊係試佢個卜卜蜆啦，揀左個黃金卜卜蜆乾鍋，等左5分到就有得食啦,呢個卜卜蜆煲真係好正，估吾到一煲會甘大煲，勁多蜆，兩個人真係食吾晒。菜式方面，我個人認為個響鈴一定要叫，佢係有鹹蛋黃的響鈴，好香好入味，又係勁正勁過癮。吊龍牛肉也是十分新鮮的牛肉，淥兩淥就食得，好正好正。最後要講下呢個菠蘿沙冰淡淡果肉因為用新鮮嘅菠蘿去打店員還提我快點飲一啖因為佢沙冰滿寫咁滯不得不讚揚一樣野，就係呢度的侍應都超有禮貌，經常過來加湯，唔小心整跌咗野食落個身同枱度，即刻攞布同埋紙巾幫你抹乾淨！真係好欣賞佢地的服務態度，超有親切感。難怪個場咁旺咁多人book又排長龍，係有原因的。呢度令我有賓至如歸嘅感覺，所以我經常來。今晚真係吃飽飽，食得真係好開心，

雖然依家疫情當道，但鐘意打邊爐既朋友梗係唔會心息，一無得打幾日就身痕了，屋企打又戎麻煩，又要洗又要盛，所以都唯有出街打邊爐喇，咁黎到呢間為食仔，一入門就比到我放心既感覺，仲要野食都唔差。疫情下，店舖都加強左好多衛生措施，特別係打邊爐，未入門口，舖就已經問我地有無口罩袋用黎暫時裝住個口罩先，咁我地梗係無喇，舖仲送左一人一個，十分細心。另外，仲有酒精搓手液就梗係唔少得喇，同埋仲有一包日本Air既空氣消毒包放係身邊，加強消毒。硯鍋好足料，見到成個鍋都係硯，就知湯底十分入味，同埋D硯睇得出都吐過沙，食落都好惹味好鮮。配埋打邊爐料之下，真係幾唔錯。牛肉種類選擇都唔少，今次叫左個吊龍伴(牛肩位置)黎試下，牛切得都幾厚，食落好有口感，而且呢個部位既牛味都算幾出，依家好少店有呢個部位食，鐘意牛既朋友就可以試下喇。

今日出開旺角，天氣涷涷地勁想食打邊爐，咁啱行過呢間火鍋店，比佢地門口d相吸引住，於是入去試吓。入去前要搓咗手先入得，碗筷都係一次性，仲有防菌包放喺枱面，非常衛生。未叫野之前，店員已經攞咗杯柚子蜜比我地潤吓喉先，非常貼心。原來呢間係食卜卜蜆專門店，佢地卜卜蜆鍋有好款口味，我地叫咗黃金卜卜蜆乾鍋，要咗中辣，係用咸蛋黃煮卜卜蜆，勁特別，原來咸蛋黃同蜆係咁夾，加上辣辣地勁惹味，d卜卜蜆份量都唔少，我諗一鍋有幾斤蜆。食完之後就加湯打邊爐，我地叫咗近江和牛下後腿，呢款都係未食過，所以叫黎試吓，原來同普通和牛係唔同，佢比較重牛味，入口即溶，脂肪分佈好均勻，淥幾秒就食得，勁juice。美國黑豚肉，非常大片，d肉嘅質地好嫩滑，淥耐咗都唔會鞋，唔算太肥，食多幾片都唔怕，d肉仲好juice,勁正。打邊爐緊係要叫野飲解渴啦，我地叫咗菠蘿沙冰同柚子沙冰，店員話係用新鮮生果打成，飲落真係好新鮮，非常解渴。