318
27
30
港鐵旺角站 E2 出口, 步行約7分鐘 繼續閱讀
電話號碼
53348198
開飯介紹
提供多款特色鍋底的新派海鮮火鍋店,招牌菜為卜卜蜆鍋及龍蝦海鮮鍋。 繼續閱讀
營業時間
今日營業
06:00 - 02:00
星期一至日
06:00 - 02:00
公眾假期
06:00 - 02:00
公眾假期前夕
06:00 - 02:00
付款方式
現金
其他資料
網上訂座
Wi-Fi
深夜營業
酒精飲品
自帶酒水
切餅費
VIP房
電話訂座
外賣服務 詳細介紹
電視播放
有關獎賞計劃
食評 (436)
之前已經嚟過為食仔食卜卜蜆,好好味,印象好深刻,事隔半年,又想起食卜卜蜆,所以今日就專登訂枱同老公一齊撐枱腳。呢度嘅主打當然就係卜卜蜆啦,不過除咗卜卜蜆外,其他火鍋配料都好高質素,所以今次都係每樣點啲,試吓其他嘢。首先我要力推佢嘅XO醬,因為出面打邊爐,就算較高質嘅火鍋店都未必有提供XO醬,而呢度嘅XO醬係佢自家製,真材實料,香而不辣,所以唔好意思,我忍唔住食咗佢半樽😅😅因為之前食過卜卜蜆,所以今次打算試吓另一啲新嘢,就決定叫招牌龍蝦海鮮喎。店員一放低我就感覺到裏面相當豐富,所以忍唔住開蓋睇吓,比相機食先!大概等咗10分鐘,終於水滾食得啦!指定動作,首先飲啖靚湯先,湯底非常鮮甜,帶點橙黃色,有海鮮湯底嘅味道。而且呢個龍蝦海鮮鍋真係非常足料,首先當然係主角龍蝦一大隻,另外仲有八隻大海蝦,下面有大量娃娃菜、什菇、豆腐,所以連菜都唔需要另外再點喇!龍蝦肉質厚實,爽口彈牙,食得出佢係新鮮龍蝦而唔係急凍嘅龍蝦。而佢嘅大海蝦同樣新鮮爽口,娃娃菜雖然喺鍋入面只不過係一個配菜,但佢索哂龍蝦上湯,非常入味,真係連條菜都好食過人。努力地掃清鍋底後,重新添加湯底,就開始食牛肉啦。順帶一提,如果叫龍蝦鍋的話,之後添加嘅湯底都會同樣加返龍蝦上湯,而唔係普通嘅上湯,所以我覺得呢個龍蝦海鮮鍋雖然貴$100 ,但絕對係值回票價,甚至乎我夠膽講係超值!女店員強烈推介我哋試吓呢款「封門柳」,見佢介紹嘅牌寫住每隻牛只有兩塊,講到咁巴閉,冇理由唔試吓啫!一食之下,真係要讚歎一吓!果然係優質推介,牛肉切得比較薄身,食落牛味重得來又不失嫩滑嘅口感,同埋只係要細碟都已經好大碟,兩個人食份量非常之足夠。我見呢個黃金炸響鈴喺餐牌上有兩隻手指公,睇嚟係必食推介,所以就叫一碟試吓。$68有8條,上面淋上鹹蛋黃醬,就咁食又得,稍稍浸一下湯食又得。而我就浸吓個底,有湯又保留所有蛋黃醬,正!五色餃子拼盤已經有齊哂餐牌上面嘅不同款式餃子,包括:芫茜豬肉餃、鮮蝦水餃、鮮蝦雲吞、韭菜餃、黑松露鮮蝦餃,當中以黑松露鮮蝦餃做得尤其出色,黑松露味道相當突出,鍾意食嘅朋友一定覺得非常香!然後我哋仲點咗蟹籽墨魚滑同埋四寶蝦丸,墨魚滑相當雪白,混入蝦籽後口感更豐富。而佢嘅四寶蝦丸,包括有黑松露、鹹蛋、鵝肝、芝士四款口味。呢度嘅丸類全部都係佢自家製,而且佢哋嘅丸真係好彈牙,放喺湯入面可以好似乒乓波咁彈吓彈吓,所以我特別推介佢哋嘅自家製丸類!最後仲叫咗兩杯沙冰,分別係菠蘿沙冰同柚子沙冰,我自己就覺得菠蘿沙冰更勝一籌,因為菠蘿沙冰比較清甜,不過其實佢嘅柚子沙冰都充滿柚子嘅清香,所以各點一杯,各有千秋啦!另外都要盛讚一下呢度嘅店員,佢哋真係好熱情,仲好用心介紹同推介,所以雖然呢度價錢唔算平,但係如果想享用高質素嘅火鍋,呢間「為食仔」絕對係我嘅私心推介! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-07
140 瀏覽
成個下晝係旺角行街,行到夜晚超級肚餓!經過白布街既時候 見到「為食仔」一個好生動既招牌!「無上限 怒食!卜卜蜆」諗都唔諗即刻行入去食! 湯底方面,由於我同朋友都唔食得辣,所以就揀咗完味既卜卜蜆,無去試18禁既湯,不過食得辣既朋友就可以試下,仲有分四隻辣度,迎合不同辣友既所需要!咁一開始就係食晒啲蜆先,等幾分鐘就有得食,啲蜆肉勁鮮甜,就算唔點醬料已經好鮮味!食左第一隻已經停唔到手!最重要既係咁多蜆肉竟然係得一兩隻有少少沙,算係唔錯既水準。食完啲蜆之後就叫下其他野食,由於我地只係得兩個人食,所以份量都唔係話好多,我地就order左一碟細碟既安格斯牛肉片同埋黑豚肉片。兩碟肉類都好有光澤,食落去都唔會好韌,都有好重既牛肉味,所以好快都清晒啲肉類。之後仲有order其他既材料,例如蔬菜類既粟米、生菜同埋薯仔片,全部都好新鮮,價錢都尚算合理,同埋啲肉類一齊食就最好!好多丸類都好想食,最後叫左手打墨魚丸,咬落口超彈牙,入面仲有少量鹹蛋黃,同墨魚肉夾得唔錯。 飲品方面都有好多種類既選擇,除左汽水之外,我哋仲叫左一啲比較清淡既野飲,例如椰子水同埋柑咭檸檬,黎解除下一啲來自肉類既肥膩感。炸魚片本身係一個佐酒小食,但係我地無叫酒,所以當埋係一個火鍋食材。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-03
105 瀏覽
朋友仔真係超級鍾意打邊爐今次大食妹就帶左佢去食旺角白布街嘅海鮮火鍋-為食仔唔知大家記唔記得前排火紅嘅卜卜蜆鍋呢?大食妹本身係諗住食果個嘅, 但咁啱果日無貨, 就揀左其他鍋底<招牌龍蝦海鮮鍋>我地嗌左份招牌龍蝦海鮮鍋成個鍋都係滿滿嘅料, 湯底偏淡但清甜, 唔會搶過海鮮嘅味道原本見龍蝦海鮮鍋無咩湯, 以為會唔夠水, 點知啲白菜會出水, 變成一鍋湯海鮮鍋有多隻鮮蝦, 蝦味突出龍蝦都幾有肉地, 鮮甜肥美仲有菇菌同好多嘅白菜<手打蝦子蝦滑>食到咁上下, 終於有位打邊爐啦手打蝦子蝦滑食得出有蝦粒, 彈牙有咬頭<鵝肝墨魚丸>因為見到好特別, 我地仲嗌左份鵝肝墨魚丸鵝肝好肥美, 同墨魚丸竟然可以咁match<滋賀縣近江牛 - 邊抓>食到最後當然到左重頭戲牛肉上場啦牛肉味濃, 而且雪花好有美感<菠蘿沙冰>打邊爐打到熱辣辣, 飲返杯凍冰冰嘅菠蘿沙冰, 就最爽皮啦 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-27
256 瀏覽
心血來潮想食卜卜蜆,當然係認起旺角白布街嘅為食仔仔海鮮火鍋專門店啦。天意弄人,去到先知今日無卜卜蜆食,但都嚟到喇,就照樣入去食啦。為食仔出名卜卜蜆相信大家都知。除咗蜆煲,佢哋仲有雞煲、龍蝦鍋、魚鍋、雞煲翅。店員就介紹我佢嘅新推出嘅蟹雞煲(大、中、細、BB辣)同埋龍蝦雞煲。不過我今日唔想食雞煲,所以最終揀咗招牌龍蝦海鮮鍋。依個招牌龍蝦海鮮鍋俾咗我意外驚喜,大大隻嘅龍蝦,旁邊仲有幾隻大蝦相伴。鍋底仲有豆腐、蛙蛙菜、冬菇、雞髀菇,十分足料。個煲一滾起,龍蝦都差唔多熟透。先試個湯頭,湯吸收咗龍蝦同大蝦嘅鮮味,非常鮮甜。龍蝦夠哂大隻,非常好肉,而且好新鮮。大蝦亦同樣新鮮。煲底嘅菜同豆腐吸哂湯嘅味道,成個煲都好正。食唔到卜卜蜆都唔係一件壞事嚟喎。齋食招牌龍蝦海鮮鍋又點會夠、所以點咗封門柳、彈牙香口嘅鵝肝墨魚丸。為咗唔好浪費咗龍蝦海鮮鍋嘅鮮味,再加點咗雜菜同薯粉。一份封門柳嘅份量都幾多,不過封門柳唔同肥牛,佢無肥牛個種油香,取而代之嘅係濃郁嘅牛肉味,而且比起肥牛有𡁻頭,所以大家諗清楚想食牛味濃定油香味,唔好浪費食材呀。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-13
388 瀏覽
之前聽朋友提過為食仔呢到九點半後有卜卜蜆煲任食,原來依家九點半前同樣有卜卜蜆(細煲)任食嘅優惠;又或者可以叫卜卜蜆(大煲),就可以無限任叫一蚊一隻甜蝦。✨18禁卜卜蜆煲(bb辣) $178叫得18禁,就知唔簡單,穩陣嘅我地為安全起見,叫咗bb辣,點知都幾辣下😂好彩冇叫太辣😂卜卜蜆份量好多!蜆肉飽滿鮮甜!冇沙。好有蒜香,味道香辣,而且唔會好油。湯底味道濃郁得嚟帶甜,有好濃郁嘅蜆味。✨近江牛池板 $298近江牛被譽為日本三大和牛之一,既然呢到有,緊係要試下啦!池板則係牛前腿嘅肌肉,比較薄身,油脂較多,肉質較有𡁻口,而且牛味十足。✨美國黑豚肉 $118肉質嫩滑,肉味濃,油脂甘香,好有彈性。✨黑松露墨魚丸 $88好香黑松露,墨鮮鮮味,真係落足料!入口非常彈牙,令人回味呀!✨雜菜拼盤 $58打邊爐咁多肉,點多要叫番份蔬菜平衡下,雜菜拼盤就啱哂喇!蔬菜乾淨新鮮!✨菠蘿鮮果沙冰 $42✨柚子鮮果沙冰 $42兩杯飲品的確有驚喜,味道清甜,沙冰夠晒透心涼,好適合打邊爐飲。 繼續閱讀
(以上食評乃用戶個人意見 , 並不代表OpenRice之觀點。)