為食仔海鮮火鍋專門店

營業中

休息中

行過見到街招就好想打邊。【黃金蝦】$68拆左蝦頭連殼炸，脆卜卜吾覺硬，沙沙地既鹹蛋黃，愈食愈香口，系有少少油膩。【喇沙卜卜蜆煲】$188一打開鍋蓋就聞到好香料味，蜆就吾系好大隻，勝在量多，食到好飽仲剩好多。蜆肉好鮮甜，又無乜沙。【頂級安格斯肥牛（小）】$198勁鮮嫩，涮十零秒到變哂色就食得，勁軟滑仲好有肉味。【粟米墨膠奶黃包】$88彈牙墨丸包住鹹蛋黃，仲有甜甜地粟米粒，好搭配，不過煮太熟裡面就吾好食。【自家紫菜炸響鈴】$58放落鍋煮3秒到，響鈴索哂鮮甜既湯汁，又軟又有嚼口，愈咬愈有紫菜既味道。【菠蘿沙冰】$38大大杯沙冰【薏仁水】$18薏仁好似培烘過，好香。