炯記餐室 (美麗閣)

營業中

休息中

從youtube頻道，知道呢間食店有個超低二人套餐，個個都話超值抵食，攪到揾食肥華心思思，有件事10月2日一於肥華過江帶埋靚媽到港島北角此店，一試此個二人餐虚實，是否真係咁低到無朋友，當此餐各款食物上齊餐枱面時，真係令顧客有驚喜感覺，餐單内每款食物份量十足，話就二人套餐實際三至四人食都還可以，加上每款食物味道亦算OK，以二佰元有找嘅價錢能夠食到呢個套餐，肥華衹能夠一個字，低，要肥華講兩個字就係超低👍😁

海哲醺蹄小食抵食既，食小小海哲酸酸甜甜做頭盤都特別開胃頭盤食完就到主菜🤤醬皇豬手叫左個例牌，係有六隻，小食就有兩隻，既然係呢到咁出名既就一定要試試啦🤩 一上枱見到咁大隻我急不及待放入口，真係好正，好入味好腍 ^__^蜜汁叉燒瀨粉覺得湯淡可以加埋呢到既辣椒油提升味道，蜜汁叉燒半肥瘦，掂!鹽焗手撕雞腸粉麻醬+甜醬加起黎真係令腸粉升華，同埋真係好滑，雞不過不失唔錯!黃金皮蛋無諗到30蚊都咁大份，皮蛋又大隻又好食!加埋特飲阿華田雪山杯芽ON TOP，又好睇，好有營養，好飲😛

今日黎到北角,見到OPENRIE 呢間燒味都頗多好評, 咁我地就一於試下佢啦~~~~叫到成枱都係野食, 都係二百蚊左右, 真係抵到爛啊~~我地叫左例牌豬手, 叉燒鵝油撈麵, 鵝油菜心, 雙拼燒肉, 鹽焗手撕雞腸粉, 叉燒瀨粉.. 特飲都係加8蚊就有杯阿華田雪山!醬皇豬手有六隻, 而且大大隻, 佢個色可以話比你聽係入哂味, 一望就睇得出, 而豬手亦好香, 咬落就係冇得彈, 好好味! 鐘意食豬手既要一試喇!!!叉燒靚又好味, 切得唔會細細舊, 鵝油撈麵麵質適中, 唔會太淋亦唔會太硬, 好彈牙有口感,鹽焗手撕雞腸粉, 腸粉好食, 手撕雞有嚼勁!

非常超值又好味的套餐！ 飽到冇朋友！豬手燜得好入味麻辣雞腎不算辣，啱我口味鹽焗手撕雞份量好多，夠3至4個人食酸辣雲耳，湯，油菜心都唔錯！鵝油撈麵味道還不錯。。店員非常友善下次來試燒味！

轉左新工之後就周圍試下新公司附近有咩好野食, 收工經過呢間好多人排隊既炯記燒味, 我地就入左去啦.坐底冇耐店員就黎招呼, 遞上餐牌加每人一碗例湯, 都幾好飲, 我諗係老火靚湯, 無味精.蜜汁叉燒.燒腩仔雙拼飯, 叉燒果然唔會令人失望. 果然係皇牌! 望落肥瘦岩岩好, 油脂分佈平均, 燒腩仔亦都好好食, 皮脆肉嫰唔會死咸, 加埋蔥油食, 真係頂呱呱!招牌地獄口水雞, 冷盤黎, 唔算辣個辣汁有少少麻, 個人認為調配得幾好, 岩我口味, 雞滑luuluuu.加埋杯凍檸樂真係好圓滿!總結: 好食, 選址方便, 價錢適中

十分推薦！一共叫咗一個下午茶餐同兩碟小食。茶餐叫咗煙燻燒鵝配招牌鵝油撈麵，麵好大碗好香鵝油味，而且作為撈麵唔會太乾唔會太濕。裡面有配兩條菜芯。燒鵝件數都唔少，肉質偏滑唔乾澀，搭配酸梅醬食一流(每檯有一支酸梅醬)。另外叫咗碟蜜汁腩叉同海蜇手撕雞。叉燒色澤好睇，肥瘦適中，非常嫩滑，蜜汁甜中帶少少酸。海蜇手撕雞有辣同不辣可以揀，表面撒啲芝麻又多又香，見到點單器上好似唔鍾意芝麻都可以走芝麻或減少芝麻，底部鋪咗一層青瓜絲，幾解膩。例湯湯料幾豐富，有青紅蘿蔔，粟米，雞腳，湯水清甜。 

放工好肚餓，想平平地食啲comfort food，就去左公司附近搵野食醫肚。黎到炯記前面見到二人餐二百蚊有找，咁岩兩個人就順理成章入左去。一入去店員即刻拎左兩碗湯畀我地先。畀張相吸引都係中意食手撕雞。咁中意食辣嘅毫無懸念咁揀左左辣味手撕雞。豬手有冬菇同冇冬菇，想試多啲野梗係揀左有冬菇啦。聽講佢嘅鵝油撈面係招牌，睇相已經好吸引，出街食無理由食白飯。仲有雞腎雲耳同一碟油菜。最後仲有野飲，店員推介麥芽柯華田，話好多人都揀佢。我懷疑佢有讀心術，因為我本身都想揀凍華田。媽咪就揀左熱檸蜜。第一味上既係手撕雞，一上枱畀個份量嚇親，足足有成半隻雞兩個人食，份量一啲都冇將貨就價。佢啲雞好好送麵，唔覺唔覺一食左停唔到口。之後上豬手。我媽都讚豬手好食，我自己就好欣賞個冬菇，因為燜得好淋好入味！重頭戲撈麵上喇，記住撈勻食，超香鵝油味。就咁食淨麵已經好好味！佢個油菜唔會淡，有一陣甜甜地嘅味。雞腎同雲耳都好麻辣好過癮！呢個餐兩個人食就食唔晒！最尾要打包走！如果收工唔想煮又想出街平平地試到好多野，真係好滿足。值得一提呢度嘅員工服務態度好好！做過服務業嘅我成日有職業病會留意一間食肆嘅服務。雖然佢只係一間燒味店，但由入

"超邪惡咖吔西多士😈咖吔西多 特登大熱天時黎🥵 就係為咗食呢個 好彩都無失望入口都算鬆軟 有蛋香味唔會油膩 中間滿滿嘅咖吔醬 以為會好甜 但食落又唔會 甜度適中👍🏻奶油多士 塊多士做到表面好香脆 但係塊面包好dry🙁

餐廳位於主要幹道的旁邊，招牌大; 炯記，猶如漆黑夜空中的螢火蟲! 門口的玻璃櫥櫃掛着各式各樣的燒味，顏色各異，令人垂涎欲滴。店內環境寬敞, 位置任選! 因為絕大多數顧客都是外賣。叉燒瀨粉好好吃! 上湯不含味精, 淡淡香味,店舖後有工場, 叉燒是師傅每天燒, 當然新鮮美味! 鵝油撈麵併叉燒, 燒腩仔, 撈麵很香油味, 麵條光身, 口感一流, 加上叉燒, 燒腩仔十分飽肚。醬皇豬手小食, 每碟兩隻, 光看色水已知道很入味! 皮香肉滑而且價錢合理, 絕對需要一試!炯記 誠意推薦給大家!

餐廳位於北角大街，深受街坊歡迎，唔少人都會選擇於餐廳購買外賣，而且餐廳亦有推出唔同嘅套餐選擇。其中二人套餐則是抵食之選，價錢唔到$200但已經包括左餐廳幾樣招牌菜。餐廳不論係燒味，或者普通小菜水準都唔錯，而且價錢唔係太貴，大家經過都可以一試。煙薰燒鵝 $138燒鵝非常推薦大家一試，我地好好彩，師傅砍左隻脾比我地，燒鵝皮非常脆口，鵝皮下層海蜇手撕雞腸粉 $48即便係細細份，鹽焗手撕雞分量夠，鹽焗味道非常入味，海蜇質地爽口，而腸粉水準就正常。📍炯記餐室北角英皇道376-380號美麗閣地舖港鐵北角站 B1 出口, 步行約4分鐘

一坐底即時有兩碗家常湯，大大舊粟米，沒有味精，清清甜甜抵舒服的點了一份例牌冬菇豬手，有四大件豬手，好入味又不油膩，每口都是啖啖的骨膠原另外點了一份例牌叉燒，特別叫了燶邊，好令身好香口又多汁，半肥瘦肉嫩但又不太油膩，十分出色再來一份燒腩仔瀨粉，夏天沒胃口食碗粉就最好，燒腩仔皮很脆，肥肉分明，點小小芥末醬，很開胃再點了個小食，鹽焗海蜇手撕雞腸粉，手撕雞肉很淋，配上芝麻醬甜醬，夏天食十分配搭，很開胃另外今天時間尚早再係門口外賣一隻油雞回家，平時五六點已經賣哂，今天終於可以點一隻回家，十分抵食，又嫩口，強烈推介大家買回家試一下

同事介紹北角有間餐室燒鵝同叉燒， 好抵食。 等我試下有幾抵先😏（5⭐️最高）叉燒湯米粉（5⭐️）等食之前， 每日送上一碗例湯，飲得出無味精。 當日係雞腳紅羅白湯。👍🏻叉燒及米粉份量好多😘。 我選擇了瘦叉， 咬落唔會黐牙， 有蜜汁在面， 食落甜甜地。 而且勝價比高， 當日都見到有好多食客👍🏻。燒餓飯（4.5⭐️）飯既份量及燒鵝份量同樣都好大🎈， 亦都有跟菜心。 酸梅醬就自己加， 燒餓咬落好有質感， 肉質幼滑❤️👍🏻。冬菇扒生菜（5⭐️）勝價比高， 差不多有半個生菜🥬， 冬菇爽口彈牙。 👍🏻🤤

上次與友人到炯記餐完食完個二人套餐，食物十分豐富，性價比高，今個星期六決定再去encore，行到門口已經見到玻璃櫥窗內掛滿各種燒肉，很引人胃口 今次我地單點，唔使200蚊都食一樣食得好豐富。揀緊既時候，店員已經主動送上兩碗餐湯，個湯睇落都幾濃，入面有啲青蘿蔔，瘦肉料等等 我哋總共叫左一份撈麵(一碗份量已經很多)，另外有一份菜，一份燒味同一份小食。 招牌太子鵝油撈麵 -- 海蜇手撕雞撈麵 撈粗色澤較深，沾滿了充滿鵝油及秘製鼓油的香味，色澤均勻，味道十分濃郁，麵質爽彈，一碗份量都很多，足夠兩個細食既人分享。海蜇手撕雞分開用另一個碟放，份量似一碟小菜，兩樣都好入味，涼鞋地好開胃，芝麻粒加強到成個口感。 雙拼例牌燒味 (豉油雞拼燒腩仔)燒味飯怕太多太飽，於是我哋就直接叫例牌燒味，揀左豉油雞和燒肉，兩個都賣相好吸引。豉油雞色澤均勻，比左雞髀既位置，仲有少少雞翼同胸，份量多，味道亦都很入味，雞肉嫩滑。而燒肉都好靚，比左肥瘦均勻既位置，口感豐富香口。 冬菇醬皇豬手 (2隻)另外，我哋再點左一份冬菇豬手，豬手兩隻加小量冬菇配搭，是想叫小食既好選擇。豬手炆得好腍，色澤深厚，豬手肉非常入味，吃完滿口濃香。

炯記二人套餐炯記二人套餐($198)：套餐包括包括有半隻手撕雞、醬皇豬手、雞腎及雲耳、郊外油菜、鵝油撈粗或絲苗白飯、湯品或飲品。太子鵝油撈麵(2碗)餐廳嘅必定推薦， 鵝油同粗麵超夾。麵質適中。鵝油好香但唔會感覺肥膩，粗麵配合鵝油好好食。鹽焗手撕雞(半隻)鹽焗手撕雞亦係呢度既招牌菜，雞肉嫩滑而量足 ，唔會話鹹，仲有滿滿芝麻放面加多左口感。 醬皇豬手(例牌)例牌麵都有四隻豬手，豬手幾好入味而且冇咩豬毛，可以食得放心！仲有幾粒有幾粒小花菇做配菜。麻辣雞腎麻辣味夠香夠濃，呢個汁配上雞腎幾正！酸辣雲耳雲耳酸酸辣辣再撈埋麻油，係一個開胃既小食📌炯記餐室北角英皇道376-380號美麗閣地舖🚇港鐵北角站 B1 出口, 步行約4分鐘📍#北角

當電車駛過美麗閣嘅炯記, 眼前一亮, 裝修過後, 光猛企理, 看來更衛生👍🏻下車去尋回昔日的味道先, 座位較以前寬敞及舒適喎。二話不說, 點了個二人套餐先:其實侍應待我們一坐低就即刻送上兩碗熱辣辣嘅足料例湯, 超讚😋麻辣手撕雞最啱我, 啖啖肉, 肉質滑溜, 半隻都有好多肉呢, 辣度較之前的辣多了, 不過, 我又OK喎滷水豬手, 一碟6件, 大大隻,好入味, 又軟、滑、淋, 老人家都啱食😍另一碟嘅麻辣雞腎, 勁大碟又厚肉, 麻麻辣辣, 好爽脆👌👌最後要講的就更係重點:鵝油撈粗。一上枱已聞到香噴噴, 色澤均勻, 味道調教得剛好, 不會死咸, 其實真係唔使餸都好快食哂一大碗!推介之愛💪🏻💪🏻不忘有碟油菜, 平衡飲食仲可以叫埋兩杯飲品, 食到抱住個肚啦~埋單兩百蚊有找, 去邊度搵呀?!