炑八韓烤 (已結業)

和同事試吃炑八的韓燒，之前食過它的午餐，質數ok也不貴，所以來試它的燒烤午餐。我們叫了一個牛肉燒烤餐、豬肉燒烤餐及雞肉蛋包飯。豬肉的份量也挺多，我是一個很懶的人，所以全程由同事負責燒。牛肉餐是靚的牛肉，還有點疏菜，燒完吃很美味。旁邊的蛋漿是可以refill的，一邊有泡菜，一邊沒有泡菜。另外加了6蚊叫的飲品，荔枝特飲內真的有荔枝，不太甜，配燒烤不錯。總括來說，是一餐不錯的韓燒，如果有時間慢慢燒，午餐會比晚餐抵吃。

今晚同朋友兩個夜晚六點喺度食, 一開始門口位帶位小姐提我地兩位都可以坐sofa嗰邊, 咁舒服啲, 超nice的。如果喺mk等繁忙地方實會因為各種原因一定會留句"限時個半鐘"或者"需要時要轉張枱"。都明白嘅, 搵食艱難。結果坐咗幾乎三個鐘,(即係成晚嗰個位淨做我地一枱客)無面色睇。而且添嘅嘢都算快。嘢食好唔錯, 我尤其愛任食side dish中嘅甜酸菜。亮點!!######剛打算離開天水圍時先醒起漏低咗部電話, 人生路不熟, 搵位路人幫手打返去問。對方話有幫我執返。係好有誠信嘅食店, 尤其啲員工。好多謝你地。double thumbs up👍👍!!!(BTW, 天水圍街坊好有人情味, thank you!)轉發同行朋友comment: 👍🏼，價錢可以，肉質不錯，誠信待客。

夠竟係天水圍既人要求低，定根本咁難食，一個普通泡菜煎餅都可以整到唔好食！ 員工態度又差，唔識比單人 ，叫客人攞食物放落枱 幫你放唔緊要，都要出句聲，好似食左啞藥咁！又無表情，唔想做返屋企訓喇！ 我可以話除左柸啤酒好飲外，無其他野係好食！ 連基本用黎包肉既生菜都唔得，還有個拌飯配料完全係一大條放落去，切絲是常識吧！

點了 雞扒蛋包飯 和 白切肉拉麵 炭燒豬肉紫菜包飯 。等左好耐 去追問才知道 原來無炭燒豬肉紫菜包飯。 後來叫雜錦伴飯配黑毛豬白切肉及炑八包飯醬。那個炑八包飯醬 真是無乜特別 D肉無乜味道。 雖然味道很好 但服務就非常差 之前點了炭燒豬肉紫菜包飯 無 又唔主動同客人講反 要追問先知道無。原本雞扒蛋包飯和白切肉拉麵有跟湯有前菜。前菜幾經追幾次 都已經食完先送上 咁都叫前菜 那個雜錦伴飯配黑毛豬白切肉及炑八包飯醬 就貨不對版 少左兩樣配料。店內環境都不錯 坐得都很舒適 但冷氣比較大

夜晚同屋企人去食，叫左個豬肉海鮮餐，其他人啲肉都黎晒燒緊，我地等左成30min都未有肉仲話要限時個半鈡叫服務員跟跟又話要俾啲時間汁。汁左成半個鐘先有肉黎，仲要系叫店長黎先肯送過黎真系勁勁勁差！食前菜都食飽！不過啲肉幾好食，但都系食lunch抵食啲同順氣啲ps：大家記得問下開爐洗吾洗附加條件。店員幫我地開左爐先，倒晒蛋汁。叫野食個刻先話要叫個餐（$400以上）或者散叫3樣肉/海鮮先可以開爐。最終被逼叫左個餐

見到身邊既朋友都話呢間韓燒餐廳幾好食, 於是我都忍唔住要搵班朋友試下, 一入到去間餐廳, 個感覺幾好, 裝飾得唔錯, 睇得出有花心機去裝飾擺設, 之後就開始點餐, 雖然落order到食得既等候時間有d耐, 但係佢地亦會有一d前菜比我地先( 芝士蛋,泡菜蛋, 泡菜等等), 特別係芝士蛋, 燒到有dd燶係好好食, 呢個值得推介大家! 之後就係主菜, 今次叫左個牛肋骨, 好大塊好抵食, 燒極都仲有, 加埋d配料係幾好食, 都係值得一試既, 之後叫左一杯梳打, 個人認為份量係好夠, 賣相都好okay, 但係味道就唔夠, 略為淡左少少, 所以大家可以叫返普通既奶茶或者試下其他, 到左最後就係個甜品. 我認為個甜品係非常之好食同好靚, 賣相同味道係成正比, 雖然等既時間有d耐, 但係都好值得, 我叫左個曲奇同抹茶,  我個得曲奇味比較好食, 可能因為比較甜同味道較濃, 抹茶就淡味少少, 不過兩款都好好食, 大家可以叫黎試下. 整體黎講, 呢間餐廳真係算幾好, 服務, 環境, 食物質素都係唔錯, 得閒而又想食韓燒既朋友仔可以炑八試下!!!

新酒店就未開得，但酒店樓下既商場就開左，行下見到全天水圍第一間正正式式既連鎖韓燒店，假日即使已過lunch time，都全場keep住9成滿座。Order左個鐵板牛扒餐，等左成十幾分鐘先試檯，不過還好等候時已有前菜食住先。熱騰騰上檯，但牛扒勁乾且好靭味道只是一般，so bad週邊既人都韓燒緊，咁既氛圍，亦叫左個豬肉餐慢慢燒價格相宜，比起晚上食平一半，仲可以任加泡菜、新鮮生菜、辣青瓜等前菜，一定食得飽爐邊蛋醬分2邊，一邊淨蛋漿、另一邊係加左碎泡菜既蛋漿肉類都醃得入味，最好食係護心肉+$6轉特飲大大杯，柚子檸檬梳打有大舊西柚，酸酸甜甜咁，比青檸梳打更好味waiter都能即時提供所需服務，尚算ok。反而埋單果陣勁慢，等左成15分鐘，望能加以改善

今天再次去，但感覺大不如前。1) 韓燒的板，只係兩個月時間，但好似用咗幾年，啲易潔料甩出黎！食多幾餐都唔知會有健康問題。即使冇健康問題，冇咗易潔料，啲食物超容易燒燶！2）原本旁邊的蛋，第一次去是主動幫你添，今次叫三次，三次侍應都有叫對講機話客人要加蛋，但到我埋單都未有人黎幫我地加蛋。完全冇服務可言！3）食物份量大縮水，上次一份豬肉餐其實剛好，今日去，咩都少咗舊，總之係唔夠食。好失望，以為可以變飯堂，點知不用一個月就…………易潔料甩可以看圖，旁邊可以睇到就黎甩

其實要係天水圍搵到d好野食真係好難個日經過新開既商場見到有韓燒就忍唔住入黎試下我地4個人食叫左個韓牛set 加左3碟野個度環境其實幾令 而且d waiter做野都幾快上菜又快 可能甘岩個日人唔多 佢仲好好甘幫我燒過d野食 同主動幫我換爐有個芝士蠔我覺得幾特別 d蠔唔錯係creamy個隻 不過可能因為燒既時候會出水 所以mix唔晒落d芝士度 不過整體都係唔錯既我幾中意d梳打價錢就中等拉 唔係抵食 但唔算貴

屋企附近新開既商場內，有炑八既分店，之前食過荃灣同CWB分店都覺得不錯，所以星期六下午同家人去天水圍分店試下。配菜既量都多，青瓜同芽菜都好食午市套餐既肉類都夠食，不過好似冇乜味要求佢地比碗我地，但應完之後有下文，唯有放哂係呢度好甜既藍天使梳打，糖漿落得重手左啲

早兩日入左天水圍試下呢間新開既炑八, 感覺幾好,  員工落單既速度非常快, 一手一機,即講即落食左一個韓燒牛肉餐加一個飯, 發覺係超抵食,一個牛肉餐之外仲有好多韓式既小食, 食極都有而且味道亦都幾好, 總括黎講呢間餐廳既食物都算OK, 環境以及員工素質都非常之好, 快啲去試!

放假同老公行街發現天秀路商場開咗間韓燒,不得了入面既下午茶set好抵食叫咗個雞扒旦包飯同烤牛肉蓋飯加埋杯藍天使特飲成個餐份量好足料,埋單$130樓下 抵食又大份下次會再同老公試埋晚餐

上星期跟朋友到天水圍新開既韓燒餐廳聚舊, 環境氣氛都唔錯, 坐位亦算齊整, 坐得都幾舒服埋到位叫左個LUNCH, 都比想像之中豐富, 特別係個泡菜蛋同芝士蛋, 跟韓燒餐送仲要任添, 味道唔錯.一個餐仲要跟好多小食,係超抵食. 再黎就係個八爪魚,口感唔錯,好彈牙,值得推介, 整體黎講食物質素很好,環境同服務都做得好好, 值得黎食!!!

被譽為美食沙漠既天水圍，終於都有一滴甘泉降臨！真係冇誇張。區內主要都係大集團，毫無質素可言，雖然呢間店都有13間分店，但跟其他大集團完全不能相提並論。我和朋友下午來食lunch，選擇多，可以食燒肉，又可以食套餐，又有特飲選擇。lunch仲唔收加一服務費，真係茶餐廳價錢，但餐廳享受。侍應生都有禮貌，落單每個侍應生人手一機，落單清晰，快而準。到最重要既食物，賣相good，新鮮。圖為二人分量，非常足夠！亦好味！滿分！