炑八韓烤 (已結業)

連續2日食炑八，第1日食晚市(3人)，第2日食下午茶(2人)*晚市*人流唔多，一入去即刻有位，不過安排既座位唔方便叫侍應，招手多次才應客原本諗住只叫1碟肉，試下燒，再叫其他熟食點知侍應好冇禮貌話，「要最少叫2碟先開得爐」第1次燒我都唔知有訂尼個規則，餐牌又冇寫anyway 叫左1碟豬大腸(~$88) 同 1碟牛 (~$130)再叫左熟食，蜜糖炸雞伴薯條半份，海鮮煎餅，飯卷豬大腸份量多，炸雞既炸粉夠薄，海鮮煎餅既材料有十足既海鮮整體食物質素好唯獨，侍應服務質素有待改善經過見到我地既爐邊蛋同芝士冇哂，唔會幫手refill，但就幫隔離枱refill ==*下午茶*下午茶餐抵過lunch and dinner好多燒肉set都係$100左右，飯set就$50左右叫左一個燒肉set(包1碗白飯)同腩肉飯set，加錢就可以有飲品腩肉飯既份量好多，2個女仔share都食唔哂加左鹽去燒牛肉，更加甜今次侍應會好主動幫你加爐邊蛋，又會執碟值得讚總結來說，食tea set係比較抵，又可以平平地燒肉，又有熟食

有一段時間無打食評了，今日第一次黎到天一商城既依間韓烤。成間舖都相當大，午市時間都好易有位，供應一啲韓式飯餐。近期開左副線，一人都有烤肉餐，今日一於食豪啲試下新野 首先點餐後一如韓式飯桌風格，先用大量小菜配料舖滿枱面先 😂 有泡菜芽菜同埋辣味魚糕依啲比較岩香港人口味既前菜，配料都係常見既蒜頭辣椒，跟餐包左一個蔬菜籃 (生菜、紫色生菜、青瓜條、甘荀條)，份量超足夠。韓式清湯係鯷魚仔翠玉瓜湯，當然無韓國甘濃，但暖暖身都不錯喝 👍👍👍開爐之後待應黎幫我加爐邊蛋，一邊淨蛋一邊泡菜蛋😋 仲有得無限添蛋架! 主菜好快就到! 肉! 雜錦炑八餐有牛臉肉，炑八梨汁雞同護心肉 🐂🐂🐓 份量係我想像中既double (依個係一人餐黎...) 聽到依度都知一定飽死啦，點知跟餐仲有飯，加$18就可以upgrade做蟹膏拌飯，試埋近期大熱既蟹膏醬，拌飯仲有蟹子蟹柳，超有誠意 😁 蟹膏好鮮味，可惜無得唔跟餐散叫，唔係我可以瘋狂encore蟹膏飯做lunch 😂最後不負眾望，我一個人完全食唔哂，建議大家兩個人黎食一個一人烤肉餐，慢慢燒慢慢傾計食都應該好enjoyable 👍👍

叫左4人套餐 及1+1韓牛套餐有牛 豬 蝦 尤魚～意料之外尤魚是脆 幾好味蝦已經剝殼 好貼心 燒好就食得啦。另外叫左一份雞，唔推薦 因為有點蘇味。芝士同蛋係任加 好好吃。服務員也好好 有求必應

我見佢出面裝修吾錯 ，好有feel就入左去食野 諗住佢叫得韓烤 ，點都要試下既。一入去坐低，因為佢裝修靚丫嘛所以我就同朋友一齊影下相，影左一兩張之後，d店員已經即刻走過黎問係咪燒野食？我就話係。之後睇個餐牌佢又走過黎再問同樣既問題。好似驚死我地吾食野剩係影相咁！好似影下相有罪咁。不過都算啦。之後我叫左霜降牛小排，$190，再叫左1++韓牛貝身肉$220，同芝士熔岩飯，好似係$120 ，計埋加一最後大概$600，2個人。一開始叫完野有個女店員就係咁啤住人好無禮貌咁，吾知佢做乜都吾知做咩得罪佢。佢係咁行黎行去啤住人好無奈。總之之後就上菜啦，泡菜係好食既， 辣辣地又甜甜地。小菜可以任食吾額外收錢既。之後到我期待既肉啦 ，上菜既時候睇到個外觀都吸引既，點知食落去先知伏。大伏，伏到不得了！牛小排好多筋，咬吾開，仲要舊舊都係咁，好一般。如果作為客人既你真係好想食牛小排，咁你可以選擇一口食曬，自欺欺人，呃自己佢無筋，佢好好食。 之後韓牛貝身肉，e個真係極品，極品中的極品！燒完之後食你會發現好神奇丫，佢竟然同乾炒牛河果d牛肉係一樣味！但佢值$220。而且佢仲好油好油，成塊肉好似浸左油咁，成口都係油。最

團購咗個 $ 598 嘅四人套餐，早到咗，五點幾，無乜人，靜靜哋，食得仲舒服，除已選四款肉外，另有一個韓式煎餅，都幾大份吓，另有個上將湯，一碗滿瀉的白飯 😂 韓式泡菜當然無限潻，沙律就只比一次，尾聲我地 order 咗個限時甜品，桃沙冰，滿滿嘅桃肉，但揀手有問題，d桃質感硬過乜，而且唔甜，呢個外型攞滿分，食味就認真失望，另外，佢地方咁大，點解會唔設計按鐘叫服務員，如果坐得邊，想揾個人叫嘢你都幾辛苦，永遠要猴住佢地咁啱望過嚟😟

哈哈 機緣巧合下，又約左朋友去食午餐，今日去左天一食炑八，叫左個牛肉飯，前菜有泡菜，芽菜，一碗湯，芽菜，泡菜可以加鐵板上牛肉飯，牛肉同飯既份量好多，我一個人都食唔哂，真係要2個人食一個，真係好好味道，一星期都會食一次至兩次，囉命其實晚餐我都有食韓燒，水準可以，最愛任加芝士，同雞蛋，芝士真係超好味，因為熱食，肉又好味，飯又好味，總之炑八既食物都有水準，不過最令我回味就係鐵板牛肉飯，同晚上燒烤既任加芝士

天水圍難得會開韓燒餐廳梗係嚟幫襯啦，之前喺其他分店有幫襯過， 整體來講印象對呢間餐廳都唔差。喺天水圍呢間分店質素都同其他分店有返咁上下，環境幾大，侍應服務幾好，食物來講佢都醃得幾入味，佢嘅炒粉絲更加冇得頂，同我去韓國旅行嘅時候，係當地餐廳食嘅炒粉絲味道相比，大家都差唔多！炒粉絲都係我去咁多間分店必定會叫嘅一碟菜式！聽人講雞扒蛋包飯幾好食，下次會想試吓呢個！同埋佢有樣嘢幾好嘅就係無限加前菜，成班Friends一齊食完又嗌～～～

同老公見落左8號波就去食個下午茶餐，真係好抵食，兩個餐都係$108，有kimchi ，有湯，有主菜，加$6有杯野飲添點左一個泡菜豬肉湯加一個飯湯好有肉味，唔太辣，豆腐好滑，有好多泡菜，加飯一齊食啱啱好老公點左個韓式炒粉絲粉絲唔太淋，亦唔太硬，啱啱好，有好多肥牛添我地加左$6飯柚子蜜梳打，都唔錯

有家人生日，見新開就入去試試，晚市無乜人，點左個套餐，有肉有海鮮，長輩們話除左牛肉好味之外，其他都麻麻地，五花肉仲有騷味添，反而啲配菜海帶同酸蘿蔔就好好味，較大件嘅肉類同鰻魚有人幫我地燒，可惜唔靚仔嘅，另外爐邊嘅芝士同蛋都好味。最後叫侍應出預先準備好嘅生日蛋糕，等左好耐，然後突然全場播韓國生日歌，逗得長輩們好高興！仲無收切餅費添！

近年流行韓烤，大店炑八都開左唔少分店，近來竟然進駐了天水圍。咁又要去試下啦。定食午餐低至幾十，價格相宜。一人烤肉套餐價錢也只是一百多點，好抵食下。點了一個汁燒牛胸餐和一個豬排骨餐，另外加上15蚊轉飯為韓式拌飯。店員極速送上爐邊蛋和泡菜蛋，還有伴菜。可是點了餐足足有25分鐘，拌飯和烤肉都未到！！！！！！！！爐邊的蛋都烤熟了，我們的主菜還未到！！！！！！！隔離枱較後下單都有得食了，在我們的三催四請下，拌飯終於來到。過多10分鐘，肉類都終於到了。由於極餓，又等得太耐的關係，烤肉未影相己經食左好多。牛胸肉相當JUICY，肥牛切得太薄，一下爐再反就散開了，變得冇乜肉食。拌飯和豬肉餐不過不失啦。食飽小小先記得影食物相。食物可，但係等得太耐，建議大家切勿空肚食炑八

可能由於這間商場是新開的關係，所以人流好像比較少，因為住附近所以來了試試看，結果還真的不錯，不過還是太油膩了，但是肉質口感還不賴，價錢不算太貴環境也還可以，因為人流比較少所以坐得特別舒服。

this is the first time to come to this Korean restaurant. We decided to have our afternoon tea here.The restaurant was big and tidy. The seats were also comfortable for us to dine. We ordered a set of fried chicken with honey. The taste of the fried chicken was satisfied. It was sweet and delicious.I think the price of the set was reasonable, it was about $88 for 2 person. The staff was nice and friendly too. I highly recommended this restaurant to u guysss.

成日都覺得天水圍無啖好吃 ，寧願搭車落元朗覓食，點知前兩日放假比我發現左間好野，原來天水圍都開左炑八，價錢又唔太貴，仲要環境唔錯添，絕對值得encore！睇睇Menu，樣樣都好吸引，最後左諗右諗決定食鐵板LA骨牛油拌飯，雖然聽到牛油呢兩個字好似好邪惡，但如果好味又有咩所謂！午餐附送既海帶湯，清清淡淡，唔會太咸，聽講海帶有豐富鐵質，女性最岩飲多幾碗主菜終於上場，其實我真係唔知咩叫LA骨，我估係牛仔骨掛，食落去肉味好濃，口感軟硬適中，好Juicy，配埋紫菜、泡菜同隻半熟蛋，用黎送飯就岩哂！仲有附送既前菜，最中意食大豆芽菜，食韓國菜最好既地方就係不知不覺食左好多菜，無咁heavy

今日，和朋友到這間韓式料理店吃下午茶餐。一直很喜歡韓食， 無論食材特性的平行和色澤也十分吸引人我們二人，點了一份牛油蜜糖烤雞，雞扒蛋包飯， 和牛肉拌飯。飲品可加錢換detox water， 我們選了西柚味。蜜糖烤雞的 粉末很好吃很有牛油蜜糖味， 我們每人也吃了兩三件， 一邊吃一邊讚好這個蛋包雞扒飯很好吃。 蛋很多汁， 雞扒很易入口。 最喜歡他配上生菜。是其他打包飯沒有的。韓國料理很平衡。食辣嘢的時候會配上凍飲。食熱氣嘢的時候也會配上芽菜。這是牛肉蛋拌飯， 蛋是半生熟的，伴牛肉和生菜一起吃， 再配上飯， 令人一試難忘。點餐還會附送海帶湯和韓式小食，有芽菜，泡菜等。海帶湯很清甜。detox water喝上去雖然無味， 但感覺很健康。

原本今日諗住去炑八食韓燒午餐，但眼見鄰枱點的午市定食又有幾分吸引，好吧，今天一於唔食韓燒試定食。原來午市定食都有10款選擇，最平的定食由$48起，今次我們試了牛肋骨煲配飯，這個真的好好味，牛肋骨很嫩腍夠入味，而且份量多，紅蘿白又夠入味，配飯吃一流。牛肋骨煲配飯 $68 再來就是鐵板LA骨牛油拌飯，上菜時店員有提醒我們不要碰到那個熱騰騰的鐵板，貼心服務值得加分，LA骨其實真是牛仔骨，肉質嫩，但雞蛋就過熟，拌飯超濃牛油香，不錯。鐵板LA骨牛油拌飯 $68 有果肉的荔枝梳打柚子檸檬梳打，甜度適中，但又不失柚子味，讚