炑八韓烤 (已結業)

之前喺炑八食過下午茶餐 今日下午經過天水圍分店發覺午市定食都幾吸引雞扒蛋包飯$48 個set有大豆芽菜同酸蘿蔔做前菜 個飯好大碗 男仔都可以食到好飽 個蛋好滑 好有汁浸住 無一般炒蛋咁乾 入面包住嘅飯就炒得好乾身好爽口雞扒有四塊 無畀塊蛋包住 去皮 無感油膩 煎完加上黑椒粒 非常惹味今次又加$12要Detox Water 試咗第二隻味——士多啤梨藍莓 亦都加入薄荷葉 飲落涼涼哋 消暑最啱我再試咗個綠茶紅豆迷你冰沫 賣相真係超吸引！無諗過仲有糯米糍！好煙韌 同紅豆蓉簡直係絕配 抹茶粉唔太甜 茶味香濃 $42一啲都唔貴！

原來炑八都有得食炸雞，炸雞一共有四款味道(蜂蜜牛油味 / 甜辣味 / 黃金芝士味 / 蜂蜜咖哩味)，我地叫左最普通既蜂蜜牛油味，炸雞有好香牛油味，但粉漿有d過厚，如果薄d就會更好味，而薯條就炸得剛好，外脆內軟。蜂蜜牛油炸雞(半隻)餐 二人用 $68，包前菜同海帶湯眼見其他枱都有叫杯Detox Water，我地都加$12試下杯士多啤梨藍莓，大大杯既玻璃樽清楚睇到兩款生果，另外仲有一個用shooter杯裝上既糖水，方便大家自行調味，不過個人就覺得有味道太清淡。Detox Water有四款口味韓牛雪濃湯份量剛好，牛肉蘿白大大件，而雪濃湯味道雖不能同韓國比，但都不至於係味精湯，就算平時我唔食飯，都忍唔住湯撈飯食韓牛雪濃湯配飯 $72

呢日同男朋友入天水圍影相 黃昏時分小妹想食韓燒 佢立即反對 話小妹夜訓不能食熱氣嘢... 然後佢帶小妹來到「炑八」餐廳有塊大玻璃 我們剛好睇到日落明明有炸雞餐 但佢偏偏order咗個咩「大醬湯」😭😭好彩佢畀我飲凍嘢 下午茶餐本身包梳打特飲 而小妹要加$12飲「薄荷青瓜Detox Water」 聽講detox water好天然 可以排毒瘦身 杯入面嘅青瓜好清甜爽脆 糖水要自己加 但最好唔好加太多啦 咁先飲到最fresh的味道茶餐有埋泡菜和酸辣芽菜呢碗就係「大醬湯」 係韓國傳統菜式 無泡菜咁辣 又幾好味啵 入面有牛肉、豆腐、白蘿蔔、瓜⋯⋯超級多配料 「大醬」味道好特別 似豆瓣醬 又似味噌 飲完好暖胃結果 小妹飲咗大半碗湯 紫菜飯留諗畀飯桶 xDDD

一坐低就叫左個夏天先有既SET-大帶子烤肉餐($520)～再用積分換左2杯野飲～荔枝特飲～都幾甜。。柚子特飲，無乜特別。。可以用分換既特飲仲有杯藍色既唔知乜野，問店員佢都答唔到。。。。好快就上晒Ｄ前菜，沙律都有２碟。。加上幾碟泡菜～泡菜黎講，蘿蔔同大白菜好味，少少辣好開胃，反而大豆芽就無咩味咁。。海帶都ＯＫ！（隔離檯３個女人一坐低已經嗌ｒｅｆｉｌｌ海帶～）係喎，泡菜，圍爐泡菜蛋，芝士同ｄ生菜都係任叫既！呢碟芝士豬扒沙律好難食，豬扒勁乾身。。沙律無味，另一邊隔離檯２父子白飯加埋都食左４碗，呢碟野係完全無郁過。。好啦，上主角！呢個ＳＥＴ上層就有２粒大帶子，４隻大蝦。蝦好貼心咁個身係ｍｏｋ埋殼先～夠晒方便！再加2隻菇，仲有特級牛肋骨肉，都幾厚，唔錯～下層２片好薄既蕃薯加２條菇，五花肉，豬頸肉同埋牛肋骨肉～份量都算多！而且牛味都夠～反而覺得五花肉略為薄左些少。。＊＊燒帶子時記得要勁反佢，如果唔係會痴實晒塊板。。我地就係咁放佢就咁燒，　好快就燶左痴晒底，要換板。。再黎仲有個夏日冰麵，好多乾冰制造好冰凍既感覺，但係其實食落口唔凍。。。呢間店鋪個經理好好，　好細心咁幫我地撈左個麵，仲怕我地唔食得辣所

間舖都好大，完全唔使等位帶位嗰個姐姐都好貼心，見有小朋友，就安排左角落頭嘅枱俾我地但張枱真係好污糟，前前後後叫左4次唔同嘅waiter / waitress抹，都無人抹直至落左單，嗌左野食喇，先有人願意抹純粹心血來潮想飲泡菜湯，所以過嚟食，淨係嗌左2個配飯嘅湯，同一個石頭窩飯，味道正正常常。但有開心大發現喎！原來唔係食燒肉，嗰幾碟配菜/配料，係無得refill架大鄉里，之前次次都係食燒肉，今次長知識喇

最先上的是海帶湯，平時我不喝的，因為這種跟餐送的湯大多很淡，但今次這個卻很清甜，不得不讚。然後上配菜: 芽菜和泡菜，我比較欣賞個芽菜，味道很不錯芝士熔岩飯幾特別，侍應上菜時即塲幫你將醬汁和芝士粒撈勻，睇住d芝士粒熔落個飯度，很香，有拉絲的，睇見就吸引，味道不錯，不會太膩、微辣，加配菜一起吃一流。海鮮拉麵稍遜色，湯底不夠濃郁，也是微辣，味道一般般。菠蘿冰太甜，不太喜歡，下次試其他的飲品。最後甜品紅豆沙冰是我最欣賞的，雖然有點貴，差不多一個餐的價錢，但非常足量，兩個人也吃不完，冰沙幼滑，紅豆配糯米丸子，甜味剛剛好。雖然已經很飽，但也忍不住多吃點。其實兩個女仔的話，一個熔岩飯，一個紅豆沙冰就夠吃了! 整體印象很好，其間掉了一次叉，服務員很快就拿過新的給我，在滿座的情況下有這個服務速度算很不錯了，上菜也算快，下次還會再來幫襯。

雞扒蛋包飯係必推，有成3塊雞扒及多蛋。2個大人食都得，先42蚊。大蝦海拉麵都正。大部分員工都好服務，主動問需唔需要前菜。不過門口帶位個後生女就好差，態度輕挑，冇禮貌，需要改善。

炑八韓烤 相信大家都唔會陌生.. 但我其實係第一次試佢既Lunch Set~~ (星期六, 日都有!!)非燒烤類既選擇都有成10款, 價錢由最低$42起到最貴$88重點係: 唔使收加一呀!~~~(已經配有韓式海帶湯同前菜)如果想加配飲品都只係需要+$6..仲要已經係有得揀士多啤梨梳打/荔枝梳打等等呢一類既特飲~! 就咁單叫要三十幾蚊架~而烤肉類就有5大款~ 價錢由$96至$128不等, $128的當然係最珍貴的全牛肉餐♥另外佢仲有一個$128既自選燒烤餐, 肉類5選2, 迷你流心蛋飯3選1而所有烤肉餐都係附有韓式海帶湯, 紫菜白飯同埋無限添加既前菜同爐邊蛋!~~~無記錯既話晚市食既爐邊款會係一邊泡菜蛋+另一邊芝士粟米可能lunch set既關係, 無左芝士粟米 T^T 不過蛋都好好味hahah~一坐低員工就會為你送滿一枱都係既前菜同湯~~ 感覺真係好豐富架!雖然我係一個食唔到辣既人... 但係我其實都好鐘意食泡菜!呢度既泡菜岩晒我♥ 唔會太辣 少少酸帶有少少甜味 yummy!海帶湯... 我一定會飲晒佢 為左黎緊既燒烤打定個底~我地叫左一個梅花肉餐 (厚切梅花肉, 炑八特製護心肉, 梨

I booked the restaurant for 8:30pm, when I have arrived at the place I waited for an hour before having my table. I was sited at 9:30pm and the waiters took for ever to come and take our command. Their were not polite and not smiling. I don't recommend, do not go there!

屋企附近開了炑八，之前來了好幾次，今日又忍唔住又要來食!點了個520牛肉生蠔套餐, 彌補一下中午食的失敗牛肉河的不滿足!先來一客海帶湯，超多海帶，入面還有滑滑的珍珠蠔! 厚切牛舌，甜甜的牛臉肉, 簡單的沾一下海鹽就能帶出牛的美味! 特級牛肋肉，雪花紋分佈平均，肉質鮮嫩非常多汁!口感一流，每次來都要點這個!食燒肉要配個酒精潤一潤喉，見未試過，就點了個水蜜桃炭酸酒，侍應姐姐還送上了冰杯，相當貼心味! 道可，唔太甜，可是沒多酒味，原來只有3%酒精濃度。極邪惡的爐邊芝士和泡菜旦，不知encore 了多少次。甜品加20元可以有個朱古力沙冰，大大個, 2個人都食唔完!總括性價比超高，此店我會無限encore。正在減肥的我，吃完又要努力還債。

屋企附近新開了新商場，進注了很多新食店, 能有多些選擇實在太好了。我最愛的炑八都在這裏開了分店，這天我本來到這商場找午餐吃，結果還是被炑八吸了進去。這個套餐真是太抵，128蚊有個厚切牛肉餐，108有豬肉套餐,跟飯和韓國海帶湯。 牛舌，護心肉都是賣飛佛，所以我們2個餐都點了!另外加了15蚊把白飯轉韓國拌飯，加6元還可以有特飲。前菜，蛋仍然是無限添加! 眼闊肚窄，結果飽得打包了一個拌飯回去留待晚餐再嘆!所有食物，質素跟晚上來吃並無分別，所以能以百多元來吃個韓國烤肉，實在超值! 不過不知道是否店內太忙，枱面清潔就不太足夠。食物雖好，可是衛生環境也很重要呀！

今晚到餐廳order了紫菜卷、海鮮豆腐湯、原味炸雞和一杯菠蘿梳打。首先紫菜卷裡的食材好乾 例如紅蘿蔔青瓜沒有水分，像放在冰箱裡很久的感覺。 原味炸雞：炸雞胸裏面好多碎骨，雞翼部位唔熟 ，原味炸雞沒有味道。海鮮豆腐湯：唔係滾上，豆腐心還是凍的，因為湯不夠熱所以生蛋到最後也是原隻蛋白透明。菠蘿梳打：感覺是我們整晚最好的一樣東西但發現杯口位是生綉的。 舖頭整體不太清潔😖之前lunch time到過屯門分店不是這麼差的😤

抵食 免收加一，又坐得舒服，吾會好大油煙，地方真夠大,lunch份量都好大碟，天水圍尼講，值得推介，價錢合理，會再去食，好期待下次去食晚餐，我睇佢地晚市餐牌D價錢都係合理的!

係最近新起既商場進駐左間韓燒店點都要去食下啦 順便慶祝埋倒數入到去已經不斷有洗腦既韓文歌一直播氣氛都幾好 服務好nice!一開始會有沙律，生菜個d~仲整左泡菜蛋，芝士粟米~我地叫左個魷魚店員仲好細心幫我地剪埋~開頭驚會咬唔開燒完外面脆脆地入面又軟都幾好食!仲有護心肉 同大蝦最香肉味既部位~點可以唔試燒完點一點啲醬 包埋生菜真係去左韓國咁~我地仲叫左個牛扒灑左啲鹽上去就咁雙面煎不過就唔係幾好食! 無乜味肉既鮮味都無乜~下次都係叫返韓牛食算啦

今日中午我們去咗天水圍天一商城嘅「炑八韓烤」食午飯！我們叫咗幾個午市韓國定食：鷄扒蛋包飯嘅蛋非常滑溜，鷄扒嘅肉質好鬆軟嫩滑，醬汁嘅味道唔會好鹹，而且有四塊咁多，真係幾抵食！宮廷牛肉年糕拉麵嘅年糕超煙韌彈牙，牛肉醃得相當惹味，拉麵亦好爽口彈牙！辣海鮮豆腐湯配飯嘅湯底味道好鮮味同唔會過辣，材料都幾豐富！韓式清湯嘅味道比較清！店員嘅服務態度都算有禮，但就有漏單嘅情況出現，我們話個辣海鮮豆腐湯點解咁耐都未有？店員話我幫你查吓，之後知道真係漏咗單，就即刻再落單同講唔好意思，感覺都幾盡責！