炑八韓烤親子餐廳

營業中

休息中

親子餐廳愈開愈多，無他嘅，小朋友去玩波波池，大人可以安心食餐安樂茶飯，幾咁美好！一直超熱愛嘅炑八韓相燒竟然開左親子餐廳令韓燒唔再變成帶小朋友嘅禁忌小朋友係以清潔費收取，價錢已經包左入playroom玩，租借韓服同呢份兒童小食，記得襯早食，因為放太耐會淋哂開餐前餐廳亦到有提供填色遊戲，你明啦，一放個仔去playroom佢仲邊肯番嚟食野除左一般兒童餐具，呢度仲提供埋濕紙巾同較剪，抵讚我地叫左kids燒烤3人餐，呢個窩心摩天輪小食併盤影相超靚，入面係一堆韓國小食，炸雞、薯條、紫菜包飯，味道雖然唔夠正宗，但勝在快出，可以醫醫肚先柚子沙律，超級多柚子醬，好frensh好清新，食到底都有柚子醬燒烤拼盤仲會包埋爐邊蛋（可選加唔加泡菜）同粟米芝士，兩者無限免費任添，我地每次至少食2round架燒好肉，沾上醬汁，加入泡菜等配料再用手菜包住食，一咬肉汁四溢，完全係味蕾嘅享受呀跟餐仲有個shake shake愛心便當，所有食材切到一口大細，又加入左韓式紫菜，岩哂小朋友食啦menu見到呢個甜品叫回憶中的便當，正好小朋友扭計唔肯換韓服，就叫左個引佢其實係朱古力cream cake，cream雖然多，但唔會太he

伏到一個點既 炑八親子餐廳！去得主題餐廳就預左無抵食夾大塊！哩個係常識！但兩個半鐘燒肉連playground 時間，要每位小朋友$130入埸就絕對唔合理！食野前後加埋玩左半個鐘到就要清場，定係餐廳係諗住媽媽們帶啲仔女黎係純放電唔洗食！？大人有大人食，仔女擺埋一邊自己玩唔洗睇！？宜家唔係食圍菜，係韓燒呀你老細大人！瓜菜肉菇要燒要時間架！1點鐘比枱我地，2：30last order又係咩玩法？有啲食物仲要提左兩三次都未上枱！last order左都未上枱😅好多野都好混亂！而親子餐廳既育嬰室唔開放更加係笑話！Book枱時講最低消費叫足夠價錢食物就得，埋單時話係入埸費無得抵銷，錢就預左要洗架啦！但係咁比人誤導就條氣唔順啫！如果哩個價錢我有更好選擇推介！行過少少巧明街115號柏秀中心10樓全層 $200一大一細玩全日 係全日！場地5000尺！剩係人地個波波池就大你成個playground 幾倍大！場內玩具多你100倍！仲有兩大架電動bb車，可坐兩個幾歲大小朋友，可以搖控係場內兜圈添！好重要既育嬰室人地係任用干淨企理唔會唔開放😂😂😂＃炑八韓烤親子餐廳＃一肚氣＃眼神話我知覺得我地無錢食＃覺得自己真窮

姪仔一向貪玩，無時無刻坐不停，每次外出吃飯都令我非常傷腦筋，早前，朋友介紹我來觀塘的一間親子餐廳吃飯，沒想到竟然是炑八。炑八韓燒親子餐廳位於觀塘鴻圖道，佔地非常大，甫入店舖，就已經可以看到波波池，感覺就像走進兒童遊樂場一樣。這天我是作先頭部隊來餐廳視察，所以沒有帶姪仔一同前來，不過，眼所見餐廳推出了不少 兒童套餐，賣相吸引。我點了驕傲自滿韓牛餐，內裏有韓牛西冷、蔥蒜牛五花、 角切牛舌、韓牛前胸肉、牛小排、LA骨。韓肉西冷牛有美美的雪花紋理，口感嫩滑甘香，肉質軟腍，有咬口。而蒽蒜牛五花帶有一層脂肪層，在爐上燒香，油份被慢慢迫出，脂肪層變得甘香煙韌，吃時以生菜包著，再放入泡菜，層次感更豐富。 牛小排牛肉味濃，肉質嫰滑，不粗糙，油香四溢，角切牛舌非常厚身，口感煙韌富嚼勁。芝士熔岩飯熔岩飯的味道非常好，由於內裏加入了泡菜，再加入大量芝士，所以吃時會有濃濃的芝士香味，亦有拉絲效果，味道辣辣的，非常惹味。 鮮榨橙汁及鮮榨蘋果汁由於這天的鮮榨果汁都售罄了，店家只能提供普通的蘋果汁，不過，加冰後味道變淡了。

見到BLOGGER介紹, 諗住新開張去試下, 點知.........好難BOOK, 終於BOOK到星期六晚, 限時2.5小時.早10分鐘去到, 入左2個玻璃推門等確認, 點知個高級的男店員係"好無禮貌甘" 叫大家離開餐廳! 用手勢趕大家出門口!OK, 佢1個店員一張一張甘親自帶位, 個到都10分鐘, 當時已經OVER左7點開始時間, 當然係以SESSION計, 唔係入座2.5小時啦!去到檯, 已經發現檯面係抹過, 不過充滿油積, 仲有炭屎! 我用左4張消毒濕紙巾抹, 全部係黃色架!!!因為有小朋友, 我只好再羅多幾多餐檯紙再墊住黎食飯.洗手間 - 無紙巾不凸止, 原來每一格係超細, 轉手免問, 要企上馬桶先夠位關門, 有小朋友好麻煩! 仲超多垃圾無執, 所有垃圾桶都食飽左!換片房 - 話維修, 唔開!店員 - 會由指定店員跟進, 唔係是但1個都可以接你ORDER, 我地坐房仔, 無鐘仔, 只係次次大力揮手, 等其他店員見到你, 再通傳.....水, 餐具 - 唔叫都唔俾!GAME ROOM - 今晚唔係FULL HOUSE, 但GAME ROOM已經爆曬細路, 無論幾大幾細都可以連大人

又有親子餐廳開幕！仲係我好鐘意食嘅韓燒呀！地點位於觀塘工廠區，全新嘅炑八韓烤親子餐廳。環境整潔，用餐區打造韓國傳統小屋，寬敞舒適。餐廳更提供韓服租借，可以俾我哋著上韓服打卡影相，扮下韓仔 & 韓妹。話明親子餐廳，當然有小朋友玩樂嘅遊戲室，場內有波波池、木製廚所、木製玩具車、層層疊、化妝枱、畫畫枱等......仲有自家嘅洗波波機添！而遊戲室有職員看顧著，我可以安心又安樂咁嘆我嘅韓燒！食物質素好，份量十足，仲好抵食添！三人炑八KID燒烤套餐只係$368！- 窩心摩天輪 ( 韓式炸餃子、韓式炸雞、粟米、薯片、烤牛肉紫菜包飯)摩天輪好吸引阿仔，炸雞同炸餃子都好好食！- 燒肉拼盤 ( 韓式LA骨牛扒肉、霜降牛小排、牛臉肉、炑八特選五花＆梨汁雞肉）牛: 肉質鬆軟淋身，有肉味有肉汁，正豬: 唔肥，整體ok雞: 出奇地好食- 健康野菜- 人參雞湯 or Shake Shake愛心便當(如下圖)佢哋嘅招牌泡菜蛋及芝士粟米，簡直好味到暈，我哋refill 3次！菠蘿梳打、青檸檬梳打、魔法梳打三杯同樣都咁好飲！菠蘿梳打，有好多菠蘿！而餐廳有提供親子友善用具，兒童餐具、濕紙巾、小朋友食物剪刀、飯衣、顏色筆、填

復活節假期，日日都落雨，隂天，唯有室內活動，適逢炑八有間親子餐廳喺觀塘新開，booking 定位，happy easter 🐣 😬😬😬地方唔算僻，隔離有停車場都算方便👍由於新裝修地方很乾淨超大，裝修韓風，有gimmick 👍👍很多羅分位，有小朋友就會明😌😌假日去玩過波波池都要百幾蚊啦！可以舒舒服服食韓燒😂😂$368 有超多嘢食🤣🤣要好耐先食得晒💪💪呢個親子便當🍱，仔仔最愛😍😍仲有呢個摩天輪快🤤🤤 9秒9清曬😋😋肉嘅質素一如既往都係咁好味👍👍舒舒服服食韓燒，真係happy 🐣 配菜同埋泡菜蛋芝士粟米都係無限fill😬😬 但真係超級滑，芝士粟米食咗三四round 😂😂連野飲都好好飲呢，荔枝梳打柑橘梳打👍👍急不及待下星期要再嚟啊！不過一定要book位因為真係會好full😅😅

食肉獸真係好鍾意食韓燒，尤其係有靚牛嘅時候，諗起都流口水呀。但家人現在有了小朋友，去韓燒店就好唔方便又怕危險，知道炑八開左親子餐廳，即刻黎潮聖先。非常難book位！差不多大半個月前先book到復活節呢日！新開張波波池免費玩㗎，正呀，大人都想入去玩下，哈哈。無想像中咁多人，空間頗大唔怕迫，小朋友玩得勁開心。裝修幾正，旁邊仲有韓式包箱，唔知幾多人先可以book呢？唔記得左問添。小朋友安心玩，大人又可以安心食，呵呵～所有配菜都可以無限添加的，泡菜勁正呀～叫左呢個韓牛set，肉雖然唔係好多，但全部都勁靚，正正正！爐邊蛋同芝士粟米都可以無限添加，兩樣都超好味，點忍得口呀！仲有沙律，淨係食肉又唔得嘅，免費送上的沙律都不差㗎，酸酸地夠開胃。仲有可愛的哈哈笑紅蘿蔔，呵呵。再加了石窩飯，又係揀左牛，加入麻油辣醬同生蛋，拌混後很香呀，仲有飯焦，太好味了。邊吃石鍋飯邊燒肉，啲牛幾靚！牛肋骨又係正牛胸肉都好正，呢個時候芝士粟米已經可以食啦，之後就忙住食無影相了，哈哈。大人小朋友都大滿足，開開心心回家去。

想有親子環境又要有美食的餐廳說真的不多，炑八韓烤親子餐廳可為我試過之中最滿意的。相信吃過炑八的朋友都知道他們的韓牛數一數二正！餐廳剛開幕推出小朋友免費試玩優惠，至4月21日！想感受一下韓風playhouse的要把握機會！！有大人和小朋友韓服租用，想不到可以在餐廳拍攝studio級家庭靚相！木系裝潢，還有很多韓風包廂，party聚會一流夠私隱。穿著韓裝影相打咭也有另一番風味！小朋友最愛，不吃不喝也要玩個夠本！巨型波波池、滑梯、小廚房、積木等等，又如party house一樣齊全！（八歲以下適用！）衛生情況優質，是小朋友放電好去處！說回食物，這裡主打親子，兒童餐選擇特別多！大人一樣照顧周全，不會因為「親子」而忽略食物美味的重要（哈哈，家長們你懂的...）我們點了一個韓牛套餐，包括韓牛西冷、牛五花、韓牛前胸肉、牛小排、LA牛肋骨和牛舌，非常豐富！2～4人份量，一家大細都足夠了。韓牛高質，不用沾醬料以經好好味～好幸福啊！前菜（泡菜、酸蘿蔔、生菜盤等）和粟米芝士、邊爐蛋是無限任添的！想減低當食肉獸的罪惡感就多吃點菜吧（笑）單點了這一份紫菜芝士溶岩飯，啖啖都是芝士，實在是欲罷不能！非常美味！（小朋

新開呢間親子餐廳真係不錯入面環境舒適 地方都夠大仲放到bb車油煙不大 入面有野玩 有波波池 滑梯等仲有人會幫手睇住小朋友爸爸媽媽就可以係出面繼續食野仲有好多影相位環境好似去左韓國嫁食野方面野食一流我地因爲抱住bb佢地會幫我地燒埋服務好好呀另外小朋友都會有一份野食嫁最後就係大人同小朋友都可以著韓服影相嫁

成間餐廳變成迷你 🇰🇷韓屋村,以韓國古代小屋設計，客人仲可以免費租借韓服，拍照留念添呀!!男裝、女裝、童裝都有!!👍 🇰🇷··兒童玩樂區入面有小朋友最愛嘅波波池、滑梯!👍有職員看管小朋友。大玻璃窗外,都可以睇穿整個遊戲室👍!家長可以一邊食,小朋友喺另一邊玩!👍··而餐廳每張台都設有親子友善用具，濕紙巾、小朋友剪食物用剪刀。·餐廳入面仲設有嬰育室，方便家長換片。·食物方面:🍗🍖🍱🍳🍩🍮🍧·有前菜沙律、必食芝士粟米同埋泡菜蛋我地呢個係3人套餐 ($368)，好多嘢食，仲包兩杯飲品及甜品一份，真係好抵食。- 窩心摩天輪 (炸雞、薯條、餃子、飯卷)- 燒肉拼盤 (梨汁雞肉、韓式LA骨牛扒、豬五花肉、霜降牛小排、牛臉肉)- 健康野菜- 主食: 人參雞湯/ Shake Shake愛心便當 (二選一)另追加必食王者牛肋骨一份!係咪好啱一家大細同一衆韓迷呢!😍 記住去之前打電話預約啊!

好屈機既親子餐廳勢必成為親子界大熱...超抵食之餘亦非常過癮好多小朋友著住韓服玩🎎阿豬媽會一直很忙追住拍📸至於玩的算叫做應有盡用波波池滑梯層層疊煮飯仔梳妝枱亦有太多嘢玩未能盡錄睇相你就知幾誇吃貨老母有冇覺得很欣慰親子餐廳竟然可以食韓燒食嘅嘢都係平時食嗰啲烤肉都係志在玩 都係多過食或者係新開張嘅關係上菜慢咗啲亦都有啲甩漏不過整體員工都係helpful嘅而且價錢仲相當抵 三人餐唔使四百我平時食tea 一個人都要三百幾最貼心嘅係兩歲bb都有健康嘅兒童零食提供畀佢哋難怪high tea小王子玩到唔捨得走我都好想快啲book下次但據聞已經爆到九彩ℹℹℹℹℹℹℹℹℹℹℹℹℹ炑八韓烤親子餐廳地點: 九龍觀塘鴻圖道90號二樓時間:星期一至五: 11:30-23:30星期六日及公眾假期: 10:00-22:00🔖平日一至五 兒童遊樂專區5點後才開放🏷星期六日及公眾假期用餐時段10:00-12:30 13:00-15:3016:00-18:30 19:00-21:30