火間土 (已結業)

幾年前開始，便常常與媽媽的一位好朋友一同來這兒吃晚飯。他是一位日本人，十分富有，一年會來香港公幹幾次，每次都會相約我們來這兒吃飯。他鍾情於這餐廳的Yakisoba（日式炒面)，每次來必會點這道菜，而他總是客氣為我們點了一整桌的食物，自己卻只吃炒面。每次和他吃飯都會飽到撐，最後打包回家（除了刺身，餐廳不允許外賣刺身，擔心有細菌）。這兒的服務很好，特別令我印象深刻的是一位操流利日語的店經理，他該是日本人，每次聽著他和媽媽好友用日語聊天，都會有種去了日本的感覺。雖然媽媽的這位好友已經離開了，但是種種相處的點滴，都成為了我們美好的回憶。

約了舊同學食飯，他知道小弟喜歡吃日本菜，於是推薦了去北京道一號的火間土聚聚，環境質素感覺都很正很高級呢！點了數款壽司，個人較喜歡呑拿魚壽司和鰻魚壽司！呑拿魚新鮮肉厚，吃下去可感受到淡淡的油脂味，比一般壽司連鎖店的好吃！鰻魚壽司燒得恰到好處，沾上鰻魚汁亦唸本身無味的魚身更添味道！👍🏻👍🏻串燒牛舌和雞軟骨，即叫即燒，一上枱還是有餘溫和淡淡的香烤味，正！牛舌入口軟唸，不會難於咀嚼；雞軟骨燒得香脆，咬入口的「咯咯聲」更添口感滋味呢！😋😋刺身拼盤，可選三款不同的刺身，用籃子奉上感覺特別！三文魚大塊厚切，色澤均勻，脂肪感很正，吃入口就是正！帶子亦很大粒，沒有濃烈的雪藏味，不是一般冷藏貨的質素啦！反而甜蝦就很令小弟失望，起初還以為是大隻的海蝦啦，一上枱竟然是這款小甜蝦，還是去做甜蝦壽司比較恰當⋯⋯

Nothing better than amazing food with a wonderful view!The food was super delicious, especially their tender juicy bbq and super fresh sushi! The good customer service was another point should be highlighted, the restaurant do care that weather you enjoy you meal or not.I was at the window site that allows me to watch the victory harbour eight pm night show. Definitely had light my day!!

位於北京道一號的「火間土」，近十年間去過幾次，有時是朋友聚會，亦試過商務午餐。初期光顧的時候，我還未開始寫食評，那時沒有相機先食的習慣，所以沒有留下食物的相片，但在電腦內郤有張跟朋友們在店內的合照，我記得應該是朋友的生日飯局。如果食物跟人只能揀其中一樣記入腦的話，我寧願記著跟什麼人來過某間餐廳，總好過只想起死物。能令我反覆回來一間店，有時並非因為食物，可能會是因為人，當然亦有其他原因，例如地點及價錢等。這晚再次踏進好久沒來的「火間土」，一看店內天花上的獨特代表火的燈飾，便記得自己坐過這裡了。之前幾次都是坐大廳，這次訂了房，其實這店有超過十間大小不一的房間，私密度高，方便朋友傾談，或作商務會議。店子還有一個優點，就是180度維港海景，部份房間也是面向維港，雖然是8樓，被文化中心遮了部份視線，但景觀仍然很美。特級刺身拼盤 $330有三文魚、吞拿魚腩、牡丹蝦、劍魚腩、油甘魚，不單只是厚切，而且肥美得很，尤其吞拿魚腩和劍魚腩，都充滿美麗而均勻的油花，入口鮮甜而富軟腍的感覺。蟹蓋蒸蛋 $68用成隻大蟹蓋來蒸蛋，內裡不只有滑蛋，還有蟹鉗，令蛋富有鮮味，做得相當不錯。驚喜大蝦伴沙律醬 $88名字說驚

想同朋友吹吓水，飲番杯，就上咗間日式料理，叫咗D小食送吓酒，都唔錯！日式串燒，燒鸡、魚、牛、豬，都算燒得香，肉汁鲜甜夠野味，可以追加！鷄軟骨，香脆入味，易入口，加D檸檬汁，就更開胃醒神，唔錯既配撘！

朋友介紹，有靚景有魚生，去之前睇過食評，有d擔心，喊包比例甚高兩個人叫左一客中size魚生，三件壽司，串燒同埋銀鱈魚再加一支酒，最後叫左一客士多啤梨雪芭壽司都OK，不過魚生超唔掂，有好多根，吞唔落，食得好辛苦，銀鱈魚好油，仲有串燒勁普通，雪芭正常但價錢吾平，$9xx 2位，完全不值，純食景，講完

今次下午同個朋友黎到呢間火間土，佢環境可以望到維多利亞海景的，當然下午無咩野睇啦！燈都無棧燈都無。蠔，日本蠔同其他法國蠔啊，美國蠔啊好唔同，佢味會比較甜D，會比較肥D，當然都唔會少得海水既咸味啦，新鮮無醒味，無苦味。帶子刺身，簿切左，叫容易入口，入口鮮甜、北寄背刺身、新鮮鮮甜。反卷，三文魚好少再配青瓜，不過三文魚新鮮的。蟹子沙律，沙律醬夠多，起碼可以遮D青瓜醒味，食落會更容易入口，蟹子少量，新鮮。

在尖沙咀好多餐廳都限時晚飯，今晚到火間土聚餐就不限時間，環境舒適，還可以見到維港夜景，是一個不錯地方。我們叫了串燒牛舌、蠔、豬肉，牛舌燒得好好味，好香，蠔好鮮味、多汁，豬肉串有驚喜，🐷肉上面佈滿芝麻，一咬芝麻味濃郁而豬肉很香及鬆軟。炸軟榖蟹好大隻，一份有兩隻，香脆可口，蟹膏很鮮味👍🏼

火間土 係一間日本餐廳 位於北京道一號八樓 都幾方便㗎我地預約咗至黎 所以唔洗等就可以直入店內裝潢好似迷宮咁 有普通餐枱同日式嗰種我地就坐普通餐枱 叫咗燒魚頭 芝麻鰻魚卷 同一個甜品燒魚頭都幾大件 滿多肉的 幾抵食 芝麻鰻魚卷 鰻魚都幾大嘅 唔係細細舊嗰啲 外面用黑白芝麻圍住 所以一入口就食到芝麻香味 👍🏼甜品 上層係雪糕 下層係蛋白 食落都幾match 唔錯嘅 不過就甜啲

火間土係一間價錢算平民，但又有海景view的餐廳，因為我地無book位，所以唔係坐正玻璃窗果邊，不過都睇到景。下次要早d book位先得。唔係太餓，所以只係叫左幾個小食。炸雞軟骨：炸得脆而不乾，而且好夠熱，分量都好多。豚肉鐵板豆腐：豆腐沾了炸粉炸過，所以外皮酥脆的，食落豆腐都係好滑，而豚肉味帶咸，口感尚可。燒魷魚筒：本來食第一件覺得幾好味，但食落有膿味，之後發現真係燒焦左，只係佢將d蔥遮住左。煎墨魚餅：頗有墨魚味且有嚼勁，再搭配沙律醬，好美味！

今日放假 突登搵係尖沙咀返既朋友食飯尖沙咀人多 食lunch 記住要book 枱之前食過一次火間土lunch 一個set lunch 有沙津菜 配菜 燉蛋同主菜book 左1245 準時去到 唔使等位 直入佢俾左近窗位我地 仲望到海tim三個人 一人一個定食 我叫左魚生飯定食 魚生好新鮮 又多種類 又有麵鼓湯又有燉蛋朋友叫左天婦羅魚生定食 d魚生好多 有北寄貝 三文魚 小小海膽 天婦羅有蝦有菇 全都即炸好香脆仲有個朋友叫左 薑爆豚肉定食 跟左兩件壽司 個豚肉好香好甜 用鐵板上 keep住熱熱地咁好好食😬😬每個人埋單係100蚊左右 又有風景坐得又舒服 👍🏼👍🏼 食完個咁好既lunch 先有力返去再博過😼

最反感是一客連加一約$200元海胆飯, 盛器的飯碗似个中型湯碗, 顏色單一雪白只開个斜碗口, 半碗高的白飯, 食落真是感受唔到米應有既香味. 海胆不多但顏色是好似幾吸引人的橙色, 但整碗$200元海胆飯可謂全冇修飾可言, 只放一片(5元銀大細)甘大把類似紫蘇葉在海胆與白飯之間, 滿心歡喜以為這麼珍貴的海胆, 理應齒頰會留香及回甘在吞咽之間, 令人回味冇窮, 呵! my favourite ! 可惜是疑似是回味三回的海胆, 淡猫猫味道及冇口感及鮮味, 滑孱孱的感覺只會倒胃口, 如何要求留香及回甘於咀嚼之間. 其他燒物只是多春魚, 蝦及食完冇感覺特別諸如似類的大路燒物, 放題大喜屋都可因自已喜好叫及可叫不停燒牛柳, 鵝盰, 蝦或解油膩新鮮澄黃鮮菠蘿. 另外:咖哩湯烏冬一的都唔似食咖哩, 冇辛辣味, 只見掛著漿似烏冬, 糊裡糊塗送入口, 我暗地哎呀, 叫什麼烏冬? 叫个拉麵可能會淸爽的, 其他食物真是已忘記其特色啦!( 請Openrice的評審不要再叫我改食評了, 實在當晚坐到腰骨痛, 邊有心機去欣賞及品嚐食物的味道 )當然是特出難忘的, 必會記得, 一位不懂本地方言的日藉經理曾替我發聲要求

約咗朋友去尖沙咀火間土食Lunch,好lucky侍應安排了「包箱房」給我們。望住個維港境食餐，真寫意！我地每人點了一個餐，我的有三文魚帶子海膽飯，茶碗蒸蛋，沙律和麵豉湯。個飯真係超有水準，材料好新鮮，三文魚和帶子刺身切得厚度適中，好有口感，不是薄薄的幾片；海膽好有鮮味，而不是苦澀的。至於個茶碗蒸蛋，裡面有蟹柳，明門卷片，好似仲有雞肉！蛋好滑，好香，最緊要一樣野係「夠熱」！因為食茶碗蒸蛋唔熱既話感覺真係欠一半。另外，我們還order咗一碟煎雪魚，煎到金黃色，而魚肉又唔會散開晒，單係賣相已經攞到80分，加埋魚既味道甜甜地配沙律醬，簡直係100分既菜色。

在尖沙咀,正宗的日式料理和地道fushion日本料理的餐廳都有不少,但我認為,以性價比而言,火間土算是不俗的餐廳。火間土的set lunch餐牌有不少選擇,今次我選了"女士定食",原因是可以一次過品嚐各料精緻的冷盤與熟食。女士定食食物包括:一小碗蘋果沙律,頗清新,但略稍沙律醬汁下得太多;冷盤有一件牛油果三文魚籽壽司及兩件芒果蟹柳壽司,品質新鮮,壽司米亦不會鬆散;熟食有照燒雞,醬煮三文魚,燒牛舌,蔬菜和燒雜菌,每款都有一至兩件,份量足夠。相信當天是星期六中午,所以客人不會有平日那麼多,環境十分寧靜,而又有這樣開揚的景觀作陪襯,是一頓十分悠閒寫意的午餐。

第二次黎呢間日本野，第一次係食晚餐，今次就試吓幫襯佢嘅午餐。午餐黎講都好多選擇啊，絕對唔係嗰啲三四揀一嘅menu。我哋叫咗魚生飯、天婦羅定食、同埋鐵板燒牛肉。每一份餐都好豐富，十足十正式嘅日本餐廳一樣，有湯有前菜。魚生飯好足料好新鮮，每粒魚生都切得好靚，係標準嘅角切，絕對唔係將啲餸頭餸尾擺飯面。而且魚生飯嘅飯都有醋味，味道啱啱好。鐵板燒牛肉，牛肉有牛味，好香脆，好入味。最精彩就係個天婦羅啦！天婦羅定食除咗主角之外，仲有刺身、蒸蛋等等。天婦羅無油憶味，炸到啱啱好，外脆內軟。定食跟嘅刺身都好新鮮，切得好靚，師傅好有誠意。蒸蛋一向係我最愛，好滑溜。第一次喺呢度食午餐，可以望住個海食晏真係心情都好D架！對上一次黎食夜晚埋單三四百一位，估唔到午市時間有同樣質素嘅食物但只係百零蚊，抵到爛！