火間土 (已結業)

星期日夜晚係尖沙嘴想食輕盈晚餐，來到OnePeking大廈這家日式餐廳，直接walk in沒訂位。串燒拼盤一般般，只記得其中一串是雞中翼，烤得很貼心，雞翅的皮是撐開來烤的，挺香脆。三文魚芒果牛油果壽司卷的搭配較清新，中間伴有沙律菜。最後還order了小食，是一小盤涼拌蟹肉（好像還有蟹籽），好吃不油膩。

今日同事帶咗我去呢間靚景超闊，勁多位嘅日式餐廳。對住呢個靚景食lunch ,平均消費只係＄80咋！🐆🐆🐆🐆🐆🐆🐆🐆🐆🐆🐆🐆🐆🐆🐆🐆同事order左呢一個set，好豐富，仲包埋嘢飲添！🐆🐆🐆🐆🐆🐆🐆😬🐆🐆😬🐆🐆🐆🐆🐆而我就叫左呢個特選女士套餐，每人都有少少，啱晒啲有選擇困難症嘅女人啦（即係我呢啲啊！ ）焗好醬汁好creamy..烏冬係昆布湯，仲有買魚生飯添。每日份量少少，食晒成個食已經好飽飽喇！以後諗唔到lunch去邊度食，呢度一定係首選！

呢一間日本餐廳火間土，位於北京到1號，所以可望住成個1881嘅景色同埋海旁，個景真係好靚，適合情侶慶祝。佢有好似兩個人坐嘅房仔，不過有最低消費＄888，其實都幾貴。但係因為今日係慶祝男朋友嘅生日，所以決定都坐二人房。為咗食夠minimum charge，我哋叫咗個火間土刺身拼盤＄598，分別有三文魚，吞拿魚，甜蝦同北寄貝等等。三文魚同吞拿魚幾好食，有好多魚油，有即溶嘅感覺。賣相幾靚，不過份量的確唔多，每樣每款只得三片。之後我哋都叫咗個和牛意粉。和牛有啲un，個意粉都叫炒得幾香，不過淋咗少少。串燒就幾好味，叫咗個芝麻炸雞翼，味道唔錯，炸得幾香口。最後埋單成＄1000，真係好貴。只係食咗個嚟環境。

這間餐廳位置尖沙咀 面向文化中心 睇到海景。 以環境優勢呢講食物價錢合理， 食物味道也不錯， 刺身也很新鮮， 款式也很多。 仲有適合小情人嘅私人空間 ， 都可有一班姊妹嘅傾計空間。 都提醒各位訂臺時要求房間私人房間！

來了這間火間土也應該超過15年，一年總會來三數次，一來環境整潔，在尖沙咀區來說價錢實在不高。今次也點了串燒牛舌，也找不到一家餐廳比這裏的平宜，可惜今次的牛舌比之前差，很tough.清酒點了'初孫'，初孫在日本很有名，在香港卻不常見。如愛辛口口味，這支酒表現平均，售價屬於抵飲，配串燒一流。

位於北京到1號，一個咁好嘅地理位置，有一間日本餐廳。今日朋友生日，所以專誠去試下。由於地理位置優越，能望整個1881同太空館嘅環境。我哋選擇坐房仔，能夠有自己嘅私人空間，而最低消費係＄880。食物當然要叫呢度出名嘅刺身拼盤，＄598有生蝦，甜蝦，三文魚，吞拿魚等等。賣相好靚，亦都感覺好新鮮。另外都叫咗個和牛意粉，呢個意粉就比較乾身，味道唔算太濃。當然都話叫左啲串燒，雞全翼好好味，烤得啱啱好，令仲灑上芝麻好香。最後埋單＄1100。雖然好貴，但係慶祝朋友生日同埋有個咁靚嘅環境，一次既話都算值得。

火間土包廂好適合帶外地客戶傾生意 有無敵海景 夜晚去可以看幻彩詠香江 雖然無聲不過勝在唔洗係下面同人逼 夏天出面又熱 不過今次係同男朋友去 以上只係suggest 下 哈哈哈 可以打電話book位時講定要包廂 不過有min charge其實叫下酒就好容易meet到quota叫左d壽司同海膽飯整體而言都算新鮮 當然不是食過最好味的 但係都值回票價ga個海膽飯重要心型 咁浪漫ge 咩 哈哈哈 超級鍾意海膽 海膽都好鮮甜 抵過就gum叫海膽軍艦ah不過唔知係未出面個顯示屏壞左 按幾次鐘都無人黎ge 要揮手先得 不過d staff 都好nice ge

打這篇食文之時，特意看看這間餐廳早期的食文，方發覺這店原來自2003年年尾(沙士當年) 已於北京道一號開業，經過十多年，餐廳仍在原址開業，實在相當犀利!! 餐廳於2015年重新裝修，難怪陳設簇新，也有不少2人包厢，可近望維多利亞港; 至於已訂枱的我們，可以坐舒適的tatami，都相當不錯呢! 原來7月份於火間土惠顧任何時段，可享9折優惠，只需like該店的page以及post相上page即可，我當然也不錯過這優惠la~ 午市套餐選擇相當多，令人花多瞭亂，最終我們選擇了燒石頭鰻魚飯定食、特選牛排定食& 海鮮三味天婦羅便當定食~ 燒石頭鰻魚飯定食 ($110) 鰻魚飯定食配沙律、蒸蛋& 麵豉湯& 主食，實在相當豐富. 沙律菜份量多又新鮮，麵豉湯熱度夠又不過鹹，至於蒸蛋都幾嫩滑不過只是暖暖的而已. 燒石頭鰻魚飯 主角鰻魚份量極多，魚肉嫩滑富油脂，且完全沒有細骨，超級美味呀! 再加上是石鍋奉上的，即使慢慢吃，仍然相當熱燙，個人覺得這$110 的鰻魚飯極有水準，現在打文依然很回味!! 特選牛排定食 媽媽選了特選牛排定食，附白飯、麵豉湯、凍豆腐& 漬物. 下單時要求

門面第一印象已經比左一個負面感覺我🤷🏻‍♀️平日放工同朋友仔兩個黎試呢家餐廳，我地無訂位嘅。一出lift就見到有兩組人等帶位，我地都諗唔係未到7點就full左咁驚嘛....點知係因為只有一個知客，而且仲聽緊其他人打電話嘅booking，所以唔得閒帶位。等左10分鐘左右，終於入到去。入面分左唔同空間，而我地左嘅area都有6、7檯坐緊。但想落order嘅時候一個職員都無，有無鐘call佢地....唯有等人出現🤦🏻‍♀️幾經波折終於落好單，啲野食又意想不到咁黎得快....快到叫左嘅四色丼，師傅落漏左海膽........我同朋友見到個丼咁圖文不符，咪問下職員究竟四色丼有無海膽.....職員拎左個飯兩步返黎叫我地開menu比去睇下圖.......咁圖上真係見到有海膽，佢先拎左，然後話師傅漏左落........點解可以咁嘅服務！？如果唔係我地未食過同一早發現都唔知會點.....其實啲食物質素ok嘅，價錢都相宜，可惜服務太差了😞

火間土喺北京道嘅時間都非常之長。不過最近都係幫襯過兩次，之前一直都冇試過幫襯呢間餐廳，唔知道原來呢間餐廳嘅環境都唔錯，佢嘅定價係北京道嚟講可以話係中位數，再加上佢冇時間限制，係呢個位置來講的確好OK。今次我哋食飯就訂咗一個二人嘅海景小小私人座位，呢個L型嘅setting，有一定嘅私隱度，再加上對住個海景食飯，有最低消費亦都好正常。最低消費＄800，對於喺北京路來講，算係中位數啦。為咗要叫到呢＄800，我哋可以話係放開肚皮。由於呢間餐廳嘅食物定價並唔高，所以我哋叫酒就最容易hit到呢個Target。當晚叫咗：枝豆，山葵八爪魚，燒三文魚頭，刺身，炒椰菜，兩種唔同嘅Sake，仲叫咗其他啲唔同嘅食物，好老實講，呢間餐廳嘅出品並唔係水準好高，佢勝在冇限時，食物過得去，環境唔錯，而且服務亦都跟好貼，乜生前，乜生後，令你覺得非常之被重視。其實呢個食評我都唔打算寫食物幾好食或幾一般，基本上呢度係食環境，食私隱，有呢個需要就過黎啦。就算你想一家大細，响呢度最聚會都冇難度，因為佢有啲類似日式TATAMI咁樣既半私隱間隔，都可以一家大細聚會。

位如尖沙咀北京道一號嘅，係一間黎自九州嘅日式料理餐廳。可以睇下佢嘅環境同餐單先 → → 睇佢嘅位置都知道個景唔少野啦。冇錯！係有海景嘅！幾靚幾Chilled嫁，不過因為佢地只係8樓，所以唔好期望係無敵大海景，不過已經好夠殺。重要係價錢合理(´∀`)b，帶女黎食海景餐廳都唔洗比人湯到一頸血啦。有和式feel嘅房同4人座位，主廳近落地玻璃睇海景嘅都係普通座位。另外仲有特大房添，啱哂一大班朋友黎食飯又唔想嘈到人或者商務飯聚應酬。呢度環境係好舒服嘅，枱之間都有足夠空間，所以唔會太嘈太迫，我星期二上去唔Full，但如果要就一定要一早Book。匯豐 / 恆生信用卡有(消費$500以上)，或者係FB post相打卡都有。 佢地Draft Beer得Kirin，大同細size。因為我地叫左串燒，當然要叫杯大嘅鋸鋸佢✌ 佢地仲有好多日本酒嫁！鐘意飲嘅朋友就可以黎一試。 沙律係第一個上嘅菜係常識吧。天婦羅炸得好好，都唔算厚粉，蝦冇裝假狗，有番咁大碌(^_<)。我最鐘意佢嘅沙律菜有紫蘇香！推介推介！！ 激好味三色飯(海膽、帆立貝、三文魚)  我又唔覺得激好味，三文魚唔算好甘，海膽都唔太甜，中等級數啦

同男朋友行完街緊係要搵野食，想食日本野，男朋友就話不如去食火間土，決定果然係無錯！好好味！由其海膽，新鮮到有幸福既感覺呀！全部魚類刺身都好好味，師傅握壽司亦握得好好大推大推！要一讚服務員態度好好呢好有禮貌

火間土基本上是我和朋友聚會的老地方，每次想起吃日本料理及要求坐得舒服，必定是它莫屬。火間土位於北京道一號，地段方便。餐廳環境舒適，中廳還可以遠眺維港景色，如果想要有私隱度，提早book枱可以要求坐房間享有自己空間，很適合三五成羣談天說地。我喜歡這裏的食物，一直保持著水準每次必點的大蝦芒果醬沙律，酸酸的很開胃必點的牛排肉，十分juicy 當然甜品亦表現不錯！必點士多啤梨芭菲！nice!!!根據我多次光顧及經驗，雖然說不上有什麼驚喜，因為餐牌菜色基本上沒什麼大改變，但好在火間土的食物不俗，價格定價合理，我喜歡吃的菜色仍保持一貫水準，所以我仍keep 住光顧。

我地一行10個人一直都話想聚下，有人又生日，搵啲大家可以傾下計又可以慶祝嘅地方。之前都有嚟食過，地點方便，係北京道一，有啲獨立嘅窗口位望維港景，啱哂情侶黎撐下枱腳。我地坐他他米，環境有啲嘈，要傾計真係靠中間個位大聲啲。食物都ok，正常，唔係特別好好食，又唔係難食。牛肉類同壽司類叫得過，整得好食嘅。串燒還好，有啲咸左啲。。。服務都幾好，成日幫我地換碟，睇下我地有咩需要。我地有切生日蛋糕，都好細心幫手安排。除開3個壽星，無叫酒，食到飽，每人400左右，偏貴。如果小食叫下酒，人數6個最多，呢度都可以係其中一個選擇。

同一班姐妹聚會，想搵個淺嚐酒品，又可以睇下靚景，加靜靜傾計嘅地方。諗起北京道一號，亦諗起未黎過呢間日式餐廳，決定book枱一試。訂位訂得有啲遲，已經無海景房，不過都安排到私密度好高，可以盡情傾計嘅tatami房仔俾我地。一入到餐廳，環境一流，已經大有好感。再發現餐牌上嘅食物並無想像中貴，大家更加開心。點左好多款食物，每一款都水準不俗。值得一食嘅係卷物類，全部都深得我地歡心。唯獨係炒飯有點偏油，但其他燒物、薄餅、鍋物都好食。飲品水準就有啲參差，係呢款水蜜桃燒酎，無論係外觀定味道，全部人都一致好評。粉嫩嘅顏色，配上唔會好化學嘅水蜜桃口味，係女生至愛。相信呢度會成為同一眾閨蜜聚會嘅長期飯堂。