火車頭越南餐室 (浣紗街)

營業中

休息中

放假就諗住周圍行下，係附近行完，就諗不於係大坑搵下野食，因為六點時間都仲係早，所以都未算太多人，睇睇下就揀左間越南野食。我地六點左右入黎，但唔夠半個鐘已經坐滿哂。佢有單叫又有得叫套餐，套餐有大頭蝦套餐同埋火車頭套餐，見到火車頭套餐都幾岩食，所以就懶得再睇了，然後再加杯飲品，荔枝特飲。火車頭套餐都幾多野食，總共有六樣野，一個人都係188蚊。頭盤有大蝦柚子沙律，大蝦加左調味料再煎過，幾香口，柚子夠甜，沙津食落幾清新，開胃。扎肉就有四塊，同蝦一樣都係煎一煎過黎，香口好味D。同場仲有兩件特色蒸粉卷。之後就有馬拉盞炒時菜，我地驚太辣，所以叫左小辣。不過黎到都有小小辣，惹味小小。跟住就有咖喱雞配法包，咖喱味濃但唔係好辣，岩我地口味，咖喱雞有四件，煮到好腍入哂味。法包就暖暖地，用黎浸咖喱黎食一流。我覺得主角係火車頭招頭湯河，影相可能唔係好覺，但其實佢個碗勁大，兩個人既分量黎。湯底好有牛味，睇介紹有牛骨等十幾樣材料一齊煲。材料好豐富，有肥牛肉，牛肉味濃而且又嫩滑，仲有牛腩、牛丸同牛栢葉。加埋杯野飲一個人225蚊左右，性價比高既越南餐廳。

今日下午到大坑探望友人，見時間差不多, 是時間找個地方晚飯。 友人隨即建議去附近一間越南餐廳共進晚餐。 此店牆上裝修使人聯想到火車車卡, 配合其餐廳名字 --- 「火車頭越南餐室」。 春卷 : 春卷以碎豬肉丶紅蘿蔔粒丶沙葛粒丶木耳丶米粉做餡料, 外皮是用越南米紙。 越南米紙包的春卷較煙韌, 以生菜包起來, 再蘸魚露來吃, 口感不會油膩。 蒸粉卷 : 以晶瑩剔透的粉皮包着炒得很香口的餡料。 以碎豬肉丶紅蘿蔔粒丶沙葛粒丶木耳等為餡, 粉卷外加上炸蒜蓉丶炸乾葱和葱粒, 豐富了食味。 蔗蝦 : 蔗蝦蝦膠非常厚, 兼且又爽又彈。 牛油雞翼 : 鋪滿了金黃的蒜蓉碎。 雞翼炸得香脆, 但我個人喜歡牛油味重一點的。 火車頭招牌湯河 : 既然是招牌食品, 那就一定要試。 碗內食材多, 有生牛肉丶牛根丶牛柏葉丶黑椒牛丸丶白蘿蔔和越式河粉。 芽菜丶青檸丶辣椒粒以另一小碟奉上, 隨個人喜好放入大碗中。 湯底果然與眾不同 正宗越南牛肉湯底, 以牛骨丶花椒丶南薑丶洋蔥等十多種材料, 熬最少十小時而成。 此湯底味濃且香, 每款食材都入味, 越式河粉也滑

要到天后附近做嘢，想食個快嘅但有質素嘅晚餐，於是係大坑搵嘢食，大坑嘢食越開越多，但開得多亦走得快。最後揀左係大坑開左比較耐嘅火車頭。由於六點鬆就去到，所以成為第一檯客，但食到後期就越來越多人。我同友人第一個菜係點牛油雞翼，因為我個人對牛油雞翼情有獨鍾。雞翼係即叫即炸，送上檯嘅時候重叫我地小心熱，點知友人轉頭就太心急XD牛油雞翼整碟有濃香的炸蒜，炸得剛剛好，有淡淡嘅牛油香。主食方面，我就叫左生熟牛肉河。呢度都幾地道，俾左生芽菜、紅椒粒、青檸等配料，可以自己想落幾多就幾多。至於碗牛河，先論份量，可謂十足，無論係牛肉，還是河粉都唔少，好少見牛肉份量咁多。上檯時牛肉就半生半熟，經由熱湯再浸，就熟啦。至於湯底非常濃郁，夠哂味道。想加埋杯凍飲，飽晒。

一年一度Sogo thankful week 點可以錯過，但買完野之後向銅鑼灣搵食真係非常困難，於是唯有轉移去美食集中地大坑搵食。大坑近呢2年轉變好大，開咗好多新店，唯獨我比較喜歡舊鋪嘅美味。火車頭向大坑已經開咗一段好長時間，依舊屹立不倒，今晚就去試試佢先。餐廳門口係開放型式，光猛又夠開揚。餐牌選擇多樣化，簡直眼花撩亂！但餐廳亦好貼心有供應套餐作選擇。火車頭招牌湯河Size 超大碗，$98真係好抵，配料有齊牛丸，蘿蔔，牛柏葉，熟牛肉等等，而最特別係芽菜分上，食嘅時間加上芽菜，青檸汁，辣椒調味，湯底牛味濃郁，牛肉牛味突出，肉質鮮嫩，配上幼滑河粉，超正！牛肉酸窩而家已經唔多越南餐廳可以食到，估唔到呢度竟然有得食，一定要試。酸湯湯底酸咪咪好開胃，牛肉擺盤精緻，放入湯底輕輕淖熟，牛肉鮮嫩又濃味，令人食不停口，超贊！最後叫返杯醎檸七喜，醎檸吉店家預先整碎，令到味道更濃郁更突出，消暑又解渴！今餐真係超滿足又好味，而且店員態度有禮，值得一贊！

難得今天五時半可以離開office，老公又剛巧放假，決定到很久未去過的大坑吃晚飯。我們六時到達，老公早已說好想吃越南菜（我們倆這個星期為何都變了越南控呢！），所以便向火車頭越南餐室出發。走到門前發現同一餐廳原來是有兩間店的，一間以火車作主題，另一間裝修較有法式風味，老公選了火車主題那間店。一間餐廳竟然在小小的社區內佔了兩個舖位，我們不禁對食物有點期待，看看餐牌，對食物基本上已有默契。有點口喝，先來飲品。我點的椰青非常清甜，夠凍，解渴一流。老公的椰汁三色冰配料有紅豆蓉、綠豆邊和綠色大菜條，冰是碎碎的，混入椰汁，甜度剛好，也有透心涼的感覺。一邊喝飲品，食物很快送到。1) 火車頭招牌湯河索價近百元的湯河，原來份量是很。大。的，比普通生牛河足足大兩倍，湯底也比平日吃到的有點不同，較濃味和有層次一點，根據餐紙上的描述，湯底以牛骨、花椒、南薑、洋蔥等十多種材料淆製，材料除了牛肉、蘿蔔外，還有牛展、黑椒牛丸、牛筋等，再加上可再添的芽菜、青檸、辣椒等，很豐富，也足夠兩個人分享。2) 蜜糖魚露雞翼在牛油雞翼和魚露雞翼中選了後者，醬汁有點像撈檬的碌冧汁的濃厚版，雞翼應該是先輕微炸過，然後再加醬汁一起煮，很

這天要去中央圖書館，所以約了在附近工作的友人晚餐。他提議到他公司附近的越南餐室。他先去找位子，我借完圖書才去。我好不容易才找到這間店！但我一入內，覺得很奇怪......一個人也沒有，連侍應都沒有 -_-在打電話給友人期間，細看這間餐室的佈置......我覺得充滿歐陸氣色，完全不像越南餐室。這裡的氣氛很好、很舒服！友人接通了電話......告知原來要行前幾間店，另一間在那裡！這間店與之前去那間的裝潢有些不同，這間較為簡潔，很有越南的特色。我們點了「火車頭招牌湯河」、「牙車快沙律- 雞絲」、「紙米凍卷」、「蟹肉炒粉絲」及一杯「凍柑桔話梅蜜」。火車頭招牌湯河，有牛肉、牛筋、牛丸、牛柏葉和蘿蔔等。材料豐富，仲可以試到不同部位的牛 湯濃、河粉幼滑！牙車快沙律- 雞絲，清新開胃！紙米凍卷，皮薄、內裡滿佈檬粉，爽甜、香口 眼闊肚窄的我們，以為唔夠飽，所以再點了蟹肉炒粉絲，飽到食剩一半要打包！材料豐富、乾身、惹味！友人點了這杯凍柑桔話梅蜜，不太甜，可消滯！

一個人系天后行完街想搵間餐廳食飯，就比佢入面嘅裝修吸引到，好有風格嘅裝修，好似d舊時嘅火車頭，好有代入感。當我去到入面時，先知道原黎呢個系一間越南菜。我就叫咗個香茅豬扒飯，豬扒就系用煎嘅，食入口就好鬆軟，外脆內嫩，亦唔會好油膩，又保持住肉扒嘅鮮美肉汁。又配埋個魚露同越式香料，成個豬扒非常之香甜，多汁。再配埋個蔥花油真系好惹味呀，好好適合餸飯。真系好地道嘅一間越南餐館，下次我會同朋友黎試下呢度嘅招牌火車頭湯河粉。

同朋友就一齊約埋想試下呢間歷史悠久嘅火車頭，聽屋企人老一輩嘅話大坑呢間越南菜特別正宗。咁我哋d後生仔就黎體驗下啦.....由天后站B 出口行7分鐘左右，就可以見到【火車頭越南餐室】7個大字，咁入到去可以見到好清新嘅設計風格，好有系越南嘅感覺，同埋佢哋嘅設計主題完全符合佢哋個店名，有種身臨火車頭食飯嘅感覺，越南菜一定不可少嘅系紙米凍卷，店員就同我地推薦個五色素菜紙米凍，58蚊，兩條，分量好夠，入面料包的好足！

又雨又寒的下午，於附近急需快速解決趕往工作，見此店毀譽參半，本來無打算以身試伏。偏偏架車泊了在她門外，帶著”女人每月虛一次”的疲弱身軀，不想淋雨再行走，本著好又一餐，唔好就一陣再食多餐的心態，賭一舖吧。首先要讚的是，侍應服務不錯，介紹了跟餐沙律的材料(加$15)，見到午餐menu一道”勁薑豬潤牛肉湯河”, 眼前一亮，就如令妃娘娘所說”—-這正是本宮現在最需要的”加埋個沙律同薑茶，這場賭局準備開彩了！薑茶普通即沖貨色，沙律先上，材料豐富，雞絲生菜海哲柚子仲有大樹菠蘿，調味酸度適中，份量仲好大碗，雖則生冷嘢現刻應少吃，但有薑湯同薑茶加持下，清哂！侍應仲問定要不要芽菜，然後連同青檸辣椒一起奉上。檯上有大棵金不換及生菜自助。至於主角湯河，先呷一口湯—“喂，掂喎!”湯清卻牛肉味濃，唔過咸，無咩師傅味，無我最憎的洋蔥，薑絲多，薑味足。落埋配料，香酸醒胃，豬潤剛熟滑溜，牛肉多牛味啖啖肉，點落跟埋的辣醬同油膏。呢碗嘢，開胃，驅寒，暖身，補血。。。。直頭係女士恩物呀！淨係為左呢碗湯河，我會再番啅！

今晚和朋友來到大坑覓食，真的眼花撩亂，街頭巷尾到處都是食店，行到火車頭越南餐室的門口，被它的裝潢吸引著，於是便入內光顧一下啦我們點了紙米牛油果軟殻蟹凍卷、炭燒沙爹雞串、扎肉金邊粉及鮮茄蟹肉湯檬。嘩！真的要用平靚正來形容，到現在也覺回味無窮啊室內很有越南🇻🇳feel爽口的芽菜扎肉金邊粉雞湯底很清，扎肉很細滑鮮茄蟹肉湯檬的湯底，很有強烈蝦味，夾著蕃茄的點點酸味，確是炭燒沙爹雞串啖啖肉軟殻蟹很大件，料足火車頭什果冰不太甜

上次喺旺角朗豪坊食過嘅火車頭越南餐室，味道唔錯，最鍾意就係佢個蒜蓉牛油雞翼，難得A姐鍾意食，今日我就帶佢去到位於大坑嘅火車頭越南餐室總店，繼續越南越愛。蒜蓉牛油雞翼總店比分店更好味！外皮炸得鬆脆，雞肉又嫩又多汁，仲有淡淡嘅牛油香，更驚喜係面頭嘅炸蒜蓉，好香脆好惹味。馬拉盞炒通菜馬拉盞炒通菜份量十足，除咗鹹香味突出，仲有唔少辣椒粒，令通菜更加有層次。生熟牛河大大碗嘅生熟牛河，配料有羅勒、洋蔥絲、芽菜、紅椒同青檸。先嘗一啖湯，夠熱而牛味好香濃。全靠夠熱嘅湯，令生牛肉變熟，而我就比較喜歡嫩滑嘅生牛肉，份量一啲都唔少。香茅豬扒撈檬A姐今次就揀咗香茅豬扒撈檬，豬扒嘅香茅味突出；而撈檬嘅靈魂當然係魚露啦，甜甜酸酸好開胃，入面仲有大量花生、生菜絲、蘿蔔絲同香蒜片，口感豐富。

今日我要食越南嘢，我決定咗冇人可以左到我。所以就同太太去一轉大坑，老自號嘅越南餐廳又點少得呢間火車頭~打開餐牌都有好多唔同菜式選擇，肉類/海鮮湯粉/小食等等...4人set,餐廳裝修都有好濃厚嘅越南味道，坐位都算寬敞。服務態度都唔錯，店員都充滿笑容坐喺度嘆返杯青檸梳打，感覺真係好似去咗越南咁。太太就叫咗個"雞絲金邊粉"湯底味道清甜，金邊粉帶點爽口，雞絲每條size都好平均，加埋乾蒜食，好味道~我就叫咗個蕃茄蟹肉湯河，湯底用咗蕃茄做帶少少酸，加埋超鮮味蟹肉真係好好味，都未食個粉，我都飲咗半碗湯....湯河仲有龍蝦丸，鮮蝦，鍾意食蟹嘅朋友一定要試呢個最後就叫埋個清湯煮大蜆，首先我就試咗啖湯先，鮮甜到爆帶有少少薑味同埋香茅味，蜆肉肥美新鮮。我到今日都仲好掛住個蕃茄蟹肉河粉....

火車頭係越南河粉既代表一種代表越南平民既主食多款不同既餸 配上滑溜既河粉有牛丸，牛筋，牛肉片最重要係牛肉加雞既湯底食之前加埋芽菜，辣椒同埋青檸汁辣 咸 得黎又清爽十分惹味雖然大碗但兩個人食量又未夠飽追加左黑椒牛肉粒鐵板上，配菜有洋蔥同埋蕃茄片牛肉粒完全無筋 抵讚洋蔥同蕃茄片炒過之後好香好淋整體非常滿足

在附近工作，收工到朋友推介的越南餐廳。裝潢以火車為主，尤愛時鐘，如車站上的時鐘般，甚具法式的越南風味。火車頭招牌湯河($98)，碗非常大，份量不少，河粉質感非常幼滑。隨河粉附一碟芽菜、青檸及辣椒粒，在湯河上桌時即時加入去攪拌，芽菜才會變得軟身。沒有把所有辣椒粒加入去，否則會太辣。除了一碟芽菜，還有一碟甜醬和辣醬，甜度辣度適中，辣醬會較好吃。餸有蘿蔔、牛筋、牛肉、牛栢葉和牛丸等。當中以牛丸最好吃，非常彈牙。牛筋非常軟、滑、稔和入味，而牛栢葉很爽口，但量較少，畢竟這是以牛肉作主打。牛肉很滑，份量多。點了些小菜，兩人分享一碗湯河而很飽。蔗蝦($88)，上桌時非常熱，小心燙口。蝦肉包著熱蔗，鮮甜的甜蔗汁內滲滿蝦味，卻亳無違和感，是有趣新穎的配搭。紙米凍卷($78)，有五款選擇，選了蜜桃大蝦。賣相精緻。米紙卷是越南名菜，早前在河內機場吃了鮮蝦米紙卷，念念不忘。這次加入蜜桃，味道更覺鮮甜，軟滑的蜜桃與爽脆的大蝦配搭甚佳。用上新鮮爽口的生菜、檬粉、蝦肉等，爽甜而薄脆香口。很適合作為前菜的蒸粉卷($62)，晶瑩剔透的粉皮包著各式材料，外層軟滑。內層加入了爽口雲耳碎，令這道菜的內層更添清新爽脆的口感。最

夏日熱辣辣最岩就係食東南亞野食，今次我地就揀左越南野，仲要係公司附近，而且價格都非常合理！首先黎到既就係牛油果軟殼蟹紙米卷，鐘意牛油果既朋友仔一定唔可以錯過，牛油果既鮮味再加上新鮮炸既軟殼蟹，記得記得要點d汁！之後就係串燒，呢個串燒可圈可點，唔夠食既可以叫，個沙嗲汁係一流！呢餐飯既重點就係呢個巨型火車頭，絕對係夠兩個人去食！之後材料亦都十分之豐富，有唔同嘅牛肉，極之推介食呢一個麵。你一個濱海，我哋對佢10分好奇！其實就係一啲米粉餅夾住生果，以及燒豬肉，十分之香口，好容易入口。水果嘅鮮味同豬肉配合得非常之好。