火狐爐端燒 (已結業)

今天約了朋友在荃灣見面，過往對荃灣感覺是舊區，食物素質選擇不多，不過今次友人提議的日本餐廳令我有左唔同既觀感。呢間日本居酒屋在千色匯後面，全靠google map才少走了冤枉路。我們點的食物不多，算是淺嚐一下這件餐廳既燒物。蘑菇芝士燒算是中西合壁，蘑菇新鮮，燒焦的芝士味道亦濃郁，頗為開胃。大腸配上少許山葵，中和左肥膩既感覺。 雞軟骨與其他居酒屋水平相當，適合配搭小嚼兩口。牛舌亦燒得不錯，焦香味略濃。豆腐唐揚炸得外脆內鮮，蘿蔔蓉也不算太苦。海鮮炒飯份量可以再多d，不過海鮮配上蟹油香氣四溢，味道不錯。總體黎講這間居酒屋在荃灣亦算不錯👍

高質日式串燒, 味道十分好, 每款食物都不錯, 吃得出有用心製作, 不是粗作濫製, 味道中上.2人給4人桌. 夠寬敞.串燒即叫即燒, 時間有點長. 另外價錢方面這個地方來說比較貴, 位置比較偏僻, 食物份量亦比較小.便宜10-15%比較合理.其實整個環境很合適飲酒吃串燒, 不過酒價也比較貴, 獺祭2割3分索價$1200. 一般酒鋪大約$500

屋企係無飯煮婦，每日都要諗下食咩好，其實真係幾煩，屋企附近好多嘢食都試過曬！咁岩發現有間舖唔知幾時已經轉左手後一直都未試過既！係荃灣好出名既米線舖隔離！火狐爐端燒其實就咁睇個名都唔知主要食D咩既，但原來佢係一間居酒屋，有多款串燒、海鮮燒、麵食、炒飯等...今次食左5款串燒，但唔係款款都好食，大蔥雞肉 $28- 雞肉燒得太乾太柴啦！牛舌 $40 - 唔錯，厚身唔會燒得太熟岩岩好！豚大腸山葵燒 $22 - 燒豬大腸都唔會太乾，但山葵唔知係邊，無山葵味！雞軟骨黃金燒 $25 - 用左依家最 Hit 鹹蛋黃來調味，好香，食多串都可以！牛肉露荀 $35 - 牛肉味道唔錯，不過露荀就唔係條條嫩！睇彩數！仲叫左個炒飯- 蟹膏海鮮炒飯 $108，個樣望落唔錯食落味道都係唔錯，只係太多油，食完個碗底好多油留低左！兩個人食無以為好多嘢其實都未飽，樣樣份量唔多，所以再叫左個 大啡菇芝士燒 $38 同 豆腐唐揚 $30，個大啡菇真心唔錯，但個豆腐就好淡，無咩味！個厚燒玉子望落都好似好吸引咁，不過今次無叫到！可惜！

火狐爐端燒係位於荃灣四陂防 嘅一間居酒屋 裝潢格調幾特別 店面放咗兩支結他 用黑板同粉筆寫上是日嘅菜式/燒物 可以睇得出店家嘅心思首先嚟咗一份豆腐唐揚 做法就應該係先將豆腐炸咗 再吸收日式醬油嘅味道 最後放上蘿蔔蓉豆腐炸得外脆內軟 即使係畀醬油浸住 外層都係脆卜卜 醬油嘅味道亦都恰到好處 唔會太鹹 咬入口亦都食到豆腐綿綿嘅質感 係一道幾考功夫嘅菜跟住要咗一份大啡菇芝士燒 用上咗濃味嘅芝士 加上成個拳頭咁大嘅大啡菇 燒得鮮嫩多汁 幾好食接住上嚟係三串串燒( 牛舌 豬腸 蒜香雞軟骨) 牛舌燒得軟硬適中 同埋燒得幾入味豬腸燒得外脆內軟 脆皮嘅外層同埋充滿油脂香味嘅內層 味道唔錯 亦都清洗得好乾淨 可以好放心咁食蒜香雞軟骨都燒得唔錯 但味道上相比上面兩種冇咁特別最期待嘅一道菜來了 蟹膏海鮮炒飯味道濃沃嘅蟹膏令到成個炒飯充滿住特別嘅香味 海鮮炒飯上嘅配料絕對沒有吝嗇除咗有三四隻大蝦 魷魚同埋帶子 只可以話足料之餘味道亦都好好食 可以話係呢一餐飯嘅閃耀之柱 如果份量再多一點就好了

荃灣美食好多，但就好少見到精緻嘅居酒屋，可以俾收工或假日想飲番2杯，食下串燒嘅朋友仔落腳。雖然前排有朋友介紹荃灣都開左望落唔錯嘅日式居酒屋，但一直都未有機會試。難得今日入左荃灣，又講起番想食串燒，就同朋友試吓呢間餐廳啦。火狐爐端燒位處美食林立嘅四坡坊，仲係正有名米線店附近，一啲都唔難搵。胡麻秋葵秋葵搭胡麻醬真係永無失手嘅配搭，味道清新又夠香，做前菜真正一流好開胃串燒選擇好多，心大胃細情況下，最後揀左牛舌、雞翼、豚大腸山葵燒同大啡菇芝士燒牛舌嘅牛味好香，軟硬適中，而且調味料夠多，一上枱啲香味就出晒黎令人好想食雞翼個皮燒到好香脆，而且係單骨雞翼，食雞翼最怕就係食到好呢hea，餐廳整左單骨就好細心好方便豚大腸燒到外脆內軟，食落第一啖係燒烤的香味，再咬落就係豬腸嘅香味。食豬腸有時都好怕會食到燥味，好彩餐廳有認真處理過豬腸，無怪味出現芝士大啡菇嘅芝士味好夾大啡菇，菇亦燒得唔乾夠juicy最後仲加左個和牛蘆筍炒飯。本來諗住呢度食串燒為主，對炒飯無咩太大期望，點知個炒飯令人喜出望外。和牛肉質鮮嫩、份量好多，配料有蘆筍、炸蒜片、紅椒、蔥花、蛋。餐廳好有心思，因為連啲配料都有燒過先放落炒飯度，值得一讚!

荃灣附近食晚飯，朋友介紹呢間日式屋酒屋，舖頭細細但座位闊落，而且我地7點半左右入席後，好快就爆場。黑板寫咗每日推薦，就即管叫咗幾款來試試。雞軟骨黃金燒，咸蛋黃香極重，好香口，又唔會過於油膩，比起普通的雞軟骨串燒更吸引燒牛舌，肉汁多肉質又夠軟腍，加上灑咗香料黑椒等，非常出色豚大腸山葵燒，平時好少食豬大腸，見每枱都有叫一客就試下。上枱已經聞到好香，芥末醬同燒咗之後的豬大腸出奇地夾，彈牙有嚼勁 食物水準好高，每樣都好食，另外值得讚下的是個環境，就算爆場都好，大家傾計都輕聲細語，是靜靜地談心的好地方。

一向都知道好食既居酒屋吾多🏮荃灣靜悄悄咁開咗一間「火狐爐端燒」餐廳走日本風🇯🇵入面裝修好有木嘅元素親襯啱啱母親節，同媽媽去食返餐好嘅大啡菇芝士燒 $38 📝總分：7.5/10大啡菇雖然燒過，但食落依然覺得係好juicy再加埋芝士鋪面去焗芝士的鹹香令大啡菇更上一層樓牛舌 📝總分：7.5/10牛舌燒得剛好，勁爽口。一串真係唔夠喉，忍唔住要encore😬唐揚豆腐 $30 📝總分：6/10豆腐豆香味夠重，如果係新鮮炸起就更加好雞軟骨黃金燒 $25 📝總分：7/10特別之處就是上鹹蛋黃去燒，味道幾特別第一次食到依個味道😹豚大腸生葵燒 $28 📝總分：7/10一串大約有七粒左右，燒得幾脆口再配上山葵醬，好開胃。蟹膏海鮮炒飯 $108 📝總分：8/10炒飯做得好，一定要炒得乾身米飯粒粒分明，再配埋蟹膏真係超香口

今日約左個朋友食飯由於大家都咁岩係荃灣, 所以決定係荃灣食野本身諗住食隔離果間米線, 但見到咁多人排緊, 望一望呢度既MENU都唔錯所以決定轉場去左火狐爐端燒入到餐廳好有去日本居酒屋既感覺, 餐廳主要食串燒為主除左串燒都會有主食例如烏冬及炒飯, 餐牌分開UPLOAD首先就叫左個胡麻秋葵, 個麻醬好好食, 再加埋木魚絲, 好味!跟住就開始食串燒, 串燒我地叫左1.雞翼 $25 - 燒得好香口, 調味岩岩好, 雞皮脆卜卜2.雞軟骨 $20 - 軟骨位帶小小雞肉, 食落去口感好好唔好硬3.牛舌 $40 - 都算幾厚身, 牛味香4.豚大腸山葵燒 $28 - 少少脆身, 唔會有臭腸味, 同個山葵醬味道都幾夾5.豚肉荔枝$30 - 燒到有少少脆既豚肉包住清甜既荔枝, 一咸一甜, 配合得幾好好鍾意食啡菇, 見到有大啡菇芝士燒$38, 又點可以錯過個菇燒得好香好好味, 又唔會燒到太乾, 岩岩好最後就叫左個蟹膏海鮮炒飯 $108個人覺得呢個係必點, 蟹膏味好香但又唔會腥, 而且好足料有3-4隻大蝦, 魷魚片, 帶子粒, 連朋友都讚個炒飯出色餐廳仲會有酒類供應, 好適合放工黎飲返杯食下串燒傾下計!!

是日同朋友去左出名平靚正既「芙蓉」整負離子。順便去附近食個dinner 傾下偈 Girls talk ☺️ 到了呢間火狐爐端燒居酒屋🏮，難得荃灣區有呢類型既小店👍🏻🔸日式居酒屋🏮當然要叫番柸Asahi 啤啤佢先，店子小小但串燒選擇都幾多，不錯👍🏻Order 無耐，熱騰騰端出來了！🔸燒牛舌牛舌面燒得脆脆，滿滿黑椒及牛油香味，加d檸檬汁吊左d鮮味出黎味，肉質唔乾身，開頭帶點煙韌中間是腍身的牛舌肉，good 燒得剛剛好！🔸黑豚五花楠日本黑豚出名半肥瘦適中，呢個串燒正是！簡單用了蒜鹽及黑椒來燒加 d 檸檬汁，好食😋🔸厚燒玉子玉子燒都幾巧功夫，呢個蛋燒得好滑好香帶點點奶香，甜甜地，好快就KO左佢，like玉子燒絕對不要錯過👍🏻🔸雞中翼皮脆內熱，剛剛熟肉質鮮嫩帶有牛油蜜糖香，燒雞翼真係無人不歡🍽😋🔸燒茄子🍆皮燒得濃濃，加左日本豉油在茄子肉上，甜甜地又咸咸地，熱騰騰好野味，夾住蘿蔔泥吃消下d熱氣😋🔸和牛露筍炒飯炒飯用了日本米，加了野味蒜片䓤花好香！和牛份量都幾多，肉質腍身加埋露筍都幾夾幾鮮甜，好滿足的一餐😋

放工想黎同朋友搵個地方 坐下 傾下計 於是黎左呢間串燒 雖然佢唔係大街 但其實都好方便 係千色隔離第一樣就係呢豬既串燒同牛既串燒 香口 好熱 食入口少少有 又好腍 好食！之後叫左和牛炒飯 炒飯唔油 味道岩岩好 而且真係超足料 一個飯入面好多牛！！另一樣驚喜既 就係玉子 諗住普通一隻蛋 但原來燒到熱辣辣 入面好滑 係好好食 而且都一樣係超大份最後叫左雞翼 係單骨 食落超方便雖然係串燒 但樣樣都大大份 一定唔使驚食唔飽下次如果再要同朋友傾下計 簡簡單單 一定會再黎呢到

荃灣集合左香港好多不同嘅美食，今次就搵到呢間日式居酒屋，主要食爐端燒，仲有其他不同嘅主食。餐牌亦有日本風嘅感覺。第一道菜係厚燒玉子。厚燒玉子配上一啲新鮮磨岀來嘅蘿蔔蓉，加埋一齊食，令到簡單嘅玉子唔會有單調的感覺，而且蘿蔔蓉嘅鮮味更加帶出左清新嘅感覺。一般嘅蘿蔔蓉都係一早磨定，但呢度嘅食得岀好鮮甜，看得到用心！接著有燒雞翼，雞翼調味適中，切開左嘅雞翼亦更方便食，貼心之舉！和牛露筍炒飯有驚喜，味道濃郁，和牛份量足，蒜片同香蔥為成個飯增加香氣同層次。值得一試呢！見到好多人都叫左燒茄子，我地都叫左嚟試下！份量偏少，但味道不錯，燒得剛好！燒牛舌火侯好足，黑椒令味道提升，幾香。店舖坐得幾舒服，係可以同朋友暢談一番嘅選擇。

今晚途經荃灣千色嘗試覓食這區的日本菜，搜尋笑面見到這間火狐爐端燒。四阪坊這條街的食店中較為出眾的門口，真的意想到竟然有一間高質素日式串燒小店在這裡。門口貼著疑似街招的日本酒樽貼紙，加上兩個掛場結他、浪人海報、播著日本歌😮、黑板彩字加MENU都非常日系，看得出老闆的用心佈置，裝修亦充滿日本居酒屋風味。豆腐唐揚外脆內滑，層次感重，昆布醬汁是甜甜的、表層有少許蘿蔔泥，減輕了油膩感，清新開胃大啡菇芝士燒，芝士片燒得剛剛好，大啡菇較為乾身配起芝士口感不錯。雞軟骨黃金燒繼試過咸蛋魚皮紫菜薯條薯角之後，估唔到咸蛋香味也可以加落雞軟骨，真係點百搭都咁好味。雞軟骨面層仍殘留咸蛋黄起泡形態，味道濃香豚大腸山葵燒上檯那陣明太子醬香味非常吸引，豚大腸口感林身JUICY與明太子醬是絕配，必叫之選。牛舌胡椒味濃，牛舌肉味比想像高質重牛肉味，送啤酒的話堅一流，蟹膏海鮮炒飯上檯傳檬陣陣蟹膏香，蝦球爽口、有魷魚、帶子非常新鮮甜美，飯底炒得很均勻，粒粒分明。炒飯來說，一點也不乾，而且不油，味道也不錯！👍🏻 總括串燒燒得幾有誠意，屬於親民價位, CP 值中高餐廳中間有部16:9大電視機，這晚播著avengers 1 等著串

荃灣出名多好嘢食，今次我睇中一間於四陂坊的居酒屋。外面裝修大致用上了木，其中一邊場身貼滿了各類酒樽的招紙，更像日式風格。今天的推介菜式，就試試看！首先吃個『燒茄子』，茄子肉燒得軟綿綿，好溫暖的感覺。而且茄子肉每一吋都沾上了少少甜的燒汁，非常入味，而茄子皮則燒至乾脆！再點了『厚燒玉子』，朋友必點之一。真是有夠厚的，每一啖都是滿滿的玉子，蛋燒得剛好，不會老不會乾，而且有充分的調味，輕輕的甜，很滿足！『大啡菇芝士燒』這個肯定不會錯的組合，燒菇一向吸引！大啡菇juicy得很！加上燒過芝士鋪面，香味倍增！諗起又想食多次了！『燒雞翼』我自細鍾意食！店員很有心思，雞翼拆了一邊骨，進食得更容易。燒得香口的雞皮最吸引！搞到我單點左一串『燒雞皮』過口癮！好肥呀！但不負所望，香脆得嚟又帶點油脂香，好得！最後點了個飽肚之選——『和牛露荀炒飯』，沒想到這個飽肚飯都係一點都不差，和牛粒是驚喜地多，肉質鬆軟無筋，亦好香牛肉味。飯底粒粒分明入哂味，加埋燒蒜片的香脆，露荀的清新，每一啖都好滋味！食食吓，真係諗起左日本... 如果短期內無得飛嘅你，可以去呢度感受下先！

到荃灣附近工作打機心癮起總會到荃灣千色想著千色內的餐廳都有點倒胃口荃灣街舖的特色小店多的是就在千色旁的四陂坊雲南米線邊一家日式爐端燒店google map上評分4.8 於是即管試試6點多才剛開店 人不多店座位不多，可大概容納30人左右店內很多日本電影海報 也有漫畫海報有喜歡的井上雄彥 加分加分是居酒屋的味道牆上寫滿了當日精選食物 餐牌也是很有心思 仿手寫字 都是串燒 日本酒選擇也頗多 今天只想吃點小吃 只點了數款爐端燒物 先來了冷芝麻醬秋葵 平常吃的秋葵都很黏這個反而吃不出來爽口而且醬料非常美味 牛舌燒的功力不錯 牛舌硬度適中燒雞翼 燒雞翼味道也不錯 是有點鹹但可以接受 豚大腸山葵燒 其實就是炸大腸加上芥末 看似非常簡單但吃下去深深地感受到 炸與燒之間的香脆難度非常之高充滿油份 非常推薦大啡菇芝士燒看上去只是放了一片片裝芝士在去燒 大啡菇並沒有滲水 緊緊地鎖住在菇入面 芝士吃下去味道也是很搭的 最後加上一個和牛露筍草炒飯 這個炒飯實在很不錯 每一粒飯都非常香口加上和牛及蘆筍絲 香氣撲鼻 一家小店 有這樣的水準 性價比很高 不愧可以得到4.8分順帶一提離開的時候人已開始多 通常都已訂座

夜晚出左荃灣行街好耐無過黎了朋友介紹有間食串燒唔錯今晚帶埋老公去食啦細細間小店都有幾枱客人了時間尚早去到好彩有位唔洗等🤣日式的裝飾環境不錯呢度都有好多串燒款式揀我好想食d平時少食既串燒我就揀左：豆腐唐揚 $30值得推介👍🏻👍🏻皮脆內軟暖暖地職員細心地話上面紅色果d會辣辣地唔食得辣可以唔要但其實唔辣架我唔食得辣都覺得唔辣反而同d汁撈勻黎食好味d大啡菇芝士燒 $38好大隻又juicy上面有芝士一切開少少芝士漏出來豚大腸山葵燒 $28脆口上面有明太子醬一上枱就好香雞軟骨黃金燒 $25好鐘意呢個用鹹蛋黃去燒好似有食黃金蝦既感覺推介👍🏻👍🏻牛舌 $40唔騷又好爽口入味又香口肉味重蟹膏海鮮炒飯 $108有帶子、蝦、帆立貝去炒一上枱聞到陣陣蟹膏味好香食完都唔漏職員服務周到而且細心主動加熱茶今次整體黎講係值得推介既👏🏻5⭐️為最高味道：⭐️⭐️⭐️⭐️推薦：⭐️⭐️⭐️⭐️回頭：⭐️⭐️⭐️⭐️