火水爐冰室火鍋

營業中

休息中

終於試到這間好許眾多的港式火鍋放題！😍 週末夜晚人流好多，好受歡迎，記得要提早預約~ 餐廳環境闊落，環境佈置以懷舊風為主題，好有氣氛，適合同朋友聚會🍻 食物質素很不錯，火鍋配料款式豐富，還有前菜小食、雞煲及甜品，超飽肚，性價比好高💯 我們選了CEO套餐 ($398/位) 成人120分鐘任食任飲首先食招牌麻辣雞煲(小辣)，辣度剛剛好 好惹味，雞件好嫩滑，另外還有配有大量豬大腸、豬皮和豬肚，好滿足🤤還送上前菜小食，有炸雞粒、炸燒賣及炸午餐肉，超邪惡🤤🤤然後打邊爐環節，湯底方面，我們選了「特濃皮蛋芫茜湯鍋」，健康美味之選，值得一試！套餐包括的牛肉質素好高，全部都係高級手切牛肉，份量多，特別推薦手切極上牛小排，油花均勻 肉質鮮嫩🤤 火鍋配料應有盡有！ 最後送上芋圓仙草凍甜品，份量多，好足夠2人分享😍

朋友約食打邊爐，當然要帶佢黎呢間任食雞煲同高質牛肉既火水爐啦！呢間裝修都幾特別🤣完全係80年代既風情，上到去既裝修都令人有時空穿越既感覺😂😂我地揀左最貴既$398既CEO套餐🙈有成4款手切高質牛肉同其它配料任食！！呢度有d特別，係先食雞煲再轉湯底打邊爐。雞煲質素都高，雞好入味，麻辣十足，入面仲有牛肚、豬大腸、牛筋等，彈牙又有膠質🥺🥺食完雞煲，可以轉湯底打邊爐！我地揀左招牌濃郁沙爹鍋同特濃皮蛋芫荽鍋。沙爹好濃厚，用黎打牛非常perfect，就算唔點醬料都完全OK，好掂👍🏻 皮蛋芫荽鍋好適合打素菜，d菜唔知點解會變到好鮮甜😃😃四款手切牛肉都好高質，雪花好均勻，勁好味！其他配料都好唔錯，比起貴價單點果d火鍋店都完全唔會輸😦依家仲有$68蚊任飲酒精飲品，生啤飲兩杯就已經回到本！！呢間火鍋的確唔錯，湯底好食，配料又高質，選擇都算多，呢個價錢絕對超值🙈

前排同事介紹公司附近有間火鍋放題好高質，所以放工同男朋友黎試下。呢間火鍋館無論門外定餐廳內裝修都好懷舊風，勁多打卡位。等雞煲同火鍋黎前，會有小食提供，炸燒賣，午餐肉同炸雞粒。 脆卜卜點埋沙拉醬👍🏻雞煲方面我地點左超微辣，雞煲一上到枱已聞到好香，配左芫荽雞煲係非常惹味又嫩滑，仲要雞外入面仲有豬雜（豬腸豬肚等）， 味道好夾好豐富。火鍋湯底我地叫左招牌沙嗲湯底，同莞茜湯底，2個湯底都勁濃郁， 沙嗲好杰身，碌牛同豬簡直一流👍🏻而莞茜湯都勁足料，超多莞茜皮蛋， 自己再另加豆腐，真係茜控必點！而食物方面好多選擇，牛都有多款選擇， 仲要勁高質素，平時2人火鍋好難叫到牛，因一碟都幾百蚊，但呢道可以任叫， 勁抵食。最推薦封門柳，牛味濃又夠嫩滑👍🏻最後食完仲有甜品送， 但我地太飽關係，所以無食。整體呢間放題真係勁高質， 任飲任食，湯底足料，牛又高級，服務態度又好，好主動。大推👍🏻

我愿称之为【高品质手切牛肉任食火锅香港No.1】晚上邀请了我的观察实验第六期粉丝来这家店炫饭，先上了小菜和鸡煲，之后才开始正餐火锅。吃着吃着我们异口同声，这家店很潮汕很港又很马来风诶潮汕牛肉火锅出名在其牛肉是手切新鲜且可以吃的部位很多；港式装修的冰室怀旧复古，门口的影院海报更是有香港特色的梗；沙茶锅底可盐可甜，花生香味浓郁，让我想到了当年在大马吃过的串串锅

這間懷舊火鍋店散發著濃厚的香港情懷，從舊式戲院的招牌、火水爐到懷舊的裝飾擺設，讓人彷彿回到了過去的時光。店員待客有禮，坐位舒適，讓整個用餐體驗更加愉悅。餐牌上的套餐價格相當實惠，物超所值。在餐前小食中，鹽酥雞、椒鹽燒賣和午餐肉都帶來了懷舊的味道，讓人胃口大開。接著中辣的麻辣雞煲，雞肉嫩滑，非常惹味。火煱沙嗲湯底湯底，非常濃郁，令人垂涎欲滴。四款手切靚牛肉，包括牛小排、牛肩肉、封門柳和牛板腱，品質鮮嫩美味，口感一流，非常高質。還有鱸魚片、水餃和牛丸，增添了多樣化的口味選擇。食火煱生啤絕對不能缺少，這裏有提供生啤，一邊食一邊飲，非常享受。

這家餐廳提供了寬敞舒適的用餐環境，讓我能夠放鬆享受美食。先吃雞煲，再打火鍋。雞煲也不錯，鮮嫩可口，豬什雞煲，帶出美味。他們的沙嗲湯底是他們的招牌湯底，充滿了香辣的口味。湯底的辣度適中，帶有豐富的香料風味，非常開胃。它能夠提升牛肉的風味，使每一口都更加美味，沙嗲湯底還融合了一些特殊的香料和調味料，給火鍋帶來了獨特的風味。沒想到旺角也能找到如此出色的沙嗲湯底火鍋。手切牛肉。是我在這家餐廳最喜愛的部分。他們提供的牛肉質優良，切成薄片，非常鮮嫩多汁。在沙嗲湯底中煮熟後，牛肉吸收了湯底的風味，口感更加豐富。每一片牛肉都帶有獨特的香氣，給火鍋增添了美味。平民價錢可吃到這樣散叫高級的食材。除了手切牛肉，他們的火鍋放題選擇也非常豐富。新鮮的蔬菜、豆腐類、海鮮和其他配料應有盡有，讓我能夠根據自己的喜好和口味搭配不同的火鍋。

到火水爐冰室火鍋，位於旺角煙廠街33號朗廷軒1樓。 餐廳是一間集冰室和火鍋店於一身的懷舊風餐廳，每個角落都有打卡靚位，加上輕快的音樂， 很有氣氛。以火鍋放題為主📍， 我揀了CEO套餐$398位，再加$68 (任飲朝日生啤、威士忌梳打、 巨峰乳酸燒酎梳打、 青蘋果燒酎梳打和白桃燒酎梳打) 。 🔸招牌麻辣雞煲 ～ 有幾款辣度可以揀，我選了微辣，辣道剛剛好又惹味，雞件好嫩滑，另外還有豬大腸、豬皮和豬肚，非常入味軟腍。 🔸小食 ～ 椒鹽燒賣、脆皮午餐肉和鹽酥雞， 三款小食都好香口， 送酒真係唔錯。 🔸任飲朝日生啤和巨峰乳酸燒酎梳打 ～ 加$68， 就有幾款燒酎梳打， 威士忌梳打和生啤， 非常超值。 🔸招牌濃郁沙嗲湯鍋 ～ 我當然食這裏的招牌鍋底啦， 沙嗲湯鍋真係沒有令我失望，口感濃稠， 極具層次。 🔸火煱配料 ～ 我推介這幾款肉類，手切穀飼牛板腱、 手切極品封門柳、 手切極上牛小排和西班牙黑毛豬肉， 肉質新鮮， 配上沙嗲湯鍋，非常濃郁美味。 丸類和餃類都有多款選擇， 我喜歡Q彈的振興牛丸和皮薄餡靚的手包雲吞。 另外就是爽彈的水魷魚， 最後必食公仔麵，配上沙嗲湯底， 特別美味。🔸仙草芋圓糖水 ～

餐廳入口已經係勁正打卡位，勁吸晴！點知裡面仲正！聽老闆娘講，個「夜總會」嘅字粒真係喺以前啲夜總會留落嚟，成件事好保育！我同朋友都好鍾意食牛，所以揀咗個最貴嘅CEO套餐，4款牛肉部位同西班牙黑毛豬肉。食火鍋前叫咗啲招牌小食，有椒鹽燒賣、脆皮午餐肉、鹽酥雞，脆皮午餐肉外層超脆口，我自己喺屋企都炸唔到咁脆呀！然後再食豬雜雞煲，麻辣度有得揀，熱辣辣滾住上，啲雞好惹味！好開心仲有豬大腸喺裡面。湯底揀咗招牌嘅沙嗲湯底，落重料，好多花生、好濃沙嗲味！用嚟淥牛肉簡直天作之合！好開心可以喺旺角搵到咁出色嘅沙嗲火鍋。由於我同朋友太鍾意食牛，所以主攻所有牛肉部位，封門柳，牛板腱，安格斯三角肩肉，極上牛小排，我哋連振興牛丸都唔放過。為咗食得平衡啲，都叫咗碟西班牙黑毛豬肉同油麥菜。無論牛肉定豬肉都好新鮮，肉味濃郁！呢個任食套餐每位$398，但啲手切牛肉竟然拍得住散叫嘅高質，出邊散叫一碟通常都要幾百蚊碟，但呢度只需要$300至$400，就可以任食高級手切牛肉，性價比好高呢！最後仲有芋圓燒仙草做甜品，大滿足呀！

今日響旺角行街，見到呢間火鍋店裝修好懷舊，而且價錢唔貴，於是入去打邊爐😋🌟 CEO餐 （$398）呢個餐包幾種唔同高級既手切牛肉，而且係最齊手切牛肉既套餐，平時叫一碟手切牛肉都百幾，甚至幾百蚊，依家呢個價錢係任食，而且牛肉都高質素，性價比高😋每個餐都包雞煲，雞煲足料，有豬肚，大腸等等，雞煲味道濃郁，小辣亦都唔會太辣，調味唔錯😋🌟 沙爹湯底沙爹湯底好濃郁，好香花生🥜味，作為香港人一定要試地道既粉沙爹湯底，配上手切高級牛肉，係茶餐廳沙爹牛既高級版😋牛肉肉質鮮嫩多汁，牛味濃郁😋其他食材上菜速度好快，無漏單，食材新鮮😋🌟 飲品 x 甜品飲品有特飲梳打可以點，梳打飲落清新，好香生果味道，飲落唔甜，配上打邊爐一流😋食飽後仲有台式甜品送，鍾意食芋圓既朋友可以試下😋

今日放工和同事經過旺角煙廠街，見到個大招牌，寫住即日放映火水爐，以為係新戱，睇真啲，原來係間火鍋店招牌，真係夠創意😄再睇吓餐牌，套餐幾抵食，一於入去試吓！先來三個餐前小食：鹽酥雞、椒鹽燒賣、午餐肉，三樣都好好食，熱辣辣，夠晒脆，特別係厚切午餐肉，外脆內軟，超正！跟住食麻辣雞煲：除咗有嫩雞之外，入面仲有豬大腸，豬肚和其他內臟，芹菜和洋蔥都索晒啲醬汁，原來都好好味😋終於嚟到重頭戲，火鍋時間：四款超靚牛肉～牛小排、牛肩肉、封門柳、牛板腱，牛味濃郁，嫩滑得嚟又有口感．全部靚牛肉，仲可以任食，淨係食牛肉，都抵返晒🤗仲有魚片，水餃，牛丸，都好高質，水餃好飽滿，牛丸仲要係振興牛丸，真係冇得彈🤩總括嚟講，這間火鍋店，餐廳擺咗好多火水爐做裝飾，牆上又有啲懷舊招牌，周圍都係打卡位，老闆娘勁好人，好細心介紹每一樣食材和烹調時間，喜歡食火鍋嘅朋友，一定要嚟試吓👍

沖到兒時回憶 7、80年代之旅，門面懷舊戲院🎬室內懷舊冰室、舊式公屋、火水爐佈置….好有feel✨CEO套餐✨放題$398/位（任飲），同時亦可升級$68無限暢飲酒精飲品🍻，限時120min，仲有設有醬料區～有兩款秘製醬都唔嫁！🐔先食麻辣豬什雞煲🍺飲啤酒～揀咗個BB辣，材料十足好嘢味～朝日生啤🍑白桃燒酎梳打，好爽～小食：鹽酥雞粒、脆皮午餐肉、椒鹽燒賣我哋揀咗個㊙️製沙嗲湯底，濃稠惹味又足料，打邊爐一流✨手切殼飼牛板牛腱✨手切極品封門柳✨手切三角肩肉✨手切極上牛小排✨手切極品封門柳✨西班牙黑毛豬放入鍋內8-15秒，肉質鮮嫩多汁。其他配料（個人推介✨）✨升級+$68帆立貝✨振興牛丸✨韭菜餃✨鱸魚片娃娃菜｜油麥菜｜芫茜｜水魷魚｜牛柏葉✨最後叫碗煙韌QQ甜品就完美啦～💖喺旺角食到咁出色嘅香港沙嗲火鍋，而牛肉種類全部都咁高級，通常出邊散叫嘅一碟手切牛肉都要幾百蚊碟，而呢道只需$300-400就可以任食優質部位牛肉，相當有誠意

從來都唔會寫差評，因爲覺得食野從來各有所好，但今次真係食到嬲本身我地bk左2130，2220先俾到枱我地，2230上雞煲，雞煲一落枱就同我地講23點廚房收，要我地落定食物，咁我地都算，我地驚點得太多食唔曬就分幾次落單，個女侍應就話你一次落啦！唔緊要既！我地就落多幾碟牛肉就算，2320就開始不斷催我地話收工交枱，又將d音樂較到超大聲，每 15分鐘就催我地一次，2345就迫我地走，最搞笑走既時候個好侍應同我地講：你地食唔曬丫？死啦！廚房收曬工，我要研究下d食物放番邊度😒我真係忍唔住應左佢：我地唔係食唔到，係唔夠時間食我真心唔明我明明訂左位，遲左成個鐘俾位我，之後不斷趕我地走，明明你地既營業時間係收2400，2345就趕走客人，如果你地咁趕收工，係咪應該入座就同我地講，重點你重要講將客人食唔囇既野要回收？你地都幾環保！！無下次！

火水爐冰室火鍋📍    旺角煙廠街33號朗廷軒地下B舖及1樓🌄環境成間舖頭勁有以前香港夜總會or冰室feel，有好多水火爐擺喺樓梯隔離，頭上仲有好多舞廳嗰種波🪩，老闆娘勁fun，好自豪咁同我哋講呢個係佢自己諗出嚟嘅idea🤣中間隔離枱生日，成間餐廳會播有啲年代感嘅版本嘅粵語生日歌，成件事好有氛圍！同frd嚟食一定超正🧡食物我哋嗌嘅係$398嗰個放題套餐，另外加左每人$68嘅酒放題～🍶 飲品出面有個雪櫃擺咗好多飲品，而我哋我哋嗌左酒放題，入面有包白桃梳打酒等，另外仲可以嗌無酒精嘅Cocktail～🐓 麻辣雞煲呢到嘅雞煲好特別嘅係，配料係有豬雜嘅，豬腸、豬肚、豬皮之類，勁正！雞件嫩滑就唔使講啦，豬皮吸晒汁勁爽勁好食，豬肚豬腸好肥好入味，真心好食！啱晒重口味嘅人～我哋就嗌左小辣，但係我覺得呢到嘅小辣都幾辣，大家如果唔係好識得辣嘅，記住落單時講減輕啲辣度！🍳 前菜呢度嘅前菜都充滿香港特色，有炸午餐肉、炸燒賣同炸雞粒，熱辣辣幾好食，午餐肉有畀到驚喜我，外表勁焦脆，入面就軟綿綿，有種肉糜嘅質感，好罪惡！但係建議唔好食太多，過下癮就好，留肚食邊爐！🐮 沙嗲湯底火鍋圖片可能感受唔到，但係實際食真係超級

已經係第二次去，兩次都係朋友聚會。上次太多人太耐冇見，掛住傾冇乜食野，只係知道service超好staff好friendly,所以今次決定再去！今次有朋友唔食牛，所以叫左最平嘅餐，但係已經有牛板腱同封門柳！香口小食熱辣辣上枱最啱大家吹住水食。人齊上雞煲，香！有料！唔會只係得啲骨，最正係有豬肚同大腸！其實食呢煲野已經值回票價同大半飽🫃上湯底揀左胡椒豬肚湯，唔使再點醬都已經好夠味。 啲牛非常出色！仲可以不停叫芫荽！真係超正！食到飽曬！頂你仲有甜品😨我已經不行了⋯ 不過朋友做開糖水嘅都話正👍🏻埋單五個人先千三蚊！唔記得左原來有三送一優惠！除開先每人二百六！超高性價比！

旺角高質火鍋放題！120 分鐘任飲任食😍 係一間集冰室和火鍋店於一身的懷舊風餐廳，入面走香港懷舊及創新元素，每個位置都係打卡靚位！賣點係全部都係高級手切牛肉🤩，出邊散叫一碟手切牛肉通常都要幾百蚊碟，但呢到一個價錢就可以任食高級手切牛肉👍👍今次我地叫咗最貴嘅套餐 CEO 套餐 晚市 $398 一位前菜小食有三款選擇 包括係椒鹽燒賣，脆皮午餐肉同埋鹽酥雞～配上沙律醬同埋酸甜醬！個人超級推薦脆皮午餐肉😄😄仲要係厚切的！一開始會由招牌麻辣雞煲食起😋係豬雜雞煲 好特別 有好入味嘅豬皮同牛耳 仲有好多其他配料 雞件好滑 小小辣夠哂香！肉係無限任叫！基本會落在以下呢幾款各一先～手切安格斯三角肩肉手切穀飼牛板腱手切極上牛小排手切極品封門柳西班牙黑毛豬肉牛肉高質，好有牛味😚😚同平時任食有分別啊！個人最鍾意牛板腱👍湯底我哋揀咗經典嘅沙嗲湯 超級香濃🙌如果食得落加個麵會好吸汁好正 但我地大太飽了haha～另外一款湯底係胡椒豬肚湯～兩個湯底都好濃 所以基本唔需要醬汁啦火鍋配料都好多元化，我哋試咗其中一些！　包括：芝士豆腐燒水餃紫菜響鈴 炸魚皮牛柏葉粟米蘿蔔金菇唐生菜油麥菜食到咁飽，以為完咗！原來仲有甜品😍😍係