火水爐冰室火鍋

營業中

休息中

呢間餐廳價錢屬於正常， 食物質素係屬於偏差， 選擇少之餘仲要唔新鮮， 不過呢個都算。最大問題係服務質素方面， 侍應完全係差得好緊要， 全程黑住面， 講就講任食120分鐘， 本身先食雞煲再打邊爐， 個雞煲上咗唔夠五分鐘就催你快啲食曬幫你換湯底， 成個過程90分鐘都未過， 已經開始催 last order， 呢個都唔算係最過份。最過份係佢哋 做埋啲小動作， 令到我要寫呢個負評 ，從來未試過寫，今次係第一次寫。我哋九點鐘入， 大約十點八， 佢哋張成間餐廳嘅冷氣較到最大 將啲音樂教到最大，明顯係趕客， 收錢嗰個全程仲要黑曬口面埋單仲要畀說話我哋聽， 完完全全係一間垃圾嘅火鍋店

上到去已經有剛走的食客說被催鐘呃鐘。整體食物質素一般 ，但店員不斷用小手段催客。雞煲上左5分鐘已經催問打邊爐揀咩湯底。個半鐘就話要收晒煲野 ，跟手開大冷氣加開大音樂 。明顯想客快d自己走。 絕對無下次。埋單想對下張單都好比店員串話冇加野係呢個價。Black list。

不斷催客，趕時間 完全冇時間食嘢1個半鐘頭已經截單不斷明示暗示收嘢明明寫住120分鈡仲要開大個冷氣趕客行為過份 態度又差未試過食過咁差嘅餐廳食物又吾係特別優質一定要負評

趁放縱一下之制吃得回味暢快邊放題邊打便爐覓食夠盡興之餘且又過癮除了可以包羅萬有任食時令放題外，另外主攻120分鐘火鍋套餐放題有齊「牛魔控」集合配料(牛小排、牛頸脊、封門柳、牛板腱、黑毛豬等..)當中最為驚喜前者招牌雞煲後者奉送滋味小食，秘製醬汁把雞切成件達至收汁後，焗焗微辣惹味那份滋味十足，加上熬湯「花膠雞湯鍋」湯底足料將精收，入口鹹鮮並重料足讓人一口接一口絕對滿足內外口腹之慾 !啖啖油香湧現牛既賣桐肉質大片均勻望落肉味濃郁、爽滑彈牙有咬口，食落邪惡又不會過於肥膩，邊追加餘下配料(鵝腸、水魷、午餐肉、芝士腸、響玲、雲吞)邊享受邊分享每款火鍋配料甚具特色

平心而論，啲牛係好食既，但係整體體驗真係好差120分鐘任食，90分鐘已放低張單之後啲侍應每次行過都揭一揭張單睇下你找左未，感覺非常之差十分鐘後，當時成枱都仲係野食，個侍應格硬放上三杯雪糕，意思似係想你拿拿淋食完就走明白生意難做，但係咁樣做真係好肉酸，呢間野唔會有下次

餓龍．豬割先生語錄📌 火水爐冰室火鍋 - 旺角煙廠街33號朗廷軒1樓🗓(7/8) 星期日 ⏰ 下午1點左右 💈特式：餐廳位於旺角煙廠街，近好景及廣華醫院，方便得嚟其實又比較會小行去嗰個位，咁啱要去附近買野經過，又突然想打邊爐，所以試佢一試，見佢如果用openrice app book位可以每位減$30，咁就梗係即刻book埋位先去食啦，🥩🍔🌭🌮🥗🥯🥘🍲🍝🍣🥟🍤🍱食物：食物會先提供一個麻辣雞煲(可選唔辣或小/中/大辣)，另外仲有火鍋料加配及一些台式小食，咁等我逐樣講吓味道先......麻辣雞煲🐔🥘 - 佢個雞煲唔係出面常見好乾身又或者d汁好杰身個隻，佢係有d麻辣湯汁係底，但個味都做得幾好食，d雞食得出唔似係雪藏雞，我叫小辣都幾辣下，大約有譚仔5小辣咁上下；仲有另外嘅優點，就係佢個雞煲會配埋豬皮/豆卜呢d索汁嘅配料，而且佢地放紫洋蔥/芹菜呢類配菜一d都唔手緊，d配料/配菜索晒d汁，仲好食過雞。巴辣胡椒豬肚花膠鍋 - 湯底叫左呢個，一上枱好香胡椒味，未打邊爐都已經飲左兩碗，但略嫌佢唔係好夠胡椒辣味；入面仲有2大塊花膠扒，好厚身又有膠質，另外d豬肚都煮得好腍，又無騷臭味。🐮特選牛頸脊/極品封

食物質素有問題，同樣是牛小排，出來兩份相差太遠，可以看圖比較，明顯用一般肥牛頂替，無論點4份或12份都係出一盤牛小排比你，每次15至20分鐘才出一次牛肉order，催佢話牛肉切緊，中午得兩枱客打邊爐，出食物都可以咁慢，肯定無下次。叫餃子其它食物就好快出嚟。食物選擇少，大部份是要加錢，出前一丁都要加錢，任食plan嚟講第一次見。食牛大人，牛陣等，一叫便十幾盤來，第一次試過每次每款牛肉只來一盤，我4位食，每人幾件牛肉，又要等15分鐘。中午比超過300元的任食plan真心覺得過份。

今晚唔知食乜好？🤔 大家可以試下火水爐馳名麻辣花膠雞煲呢個係朋友超級推介嘅火鍋餐店 見佢約左好幾次～今日一於同佢黎試下先！首先嗌左D 餐前小食 ， 最推介係鹽酥雞！！ 勁好食 一次食左兩碟脆卜卜！！ 真係100 分餐前小食喔之後就上左個雞煲 ， 雞嘅份量好足～開火熱左陣，好快就食得架啦！雞煲醬汁好惹味 加上有好多芫荽蔥 十分加分而雞肉食起上嚟啖啖肉真係好過癮食完之後就可以打邊爐啦～ 蕃茄粟米花膠鍋 ＋ 花生沙嗲花膠鍋養生湯底 蕃茄粟米好鮮甜！花生沙嗲鍋 ！港式打邊爐必叫 沙嗲味好香濃安格斯牛小排 － 牛肉係打邊爐靈魂 ，牛小排估唔到有意外驚喜，紋理均稱，肉質軟腍牛板腱 － 肉味好濃 ，雪花平均分明 ～加埋沙嗲湯底 ！ 會令人食極唔停口喔炸魚皮 － 魚皮大塊得黎又脆 打邊爐必食🤘🏼除咗上面嘅食物外，一般打邊爐有嘅配料都有齊晒，響玲 、午餐肉、 丸類都係邊爐必食！！汽水🥤亦是任飲項目之一 ！ 食埋甜品真係勁滿足～

📍火水爐冰室火鍋🍴旺角煙廠街33號朗廷軒1樓無論乜嘢天氣都無阻我打邊爐既決心😎今次就同朋友就試左呢間裝修好有50/60年代 FEEL 嘅雞煲火鍋店 💯💯佢個門面裝修勁有特色 ，岩哂入黎打下卡！📸餐廳主打放題，有3個價錢可供選擇📝牛小排花膠火鍋放題 $328+1/人💵餐前小食🧆餐前小食真心勁推介鹽酥雞🍗鹽酥雞即叫即炸上台熱啦啦真係好酥脆😍仲有蔗蝦 點埋個醬汁真心可以一試😝🌶️ 招牌花膠雞煲(走辣)因為唔食得辣既關係餐廳好貼心有得走辣！雞件肉質好嫩滑入味🥰 份量亦都好足💕醬汁好惹味，洋蔥勁甜 真心正啊！！食完雞煲，其實都半飽，之後換上蕃茄粟米花膠鍋 ＋ 花生沙嗲花膠鍋打邊爐啦～蕃茄粟米湯底料勁足好清甜 而沙嗲湯底夠哂濃郁！肉肉方面，我哋試咗安格斯牛小排、牛頸脊、牛板腱🥩🥩任食竟然都有好正既牛牛 安格斯牛肥瘦均勻 入口即溶🥰牛板腱肉味較濃 肉質鮮嫩 非常正🤩🤩另外仲有大量配料 ： 炸魚皮、鵝腸、鮮蝦雲吞、 滑雞件、 豬紅 、蔬菜拼盤等等😈私心推薦炸魚皮同滑雞件 兩款都係必食架！👏🏻

環境唔錯，有懷舊特色。食7-9pm, 問左如果無客等枱，可以慢慢食。今日全場得3張枱，830 正常last order,850，未食完野，已經熄爐，開始執枱。明顯催客趕客感覺。

訂位嘅時候可能自己大意，見到佢限時120分鐘，去到坐低見到已經太遲，因為係星期六想轉場都太遲。好啦諗住好食的話都無所謂啦。其實選擇唔多，飲品任飲只有氣水，無無糖嘅選擇，烏龍茶要每支$14😱好貴啊，個餐最平嗰款話無貨，只得另外兩貴嘅，即係無得簡啦😤，都算喇！咁簡咗最貴嗰款牛啦，店員根無提我哋選擇後自行落單，咁我哋落單就點多啲菜、同其他嘢！4人份量超少，菜都係每人一條🤦🏻‍♀️，之後無耐店員就叫我哋last order，天呀😫好似未正常食嘢，咁我就話佢知啲肉未到，店員就覆你都未落單，又點會有肉比你，我哋幾個O晒咀，唔係已簡咗，佢話簡咗都要寫單先有，🤦🏻‍♀️唉….唯有急急咁咩肉都寫，因為佢哋話last order吖嘛🙁🙁🙁，又過咗無耐，啲肉都係啱啱放低，佢又要我賣單喇😩啲肉都未食呀老友🤯🤯。算！單都係要賣㗎啦，4 個人加一打啤酒，賣單$1900-，俾張過信用卡佢彈返俾我，電話線壞咗無卡簽，要俾現金🥵吓。。。。咩料呀！我無咁多現金喎（我明明諗請人食）咁問佢會唔會有其他方式付款，一句無放低張單自己諗喎🤬🤬🤬🤬最後夾錢俾咗單，又俾佢不斷話夠鐘，要求我哋走。成單嘢我真心覺係一個編區，貴夾唔飽，仲要一肚

知道生意難做，所以好少會投訴或者寫啲唔好嘅評論！但係呢一間真係奉勸大家唔好去🥲除非你想貼錢買難受！一去到嘅時候，朋友們想揀比較平嘅任食set ，店員已經話暫時未有要等，所以無奈地揀咗最貴嗰個set! 而且話碌卡機有問題淨係收現金！一坐低口罩都未除就已經問雞煲要咩辣！好似好趕時間咁！雞煲到咗3分鐘之後，佢哋就馬上將個雞煲移去個碟度，再即刻問要咩湯底🥵呢個時候其實朋友都未到齊～ 食緊嘅時候，全程啲店員同老闆態度都好奇怪，總之就係好想你快啲走！ 去到大概8:33pm 左右～ （即係入咗之後 1 小時20分）店員就話last order! 咁都明白嘅，朋友們就話等等，因為我哋成枱都係嘢！ 跟住再隔幾分鐘即係大概 8:40pm, 店員就問我哋要咩雪糕！咁其實休息時間應該係兩小時，即係我哋其實仲有半個鐘頭左右！我就問店員，其實我哋幾點要走，可唔可以俾個實際時間我等我有個預算。店員就話「差唔多㗎喇你哋而家要走！」8:40分其實距離我哋任食嘅時間應該仲有32 分鐘！之後佢哋好快就拎張單過嚟叫我哋埋單，然後買單嘅時候佢哋係收咗我哋book位嘅人數，唔係收我哋到齊嘅人數！所以大家記住小心check 單！去

疫情停晚市都已經有兩個多月，一知道開返晚市便第一時間bk火水爐。之前去過一次便喜歡呢間餐廳打邊爐。我本身也喜歡打邊爐，亦試過不同餐廳：貴的、平的、連鎖式、小店也有，旺角有不少可以打邊爐都食過。但以性格比來說始終不及火水爐。雖然食物是一般打邊爐菜式，但肉類比其他餐廳有點質素，起碼唔係食落鞋口同有雪味。位置坐得寬敞，而侍應服侍迅速有禮。由於有bk位，所以不用等位也好快有位。所以我覺得值得推薦同朋友一起來火水爐打邊爐！

𝗻𝗼𝘁𝗵𝗶𝗻𝗴 𝗹𝗶𝗸𝗲 𝘀𝗽𝗲𝗻𝗱𝗶𝗻𝗴 𝗾𝘂𝗮𝗹𝗶𝘁𝘆 𝘄𝗲𝗲𝗸𝗲𝗻𝗱 𝘁𝗶𝗺𝗲 𝘄𝗶𝘁𝗵 𝘆𝗼𝘂𝗿 𝗳𝗮𝗺𝗶𝗹𝘆 𝗵𝗮𝘃𝗶𝗻𝗴 𝗵𝗼𝘁𝗽𝗼𝘁🍲 𝗰𝗵𝗶𝗰𝗸𝗲𝗻 𝗽𝗼𝘁 𝗶𝘀 𝗮𝗹𝗹 𝘁𝗵𝗲 𝗿𝗮𝗴𝗲 𝗮𝘁 𝗵𝗼𝗻𝗴 𝗸𝗼𝗻𝗴 𝗵𝗼𝘁𝗽𝗼𝘁 𝗿𝗲𝘀𝘁𝗮𝘂𝗿𝗮𝗻𝘁𝘀 𝗮𝗻𝗱 @𝗳𝗼𝘀𝗵𝘂𝗶𝗹𝗼 '𝘀 𝗯𝗲𝘀𝘁-𝘀𝗲𝗹𝗹𝗶𝗻𝗴 𝗯𝗿𝗼𝘁𝗵 𝗰𝗼𝗺𝗲𝘀 𝘄𝗶𝘁𝗵 𝗺𝗮𝗺𝗮'𝘀 𝗳𝗮𝘃𝗼𝗿𝗶𝘁𝗲 -- 𝗱𝗿𝗶𝗲𝗱 𝗳𝗶𝘀𝗵 𝗺𝗮𝘄✨.數一數原來呢兩幾個月打邊爐嘅次數加埋仲多過早一兩年，今次試嘅雞煲係出自於主打懷舊風嘅 @foshuilo ，雖然外賣唔同係鋪頭食咁有氣氛又無得打卡，但見到一兜兜火鍋混醬感覺即刻返晒嚟！雞件雖然唔多，但件件都入味嫩滑，重點係花膠超大塊索哂味勁正，蒜頭打完邊爐食仲淋到溶係口入面🤤跟餐揀咗肉味最濃嘅封門柳同牛頸脊，淥幾秒七成熟啱啱好，有咬口但唔韌～ 另外虎蝦同廣島蠔都係大大隻，四款配料揀咗冇咁常見嘅蛋餃同松露小籠包丸，反而醬爆魚丸同鳳城水餃最受屋企人歡迎😂 仲有兩份烏冬同菜，三個人食啱啱好～

又難吃又貴，低質素肉要一位400多，真系好後悔，以後不會再去吃，裝修環境不錯，但是供應的食物真的好差，本來想在家門口試一次，結果大後悔，兩個人八百多，現在都好少人去食