火五越式牛肉粉專門店 (華生樓) (已結業)

Spotted this pho joint from far away because of its bright yellow decor.I didn't have any expectations but I got more than I bargained for.It was different from other pho joints as they had home made sauces.It was really thoughtful they had a water dispenser because sometimes you just want water.Started with the signature pho which had everything from beef, beefballs and Vietnamese sausages.At first, it was just an ordinary bowl of pho with silky flat rice noodles.After adding the Satay sauce, t

越南菜係香港都非常常見，火五係暫時食過算高質既越南餐廳。入到去侍應主動帶位，仲提供左張四人枱俾我同朋友兩個人用，闊落又舒服。我同朋友兩個人都幾中意食越南嘢，今次叫左一個火車頭牛肉粉，炸春卷，香茅雞翼，特式鳳爪，豬頸肉撈檬五樣嘢食。先講下火車頭牛肉粉，入面勁多料，札肉，牛肉丸，生牛肉，牛腩樣樣齊，食落湯底濃郁，正。之後到小食，雞翼係偏向煎炸型，食落都幾入味同香口。春卷個人好中意，條條都好長好滿足，配料又好味。鳳爪就正常水平，調味夠酸，但個人覺得唔夠辣。最後撈檬個汁調配得幾好，加上大量爽口疏菜絲，食得好過癮。

整個6月香港都瀰漫著愤怒、哀傷的情緒，係時候約朋友出來吃個飯、傾吓計來舒緩一下！聽朋友説太子有間新開的越南餐廳，價錢實惠又好吃，一於來試試😻欣賞此店的調味架，除了自家製的是拉差辣椒醬，還有原塊辣椒、海鮮醬、XO 醬可自行調配適合自己口味的醬汁😻👍🏻太耐沒有約朋友出來吃飯，不自覺地叫了成枱食物😹香茅豬頸肉：夠香脆👍🏻香茅雞翼：皮脆肉嫰😋火五特式鳯爪：我本人不看雞爪，但我朋友讚不絕口，佢話此鳯爪沒有骨，好好食😻香茅牛肉撈檬：有牛𦟌及牛腩肉好吃👍🏻火五火車頭牛肉粉：湯底清甜，有牛丸、牛肉片、牛肉，性價比高，真係好味又扺食👍🏻凍越式香滑濃咖啡：果然香滑🥤

朋友知道我鍾意食越南野，特登會搵啲越南餐廳陪我去食🤣都係要返呢個招牌火五火車頭牛肉粉($52) 同埋扎肉撈檬($38) 火車頭牛肉粉有生牛肉，牛腩，牛筋，扎肉同埋牛丸。十分之大碗！材料味道唔錯，好入味，特別鍾意生牛肉，好冧好鮮甜。扎肉撈檬食落都幾清新，都係份量超級大~因為太鍾意越式小食，所另外叫咗四款小食，越式炸春卷($28)香茅雞翼($22) 香茅豬頸肉($28) 火五特式鳳爪($22) 價錢十分之抵！越式炸春卷入邊有蝦，炸得脆一脆～香茅豬頸肉都炸得好香，食落又唔油膩。飲品揀咗凍越南三式冰(+$10) 凍青檸梳打(+$10) 飲品絕對冇偷工減料，椰汁好濃好稠，夠哂正。

最近太子新開左一間越南野，忍唔住要黎試一試。地點方便，太子站一出行幾分鐘就到，黃色既門面非常搶眼，一定唔會睇唔到。叫咗火五火車頭越南粉 $52蚊。入面有牛肉、牛腩、、牛丸同肉做配料，份量都頗多。牛丸爽口彈牙、牛肉嫰滑、牛腩夠入味。河粉香滑， 湯底鮮甜， 唔會太濃或者太淡。小食款類唔算多，得4款，而且價錢非常便宜，所以忍唔住叫哂4款黎食🤭先講下越式炸春卷 $28蚊。一客有3件，每一條都非常之長，春卷炸至金黃色，食落脆卜卜。另一個食法，用生菜包住黎食，直接點酸汁，又有另一番風味。香茂雞翼 $28蚊。一份有4隻，食既時候有啖啖既香茅味，肉香又juicy。香茂豬頸肉$22蚊。呢個價錢相當抵食，份量非常多。肉質爽脆，而且不油膩。當豬頸肉點上越式海鮮醬同越北是拉差醬（2款醬料都係自家製），味就甜甜辣辣，食落十分過癮。火五特色鳳爪$28蚊。鳳爪是無骨的，鳳爪爽得黎又有咬口。最後叫左杯咸檸梳打，粒咸檸都好夠咸味，味道咸咸甜甜，夏天解暑一流。總括黎講，價錢超值，值得一試，而且餐廳職員服務態度很好，比人好舒服既感覺。

呢間店新開左冇幾耐,見佢D野好抵食就入左去啦!呢度有自助飲水機,可自己拎水。我冇乜胃口,只係同朋友叫左幾樣小食,食物黎得好快。個春卷做法同平時唔同,好長,有蝦係裡面,得3條春卷,岩2人SHARE。叫左香茅豬頸肉,好重香茅味,唔錯!中意食雞翼既我仲叫左香茅雞翼添。另外值得一讚既仲有鳳爪,唔會太SPICY,冇晒骨,好好味,好味到我要叫多一碟呀!因我同朋友食完小食已飽飽地,所以叫左一碗PHO HAPPY SHARE,呢碗PHO有扎肉,生牛肉,熟牛肉仲有牛丸,好多料呀,仲要全部都係牛添!個濃好有牛味,店員仲話可以先加LIME JUICE係湯到先開始食,好貼心呀!佢好好笑容又好好服務,上春卷時仲幫我地準備埋D SAUCE添!GOOD SERVICE.

原來太子都有越南野食，個名叫做火五越式牛肉粉專門店。未講野食之前，真係要真心讚下佢個價錢，真係性價比超高。因為晚餐兩個人食，叫左五樣野食同兩杯凍飲，都係兩百蚊到埋單，抵食呀。我地叫左個火五火車頭牛肉粉，呢個真係值我去食。因為佢個湯式係用左牛骨湯，我飲既時候就心諗咁似我係韓國飲既雪濃湯，之後口多多問老闆，佢就話係用牛骨湯。題外話，個老闆好好人，又好健談，真係一個有心既老闆來。當然，火車頭的料都好足，食完都夠飽。另外，我地仲叫左一個主食，係香茅豬頸肉撈檬，豬頸肉燒得幾香，味道都幾唔錯。另外，我地仲叫左一客炸春卷、特式鳳爪同香茅雞翼，味道都唔錯。個春卷，我地點左佢三種自家整既醬料：是拉差、海鮮同埋XO醬，味道真係好食，所以我都筆左三碗仔出來點。

朋友剛搬到太子附近居住，見到有間新嘢開店，探佢之餘當然要試試啦！環境十分濶落又整潔，七點時段人流不多，到了八點差不多坐滿人了😊！落單紙十分簡潔，填寫亦好方便！來到呢間（火五越式牛肉粉專門店)，當然要試碗牛肉粉啦！火五火車頭牛肉粉＄52配料有（牛腩、牛肉、牛丸、扎肉）第一啖先飲下個湯先，湯底好清甜👍🏻，河粉軟滑煙韌，有彈性👍🏻，而牛腩軟腍，有肉味👍🏻，扎肉咬落去亦帶點黑椒味，整碗粉都配搭得很好，不錯！越式炸春卷＄28（3件）店內亦有很多小食，比較特別的是這碟春卷，老闆好細心地講解食法，生菜加點酸蘿蔔絲，在沾上醬汁一齊食，特別有層次😋😋！另外特別調配了多款醬汁，迎合大家不同口味，喜歡食濃味的我，啱晒！😅去到越式店舖，當然唔少得飲返杯三色冰啦！（香甜椰汁味😊）

又黎到界限街覓食近呢一年太子開左好多新餐廳有cafe 慢煮 泰國菜等 成條街旺左好多.慢煮工業對面開左間新力軍(711隔離)火五🔥越式牛肉粉專門店價錢親民 店員又會主動介紹菜單/食法.火車頭牛肉粉🐄$52發現呢度加粉唔洗錢！好佛心不過其實本身份量都幾多 所以冇加👉🏻湯底味道唔算濃 自行加金不換 青檸 辣椒等另外呢度提供左幾款秘製醬料沙嗲xo醬(誠意推薦❤️) 提升成碗pho嘅味道海鮮醬(偏甜) 是拉差醬(怕辣冇試到)👉🏻牛丸 生牛肉都好滑 唔食火車頭嘅可以試下.扎肉撈檬🍜$38由於叫左小食 所以揀左冇得單點嘅扎肉比坊間嘅扎肉濃味少少 質感幾實檬粉份量都好多😹配上酸辣汁好惹味.小食一口氣叫哂四款 因為每樣都廿幾蚊咋炸蝦春卷🍤自家製 好長好特別店員話用生菜包住 點上醬汁咁食特色鳳爪🌶少少辣 不吃辣的都可以接受冇骨 食落好爽又入味 最中意咬啲根豬頸肉🐖炸得好脆 跟平時燒嘅口感唔同雞翼🍗好重香茅味 炸得岩岩好.最值得推薦嘅應該係飲品$19就飲到大大杯嘅特飲 平過台式飲料吧椰汁三色冰🥥椰汁好濃郁🙈肥死啦三色冰大概有1/3杯 甜度適中 略嫌冰有點多越式咖啡☕️都係咁大杯好香濃啊 冰溶了都唔會話淡

今日行過太子，見到有間新開既越南餐廳，"火五越式牛肉粉專門店",香港既越南餐廳間間都實有自己特色，而我每次一定首先會試2樣野，就知間越南餐廳掂唔掂，就係"火車頭牛肉粉" & "檬粉"碗火車頭牛肉粉大碗到呢，如果女仔一個人都未必食得晒，男仔可能都勉強食得晒，真係好大碗，依個火車頭牛肉河，個湯好甜好濃，河粉好滑仲有大大舊牛腩，好大粒好腍好入味另一碗一定試就係檬粉，佢個檬粉汁原來係自家調，個味好特別，唔會太酸，魚露味剛剛好，唔會太咸另外再叫左個越式無骨鳳爪，好大隻，好入味仲有個越式炸春卷，俾埋生菜夾住食，配埋佢地自製甜醬，好match再加埋2碗野飲，仲有個雞翼，都係$200左右，超級抵食

尼排天氣悶熱，加上偶然落一陣驟雨，令原本悶熱氣温更悶熱、咁嘅天氣下，個人都無哂胃口，最啱就係食越南菜，去過越南食過當地嘅牛肉粉，就發現香港做得似樣嘅越南菜餐廳唔多！為食好友介紹尼間新開的越南店，於是去試一試！位置很近地鐵站，門口顔色好搶眼，一D都唔難搵$52 火五火車頭牛肉粉，先來一口湯，不濃不淡，味道剛好，河粉香滑，火車頭配料包括爽口彈牙的牛丸，炆得軟熟的牛腩，牛肉嫩滑，應該用上上等貨式，又估唔到尼個牛肉粉有番咁上下水準，以咁既價格來説，勝價高$28 越式炸春卷有3件，手包長長幼幼的蝦春卷，點上架上的混醬一起吃，更惹味，自家製的河內沙爹xo醬，越北是拉差醬，越式海鮮醬，真是各有特色$22 香茅雞翼，炸得外層金黃，咬落肉質juice, 一點都唔乾，淡淡嘅香茅味，一份四件，最啱幾個人分享$28 香茅豬頸肉，嘩！尼個豬頸肉好味到不得了！放一塊入口，炸得爽脆之餘，一點也不油膩、因為炸嘅時間控制得恰到好處，所以將豬頸肉過多的油份炸出來，肉質依然保持juice,真係忍唔住食完一塊接一塊，必食之選有六款不同的越式飲品，越式香滑濃咖啡，三式冰，椰汁冰，青檸和咸檸梳打⋯等等！每款都想試，最後揀左凍青檸

今晚同朋友約睇戲，睇戲前諗住食埋飯再出發，經過界限街呢間越南餐廳，裝備乾淨企理唔諗就入去。呢度行街坊生意既格調，格價真心唔貴，我同朋友剛收工都餓，叫左碗食越南野必食既生牛肉河、香茅牛肉撈檬，4個小食，另外叫左兩杯青檸梳打同椰汁冰。 講下個生牛河先，兩個字：新鮮，值得推介，有別於坊間重口味既湯底，呢度食原味，不過都照顧到香港人口味，有幾款醬俾我地自己調味，仲有自製既醬料，有誠意。撈檬就似馬拉過年食撈起咁，料足又大碗，佢地推介要加撈檬汁去食，建議不坊加多d，酸酸甜甜夠醒胃👍 4款小食分別係去骨鳳爪、炸蝦卷、香茅雞翼同香茅豬頸肉，去骨鳳爪係必食，有咬口。蝦卷點埋自製辣醬出奇夾味，雞翼、豬頸肉味道偏淡，但加上醬汁居然亦有畫龍點晴既效果。 飲品佢地用珍珠奶茶方式製作，夠曬方便，味道又唔錯，臨尾都忍唔住叫左兩杯咸檸梳打同三色冰行街😘

同老細經開太子界限街一帶，見到有間新開嘅越式牛肉粉，間鋪幾大，就入去試下。環境唔錯，整齊乾淨。我哋叫咗一碗越式生牛肉粉，豬頸肉撈檬，春卷及雞翼，個湯粉好多牛肉，啲牛肉好鮮甜，D粉弾牙的，啲豬頸肉好香口，裡頭好鬆軟，一啲都唔似出邊嗰啲硬骨骨⋯春卷係幼幼長形，好趣口，一啲都唔漏，雞翼唔太油膩，都係好香好好味！最令我驚喜嘅係杯越式凍咖啡，好好飲！一定要試整體來講碗粉好味又大碗，以咁平嘅價錢真係好抵食，d服務員嘅態度都好有禮貌！

下午路過太子界限街頭，有D肚餓，發現有間深藏鬧市越南牛河，門面裝修簡潔清新，座位寬敞，由於午飯時間，等佐一陣，入去試下，叫了一個火車頭牛肉河另加小食春卷，飲品叫佐青檸梳打（走甜），等佐5分鐘有得食，河粉彈牙，牛肉鮮嫩，好食加大份量，性價比高，超值！越式春卷，長條形狀，即叫即炸，香脆鬆化，好口感，下酒佳品，可惜無酒供應。不過加青檸梳打都好。食過要返尋味，正！有機會要試埋小食燒豬頸肉同雞翼，不過要帶多D人去，驚食唔哂。下次要試下午茶餐， 期待！

住左澳洲幾年反泥， 始終念念不忘個度既pho反到泥一直都搵唔到一間五既今日做野經過， 火五 ， 入去試下要試碗pho 得唔得， 就要試-火車頭-蝦春卷-3色冰火車到了.....嘩， 好快， 啲湯keep 到好熱識食一定係勁落芽菜金不換 辣椒🌶️跟住試淡湯...... e? 得喎..... 唔係出邊個啲味道好香份蝦春卷到了， 好長喎， 同我澳洲食既一樣， 老板話自己包架， 因為搵唔到咁長， 所以自己包包住生菜點埋汁岩岩好3色冰都好， 食河配3色冰真係絕配🤣