火五越式牛肉粉專門店 (華生樓) (已結業)

今次食到落嚟太子啦！太子多嘢食個個都知，最近有間新開無耐嘅越式餐廳，上次行過見到好光猛好多人食咁，今日遲放工大概九點先放工去到，都仲有人食！就決定入去坐吓啦！睇一睇個Menu：哇！啲嘢咁抵食嘅！平均啲嘢都係30零$40，貴少少先60幾蚊。所以我哋兩個人都瘋狂叫咗六樣嘢食+2杯嘢飲。坐低就見到佢哋好獨特嘅醬汁架，每一樽都寫咗個醬汁嘅名，老闆話原來呢啲醬汁係佢哋自製嘅越式醬汁，叫我地一定要試！橙紅色呢個係越式辣醬，另外仲有越式海鮮醬！⭐️法式咖喱牛腩撈檬 $48我哋見平時好少有越式餐廳會有咖喱撈檬，所以我哋一於試一試！嚟到真係嚇一嚇，超大份量！老闆仲叫我地要落佢哋秘製汁。佢哋嘅醬汁入邊真係好足料，好多好多辣椒同埋香料喺入面。酸酸甜甜非常開胃，而且佢哋嘅咖喱係用法式煮法，入邊仲有啲好軟熟嘅牛筋牛腩肉。⭐️黃金脆魚皮 $32⭐️手工挪威三文魚米紙卷 $48賣相非常靚呀！材料分明，煙三文魚，粉絲，蔬菜，卷得好實淨，仲配埋醬汁好好食好開胃。⭐️香茅美國黑毛豬油香飯 $56⭐️牛油雞翼 $38雞翼一定要讚一讚！個皮炸到好香脆！配埋青檸汁中和返個油膩感。我想講嘅係$38有五隻雞翼好抵呀。⭐️炸軟殼蟹青木瓜絲沙律

晚飯時間經過依家叫〈火五〉既越式牛肉粉專門店，見佢門口都幾光猛靚仔，入面又不乏食客，所以就望下佢門口嘅餐牌。發現都幾經濟抵食，所以今晚就喺呢度開飯喇 入到去冷氣都幾夠，而且夠光猛，感覺好清爽舒服。 ＜凍咸檸雪碧（左），凍青檸梳打（右）＞$19行到身水身汗，坐低即刻要叫返兩杯冰凍嘅嘢飲。 $19大大杯又夠冰凍，而且仲好足料，夠曬清爽 〈手作扎肉米紙卷〉$32 米紙卷外層煙煙韌韌好Q彈，再配埋入面清爽嘅蔬菜絲同惹味紮肉條，口感層次豐富，食得好過癮。 〈香茅雞翼〉$22 雖然賣相好似唔太漂亮，不過食落個味道唔錯架。 店家仲好貼心，有幾款自製醬料畀大家可以自行調味。最欣賞佢嘅自家製沙爹xo醬同埋自家製海鮮醬，一食落口已經知道勁足料！！配埋頭先嗰兩款小食真係舐舐脷。 〈香茅美國黑毛豬扒油香飯〉 $56〈獅子老公〉見到今日特別推介嘅黑毛豬扒就已經雙眼發光，估唔到越式餐廳都有黑毛豬扒食喎。 豬扒口感鬆化唔死實，而且豬肉味濃郁，經過半煎炸之後就更加香口惹味    另外油香飯都好好食，唔會話好油淋淋，有淡淡既油香得嚟口感亦好清爽，〈獅子老公〉對此讚不絕口。 〈香茅豬頸肉撈檬〉$42 本兔就真係食唔落一大

今晩和寶寶來了太子試新開張的越南餐廳，價錢十分平民化，但食物竟然很高水準。餐廳也自制多種醬料。先點個越式小食拼盤 ($138) 包括黃金脆魚皮、青木瓜沙律、帶子蝦春卷、香草大蝦、手作大蝦米紙卷、手作扎肉米紙卷，份量適合四人吃。全部小食也做得很岀色，其中我最欣賞的就黃金脆魚皮和香草大蝦。魚皮加上鹹蛋黃，味道具層次，顯餐廳心思。而香草大蝦即叫即燒，蝦肉爽口彈牙。寶寶點了火五火車頭牛肉粉 （$52），材料相當豐富，有生熟牛肉、牛丸和越式香腸。湯底清甜，牛肉入味，是必試之選。我點的是法式咖哩牛肋油香飯 （$42），咖哩牛肋配上油飯真的很香，牛肋也煮得腍而入味，而飯的份量也超多呢。飲品的份量很夠大。我的越式香濃咖啡 （$19）香滑濃郁，而我就覺得寶寶的凍越南椰汁冰 （$19）更好味，因為椰子味突岀，而且清甜解渴。但既然是堂食，為什麼要用即興膠杯呢？

呢間火五坐落太子站附近，未入餐廳先睇menu，價錢方面真係幾吸引，於是入去試試。侍應好熱情咁招待我地，仲話呢度既牛肉粉麵係招牌菜添。我地點左個火五火車頭牛肉河。 有牛腩扎肉牛肉片，份量好多，真抵食。香茅豬頸肉油香飯都唔錯，好大份之餘，豬頸肉整得好香脆，大量既青瓜絲紅蘿蔔絲為呢碗飯增添色彩。至於法式咖哩牛肋配越式炸蝦春卷，咖哩好香，牛肋好林身，炸蝦春卷炸得好香口，配埋咖哩汁咁食又幾得意。呢味手作扎肉米紙卷，食落感覺非常清新健康，大量蔬菜同粉絲被扎肉同米紙包住，口感層次豐富。嘢飲方面，我地叫左鹹檸梳打同越南椰汁冰。鹹檸好足料，飲落好解渴。至於椰汁冰， 原來佢係用椰子水再加埋椰皇既椰肉製成，感覺非常清新健康。

火五既抵食程度十分高，價錢set得十分大眾化，另外仲見到menu 寫住加粉/加飯竟然系0蚊。🔷 火五生熟牛肉粉 💰42 💙75/100食越式既牛肉粉，個湯底就最緊要，所以卡比最先通常會飲左啖湯先，個湯好似放左好多隻牛系入邊咁，好香濃。牛肉份量都有幾多，除左生熟牛肉片外仲有牛腩，牛腩完全吾硬吾痴牙，出乎左想像。🔷 香茅雞翼撈檬 💰42 💙70/100雞翼有4隻，炸得香脆，撈檬份量好多，即使無湯作底黎飲但都會超級足夠。另外啲「青」都超級多，卡比叫撈檬就系想食佢既「青」哈哈。最最最重要既仲有個魚露，魚露酸酸地帶非常小既辣味，建議倒一小碗再慢慢加黎食，一黎可以防止浪費，二黎亦可以調岩個人口味。🔷 越式小食拼盤 💰138 💙70/100(黃金脆魚皮、青木瓜沙津、4帶子蝦春卷、4香草大蝦、4手作大蝦米紙卷、4手作扎肉米紙卷)都系果句，好抵食，$138食到咁_多款式同飽到癲既小食，卡比真系差啲粗口都打埋出黎。香草大蝦有微炸過，可以成隻連埋殻食都得；春卷好特別，賣相普普通通但食落一啲都吾普通，外脆內爽；米紙卷大大舊，絕對能夠填飽肚子。🔷 特色鳳爪青木瓜沙律 💰48 💙70/100有5隻去骨既鳳爪，十分

There is no shortage of good restaurants in Hong Kong, but at this place you can really get your bang for your buck.Specializing in Vietnamese cuisine, their bowls of pho and vermicelli are huge!!! And what’s more? You can add extra noodles at no cost at all! Not that you need it, since I couldn’t even finish their standard serving size.You can also add side dishes for dirt cheap ranging at around $20-30 a dish, and some special dishes starting at around $90. We got the lemongrass pork neck, the

好多人去食越南粉，都會將Pho讀成Focus既Fo咁，我自己在內，但去完轉越南旅行後，當地烹飪班就教左我地正確讀法應該係Fuh，就好似將「火五」讀得超快咁。呢度好近太子地鐵站，野食價錢都好親民，$50幾蚊大大碗粉，小食都係$20靘$30蚊，絕對值得一試。當然要食主打既火車頭牛肉粉$52，咩都有，生熟牛肉、牛柳粒、扎肉、牛丸，佢個安格斯牛肉粒真係十粒星，超有牛味，而且夠曬入味同稔！湯底清徹，牛味濃！食牛肉時，可以配埋海鮮醬同辣椒醬食，夠曬正宗。香茅豬頸肉$28咁大碟又多舊，抵過自己去街市買豬肉，仲要係厚切，食落特別耐咬，香溢既香茅味道浸遍整舊肉。小食拼盤$138有六大款，滿足曬你既願望黃金脆魚皮：炸得超鬆脆，微辣刺激青木瓜沙律：清新爽脆開胃帶子蝦春卷：脆外層包著滿滿的餡料越南扎肉米紙卷、越南蝦米紙卷：滑嫩米紙皮包著所有材料其實好多時候個精粹就係越南辣椒魚露醋，超正，襯咩都岩食！食越南菜梗係叫埋青檸梳打$19，呢度用外賣飲品杯，飲唔曬都可以拎住一路行，一路飲。

係太子見到一間新開既小店單睇價格好吸引當然唔好錯過，食左先講火五特式鳳爪鳳爪當然去好骨，雖然大大隻但吃落去好入味，酸酸甜甜，好好既餐前小食蠔油唐生菜我地叫左走油既生菜🥬，清清地加上菜又保持清爽，唔油，唔錯手作大蝦米紙卷🦐米紙包住檬粉，大蝦，菜，口感好豐富店仲特製左越北是拉差醬，河北沙爹xo醬，越式海鮮醬，比大家按個人喜愛而加香茅雞翼撈檬涼涼地既檬粉，自由加入店既撈檬汁酸甜合適香茅雞翼惹味香茅豬頸肉青木瓜沙律除左有青木瓜絲仲有紅羅白絲加上豬頸肉香口令口感更多一個層次火五生熟牛肉湯檬越南食物最出色係pho 當然叫一碗生牛肉岩岩比熱湯燙熟保持幼滑熟牛肉本身烹調時間夠加埋芽菜，青檸，檸檬葉係香味十足既湯底全個湯好好飲越南椰汁冰🥥最後椰汁冰，清甜解渴，好飲最後食咁多野，兩個人$250唔洗，真係好抵，可以一試

今天和同事到這邊工作，順便在附近晚餐。看到店門的餐牌，食物價格合理，於是馬上入內就座！這界限街，在太子和深水埗之間，價格夠貼地是常識吧！而且空間夠大，没有主要街道餐廳的迫狹。至少就座後，手袋背包可以放在隔離張櫈／椅！      註:曾遇過旺區的餐廳，一人只能佔一座位。客人的手袋背包要放在大脾！食得唔舒服囉！真係貼錢買難受。　火五生牛肉湯河　　　這個越南名物，以熱湯浸熟的生牛肉片，就在牛肉粉紅色剛消失的時候，就是肉質最嫩滑的黃金時間。嫩滑牛肉配洋蔥，香葉，芽菜，變為簡單又美味的湯河了！　湯河，當然都是滑滑啦！這碗湯河份量勁大，要努力將其消滅。    越式炸春卷　　圓錐體形的炸春卷，外表有如泰國手信～金手指！並非平常短小精悍的越南春卷。香脆炸皮，中間釀有蝦肉。    手作札肉米紙卷　　雪白的米紙春卷，清新之選。配餐廳自製海鮮醬，雖然味道接近中式甜醬/ 柱侯醬，但也似東南亞黑豉油／醬油膏加糖。除了又甜又鹹的自製海鮮醬，米紙卷內的札肉有黑椒粒，就變為甜中帶鹹又有香辣的多層次味道了！   蠔油生菜　　膳食纖維，夠健康。     越南椰汁冰　　自己怕凍飲，特地點走冰。半透明飲品內有粒粒爽口椰肉，絶

今晚約咗2位7月之星食生日飯。原本book咗尖沙咀餐廳的。但由於我位於太子工作的公司，實在太忙。突然要OT。所以唯有叫2位壽星女將就一下。轉嚟太子食呢餐生日飯。位於太子界限街新開咗一間越南餐廳，“火五越式牛肉粉專門店”. 我同同事食過Lunch。雖然餐廳唔算大，但食物質素都唔錯。所以就叫2位壽星女去火五等我。特色小食拼盤炸魚皮/蝦春卷/大蝦紙米卷/扎肉紙米卷/木瓜絲沙律/香草大蝦想講吓蝦春卷，瘦瘦長長，脆卜卜。大蝦紙米卷，用越南紙春卷皮包住半邊蝦，粉絲，紅蘿蔔。一大條切2件，一碟有4件。加埋酸咪咪嘅越式魚露醋更加好味。扎肉紙米卷，就係將半邊蝦轉為一片薄扎肉。香草大蝦, 好香脆火五生牛肉河粉大大碗，河粉麵質爽滑，有咬口感，牛肉嫩滑。火五特色鳳爪，鳳爪係無骨的，酸味適中，一碟有大概6-7隻。法式咖哩牛肋配法國多士咖哩香而不辣，牛肋肉好淋，冇渣法國多士有5件，但偏甜，我自己唔太鐘意。飲品~凍越南椰汁冰，有椰肉的。，但味道偏淡凍越南三色冰，椰汁味偏淡凍鹹檸梳打，青檸味濃，好飲既然係生日飯, 當然要有生日蛋糕啦. 蛋糕自己帶嚟的. 老闆好好人, 冇收我地切餅費. 仲要幫我地影埋合照. 

晚飯時間，經過這間燈光光猛，乾淨簡潔的餐廳，起初以為是新開的茶記，看看餐牌，才知道是間越南麵食的餐廳，價錢便宜，小食廿多元左右，特色飲品才十多元而已。入面有卡位，不過中間位置相對擠迫，店員拿著大大碗的湯麵時，很易碰撞到，有點危險。火五火車頭牛肉粉：牛魔王最愛，豐富的牛肉，生牛肉、牛筋、牛腩、牛丸及扎肉，牛丸及牛腩肉質有嚼勁，牛筋味道清淡，牛肉挺嫰滑的。而河粉則很滑口，吸盡湯底的鮮甜。蔥花、生洋蔥絲、香茅、青檸等香料令清清的湯底更提鮮，喜歡吃辣的友人還加了拉差醬調味。扎肉撈檬：扎肉撈檬清新，麵條份量多，大大碗。數片扎肉塊、青瓜絲、蘿蔔絲及炸蒜粒碎，再自行混入酸辣醬，另外我還加了餐廳自家製的越式海鮮XO醬，有蝦米及瑤柱絲，香辣的，更加惹味。原本打算叫幾碟小食，見到黑板上還有其他選擇，餐牌上沒有的，尤其是黑板上畫了圖畫的六小碟。各款的小碟小食，有不同食材，亦挺划算。店員說這是即將推出的，但可供有興趣的食客點來吃。帶子炸蝦春卷：即炸的長幼條春卷包裹著蝦肉及帶子，要趁熱食。黃金炸魚皮：脆口的魚皮，散發著微微的鹹蛋黃香，很惹味。黃金蝦：先滴數滴檸檬汁，蝦肉結實，不過略為鹹。吃了那麼多炸物及濃味食物

天時暑熱食下越南野, 公司附近開左呢間越南野好似幾抵食, 就同D同事一齊去食。嘢食都幾平，仲有lunch set。我地叫左2個小食，一個火車頭share，同埋一杯青檸梳打😁春卷有三條，大大條新鮮炸起，店員叫我地包埋啲酸蘿蔔同埋生菜一齊食，再加啲魚露，又真係又脆又軟嘅感覺，好開胃好好食，而且春卷好脆，入邊仲有一隻蝦添！鳳爪都好平，同埋係原隻鳳爪，大大隻口感好好，同埋好爽口。另外火車頭勁多料，尤其是牛肋肉，好林好好食！

夜晚喺太子見完客，就諗住喺附近搵食。行吓行吓見到呢間越南菜係新開嘅，就試吓佢嘅質素如何～餐廳嘅裝修好新淨簡潔Menu都算精簡，選擇不算太多。無骨鳳爪係我食越南菜或者泰國菜必點嘅小食，呢度嘅味道都做得不錯，酸酸辣辣夠晒入味。生牛肉河粉～食越南河最緊要係個湯底，佢做得都算味道濃郁，加上配有大量嘅洋蔥及蔥花，增加鮮甜味。牛肉亦都鮮嫩，整體不錯同事叫咗個火車頭湯河，牛丸及扎肉都屬水平之作。越南三色冰及凍咸檸梳打，味道唔會太甜

今日放工行去旺角經過見到開左呢間越南野, 就同朋友食少少野先去上堂。門口好搶眼, 入面裝修都幾光猛企理。menu選擇唔太多, 可能岩岩開, 不過價錢幾平, d小食廿幾蚊就有交易我地就試左新出既米紙卷同埋黃金炸魚皮, 火車頭牛肉粉, 咸檸梳打。米紙卷賣相幾靚, 包得好札實. 加埋撈檬個汁酸酸辣辣好好味, 而且個皮好in un, 食落又無我好唔鐘意果隻香葉味, 所以我覺得好好食黃金炸魚皮唔太油，好香口！牛肉粉湯底好味，好多料，勁飽！

咁岩係附近做野，見到有間越南餐廳，啲野食好似好抵咁，就同朋友入黎試下新野。🤟🏾我地入左去坐低，咁係menu揀左陣，老細（應該係？）行埋黎，同我地推介有新野未入menu, 雖然佢原本既menu選擇已經唔會太多，但我呢啲選擇困難症患者即刻話好啊，試佢個新拼盤（雖然其他食物對我黎講都叫新）。個拼盤都幾多唔同既小食，其實計落都幾抵，老細話係4人份，但一個人食都可以就咁叫一份食得曬（或者我大食？）不過就會好飽。個拼盤我最口鍾意係個青木瓜沙律同埋個炸蝦，另外個啲都好食，我覺得$138好值。因為朋友唔食雞腳，咁我諗住咁少自己食曬佢喇，點知佢雖然已經去左骨，都仲係好厚身。所以我食到食曬所有野，都仲刨緊雞腳...不過佢有少少酸辣咁，都叫清爽開胃，唔會食濟。而且都好味既。因為怕唔飽（其實我唔食粉已經好飽），我地叫多左個生牛肉粉。佢42蚊一碗真係好抵。而且牛肉同河粉都唔少。我地share先食得曬，佢個湯幾唔錯，個粉整體都幾好食。朋友叫左椰汁冰，我叫左個咸檸梳打，好飲。呢間餐廳整體好抵，啲野食都好食，會再去。