火五越式牛肉粉專門店 (華生樓) (已結業)

喺太子又唔想食飯，行到大角咀附近，想搵啲健康啲嘅嘢食，仲有一間疫情之下仍然人來人往嘅餐廳，但呢間火五越式牛肉粉專門店。適逢今日好肚餓，所以一次要多啲嘢食，睇嗰陣可能見到好多唔同色嘅食物，放心加埋都唔貴而且食到好飽，真係一次過滿足好多個願望㗎。火五火車頭牛肉粉：無論去到任何一間越南餐廳，呢個都係主打嘅菜式。餐廳嘅老闆都介紹我食呢個牛肉粉。分量好多之餘，食落去所有餸都好新鮮。怪唔之得咁多人排隊食啦。無論男女老友都一定啱食。越式老火花膠雞湯河：喺越南野竟然有咁知音養顏嘅花膠雞湯河，真係唔叫得。食落去藥膳味唔重，簡簡單單又有花膠嘅滋味。如果擔心食得太多熱氣野，食呢個就唔使擔心啦，又滋補養顏，一定啱晒所有女士啦。手作大蝦米紙卷：是越南野梗係試佢啲特別野啦，呢個咪紙卷大大條，入邊青瓜青菜滿足晒所有願望。而且咬口十足，口感一流。香茅豬頸肉：佢係小食，的確係增添左主菜唔少嘅風味。佢燒得好好食，好夠味，如果就咁食嘅話可能會咸左啲，但係放入河粉食嘅話，味道適中，直頭係Perfect match。凍青檸梳打，凍咸檸梳打：最後嗰個杯嘢飲，佢1十分衛生， 封左口，慢慢飲，即使飲唔晒拎走都好方便。

今日收工同朋友黎到太子，未諗到晚餐食咩好之際行過火五，睇到都有人排隊同有幾多foodpanda單，朋友就決定食佢。menu上面菜式選擇好多，我同朋友一人叫左一碗越式粉麵: 生牛肉湯河同熟牛肉湯河。店舖好細心，另外盛起芽菜，檸檬同配料比食客，好似我朋友甘就唔需要，比晒我。而且醬料都係任落，等食客可以自己調配個口味，值得一讚。湯河既湯底唔落醬都好夠味，唔會死咸。小食方面，點左手作大蝦米紙卷，香茅豬頸肉同 特式鳳爪，三款都係好推介，米紙卷入面既料好足，啖啖滋味。豬頸肉好juicy,鳳爪夠凍夠酸，好惹味。

最近都係深水埗至大角咀一帶覓食😆咁啱去聯合廣場行完街就睇吓附近有咩食。太子我真係好少嚟，但原來都幾多嘢食。本身九月已經約好晒朋友去越南玩，但疫情關係無奈取消咗，經過間越南野，就入去試吓😢今日非常肚餓，見到個Menu有好多選擇。於是就揀咗個豬頸肉檬粉，生熟牛肉河，牛油雞翼同鳳爪😆😆想讚下佢除咗辣椒同檬汁之外，仲有其他三隻醬料，反而醬料都幾有驚喜😆試咗少少朋友個生熟牛肉河，牛肉都唔差喎。我個豬頸肉檬粉都好食，略嫌檬汁鹹咗少少。我哋冇諗過份量係咁大份。😆其實呢個價錢食咗咁多嘢真係冇得輸，飽到我哋叫救命🙈平民價錢分量大，大家不妨一試啊。

佢呢度啲嘢好抵食，食過幾次，今日叫雞翼撈檬粉，好大碟，一個人根本食唔晒，推介，唔錯嘅越南野。雞翼都幾脆，香茅味，不過佢啲汁可以再酸一啲，本人覺得比較甜🤪🤪🤪

約咗個friend去太子食嘢，嚟到呢度門口，望落環境唔錯，坐得舒服，一於試下。朋友叫咗牛肉粉，我叫咗我一向好鍾意食嘅豬肚湯底，見到有棷子冰，望到個名好清爽，試下先~個friend 叫咗越南咖啡。朋友嘅牛肉粉嚟咗先，大大碗好多餸，我都係牛肉嘅粉絲，但實在太想試胡椒湯底。朋友話d牛生熟度啱啱好，湯底夠味幾吸引。之後我個豬肚湯麵嚟喇，都係大大碗聞落好香，飲啖湯底先，正～個口滿曬胡椒香味，食慾大增，豬肚有咬口得嚟唔un，配埋大大杯棷子冰好夾。另外配咗個牛油雞翼，香口得嚟唔油膩，隻隻都肥嘟嘟，食埋好夠飽。整體好抵食，下次經開要要幫襯下。

好耐冇去太子，經過間越式餐廳，又比佢迷住！火五火車頭牛肉粉超級大碗！入面有生牛肉、熟牛肉，牛丸同埋扎肉！超多料！生牛肉都幾嫩滑，食落唔鞋，而熟牛肉就似牛腩，仲要大大舊！食落軟腍唔會韌！但反而我幾鍾意佢嘅牛丸，幾彈牙！而湯底都唔錯，牛味香濃，唔算油膩！我地仲叫咁個小食拼盤，貪佢樣樣都有啲，咁就可以試多啲！拼盤嚟到果陣，我地嚇咗一跳！勁多嘢食呀！入面有炸魚皮、青木瓜沙律、炸蝦春卷、香草大蝦、大蝦米紙卷同埋扎肉米紙卷，超豐富！我覺得最正係香草大蝦，蝦肉好爽口，同埋佢已經幫你開埋邊，勁方便！米紙卷同樣出色，米紙夠煙韌，入面好多料，勁大舊！最驚喜係炸蝦春卷，睇落去平平無奇，但食落外脆內爽，入面好多蝦肉！如果鍾意飲濃咖啡嘅朋友，真係可以試下呢杯越式香滑濃咖啡！佢真係無改錯名㗎！同佢個名一樣，真係又滑又濃，但又唔會有苦澀味喎！我都幾鍾意！而吳生果杯椰汁冰，其實係椰子水加椰果，飲落都唔會好甜，入面加咗椰果，仲幾有咬口添！

嚟到呢度，淨係諗食咩都好花時間，因為太多選擇😆 仲叫左幾樣唔同嘅野食，平時食越南野通常都只係食個主食就算。火五火車頭牛肉河粉$52一上枱見到咁大碗咁多餸已經好興奮，仲要好味，絕對超值👍 裡面除左有生熟牛肉、牛丸外，仲有牛腩牛𦟌各一，牛味濃而質感不同。牛河湯底亦相當重要，絕對合格。炸軟殼蟹青木瓜沙律$68大大原隻炸軟殼蟹相當吸睛🤩 重點係就算熱辣辣食，定放涼感食都一樣咁脆口（太美味嘅要放開慢慢食😆）青木瓜份量非常慷慨，配埋個好啱味嘅酸甜汁食，呢餐夠晒纖維，正👍香茅美國黑毛豬扒油香飯$56俾個油飯吸引住，食落有非常淡的椰香味，唔會太搶，又唔會食到成口油，恰到好處👍 黑毛豬味亦濃，同樣份量充足。醬汁配料共5款，一般越南店確是小有，啱晒鍾意是不同味嘅朋友仔！火五越式牛肉粉專門店太子界限街14號地舖

窮遊香港-太子高cp值越南餐廳呢間餐廳真係幾大份抵食 唔貴仲要成日喺唔同平台都有優惠 可以話CP值好高今日見到好多人叫外賣.我呢日叫左⭐️火五火車頭牛肉粉$52成日黎呢到必點 份量真係好大碗1.5人份量👍🏻肉量都好多 牛腩 牛丸 扎肉等等👍🏻湯底都夠清甜骨湯味仲有小配料比你加 芽菜青檸香葉 夠正宗.⭐️越南三色冰$19 椰奶加三色類似啫喱 野飲用外賣野飲杯上 大杯.⭐️香茅雞翼$22 4隻夠熱 表面有炸蒜 小小香茅味.⭐️火五特式鳳爪$22鳳爪爽口 表面有啲酸酸地嘅蘿蔔絲.總結繼續保持到大份抵食如果下午茶嚟 有$40套餐 加野飲 爆抵絕對係同區高cp值嘅選擇.#火五越式牛肉粉專門店 (太子)地址：太子界限街14號地舖.⭐️評分：味道：3.8/5環境：3.5/5服務：3.8/5抵食：5/5

又到糧尾💸, 今晚小妹陪朋友去太子買完野之後就係附近睇下有冇d平靚正嘅餐廳食晚餐, 行過見到E間餐廳食pho, 心諗都好似好耐無食過lu😯, 於是就入去試下! 餐廳唔算好大不過食物選擇幾多, 原來E到嘅生牛肉湯河好出名, 所以小妹同朋友就叫左一個湯河同兩個小食share😉☺️火五生牛肉粉🐂🍜湯汁顏色清澈, 帶有淡淡嘅牛肉香, 味道十分濃郁, 牛肉色澤粉嫩, 口感軟腍, 湯粉份量多, 一定夠飽! 餐廳除左提供辣椒🌶, 仲提供左3款特色秘制醬料比你自由配搭, 調配出一個屬於自己嘅口味!手作扎肉米紙卷米紙卷包住青瓜絲🥒紅蘿蔔絲🥕等爽脆食材加埋一大塊扎肉幾開胃, 好適合而家熱辣辣嘅夏天!越式炸蝦春卷🦐入面釀滿蝦膠🦐嘅春卷十分香口, 咬落去脆卜卜而且唔重油膩感!

火車頭牛肉河粉($52)生牛肉、熟牛肉、牛丸、札肉••••••越菜館必點😎未見過咁抵食嘅火車頭！大碗，餸又比得大方🤩質素十分不錯👍🏻。濃湯湯頭鮮甜，飲多兩啖之後都無口渴。札肉帶黑椒好香，熟牛肉食到有兩款，一款類似牛肋條咁軟淋，一款就似厚身牛𦟌，要比啲力嚼，牛肉牛丸正常唔錯。炸軟殼蟹青木瓜沙律($68)••••••係原隻軟殼蟹啊😍熱辣辣和噴噴🦀，一上枱已經心心眼😋青木瓜絲好新鮮，自己酌量加上甜酸汁，就成為好開胃嘅前菜。手作札肉米紙卷($32)••••••另一refresh味蕾嘅清新前菜，米紙帶來獨特口感，包住檬粉、酸蘿蔔、生菜等豐富而零負擔嘅內餡，小編一啖一件😆。香茅美國黑毛豬扒油香飯($56)••••••比較少見越菜有米飯食，仲要係特式油香飯😳當然唔好錯過！主角油飯入口帶陣陣椰香味，香而不油膩，比起白飯又多種層次，最最驚喜係米粒極似珍珠米！每粒都圓碌碌漲卜卜！好有口感，肯肯定唔係普通白米。豬扒撈埋炸蒜葱油一齊食😆正！越式炸蝦春卷($28)••••••見到隔離幾枱都有點呢個，第一次見造型幼身長條形嘅蝦春卷🤣春卷脆皮注滿彈牙蝦膠，味道幾鮮甜，有三條嗌得過🤭。香茅豬頸肉($28)••••••

3Oct2020 星期六茶餐去開太子！先發現尼區有好多小店在OpenRice 見尼間星期六有茶餐食！價錢又唔貴咪盲舂舂去試吓結果有驚喜喎$40茶餐包任何飲品連特飲都可以而且碗麵份量都無少真心值得推介嘅茶餐

近排成日落雨， 今日要返學， 去到太子站紅雨， 跟住響附近搵嘢食， 見到呢間餐廳好多外賣單， 個裝修都幾好， 入去試下同同學， 唔知揀咩好，所以揀咗火車頭，咁就樣樣都有啦， 跟住見到軟殼蟹春捲都好多人推介，所以都叫咗， 佢哋嘅飲品，都好大杯，同埋係封咗口，所以都好方便，唔使一定要現場飲晒， 因為同學仔好肚餓，所以我哋仲叫咗蝦春卷，見到都係廚師推介， 之後仲好想食牛油雞翼，好貪心再叫埋牛油雞翼， 最後我哋叫埋個蠔油生菜，感覺上好似平均啲，有蔬菜同肉， 食飽好滿足🤗🤗

想速食，本來食快餐都唔錯，但系快餐食得多，總會悶。其實越式牛肉粉，一樣快靚正，而且越式牛肉粉，無論湯粉或撈檬，都不油膩，比快餐健康，是快餐以外的一個不錯的速食選擇。火五越式牛肉粉專門店就是佼佼者，除了主打的牛肉粉外，另有多款扎肉/牛丸粉、越式花膠老火雞湯河、越式胡椒豬肚河等，還有各式檬粉、米紙卷、小食、沙律和越式香油飯等，而且價錢經濟實惠，我都是常客。今日想清清腸胃，就來嚐過火五火車頭牛肉粉。火車頭牛肉粉材料豐富，有生牛肉、熟牛肉、牛丸和扎肉。生牛肉一灼即熟，入口嫩滑，厚切熟牛肉，牛味濃郁，牛丸和扎肉肉質彈牙，加上清甜湯底和幼滑河粉，真是「越」食愈好味。意猶未盡，再來了幾個小食和米紙卷。香茅豬頸肉，豬頸肉份量十足，薄切豬頸肉很入味，肉質嫩滑。香茅雞翼一客有4隻，size大大隻，絕不欺場，味道不錯。黃金脆魚皮，魚片披上黃金戰衣，散發濃濃鹹蛋黃香味，而且脆卜卜，好正。手作挪威煙三文魚米紙卷，米紙卷入面有檬粉、青瓜、生菜、紅蘿蔔絲，加上大大塊煙三文魚，口感清新，而且飽肚。 凍西洋菜蜜，菜蜜清甜，冰凍可口。

好耐無食過越南野食，好掛住火車頭湯粉，於是今日放工搵埋朋友一齊去食晚餐😂😂見到呢間餐廳既湯粉好大碗，於是就揀咗佢😂果然無令我失望，除左份量大之外，湯底簡直一流，好清但好有牛骨既味道，飲落唔會覺得口渴，證明係無味精調味，仲好有鮮甜味道，真心唔錯👍🏻👍🏻，呢間飲得出係真材實料😋😋🌟火五火車頭牛肉粉 $52（推介）牛肉味濃，牛腩好軟熟，好淋，牛丸既牛味都好重，而且大碗，牛骨湯清甜，黎到必點👍🏻👍🏻🌟法式咖哩牛肋撈檬 （$48）牛肋好淋，好入味，再加埋咖喱，味道真係好夾，再加埋餐廳自家製既醬落去撈檬，真係好好食😋🌟越式炸蝦春卷 x 黑醋汁蒜蓉牛油雞翼兩樣都即叫即炸，春卷入面全部都係蝦肉，價錢$28，性價比高👍🏻雞翼好大隻，炸粉唔厚，出面好脆，入面多汁，仲有黑醋汁加落雞翼出面，原來黑醋加落雞翼度係都可以好夾，唔錯👍🏻👍🏻🌟三色冰 x 椰子冰🥥 三色冰椰奶味重，唔太甜👍🏻👍🏻椰子冰用椰青水再加椰肉，好清甜👍🏻👍🏻

話說約了媽媽去太子花墟睇花買盆栽，行之前諗住是旦搵間餐廳食啲野，見呢間乾乾淨淨整整齊齊，價食又幾抵咁就入咗去食下午茶餐價錢好吸引！$40就有個越南粉/撈檬/飯類，份量仲要係超大碗😱😱 仲送埋飲品！係任何飲品都揀得！我哋揀咗2杯特飲 - 越南三式冰同越南椰子冰 都唔使加錢😝另外仲叫咗個招牌小食拼盤，總共有6小碟：炸蝦🍤春卷，香草大蝦，札肉米紙卷，鮮蝦米紙卷，黃金炸魚皮（即鹹蛋黃炸魚皮），青木瓜沙律🥗，春卷、炸蝦都新鮮熱辣好好食😋 魚皮香脆唔油膩，米紙卷皮煙煙韌韌，整體都不錯，但冇諗過每樣都咁多🙈 最後食唔哂要打包個米紙卷🤭正所謂食甜品係第二個胃🤣🤣 因為我哋都係榴連控關係，最後都叫埋個D24榴連炸蛋🤪 😅 即叫即整，外脆+煙韌，裡面榴連味都幾濃，但好熱唔好食得太急呀～ 整體來講可以話抵食得嚟質素又唔差👍🏻 同埋服務都好好，會主動問使唔使要2隻細碗，飲品又可以走冰👏🏻 經過可以再食～