火五越式牛肉粉專門店 (華生樓) (已結業)

出開去太子，就會諗起火五越南粉😄，價錢夠親民，選擇又多，梗係食飽飽先再去行街喇。火五火車頭牛肉檬粉 $62火車頭牛肉粉材料真係超級多，有生牛肉、熟牛肉、扎肉、 牛丸， 真係超有牛味牛丸又彈牙， 生熟牛肉又嫩滑，湯底清澈鮮甜，足料又大碗。法式咖哩牛肋撈檬 $58牛肋條炆得好好食，夠曬入味，配埋法式咖哩汁非常滋味。仲有超級多檬粉，女士真係未必食得曬😆手作大蝦米紙卷 $38米紙捲入面除咗大蝦之外仲包住酸蘿蔔絲同埋生菜， 清新爽口，口感豐富，非常開胃。大熱天時梗係叫左兩杯凍飲冰冰佢啦，跟餐嘢飲仲要半價，我哋簡左越南三色冰，凍咸檸雪碧， 兩杯嘢飲都幾清新，👍🏼。

平日行過見到好旺，又有好多高分食評今日見到唔算太多人就決定一試～最後竟然係失望而回⋯唔會再來了！店員服務態度好好，因為本身個位有啲窄，我坐低左先話轉位都話無問題無嫌煩～但食物就真係強差人意！生牛肉湯河影左張相、加左配料，前後都無兩分鐘⋯撈埋啲湯個河粉就漲晒，仲要好碎，湯底淡而無味！雖然預左唔會係好正宗既越南粉，但都算係唔合格！凍咖啡雖然用左外賣杯方便拎走⋯但杯咖啡本身好淡，似溝左好多水！飲唔晒都唔會想拎走飲⋯失望！

Lunch time同同事食飯，行過見呢間越南餐廳多人捧場，決定一試，一試之下好有驚喜。火五熟牛肉湯濛（多粉）以前食過一兩間連鎖越南餐廳，佢地嘅粉都普遍好細碗唔夠食。而呢間火五竟然有得揀多粉，加底仲要免費，。黎到碗粉真係超大粉量，超級滿足。熟牛肉煮得入味，好香濃。仲會配搭好多越南野特有嘅配料，食落都好正宗。大蝦春卷撈濛同事加左撈濛，佢無叫多粉，但係份量都好多，好夠食。大蝦同春卷都即炸夠香脆。配左越式酸汁，酸酸甜甜，香味十足，天氣咁直熱之下食完食完好開胃清爽。意大利黑醋雞翼即炸雞翼大大隻，配埋黑醋唔會油膩仲好惹味。仲配左青檸再增添一d越式風味。越式三色冰椰汁味香濃，加埋三色「啫喱？」，有野咬下，飲落好舒服清涼曬，好似置身於越南椰林樹影之下。越式香滑濃咖啡同事話咖啡味夠香夠濃，有咖啡豆果香味，係好味嘅。餐廳仲配埋好多越南風味嘅醬汁俾你加落去嘢食度，有是拉差醬、沙嗲醬同海鮮醬，都好有越南味道架。

疫情之下，都是外賣回家吃為主~剛巧這家店外賣有八折啊~~一於試一試~~😌越南菜的飯、撈檬、河、小食，一應俱全~款式多，如果有咁越式法包就好了~🤔店家將外賣也包裝得很細心~~除了有將火車頭分湯裝之外更圍上保鮮紙，防止湯汁濺出來~🙆‍♀️火五火車頭牛肉河 (正價$62)湯底是有牛香，但不會油膩是會令人想一邊吃粉，一邊飲湯底~生牛肉、熟牛肉、和牛牛丸的牛味夠濃~~🐮札肉裡有黑椒粒粒，微辣，但稍薄~~河粉是幼滑的~~整體來說，不錯吃的~~🤤法式咖哩牛肋撈檬 (正價$60)咖哩是香而不辣的那種~~配上魚露的微酸~~味道頗特別~~平常的撈檬好像比較少有咖哩口味~~🙆‍♀️而牛肋牛腩則忟到入味軟腍~~好吃~~😍黃金脆魚皮 (正價$34)因為外賣關係，魚皮不脆了~~😫要再用氣炸鍋翻炸才變回脆脆的~~所以這款脆魚皮不宜外帶~~要堂食~~至黃金方面，咸蛋味太淡，幾乎吃不出來~💔令人有點失望~~🤧🤧🤧火五特色鳳爪 (正價$24)鳳爪口感爽口，配上魚露吃，不錯不錯~~但味道偏淡，若可再濃味一點，味道會更佳~🤔P.S.八折外賣價之下，真的很划算啊~~🤭🤭🤭

今早遲咗少少出門口，趕去上堂前諗住係附近快快食個quick lunch ，經過哩間黃色招牌嘅「火五」見有位就入去啦，好彩早少少嚟到，坐低一陣已經多人到要等位，仲有外賣單係keep 住non stop 嘅就知有幾抵食啦我地兩個人叫咗一碗豬頸肉撈檬加兩個小食同越式特飲都唔使$200👍🏻 重點係無論係湯河定撈檬，份量都唔惹少，女仔嚟食真係可以兩個人share ，再加小食就夠哂😆豬頸肉份量唔少同埋已經切成一片片方便食用，酸甜汁放係枱面任你加，仲有蘿蔔絲同青瓜絲，中和豬頸肉嘅油膩感小食方面就叫咗比較少見嘅蒜蓉牛油蝦球同D24榴槤炸彈，蒜蓉炸蝦球牛油勁濃超香，榴槤炸彈係榴槤控必食推介，$48有4粒勁抵食👍🏻脆身嘅外皮入面包住香濃榴槤蓉，一口接一口食唔停口😋

火五火車頭牛肉粉裏面材料非常豐富，有生牛、熟牛、和牛牛丸、扎肉～想特別講講個牛丸勁有牛味加彈牙，冇食過咁重味既牛丸！湯底都幾有啲牛味～成碗面超大碗，女仔一定要叫少粉阿🤣火五特式鳯爪比起一般泰式鳯爪啲肉質冇咁淋身，表面冇汁但啲酸味都俾鳯爪吸收曬，所以都好夠味手作扎肉紙米卷本身係冇咩味，大家可按自己口味落唔同既調味料～除左酸汁仲有拉差醬、XO醬、海洋醬～所有食物都整得比較淡味，大家可以按自己喜好加唔同既醬汁，都好惹味架

星期六晚同朋友嚟到太子食咗間好掋食嘅越南菜。好多款式仲好平民價錢添～手作大蝦米紙卷（$38）- 足足有四舊，每件都有蝦肉在內，配上粉條同新鮮爽口嘅青瓜同紅蘿蔔絲，口感豐富。香矛雞翼（$22）- 烤得好脆口，雞肉juicy嫩滑。火五火車頭牛肉粉（$62）- 材料勁多，有生牛肉、熟牛肉、和牛牛丸同扎肉，湯底鮮甜，仲可以揀湯檬。越式魚翅花膠雞湯粉（$59）- 估唔到真係有魚翅，呢個花膠雞湯仲好清甜，但可惜雞肉唔係太多。凍咸檸梳打（$19）- 好解渴同好大杯。

<< Thursday Couple 為食記😋👣>> 自從果次喺觀塘食咗錦麗嘅越式生熟牛肉湯河之後，迷上左牛肉湯河，濃味嘅牛肉湯，令到成個粉嘅味都有提升，所以呢排好想試吓其他嘅越南餐廳係咪都做到咁出色。🥳🥳今日就嚟到太子一間叫火五嘅越式餐廳，見佢開唔少分店，諗都唔會伏！😂😋一入到黎，坐得幾舒服，食物嘅種類都唔少，見到佢除咗牛肉湯之外，竟然仲有雞湯或者魚翅花膠等等嘅湯底，唔同材料加入左啲特別元素，比客人有更多嘅選擇。🥰幾好咁啵！仲有佢同一般越式餐廳一樣，提供左唔同嘅醬料比客人去用，佢似乎再多一兩樣蘸料！ 最緊要有辣！😋🤣😛我哋先分別叫咗兩杯嘢飲，一杯係超多椰子肉嘅椰汁冰，佢同泰式餐廳嘅椰奶並唔一樣，佢地係用左椰青水再加上好多果肉，飲落好清甜！🥳男朋友就叫咗杯鹹檸七，鹹度夠，酸味又都足，唯獨爭咁啲汽，如果夠汽就perfecto 🙌🏼嘢食方面。當然係叫咗我最想食嘅牛肉湯河！裏面有牛腩同牛筋，好多好足料！😋牛腩可以話係啖啖肉🙈🙈而牛筋炆得淋！牛肉湯嘅湯底就唔係好濃個種！不過都好有牛肉味，而且清甜味，幾啱我嘅口味☺️另一碗呢就係花膠魚翅雞湯河粉，個湯就比較濃啲，雞湯

今日放咗工夜晚又約咗人，中間有個空檔時間，就搵個地方坐下食個下午茶，喺太子附近見到呢間火五越南餐廳，記得OpenRice都有見過，所以就入嚟坐吓，食吓野😄坐低之後，見到好多枱都好似我一樣，一個兩個人入嚟食，睇完餐牌之後，就叫咗個小食拼盤，同埋一杯椰青水椰青水飲落好清甜，中間仲有啲果肉，仲要獨立杯裝，係炎熱既夏日，飲番一杯椰青水，的確係好好嘅選擇小食拼盤有六款嘢食，好豐富分別係黃金魚皮、青木瓜絲沙律、蝦春卷、炸雞、大蝦紙米卷、扎肉紙米卷，黃金魚皮好香，好有咸蛋味，炸雞都熱辣辣好正仲有一set醬料，自由配搭

同朋友出去shopping前緊係要醫飽個肚先啦😜旺角佐敦不嬲多野食🤩係覓食嘅好去處朋友突然想食越南野🇻🇳所以去左火五食個lunch再血拼啦🛍🍜火五火車頭牛肉粉🍜呢碗粉真係品講得笑😆份量多又足料一碗有生牛肉、熟牛肉、牛筋、牛腩、牛丸…仲有扎肉添🤗生、熟牛肉牛味濃😉牛腩超爽口牛筋軟腍😚牛丸彈牙湯底濃郁配搭金邊粉😋超好味🐥香茅雞翼🐥雞翼皮脆內嫩😃香茅味重📍火五越式牛肉粉專門店 (華生樓) (太子)太子界限街14號華生樓地舖

新加入openrice，第一次在網上預約的餐廳。我們到店的時間比預約早十分鐘，不用等候可以立即入座。正因為早了到達，可以點超值的下午茶餐。店面可以容納約三十人，可能因疫情關係，又可能時間尚早，我們逗留了一個半小時也不見滿座，只有約四分一的客人。用餐服務良好，下單或要水等到位，除收現金外也有其他非現金的付費方式，很方便。下單後食物很快送到，食物質素很滿意，沒有不冷不熱的情況，特別欣賞的是生牛肉粉，牛肉嫩滑，湯汁可口，我們把湯飲盡，盤底朝天。下午茶送飲品，我們要了兩杯凍飲，是台式飲品的方式的包裝，飲不完可以帶走。

一直都知道界限街有好多嘢食，但係成日食嚟食去都係嗰間意粉同埋外賣餃子，今次試吓其他嘢，揀咗間越南嘢食。食越南河粉一定要食最豐盛嘅，又生牛肉肥牛熟牛肉牛丸等等，值得欣賞嘅係佢個湯底好清甜，一啲都唔係味精湯，而且生芽菜同其他配料都可以自己控制分量加入去，我嘅食法係加少少越南魚露，吊返香成碗野嘅味道。另外叫咗個豬頸肉飯，佢係乾撈飯嚟嘅幾特別，呢度嘅肉類全部都處理得很不錯，豬頸肉亦都唔會係肥得好緊要嗰隻，醃得都相當入味。小食方面叫咗牛油雞翼同埋蝦春卷，因為見個個都推介下春卷所以叫你試吓，炸物普遍都OK，但係千祈唔好放太耐食，新鮮上菜嘅時候快啲食咁樣會最好。飲品叫咗個三色冰，由於我太鍾意飲椰汁嘅關係，我覺得所有椰汁嘅飲品都好飲嘅。

約同事午飯在太子界限街14號華生樓地舖火五越式牛肉粉專門店。室內簡潔，午市人流穿梭，一枱客接一枱客，服務員忙過不了，午膳菜式繁多，供人客揀選。1. 越式花膠老火雞湯河$56越南道地河粉浸在濃濃的花膠雞湯底，花膠夠淋，雞件夠鮮嫩，且份量十足。2. 火五生熟牛肉粉$58用牛骨加上16種香料煲煮超過8小時的牛骨湯，湯頭清澈帶淡淡牛肉香氣，所以牛肉特別好味嫩滑，令湯河更覺可口美味。3. 黃金蝦球5件 $48脆脆的外層，非常香口，鮮嫩的大蝦球混合濃濃的咸蛋黃蓉，爽口彈牙，配上越式醬汁，美味無窮。4. 火五特式鳳爪$22酸甜味適中，鳳爪皮肉很爽口，配上一絲絲酸菜，更覺惹味。5. 西楊菜蜜$8&檸檬茶$8餐後解渴消暑飲品，跟餐半價。

今日同媽媽嚟到位於太子呢間餐廳食越南菜一入去都見到有頗多既客人，好似幾受歡迎食物款式都幾多，有河粉、檬粉、油飯、小食、沙律同飲品等，好多選擇。每張餐枱都放咗各式各樣嘅越式醬料，包括：辣醬、甜醬、辣椒、平時食開撈檬嘅甜酸汁同埋有一隻有啲似XO醬嘅醬汁，我同媽媽每種醬汁都試咗少少，都幾惹味，特別係酸辣汁夠晒開胃，用嚟配搭唔同嘅食物應該幾唔錯。越式炸蝦春卷春卷長長一條，啱啱炸起熱辣辣，裏面係蝦膠，塞滿晒成條春卷，蝦膠鮮味彈牙，外皮香脆，而且食落唔油膩香茅雞翼賣相好吸引，面頭鋪滿炸乾蔥同蔥油，味道好香，雞翼外脆內嫩。軟殼蟹青木瓜沙律軟殼蟹大大隻，已經切開咗一半，方便同人分享，外皮脆卜卜， 軟殼蟹幾新鮮，唔會食到腥味，而且食落一d都唔乾身。青木瓜切得夠幼身，而且爽口，撈埋d食撈檬嘅汁，酸酸辣辣，非常開胃。法式咖喱豬頸肉油香飯份量好多，我同媽媽兩個人share食已經好夠，一上枱充滿咖喱嘅香味，味道香濃，而且唔會好辣，豬頸肉係厚切嘅，夠腍身而且爽口。油飯色澤均勻，粒粒分明，有咬口，而且充滿油香凍越南椰汁冰天熱飲一流，椰子水清甜可口，仲有一粒粒嘅椰子肉咬下，更有層次感。

另外啲分店我都食過，第一次食呢間，試下未食過嘅野啦！香茅美國黑毛豬扒撈檬都唔錯嘅，份量仲要好多，建議豬扒唔好浸住個甜酸汁，分開咁食仲好！之後食咗一個特別野係胡椒豬肚湯檬，用呢款香港粉麵好招牌嘅湯，去整越南檬，係一個好有玩味同Fusion感嘅做法小食試咗黃金蝦球，呢個幾高質，炸到熱辣辣，蝦球彈牙！最後飲品叫咗青檸梳打同越南椰汁冰，質素OK，值得一提係越南椰汁冰同大家飲開泰式係唔同，佢呢種係無奶，係似椰青水加甜同有椰肉咁樣。主菜，小食，飲品，加埋人均唔洗$100，性價比算OK