火五越式牛肉粉專門店 (其昌樓)

營業中

休息中

好彩訂左位 大概假日4點鐘黎到當時餐廳客人大概6位 但全部係一人一枱職員對其他walk-in既食客 只係話full左冇搭枱既做法 好奇怪金邊粉都ok不過牛肉比較碎 但份量好大 完全食唔哂 加上叫左3個小食 食完係超級飽

因為人水想試既餐廳今晚無開，見很多好評，便入去試一試晚餐～第一樣是生牛肉湯河。湯河的湯底真的很淡味，只有很淡很淡的牛肉味，上面鋪了幾片生牛肉，生牛肉沒有特別，但湯底大打折扣～第二樣是咖哩牛飯。牛肋條肉質偏柴不嫩，咖哩沒有太多辣味，是偏椰香味。第三樣是他們家的特色鳳爪，鳳爪比一般的顏色較深，比較辣一點點，這款食物中規中矩。第四樣則是雞翼，新鮮炸起，皮脆肉嫩，這款食物是四樣最好的～整體食物主食不太建議，小食還可以。

係伊利沙伯醫院覆完診，反正要等囉藥，打算落佐敦食個飯先， 係OpenRice 搵到呢間評價都幾高，咁啱又想食吓湯粉， 就選擇呢間入去試吓。見到個下午茶，咖哩吉列豬扒飯，包飲品都只係40蚊， 咁抵，冇理由唔試下架～～～， 不過味道就好似食波仔盒飯咁，有啲後悔點解唔食自己本嚟想食嘅牛肉河呢🤔阿囡就食咗個香茅豬扒跟油飯，佢話好味😋另加一個一口芝士年糕，熱辣辣都好濃芝士味。我下次會再嚟，一定要試生牛河😋最後補充， 地下好滑， 好似好耐冇拖過地咁， 由其是個廁所😒， 我差啲跌落地😤。女廁個屎塔高咗一級， 腳又踩唔到上去同一級， 所以腳唔長嘅女士， 唔洗只意可以無影凳解決。

之前喺ig見到好多人介紹呢間越南嘢， 咁啱去開佐敦諗唔到食咩就去試下呢間越南嘢叫咗一碗火五火車頭牛肉粉， 入面有牛丸，生牛，肉，扎肉，熟牛肉牛筋湯底有少少牛尾同有輕微藥材味， 牛丸都幾彈牙咬開有汁

食過唔同菜式外賣都正常唔伏之前食過越南粉、撈矇、鰻魚飯、咖哩豬飯平價黎講味道正常今次叫咗青咖喱雞飯因為openrice未有reference相所以都係試一試汁飯分開上，個賣相唔算好吸引雞肉一般青咖哩係小辣 味道唔錯整體我覺得都足料抵食會再試其他飯👍🏼唯一要改善就係出餐時間較長有次出餐over 30分鐘🥲

尋日出佐敦，又去外賣平台睇吓會員有咩餐廳有七五折，見呢間都幾多食評，價錢亦唔貴，就揀佢。唔駛點等就有位，餐廳座位都幾闊落，坐得都幾舒服，但冷氣就唔多夠，我又怕熱，感覺有啲焗。因為一個人，所以試唔到太多嘢，睇咗輪揀咗火五火車頭牛肉湯檬同越南三色冰，火車頭有生牛肉，熟牛肉，和牛牛丸同扎肉，如果冇折正價$68唔係特別平，正常火車頭份量比較多，但佢生同熟牛肉只係得一嚿，仲要細細嚿，唔係有折就比碗細嘅你啩？上枱見到真係有啲失望，見到好似冇餸咁，檬粉亦唔多，不過見到可以揀多粉同不用加錢，但冇理由要食粉食飽㗎？佢同另外一間出名嘅越南粉「錦X」嘅火車頭份量真係差太遠，人哋生熟牛肉最少都有兩件，而且大大件，每次都食得好滿足（遲啲要去食，補償今次失望嘅心靈）當然佢嘅價錢比佢貴少少，但係都係少少。所以我後尾都要追加一個炸蝦春卷，春卷係長同幼身嘅，味道唔差但佢整得麻麻，個皮比較厚，三色冰正正常常，因為要正價單點先有折，所以咁樣叫其實唔係平好多，因為單點嘢飲通常貴，如果你唔叫嘢飲就平得多啲。睇食評OpenRice買嘅套餐好抵，可以一試，不過緊係有時間同日子限制，如果用到都幾抵。整體質素唔差，但呢個火車頭嘅份量真

見到呢度咁多好評咪去試吓，餐廳地板濕滑，好似去咗街市熟食中心感覺。服務員阿姐粗聲粗氣，禮貌欠奉。見咁多人介紹招牌「火五火車頭牛肉粉」咪試試，上菜時候隻匙羹炳黐立立，看上去成碗粉料係有齊咁多樣材料，一飲湯，大鑊，湯頭味精感覺很重，絕冇越南粉該有的鮮甜感覺，生牛肉缺乏鮮味，熟牛肉完全唔得，牛丸一般，只有扎肉稍為正常，整體完全唔值$68，食完感到相當口喝，性價比甚低，唔試絕唔係損失。同差唔多價錢，同區「越南珍味」或尖沙咀「河內」完全冇得比。

佐敦高性價比越南餐廳 今年我食過最抵既餐廳 沒有之一 係eatigo見到有半價（可睇圖）今日呢間除左越南粉 仲有拉麵 湯粉 最平都係$23（太子店餐牌更平）今日1730黎到 竟然全店一個客人都冇 有d驚訝 點都要幫佢地出post推一推.因為半價太平 唯有直接點最貴果款 咩配料我都要⭐️火五火車頭牛肉湯粉$68有生牛肉 熟牛肉 和牛牛丸 扎肉👍🏻份量好足 有1.5人份量👍🏻河粉口感小小煙韌 最重要係完全唔碎👌🏻湯底ok啦 呢個價錢唔會同 極高級果d比👍🏻牛丸高質 彈牙到爆 咬開有汁 有牛根粒.⭐️火五特色鳳爪$22👍🏻有4隻雞腳 爽 冇骨 酸酸辣辣開胃👍🏻半價完只係$11 平到有d想食鳳爪放題.本來想點⭐️花雕高粱醉雞卷 點知賣哂點後點左⭐️花雕高粱醉雞翼$32 5隻👌🏻凍凍地 雞肉唔算滑 雞皮唔算彈👌🏻酒香ok 甜度一般 個人鐘意偏甜既醉雞汁多d簡單講 同自己買枝汁整 差唔多😊重點係$16 5隻wo 我就食得好開心啦.⭐️B仔雞翼尖$32我就冇山長水遠入元朗試過原版成碟極重蒜蓉汁 外帶明顯生辣椒香味雞翼尖冇數幾隻 但食極都有（大概15隻？up）.⭐️凍越南三色冰$19半價完$9.5 🤦🏻‍♀️買杯

加班後，晚上8、9時入去，點咗黃油黑毛豬扒飯一碗，因為無套餐，所以另單點一罐無糖可樂，盛惠＄68。豬扒3、4小小小塊，好快就食完，最後一半飯唯有乾哽油飯，感覺在吃愛心飯，即係做乞兒的感覺 🥹 。味道尚可，但食無餸飯，勉強將胃填滿，感覺有點悲涼 😓。另外，罐可樂是不夠凍的，勉強叫做凍凍地。很少寫食評，今次真的不吐不快，希望佢哋會改善下，今時今日做食肆毛利仲好可觀，使唔使咁樣慳成本？係慳到啲，但反而趕客，何苦呢？

先嚟入坐，企左係門口成分鐘冇人理見到我就指一指叫我坐底入坐後又唔掃針卡全程d 姐姐仔係間鋪大聲傾計，仲夾雜粗口佢地唔講野成間鋪不知幾靜落單語氣又唔好。。。我本身想問下有冇青檸，但都唔想開聲問同佢地講野了野食方面。。。。可以吧Order 左生牛肉檬，凍越南咖啡湯底一般，咖啡話香滑，但其實一d 都唔滑仲要間鋪係冇熱咖啡叫。。。迫住飲凍野不愉快的噪音體驗。。。。冇下次。。。。。

1. Medium Raw Beef, Cooked Beef, Vietnamese Sausage and Wagyu Beef Ball w/ Pho 🥩2. Lemongrass Grilled Pork w/ Rice 🍚🐖📍: Pho 5 (Jordan), G/F, 55 Parkes Street, 55 Parkes Street, Jordan💰: 1. $68, 2. $58⭐️: 8/10Review: Cheap, filling, and delicious!😍 You can add extra pho or even extra rice without extra charge 🫣 and one portion of that extra can actually feed 2 people! 🙌🏻 Their most complete set of pho has different kinds of meat, sausage, and wagyu beef ball! Everything taste great and well season

📍 火五越式牛肉粉專門店 (佐敦店)佐敦白加士街55號其昌樓地舖———————————————火車頭牛肉粉(💰: 68 hkd)一上菜都頗有驚喜，發覺呢個火車頭大大碗🤩 裏面有好多配料，包括生熟牛肉片、和牛牛丸、扎肉等，另外有芽菜香葉同青檸分開上，方便乘客按自己口味添加，非常貼心💕 最有驚喜嘅係個和牛牛丸😍 牛味好香濃，仲好Juicy!! 食到停唔到口～牛肉粉湯底係清清地嘅嘅牛骨湯，食落香甜而唔會太油膩，同埋食完唔會口渴👍🏻 麵條方面我叫咗河粉，食起上嚟幾滑、掛湯力強😋 食完碗河粉真係大滿足，女仔食可能會有啲多添🤭手作大蝦米紙卷 (4件)(💰: 38 hkd)米紙卷咬落煙煙韌韌，裡面配料包括大蝦、檬粉、生菜、青瓜，食嘅時候點埋附上嘅魚露，感覺非常清新✨ 唯一係如果米紙卷嘅皮如果薄多少少應該會更好😛蜆港吉列炸蝦餅 (4件)(💰: 38 hkd)小食嚟講我最鍾意吉列炸蝦餅💯 食落好重蝦味，外皮炸到好香脆，又唔會炸到太乾身，咬落爽口彈牙，所以網上見唔算好多人叫，我認為絕對值得一試😚夏天最啱食越南菜開胃嘢，佢仲要免收加一幾抵食，除咗佐敦之外，太子同天后都有分店呢！整體評分 (6個🐽為滿分)味道

我一向對越南生牛肉粉情有獨鍾，今次同friend去開佐敦行街，就順便嚟試吓呢間之前冇食過嘅牛肉粉了😋-火五火車頭牛肉粉 $68有生牛肉、熟牛肉、扎肉、牛丸作為配料，牛丸好彈牙好多汁，食得勁滿足！！我叫咗河粉，份量勁足，食得超級飽😂😂😂湯底好鮮甜，冇味精味，加分～～-火五生牛肉粉 $46生牛肉都有好多塊，肉質軟腍又夠滑，啱晒食肉獸🦦上菜嘅時候仲呈鮮粉紅色，但因為湯底好熱，所以好快會熟，建議大家要快手啲食🔥🔥-手作大蝦米紙卷 $38米紙卷非常足料，件件都有一隻蝦喺入邊，而且包滿左新鮮嘅蔬菜，脆口得來又清新～-香茅雞翼 $22雞翼一份有4件，醃得好入味好香，煎到脆卜卜咁，肉質鮮嫩多汁，勁鍾意🥹💜-荔枝紅茶 $19荔枝味好重，甜度適中，凍冰冰咁夏天飲解暑一流💜

佐敦除左澳牛之外，其實仲有唔少小店都值得關注，最近就黎試左一間係澳牛旁邊既越南菜小店😝◦ 火五火車頭牛肉粉 ($68)牛肉粉好大碗，而且食材好豐富，有生牛肉、牛腩，牛肉丸、扎肉，配料有洋蔥、香葉等等😝另外要讚下個湯底，牛骨湯底都幾清，牛味好濃，加上河粉煮到啱啱好，總體黎講質素都唔錯😋◦ 炸軟殼蟹撈檬 ($68)軟殼蟹好大隻呀，炸得夠通透，而且都好多蟹肉；而撈檬都幾大碗，配埋甜酸汁一齊食，好清新開胃，整體都幾好食😙◦ 手作大蝦米紙卷 ($38)米紙唔會太厚，都幾煙韌，餡料有大蝦、青瓜絲、生菜，點埋魚露甜酸汁，食落幾清新😉◦ 凍越南三式冰/荔枝梳打 (各加+$10)兩杯都幾大杯，當中我比較鍾意三色冰，粉條幾有咬口，幾啱夏天飲，夠解渴😄

想食pho，於是試下呢一間，結果非常驚喜，非常喜歡。下午茶時間可以去到6點，下午茶量足，超級抵食，好似正餐，食完之後都唔使食晚餐。pho 好好味，撈檬都唔錯。同埋跟餐嘅嘢飲都可以揀特別d嘅，唔單止凍檸茶嗰啲普通嘢飲。不過如果香茅雞翼再入味D就完美啦。wanted to have pho, so i tried this little diner. it was indeed a hidden gem. The portion was good for afternoon tea and it was delicious as well. will come back