瀛鍋

營業中

休息中

九龍城雖然有很多間不錯的打邊爐鋪頭, 但我自己就偏愛這間打邊爐, 每次去到....真的不需要等候便可以入座了, 環境清潔, 食物新鮮, 適合多人聚會或幾位知已相聚, 還有非常親切的員工, 熱心招待, 真的不錯!

早排老豆生日佢選擇咗食呢間慶祝～佢話食過覺得好正，所以就一家人去試試嚟到就上樓上坐咗房，叫咗幾樣小食，秋葵、魚片頭、雞泡魚乾、茄味魚皮👍🏼不錯！之後就係重頭戲🤤有勁多刺身，本身都有啲驚會伏，但估唔到都好新鮮～之後就係椰子雞煲！好鮮甜～先食晒啲雞之後再飲湯～頭先嗰啲刺身都可以放落煲勺一勺，一樣好味～除咗刺身當然都有叫牛肉食啦！價錢嚟講就一定係偏貴，但質素唔錯，間唔時食一次慶祝特別日子都可以嘅🤪😋😋😋今餐五個人食 食咗$3500🤭

去之前訂定左個 時令冬瓜湯底，湯底真係好似酒樓個啲冬瓜盅既味道，清甜食之前店員都推介我地飲左一碗湯先開始打。另外仲叫左個 和牛+海鮮併盤，食材新鮮。Openrice訂位仲一人送一隻蟶子會再幫襯，老闆娘服務態度好好！

#佛系打邊爐 九龍城 瀛鍋 唔駛諗食咩-因為有哂餐俾人 唔駛怕人嘈-因爲人均$400就可以有間房 唔怕B.B. 坐得唔舒服-high chair最貼心 唔怕無人理-貼心到擘大口有得食 緣份到了自然有得食!環境寬敞，有自己一間房有電視一齊睇電視吹口一流 值得一讚就係張HIGH Chair一坐低就知, 好舒服心心無叫落地同周圍走 必食推介1. 花膠窩2. 椰子雞窩： 加入椰皇椰青水，加埋雞件，先飲湯再打邊爐，鮮味清甜！3. 鬼馬墨魚滑（即食或放湯都好味！） 抵食套餐$1488/4位有齊刺身 泊車：有代客$50/部 地址: 九龍城福佬村道82至84號福成閣地下A至B舖 好食指數: 5粒星

夜媽媽肚仔餓，於是揸車去九龍城食消夜，見到門大大隻字話抵喎！由於已經1點，餐廳選擇唔多，所以就膽粗粗去試下啦！入到餐廳，阿姐推介消夜餐$368話好抵食，就係咁，乖乖聽話試下啦！落完單，揀埋湯底，阿姐就set好枱，拎埋配料俾你落！湯底揀左一半沙嗲一半清湯前菜係刺身拼盤，四款各四片，份量尚可，不過味道就普普通通。跟餐有本地手切牛，份量兩個人食，其實都唔算多☹️而且食落好多筯😭炸魚皮，超大盤！！味道口感都ok，勁脆卜卜👍🏻跟餐仲有蠔，蠔都算新鮮嘅👍🏻跟餐仲有一個好細嘅蔬菜盤.....真係份量少左d，不過蔬菜都叫新鮮！跟餐係得咁多...... 其實真係唔係好飽........（所以小妹出左去之後，再食左個糖水🙈)計埋加一，兩個人....每人2百幾....... 真係有d貴..........

天氣開始凍凍地， 又係時間打下邊爐， 一大班朋友出來聚聚另有一番滋味， 今次選擇了九龍城地區， 有朋友提議想食刺身又想打邊爐， 於是自己去尋找了一下， 搵到一間在福佬村道近九龍城廣場， 門面不算細， 大廳有數十張枱有卡位， 還有閣樓數間房 一大班朋友可以有個私人空間， 就算再嘈都唔會嘈到隔離， 當晚我們六點半鐘到， 同待應溝通後，先來個刺身大拼盤。一出場大家大哇一聲， 好震撼， 之後細細品嚐， 刺身各樣非常新鮮有海膽 有龍蝦仔， 三文魚象拔蚌， 全部都非常新鮮之後再嚟一條大章紅魚吃完呢幾樣嘢 已經半飽了， 之後抖抖再正式邊爐， 全部材料都非常新鮮。這晚個個朋友都讚不絕口， 一大班朋友開心到不得了。 雖然九龍城係一個小小嘅地方，但係食店林立， 各式各樣， 下次值得再去。

昨天和老公去灜鍋食$200任食放題，点完第一round後諗住再點三份牛^o^點知只黎得一份⋯⋯（嚟一份牛的時候穿黑衫肥大的向我們説如果食牛就不用落單，口頭order就得）咁食到差不多我們便口頭order 2份牛，點知今次比上次等的時間更長（今次真係要等埋發叔)催咗三次，心情180度轉⋯⋯最後只嚟得一份牛，這一刻的感覺好似乞牛吃咁!再沒有心情食了！原先諗住推薦俾朋友但現在係朋友都叫他吾好嚟！如果吾吃瀛鍋推薦的食物就換得如此服務態度，我估有不少比贏鍋更好選擇！

上星期好友生日，一行八人有人想食日本嘢，有人想打邊爐坐耐啲，有朋友介紹去瀛鍋。當日是周末，但人唔多，店員帶了我們上二樓坐房，房間一般大小，樓底都算矮，但勝在夠乾淨。店員見我們未來過，於是問我們大約想吃多少錢，可由佢發板。由於朋友生日，想食好啲，所以話五佰蚊咗右。個經理話包喺佢身上。首先上場的是多款小食，最好的是椒鹽三文魚同芥辣八爪魚，麻辣鴨舌一般般，炸魚角都唔錯。然後是每人半隻奄仔蟹，好多羔呀！然後再上咗一大盤剌身併盤，有勁厚三文魚，象拔蚌，帶子，鮑魚，海膽。好新鮮！仲有一款龍蝦仔，好特別未見過，味道新鮮但唔係個個鐘意。跟著來了兩個鍋底，一個豆腐魚湯，一個胡椒豬肚。經理叫我們先飲碗魚湯，真係勁好味，飲咗兩碗，真係未打邊爐已經飽咗。打邊爐食咗兩款牛肉，水蛟，海蝦同蟶子都唔錯。啲菜出奇地新鮮。食埋水果同甜品，真係大滿足埋單每人六佰，因飲咗的啤酒汽水。服務員很欣勤人，友人都説會再來！

只會推銷佢想你食套餐，如果食168元任食火煱，只會上D平價料先，肥牛，羊肉，豚肉等好耐都冇，催左好多次都係一樣，再催就黎小小，仲要態度好差，總括來說如果唔食佢地推銷既套餐，食168任食火鍋，就有排你受。

九龍城多食肆，而且火鍋店也不少。今日星期六晚竟然不用等位，可以walk-in，仲有卡位坐，夠空間擺到一枱都係。雖然只是任食，飲品要另叫，啤酒幾貴，$2X一枝，於是叫左一樽自家竹庶蔗矛根($30幾蚊可以倒到4杯)，唔太甜，涼涼地，幾配合打邊爐。湯底都係一般的選擇，不過來打邊爐不是飲湯，來個最傳統的鴛鴦(紹菜上湯+沙嗲)底。食品選擇都OK，海鮮類要加錢(九肚魚、魚片個D除外)。肥牛新鮮，好薄，有牛味，而且不是冰到硬硬的。其他食材都新鮮，也有坊間少見的冰豆腐。份量都好足，每款食物每人有2件，有空間試到其他。而且這間聲稱是中日式火鍋，日式方面竟然是任食三文魚、希靈魚、八爪魚刺身，一送來就是一大碟。還有其他活魚刺身，人多吃時可以考慮，$1XX一條。最值得寫的其實是服務員的水平︰主動加湯、不時協助調較電爐火力、推介招牌食材之後還會說明如何烹調、主動換骨碟.....幾位姐姐及經理都能維持到如此水平，實在食得舒服。熄爐後，經理每人送一粒雪米糍(唔係維記個D)。埋單每人$200鬆D(如果唔加飲品，人頭費都只係$200多DD)，應該在九龍城區是合理數字吧。

公司飯局，廿多人，一早訂了枱，每位$168放題，加醬油加一約二百元。佢地要我們六人枱坐八人，但爐得三個，我們極力爭取後才轉一些人坐卡位，可正常咁坐。但有店員已黑面。食物質素一般，較好的是手打牛肉丸，豆腐，最差是魚片魚骨腩，碎濕濕，似頭頭尾尾。最大問題是服務差極，食物寫了多次也不來，尤其是手打牛肉丸，第一次來了4粒，之後寫了2次也不來，口頭追了三四次，最後一名看似經理的承諾給我們要求的6粒。再等了20分鐘也沒有，親身走出去再追，一名沒著制服的男子説已親自拿了給我們一枱（看似是老闆），我堅持沒有，之後他又說是親自叫人拿了給我們，又爭辯了一輪，他仍説是「你再要6粒係唔係？」終於他送來牛丸，但態度惡劣，後來那名看似經理的也承認他沒有跟到牛丸。另有經理一直眼超超，我們叫食物時黑臉，仲話「又叫呀」！這是我第一篇食評，實在太嬲，最憎被人屈，永冇下次

去九龍城吃火鍋好像是冬天的指定動作。每次想試其他餐廳，但考慮到有小朋友想坐得舒服一點，又方便買蛋糕，自不然會來到這裡，地方舒服，服務殷勤。今晚又點了象拔蚌刺身套餐$998，再加了元貝$68@買3送一。元貝很大隻，像手掌一様，吃完已飽了一半。牛肉新鮮。響鈴是鮮炸的，店員説不要放入鍋內，用湯淋上面即食最美味。

真係陰陰寒寒呀！全日都係濛濛細雨咁......令人更寒收工後約左一班BEAUTIES打邊邊我地去九龍城間叉瀛鍋呀！叫左個蕃茄海鮮湯底~~~個湯好甜美，湯入面有好多海鮮架，有大大隻的蝦、蜆、蟹......我地5個人叫左個套餐，個餐都幾抵架！冇記錯好似係$988手切和牛~~~牛味好夠，脂肪分佈都好平均，好味象拔蚌刺身~~~套餐包埋架！係咪好抵先，如果散叫要7佰幾架！蠔~~~鮮味到不得了，SIZE都唔細的，真係好好好味手打丸~~~好彈牙水餃~~~皮夠薄GOOD其實仲叫左其他野的，但掛住食冇影喎！整體火鍋料都好新鮮而且服務都好好

較早前天氣凍, 朋友相約食反, 我二話不說就揀了食火鍋, 朋友隨即介紹任食火鍋2個人打邊爐, 是很難叫食物, 任食就最好不過了, 每款食少少, 可以食到多一些呢間火鍋, 朋友已食過的, 不太貴, 百多元任食, 飲品另計, 埋單都是2百多元, 值得一試坐下來就叫了啤酒, 不知原因, 總是覺得呷啖啤酒配火鍋是一樂也.我們點了沙爹湯底, 沙爹味很濃郁, 還有花生碎, 不是一般火鍋店的很浠很淡打邊爐, 雪花肥牛當然不少得, 很新鮮即刻機切出來, 一卷一卷的, 雖然不是油花分佈平均, 但都很有牛味, 我們2人都叫了3轉切得一磚磚的蘿蔔, 放在鍋裡滾, 吸收了湯底及牛肉的精華, 淋淋的, 很美味猪紅, 已經很少會食到, 看見隔離枱點了, 很新鮮, 不會有黑黑的外觀, 我們也叫了一客另外還點了龍蝦丸, 芝士丸, 油麥菜, 丸類不是廉價貨, 咬下很有質感, 菜也很新鮮綠綠的調味料也不吝惜, 有齊蒜, 蔥, 辣椒, 芫茜等.... 在九龍城火鍋林立的地方食到這樣的平靚正的任食火鍋, 真的不錯

見到D相都幾靚, 咪入去試下囉, 但總結來講都唔係好得, 俾咗咁多錢, 食唔到要俾的一半, 唔抵呀叫咗個龍蝦蕃茄湯底, $368, 有湯底加牛加菜籃, 先講龍蝦, 龍蝦SIZE大過隻虎蝦少少, 個頭就勁大, 不過個頭都冇野食架, 個龍蝦鋏同佢個身的肉質唔一样, 好梅, 好明顯係係合成龍蝦, 個龍蝦鋏唔知係邊道黎架, 湯底好甜, 重好杰, 自己睇圖啦, 都未加野食已經咁既样, 只得好少蕃茄係入面, 又係茄膏加糖啦, 話就話推介茄味魚皮, 但我真係唔知D蕃味去咗邊, 同一搬魚皮冇分別, 重要好碎, 好似食淨咁, 其他任食打邊爐都好過哩道跟住到牛, 睇相啦, 同任食一样, 好多肥糕, 鞋鞋地, 冇牛味, 散叫的分量都係咁少, 咁樓上食評食任食重好啦, 洗乜散叫呀個菜籃冇心機影啦, 少到不值一提, D菜重要洗唔乾淨, 有D黑色野癡住係條菜道, 另外重叫咗其他野, 豬肝, 雞塊等等大路野, 都食得下提議大家可以試下叫勝瓜, 包你有驚喜, 收40蚊, 得6片, 毎片長2寸, 厚3亳米, 刀功一流, 全晚都係叫咗支啤酒姐, 埋單咁就毎人$350, 都冇叫到其他海鮮貴野, 真係唔抵又唔好食!!!