影片
港鐵銅鑼灣站 C 出口
繼續閱讀
電話號碼
28916928
96901733 (WhatsApp)
開飯介紹
以放題形式供應多款日、泰料理，而主打的日本菜餐單分為冬、夏兩季，並以時令食材入饌；裝修則糅合西日元素，簡約時尚。
繼續閱讀
營業時間
今日營業
12:00 - 15:00
16:00 - 00:00
星期一至日
12:00 - 15:00
16:00 - 00:00
以上資料只供參考, 請與餐廳確認詳情
有關獎賞計劃
相關文章
數得出名嘅日式放題基本都食過曬，今次又試下新野，位於銅鑼灣京都廣場嘅「瀛豐放題料理專門店」，係銅鑼灣站C出口斜對面，位置非常就腳。閒日晚市正價時段$259，今次仲加左$148升級放題，除左可任飲生啤及任食海膽帶子，最重要係升級海鮮拼盤仲有魚子醬，今次真係學劉德華話齋，一人一罐啊!自取嘅前菜有十多款，麻辣魚皮爽脆香辣，海蜇爽口彈牙，等緊刺身嘅同時食少少都唔錯。基本嘅刺身都有十餘款，每款嗌左四件試下，普遍都幾新鮮：厚切三文魚腩魚油豐富，非常香滑；油甘魚同樣厚切，油花甘香，魚肉爽滑；珍寶赤蝦勁大隻，肉質爽彈，味道鮮甜；其他刺身仲有馬刀貝、赤貝、北寄貝、八爪魚等等。再黎一個升級刺身海鮮拼盤，除左高貴嘅魚子醬外，仲有磯煮鮑魚、松葉蟹腳、象拔蚌及翡翠螺等等。魚子醬帶咸香，口感香滑，除左鮮味外，仲有種Creamy嘅奶油味道，非常獨特，好食！磯煮鮑魚爽口彈牙之餘，其實都夠軟腍入味；松葉蟹腳鮮甜多汁，肉質夠結實，足夠新鮮。松葉蟹肉、蟹味噌及蟹子壽司飯，味道鮮甜，有啲甲羅燒嘅感覺。升級Menu仲有海膽帶子，原粒帶子夾住鮮甜海膽，大滿足!其他料理仲有泰式串燒、燒蠔、一品料理、辣酒花螺等等，淨係食刺身我都食到半飽，其他野我都只係食左少少。
繼續閱讀
🥢刺身拼盤，嚟到嘅時候仲有乾冰嘅效果！非常適合打卡！我哋叫咗幾種唔同嘅魚類，再加埋赤蝦！三文魚腩非常好食，而且食得出非常新鮮，亦都冇腥味！希靈魚亦都唔錯！我同朋友都非常鍾意食佢嘅赤蝦，好新鮮大大隻. 食落去嘅時候覺得非常鮮味，淨係食呢一樣都回本！真係好！🥢我哋仲加咗升級刺身！有另一個海鮮嘅拼盤！有譏笑鮑魚長腳蟹馬刀貝仲有魚子醬.！魚子醬都非常好食，鹹鹹地我幾鍾意呢一個口感！馬刀貝亦都非常爽脆加埋少少芥辣嘅效果，令到佢嘅味道更加突出！鮑魚就非常大隻，而且厚身非常有口感！鍾意食鮑魚嘅朋友不能夠錯過！長腳蟹亦都非常好食，肉身非常好！唔會話好腥！整體刺身嘅質素非常好，淨係食頭盤都好飽！正！🍺加咗呢一個升級之後仲可以任飲出邊嘅啤酒！有兩款唔同嘅生啤酒我就選擇咗1664！充滿果香甜甜地非常好飲！🥘熟食方面餐廳係屬於偏向泰式嘅方向！鍾意食佢嘅燒羊腩！第一次係識到呢一個方法烹調嘅羊腩！外身脆脆地幾好食！忍唔住叫多咗幾次！🥘另外都有叫佢嘅串燒，燒帶子亦都非常好食，由於係即刻叫即刻做嘅關係，所以都係熱辣辣！再加埋少少蒜蓉同埋香蔥，令到成個口感更加好食！我都叫咗炒大硯，非常有鑊氣同埋有風味，大大隻硯，非常好味！🥤除咗啤酒之外，亦都有好多種唔同款式嘅飲品，我就應該飲咗韓國嘅芒果汁！都覺得唔錯！🍦雪糕就主打香港品牌有好多種唔同嘅味道，亦都有韓國榴槤雪條
繼續閱讀
銅鑼灣站C出口斜對面呢間瀛豐放題料理專門店！食到lamlam脷仲要狂cap圖放IG——本身$259晚市任食勁多選擇刺身壽司燒物料理，加$148升級後超誇張，有任飲生啤、任食海膽帶子、原罐魚子醬、松葉蟹腳、磯煮鮑魚、象拔蚌及翡翠螺，仲撞正新推出嘅爆膏奄仔蟹，抵食！一坐低店員就捧嚟升級版海鮮拼盤，成罐俄羅斯魚子醬就咁放喺冰粒上，成匙羹𢳂落口度，鹹香中帶creamy奶味。松葉蟹腳啖啖鮮甜海膽帶子刺身，仲有原粒帶子夾住馬糞海膽，鮮甜到似直接喺北海道碼頭開餐～撞正新推出嘅季節限定奄仔蟹，升級可以任點！用牛油爆到連殼都脆卜卜。認真，乜都唔食，淨係食兩隻就已經回本！食完刺身同蟹已經飽，佢地仲有超多款料理，泰式串燒、燒蠔、一品料理、辣酒花螺等等，可惜個胃得一個，試唔晒咁多款熱食⋯⋯ 大家可以睇吓Menu！💡魔鬼細節：1️⃣ 魚子醬每日限量，建議一入座即點2️⃣ 奄仔蟹可要求師傅開邊，拆膏更方便3️⃣ 建議著鬆身褲4️⃣ 預早book位下次慶祝生日諗住再戰，目標係挑戰食勻全menu 180款菜式！
繼續閱讀
升級放題勁食靚海鮮、魚子醬最近更有當造嘅🦀奄仔蟹壽司刺身🍣🍱長期都係香港人至愛💜無限量任食嘅放題簡直係超值！🤤銅鑼灣站C出口斜對面嘅京都廣場，就有一間好多人推介嘅「瀛豐放題」高質海鮮拼盤，有鮑魚 海螺🐚象拔蚌、長腳蟹等等…仲有海膽帶子，甜美嘅帶子，配搭清新海膽！魚子醬，更係一口咬落充滿油脂甘甜特別推介✨當造嘅奄仔蟹🦀🦀🦀有三種食法，牛油🧈鹽焗、清蒸記得至少早一日前預訂啊！另外，餐廳更有唔少泰式菜，新鮮出爐🔥蒜蓉焗生蠔🦪扇貝香濃醬汁燒鰻魚、牛柳粒、胡椒九肚魚各類冷盤前菜🥗酒精汽水飲品🥤甜品🍮雪糕🍧盡情滿足你嘅需要！
繼續閱讀
我用左$148升級左個放題，升級咗之後會有魚子醬一罐同埋任食海鮮，海鮮好新鮮，魚子醬鹹鹹香香食一罐唔係好夠食，如果可以無限食就好路，三文魚腩油花靚到發光，仲有少見嘅赤貝同北寄貝，師傅即切即上枱，甜蝦仲黐住蝦籽㗎！仲有麻辣小龍蝦，辣辣哋好開胃。燒蠔串燒菠蘿一定要試，甜品雪糕都好多，樣樣都啱我口味，今次真係有驚喜，泰菜嘅生菜包，蝦餅，魚餅都好好味，比起以前真係多咗好多嘢食，不論熟食魚生刺身都多咗好多款式，以2百幾蚊食個放題就真係好低食
繼續閱讀