影片
港鐵銅鑼灣站 C 出口
繼續閱讀
電話號碼
28916928
62099831 (WhatsApp)
96901733 (WhatsApp)
開飯介紹
以放題形式供應多款日、泰料理，而主打的日本菜餐單分為冬、夏兩季，並以時令食材入饌；裝修則糅合西日元素，簡約時尚。
繼續閱讀
營業時間
今日營業
12:00 - 15:00
16:00 - 00:00
星期一至日
12:00 - 15:00
16:00 - 00:00
以上資料只供參考, 請與餐廳確認詳情
有關獎賞計劃
相關文章
數得出名嘅日式放題基本都食過曬，今次又試下新野，位於銅鑼灣京都廣場嘅「瀛豐放題料理專門店」，係銅鑼灣站C出口斜對面，位置非常就腳。閒日晚市正價時段$259，今次仲加左$148升級放題，除左可任飲生啤及任食海膽帶子，最重要係升級海鮮拼盤仲有魚子醬，今次真係學劉德華話齋，一人一罐啊!自取嘅前菜有十多款，麻辣魚皮爽脆香辣，海蜇爽口彈牙，等緊刺身嘅同時食少少都唔錯。基本嘅刺身都有十餘款，每款嗌左四件試下，普遍都幾新鮮：厚切三文魚腩魚油豐富，非常香滑；油甘魚同樣厚切，油花甘香，魚肉爽滑；珍寶赤蝦勁大隻，肉質爽彈，味道鮮甜；其他刺身仲有馬刀貝、赤貝、北寄貝、八爪魚等等。再黎一個升級刺身海鮮拼盤，除左高貴嘅魚子醬外，仲有磯煮鮑魚、松葉蟹腳、象拔蚌及翡翠螺等等。魚子醬帶咸香，口感香滑，除左鮮味外，仲有種Creamy嘅奶油味道，非常獨特，好食！磯煮鮑魚爽口彈牙之餘，其實都夠軟腍入味；松葉蟹腳鮮甜多汁，肉質夠結實，足夠新鮮。松葉蟹肉、蟹味噌及蟹子壽司飯，味道鮮甜，有啲甲羅燒嘅感覺。升級Menu仲有海膽帶子，原粒帶子夾住鮮甜海膽，大滿足!其他料理仲有泰式串燒、燒蠔、一品料理、辣酒花螺等等，淨係食刺身我都食到半飽，其他野我都只係食左少少。
繼續閱讀
🥢刺身拼盤，嚟到嘅時候仲有乾冰嘅效果！非常適合打卡！我哋叫咗幾種唔同嘅魚類，再加埋赤蝦！三文魚腩非常好食，而且食得出非常新鮮，亦都冇腥味！希靈魚亦都唔錯！我同朋友都非常鍾意食佢嘅赤蝦，好新鮮大大隻. 食落去嘅時候覺得非常鮮味，淨係食呢一樣都回本！真係好！🥢我哋仲加咗升級刺身！有另一個海鮮嘅拼盤！有譏笑鮑魚長腳蟹馬刀貝仲有魚子醬.！魚子醬都非常好食，鹹鹹地我幾鍾意呢一個口感！馬刀貝亦都非常爽脆加埋少少芥辣嘅效果，令到佢嘅味道更加突出！鮑魚就非常大隻，而且厚身非常有口感！鍾意食鮑魚嘅朋友不能夠錯過！長腳蟹亦都非常好食，肉身非常好！唔會話好腥！整體刺身嘅質素非常好，淨係食頭盤都好飽！正！🍺加咗呢一個升級之後仲可以任飲出邊嘅啤酒！有兩款唔同嘅生啤酒我就選擇咗1664！充滿果香甜甜地非常好飲！🥘熟食方面餐廳係屬於偏向泰式嘅方向！鍾意食佢嘅燒羊腩！第一次係識到呢一個方法烹調嘅羊腩！外身脆脆地幾好食！忍唔住叫多咗幾次！🥘另外都有叫佢嘅串燒，燒帶子亦都非常好食，由於係即刻叫即刻做嘅關係，所以都係熱辣辣！再加埋少少蒜蓉同埋香蔥，令到成個口感更加好食！我都叫咗炒大硯，非常有鑊氣同埋有風味，大大隻硯，非常好味！🥤除咗啤酒之外，亦都有好多種唔同款式嘅飲品，我就應該飲咗韓國嘅芒果汁！都覺得唔錯！🍦雪糕就主打香港品牌有好多種唔同嘅味道，亦都有韓國榴槤雪條
繼續閱讀
作為一個放題控，特別鍾意港式、日式同泰式既美食！每次想一次過食晒三款風味，「瀛豐料理專門店」就係我既不二之選！😍 果晚同朋友想搵個地方大滿足，於是直衝瀛豐，準備大吃一餐，試下佢地點樣將三國料理玩得出神入化！.刺身拼盤，鮮味爆棚一坐低，店員即刻端上刺身拼盤，簡直係視覺同味覺既雙重享受！😍 拼盤有十幾款刺身，三文魚腩入口即化，油脂香濃；油甘魚爽滑鮮甜；珍寶赤蝦彈牙多汁；馬刀貝同赤貝爽脆，帶點海水鹹香；八爪魚咬落煙韌有嚼勁；希靈魚則清新細膩，每款都新鮮到不得了，食落真係好似置身海邊！🐟.極品海鮮拼盤，豪華到飛起想再豪華D? 升級極品海鮮拼盤絕對岩你！🦪 磯煮鮑魚軟嫩彈牙，濃郁海味直衝腦門；松露蟹腳帶淡淡松露香，蟹肉鮮甜；象拔蚌爽脆無比，咬落滿口海洋氣息；翡翠螺肉質細嫩，鮮到想尖叫；凍大蝦爽口彈牙，肉質緊實；最正係魚子醬，粒粒晶瑩剔透，入口爆開，鹹香中帶點奶油感，簡直係舌尖上既奢華享受！😍.$148任食奄仔蟹，爆膏到誇張加$148仲可以任食奄仔蟹，真係抵到爆！🦀 每隻奄仔蟹都好大隻，蟹膏滿到溢出黎，入口濃香四溢，蟹肉鮮甜結實，食落每一啖都好似係挑戰你既幸福指數！一連食左幾隻都吾夠喉，呢個價錢真係超值，蟹迷必試！😋.海膽帶子，極致享受升級放題仲有海膽帶子同任飲生啤，簡直係天堂！🍻 新鮮帶子肥美多汁，中間夾住滿滿既海膽，入口係海膽既濃郁奶香同帶子既鮮甜交織，口感軟滑又豐富，每一啖都好似你同你講：「人生值得！」😍 配上一杯冰凍生啤，完美！.壽司卷物，選擇多到眼花講到壽司同卷物，瀛豐真係多到你揀到亂！🍣 超過40款選擇，三文魚壽司簡單鮮美，黑松露三文魚壽司香氣撲鼻；芝士蝦卷外脆內嫩，軟殼蟹卷滿滿蟹香；火炙三文魚壽司入口微焦香，七味醬油三文魚壽司帶點微辣刺激；海膽醬火炙蟹棒壽司同和牛火炙壽司，濃郁得令人陶醉；仲有蟹籽手卷同XO醬拖羅蓉手卷，每款都係精心製作，食到停吾落黎！😋.燒物同泰式料理，驚喜滿滿燒物同泰式菜同樣出色！🔥 燒元貝香滑多汁，串燒沙嗲串香辣惹味，燒菠蘿酸甜開胃，和味一口牛入口即化，飛天通菜清爽脆口。泰式菜方面，泰式炒椰菜苗清甜爽脆，超開胃；辣椒炒蜆辣得黎鮮味十足，蜆肉肥美，每粒都吸滿辣汁，食到停吾落！仲有20多款未能盡錄😍
繼續閱讀
午餐嘅放題真係好抵食🥰▶️▶️港x 日x 泰式美食放題◀️◀️💰209 可以食足3個鐘☺️ 可以慢慢嘆 唔需要同時間競賽💗想食好啲 加左💰148 升級🆙有海膽帶子任食😍😍呢$148絕對係輕鬆回本😋 因為一人有一罐魚子醬😍仲要加送奄仔蟹任食😉放低個袋 當然第一時間去揀🧃🥤🧋🍺選擇超多 仲有好多平時少見嘅飲品👍🏻飲品櫃旁就係前菜前菜選擇都超級多😋 最愛嘅原隻八爪魚🐙 仲有海蜇絲全部都有蓋蓋好 衛生方面滿分😌好快手就有刺身上檯🥰咁靚嘅刺身拼盤 當然要相機食先📸📸每片刺身都超厚切😋 仲要勁鮮甜平時都比較偏愛三文魚 但呢到嘅劍魚腩好似特別甜😍😍仲有隻蝦真係正到無朋友😋😋升級加嘅海膽帶子 世界級嘅美食 鮮上加鮮 一口氣已經食左三件🤭極品海鮮拼第一次食放題見到有魚子醬😲😲 打卡呃like絕對滿分🤩🤩象拔蚌刺身又係超甜 超正😋😋兩隻蟹腳唔會太咸 淡淡嘅海水味😋😋仲有奄仔蟹任食估唔到係咁大隻 咁多膏🤤🤤🤤即叫即蒸 熱辣辣咁上檯😍😍啲膏正到無法形容呀😋係塞滿哂成隻蟹🥹連蟹腳都係啖啖肉 食完隻蟹係超滿足😌因為有3個鐘時間 真係可可慢慢嘆住隻蟹😊😊街市一隻蟹都分分鐘要$100+ 呢到仲要蒸埋比我 比埋工具🛠️下次想食蟹可以再戰🤗必食嘅種類太多 食完上面個堆都飽左大半😂掃qr code只係再點左啲小食燒菠蘿超甜超多汁😍絕對係輕鬆回本嘅放題💯隻蟹真為係好滿足☺️☺️lunch除左放題 都有幾多散客食set lunch 價錢都幾吸引🤩 附近返工嘅真係可以考慮下
繼續閱讀
位於銅鑼灣 選擇超多嘅日泰式放題介紹🥰平日晚市2小時放題 $259 記得要加$148升級勁抵😙$148會包任食爆膏奄仔蟹, 海膽帶子, 任飲1664同Sapporo🍺仲有座勁浮誇嘅極尚海鮮拼盤 上枱煙霧彌漫 非常吸睛😱有帶有酒香爽口鮑魚 鮮甜長腳蟹 仲有奢華嘅黑松露🥰齋食呢個升級都已經飽左一半 但真係好抵一定要加🤣另一座刺身盤一樣咁正 三文魚腩厚切又肥美 口感不得了😭蝦勁大隻 呑拿魚有煙燻過 刺身款式多 食落新鮮👍熟食方面一樣高質 有泰式魚餅 鹵水豬手 豬頸肉 串燒 冬蔭公…日式方面有天婦羅 燒鰻魚 松葉蟹杯個蟹膏正到要encore😭其實佢成個menu都好吸引 但食左升級堆野都已經飽左半🤣甜品方面係自己出去拎 意外地佢嘅tiramisu都有d酒味😙Overall我覺得呢個價錢超值 坐得舒服 食物款式多基本上嗌嘅野都無漏過單 staff收碟應都好efficient😬📍地址: 瀛豐放題料理專門店 銅鑼灣駱克道491-499號京都廣場3樓
繼續閱讀